|
تعبت مع اصلتي البورميه ابي حل؟؟؟؟
الأخوه الخبرا واهل النصيحه رجعت من جديد ومعاي صور لأصلتي البورميه في حوضها الجديد بس المشكله مو هنا المشكله انها ماتبي تاكل وعندها زكاااااااام وفقاقيع بالفم كل يوم اشيلها بعود الاذن بس ماخفت وش الحل فيه اسم دوا معين اوحل اخر مع العلم ان الحراره مناسبه جدا
جبتلها هامستر ماتبي جبتلها كتاكيت ماتبي وش اسوي ابي الحل اليقين كمان عينها اليمين عليها زي القشره بس بدت تخف ولله الحمد اخليكم مع الصور هذا كهفها http://www.2zoo.com/vb/picture.php?a...pictureid=9704 وهذا بيتها كاااااامل مقاساته متر ونص في 60 في 60 http://www.2zoo.com/vb/picture.php?a...pictureid=9705 وهذا المكان اللي تتسبح http://www.2zoo.com/vb/picture.php?a...pictureid=9706 ولكم الشكر |
رد: تعبت مع اصلتي البورميه ابي حل؟؟؟؟
عندها التهاب ،،
انا قلتلك أخذ هالطريقه علموني اياها و ضبطت الحمدلله اخذلك تترا سايكلين يكون بودر لونه أصفر تحط نص قفشة جاي صغيره حق بطل ماي بو 600 ملي و كل يوم تبدل الماي و تنظف الحوض و تنظف حلجها و عرضها للشمس بس ديربالك لا يحوشها هوا بارد و خل مكانها دوم داااافي و عيونها صارت زرقا صح ؟ هاذا تبديل الجلد عموماً ارفع نسبة الرطوبه و بعد ما تخلص التبديل خف الرطوبه و خلها عالحراره ^^ و ارفع الصور على موقع ثاني مو طالعين جرب هاذا www.Imageshack.us |
رد: تعبت مع اصلتي البورميه ابي حل؟؟؟؟
بايتون الصور موجودة واضحة سوي اعادة تشغيل لكمبيوترك افضل:)
|
رد: تعبت مع اصلتي البورميه ابي حل؟؟؟؟
^
مادري انا مو طالع عندي أي شي ولا صوره ×_×" |
رد: تعبت مع اصلتي البورميه ابي حل؟؟؟؟
اصلتك مصابة بالتهاب رئوي وتحتاج علاج باقصى سرعة لان المرض مميت في غالب الاحيان
|
رد: تعبت مع اصلتي البورميه ابي حل؟؟؟؟
يسلمووووووووووووووووووو || PyTHoN || حبيبي عالمرووووور واشوف وش يصير معاااااااي واخبرك
فديتك Octopus عمروووووورك العطر بس هي ما اشوفها تدخل الماي اغلب وقتها نايمه لكن باجرب والله يساعدني |
رد: تعبت مع اصلتي البورميه ابي حل؟؟؟؟
كفا و وفا بايثون بس بحررص على شغله
التهويه ثم التهويه ثم التهويه أنا أنصحك تحطها بقفص بعد ماتغير جلدها أنا ماتو عندي ٢ بورمية و وحده بورميه البينو بسبب هالمرض و وحده حاشها هالمرض و حطيتها بقفص و الحمدلله صارت زينه الحين استمر على تنضيف الفم و النصايح الي قالهم بايثون و تفائل بالخير |
رد: تعبت مع اصلتي البورميه ابي حل؟؟؟؟
jassim99 ياغالي التهويه قصدك متى
انا باحاااااول اصور عيونها للتاكيد دقايق بس ويسلموووو عالمرووووووور السكر |
رد: تعبت مع اصلتي البورميه ابي حل؟؟؟؟
اخوي البايثون رحت حق البيطري وقالي انتترا سايكلين ماينفع تعطيهاااااا الابعد اختبار الحساسيه لان لو عندها حساسيه واخذت تترا سايكلين ممكن تموت -
لكن اعطاني دوا اسمه اموكسل سايكلين 2س بالفم لمدةخمس ايام وش رايك بها الكلام واللي عنده معلومة بهالشأن يتكرم علي بها ولكم التحياااااتي |
رد: تعبت مع اصلتي البورميه ابي حل؟؟؟؟
^
ولله هالدوا ما اعرفه بس شوف التترا سايكلين استخدمته مع 3 حيايه و ضبط معاي ، و الحالات نفسها ، فالحساسيه من وين مثلاً &&" |
رد: تعبت مع اصلتي البورميه ابي حل؟؟؟؟
شوف اخوي الاصله عيونها مو شرط تكون زرقه الحين عادي تصير زرقه يومين وترجع طبيعيه نفس ماكانت لكن بهالفتره راح تغير جلدها
خلها بالحوض و لاتلمسها و ارفع درجه الرطوبه اما عن طريق الرش بالبخاخ او انك تحط ليت قريب من ماعون الماء عشان يتبخر الماء وبالتالي تحصل الرطوبه اللازمه لتبديل الجلد واذا مارفعت درجه الرطوبه راح يتقشر جلدها و ماراح يطلع قطعه وحده المهم بعد ماتبدل جلدها طلعها من الحوض و حطها بقفص عادي ( قفص طيور ) عشان تظمن ان التهويه ١٠٠٪ و ارفع درجه الحراره و قلل الرطوبه لانها عشان تتشافى تحتاج تكون بمكان ناشف و درجه حراره عاليه ٣٠ تقريبا و مثل ماقالك بايثون عرضها للشمس لكن لاتزيد عن ١٠ دقايق بالشمس و لاتنسى تنضف فمها من اللعاب و لاتعطيها اكل الا اذا تشافت ١٠٠٪ و وقف إفراز اللعاب |
رد: تعبت مع اصلتي البورميه ابي حل؟؟؟؟
والله يقول هذا كويس للحيايه والله يجيب اللي فيه الخير ويشفيهاااااا
من ناحية العيون صح زي ماقلت ويسلم ياذوووووووووووووووووق |
رد: تعبت مع اصلتي البورميه ابي حل؟؟؟؟
حبايبي ابشركم اصلتي البورميه بدت تدخل مراحل الشفاءباذن الله والله الف شكر للناس اللي ساعدوني ونوروني بنصايحهم وارشاداتهم هي الان في طور تبديل الجلد ولله الحمد.
بس انتو قلتو انه لازم رطوبه طيب اجهزه مختصه بالشي هذا ماااااافي لكن انا جبتلها جهاز البخاااار مال الحريم حق الوجه وبالنسبه لي اشوفه تمااااام .. السوال المهم قد ايش اخليه شغااااال في اليوم ولكم تحياااااتي |
رد: تعبت مع اصلتي البورميه ابي حل؟؟؟؟
الف الف مبرووووووك
اذا ماخاب ضني هالجهاز رطوبته زايده عن اللزوم انا افضل انك تحط لمبه فوق وعاء الماء و خله على طول لين تبدل جلدها الماء تلقائيا راح يتبخر و بعد ماتبدل مثل ماقتلك خلها بقفص او بمكان التهويه تكون في كويسه و بعد 3 ايام من تنظيف الفم اذا شفت ان الفقاقيع انتهت جرب تعطيها وجبه و ان شاءالله تاكل |
رد: تعبت مع اصلتي البورميه ابي حل؟؟؟؟
^
إي بس يقدر يتحكم فيه ؟ أعتقد الي شاريه في تحكم ، حطه أقل شي .. |
رد: تعبت مع اصلتي البورميه ابي حل؟؟؟؟
بايثون هذا الجهاز يطلع البخار بقوه... حتى تشوف البخار نفس الدخان
والشي الثاني انه حار وايد يعني اتوقع لو بيحطه لازم يشيل الدفايه.... و انت اخبر |
رد: تعبت مع اصلتي البورميه ابي حل؟؟؟؟
^
اي اعرفه بس ترى بعضهم لهم تحكم مو شرط تخليه قوي حيل في يكون خفيف و يكون بخار خفيف عادي ^^ |
رد: تعبت مع اصلتي البورميه ابي حل؟؟؟؟
الله يخليها لك والحمدلله على سلامتها طبعا شكلها بنوته<<<<<<خراشه بس متعصبه للاناث تتربا في عزك انا زيك سارت اصلتي تعبانه نفس هذا المرض لاني نومتها معايا في الغرفه وجها برد بس الحمدلله سارت تمام |
رد: تعبت مع اصلتي البورميه ابي حل؟؟؟؟
سلام حبايبي
رجعت من جديد وعندي سوال بسيط اصلتي ماتبي بيتها تبي حوض الماي اغلب وقتها تكون فيه مستغرب من هالحركه؟؟؟؟؟؟؟ ترو هي للحين ما اكلة شي تقريبا قربت شهر ولكم الشكر |
رد: تعبت مع اصلتي البورميه ابي حل؟؟؟؟
لا تحاتي الاكل و حركه حوض الماي هذي طبيعيه و عاديه و اذا كان عليها الحشرات الصغار الي يتغذون عالدم يموتون بالماي عادي خلها على راحتها ترطب جسمها
|
| جميع الأوقات بتوقيت GMT +3. الساعة الآن 04:33 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو