|
الأهل وببغاواتنا
السلام عليكم ورحمة الله وبركاته
حبيت الكل يشاركني بالموضوع ويستفيد الكل واولهم انا :D قرينا مواضيع عن الترويض وطرق كثيره عن اي شي ماشاء الله الكل مب مقصر والكل خبير بس في شي شاغل فكري طيري اليف معاي ويطير لي وطول الوقت على كتفي يآكل ويشرب ويلعب :p الحمدلله كل هذا في شهرين ونص انا سعيده جدا لكن مع الاهل لا مع انه اغلب الوقت بيننا خاصه بعد دخول الشتا انا ابيه يآكل منهم ويطلع على ايدهم خاصه انهم يحبوووونه وابيهم يستانسون فيه اللي ابيه انه يسوىي لهم مثل مايسوي معاي بس انا يكون يبيني غير فهمتو :shy: اقدر والا اذا تعود على الكل مايفرق بيننا :rolleyes: يالله الجميع يقول لي ويشارك كيف طيره مع الاهل ومعاه ؟ |
رد: الأهل وببغاواتنا
| أولـآ شكرنَ أختي أم مإجد عَ الموضوع :p الحمد لله كل طيوري متعودة عَ الـأهل أمآ انا يعتبروني البابا والصديق حقهم :D وبكذا لمن أغيب عنهم أكون متطمن أنه الـأهل بيهتمون فيها ^^ يعطيك العآفية :) عبود . |
رد: الأهل وببغاواتنا
اضن اذا ماخاب ضني ببغائك كاسكو افريقي
لان الافريقي يتميز ماشاء الله بذكاء خارق يقدر يميز صاحبه من كل الناس ولا يرضا بغير صاحبه وهو يتعرف على صاحبه من نبره صوته يعرفه بدون مايشوفه مجرد يسمع صوته ويقدر يميز شكله حتى لو تنكر او كان بالظلام اضن الله العالم عن طريق الرائحه وهو احيانا الافريقي اذا تعلق بصاحبه يصير عدواني او انطوائي مع الغير ولايتقبلهم وهذا المميز في الافريقي بحيث لاتوجد هذي الصفات في الببغاوات الاخرى اما بالنسبه لطيري هو افريقي عندي من 6 سنوات ولحد الآن لايتقبل الغير لكن معاي اليف مره زي الحمامه |
رد: الأهل وببغاواتنا
ما شالله بصراحه انجاز بشهرين بس كل هذا
عيني عليج بارده انا اقول انكي تخلي الاهل يعطونه الاكل بيدهم ويقعدون معاه وانكي تخليه بالصاله علي شان يتعرف علي اهل البيت |
رد: الأهل وببغاواتنا
انا طيري يوالف لاهلي لاكن ..اكثر شي لي لانة يلاحقني لما اطلع من البيت :D
|
رد: الأهل وببغاواتنا
أنا نفس الاخ كاسكو
عندي كاسكو من سنتين و نص و بس متعلق فيني مع العلم العيلة يحبووووه وايد بس متعلق فيني و اي واحد من العيلة يتقربلة. على طول ينقش ريشة. ههههههه |
رد: الأهل وببغاواتنا
شكرا ام ماجد فعلا هذي نقطه لازم ننتبهلها..انا طيري مستحيل يحب احد من الاهل لانو انا وزوجتي بس وانا اللي اهتم فيه بس ممكن طيرك يحب الاهل بطريقه انك تبعدين فتره بسيطه عن الطير يعني تطنشينه شوي كم يوم وتخلين اي احد من الاهل يهتم فيه لمدة اسبوع يعني يغير له الاكل ويلعب معاه ..وترجعين له ..بس مالي شغل اذا نساك الطير مع اني مااظن:D |
رد: الأهل وببغاواتنا
بسيطه مره
خليه يوم لك ويوم لأهلك يعني يوم انتي تهتمي فيه وبأكله ويوم الأهل بشرط يكون الطير امام الجميع خص باالأكل والشرب خلي الأهل يخدمونه مو بس انتي وراح يعدل بينكم |
رد: الأهل وببغاواتنا
انا من وجهة نظري المتواضعة ان للكاسكو ذكي جدا(ويعرف صاحبه
|
رد: الأهل وببغاواتنا
اقتباس:
الله يحفظهم لك يارب |
رد: الأهل وببغاواتنا
اقتباس:
ماخاب ظنك طيري كاسكو :rolleyes: اها يعني مافي امل يتعود :cool: الله يحفظ لك طيرك يارب |
رد: الأهل وببغاواتنا
اقتباس:
من بعد الشهر خليتهم يقربون منه ويعطونهمن ايدهم بس مايآخذ وينفش ريشه وانا احطه بيننا حتى بنفس المجلس دائما بس اشيله وقت معين تدريب تسلم اخوي يوفاوي |
رد: الأهل وببغاواتنا
اقتباس:
شنوعه ممكن :) شكرا على مرورك :) |
رد: الأهل وببغاواتنا
اقتباس:
ههههههههه نفس اللي عندي الله يحفظه لك |
رد: الأهل وببغاواتنا
اقتباس:
ينساني لا :wao: بحاول اعوده ان شاء الله الله يحفظ لك طيرك |
رد: الأهل وببغاواتنا
اقتباس:
شكر لمرورك اختي |
رد: الأهل وببغاواتنا
اقتباس:
يعني يتقبل وانا غير:88: شكرا لك على مرورك |
رد: الأهل وببغاواتنا
يعطيك العافية أم ماجد على طرح الموضوع
أولا يجب أن نفريق في الموضوع بين أليف ومتعلق لأنه قد يكون الطير أليف مع الكل ولكن متعلق بمربيه فقط . ونوع ثاني يكون أليف مع مربيه فقط أو مع مربيه والأطفال أو مع مربيه وأخرين دون أن يكون أليف مع الكل فالنوع الأول طبيعي بحكم الاهتمام والمحبة وما إلى ذلك أم النوع الثاني هو الذي يجب التطرق إلى الأسباب التي تجعله غير أليف مع الآخرين وأكيد أن هنالك عدة أسباب تجعله على هذا النحو نذكر بعض منها بحسب ما يحضرني الآن : 1-غير أليف مع الذي يقترب منه لأن من يقترب منه له ردات فعل سريعة وعدم خبرة تجعل الببغاء يخاف ويحذر منه . 2- الببغاء لم يتعود على وجود غير مربيه من حوله فهو يخشى الآخرين . 3- له خبرات سيئة سابقه مع البشر فهو من خلال هذه الخبرة تجده يصنف البشر فتجده مثلا أليف مع الأطفال والنساء وحذر وشرس مع الرجال . 4- الغيرة مِن مَن يقترب من مربيه فهو يتصرف بشكل عدواني معه . و أخيرا ممكن أن نحل هذه المشكلة أولا بتوجيه الآخرين لكيفية التعامل مع الببغاء بشكل أمثل وتعويد و تدريب الببغاء على الآخرين ويكون لنا دور في تصحيح ورفض السلوك الخاطئ من الآخرين و من الببغاء |
رد: الأهل وببغاواتنا
بالبداية طيري الأفريقي كوكو يوم كان فرخ ابو 4 شهور تقريبا كان مع الكل لاكن يوم كبر شوي صار مايبيني الا انا بس والوالده صارت توكله كل يوم من يدها وصار اذا طلعته من القفص مايقرب الا عندي والوالده ومايعضني انا والوالده أفضل طريقة خليهم يهتمون بالأكل شوي
|
رد: الأهل وببغاواتنا
مشكوره ام ماجد
مثل ماقالو الاخوان نفس درتي ابدا ماترتاح اذا ماتشوفني تقلب البيت فوق تحت اذا ماشافتني وخصوصا اذا قعدت العب مع الطيور الثانيه تغار وتكره الطيور الي العب معها لدرجة انها تروح تضربهم ضرب الحقد الله يخليها لي الي هي بالتوقيع الصراحه انا بعد تعلقت فيها ياحلوها |
رد: الأهل وببغاواتنا
اقتباس:
هو اليف ونص متعلق فيني بس مااظن انه من الاسباب هذي بس لانه توه ماكمل ثلاث شهور عندي واظن توه ماتعود عليهم شكرا لمرورك ونصائحك اخوي |
رد: الأهل وببغاواتنا
اقتباس:
شكرا لك اخوي |
رد: الأهل وببغاواتنا
اقتباس:
شكرا اخوي |
رد: الأهل وببغاواتنا
تقبلي مروري
|
رد: الأهل وببغاواتنا
آلســلام عليكم
يعطيك آلعآفيه .. على آلموضوع آلمميز فعـلآ طيري نفس آلمشكله ,آنآ آذآ شآفهم وآنآ بعيد عنه شووي يطلع من آلقفص ويجيني وفعــلا بعض آلردود حسيت آن فيهآ نتجيه لمآ يهتمون فيه يوم ويوم آنت ., ممكــن كذآ يحــبهم :) مشكوره مره ثآنيه على آلموضوع لا آله آلا آلله |
رد: الأهل وببغاواتنا
انا العكس اذا شاااااااااافني هج خخخخ
الله يصلحه بس >>ولا يقلدني بعد يسعدك ربي ام ماجد |
رد: الأهل وببغاواتنا
اقتباس:
لكن انت ضلمت الطيور كللها ومدحت في الكاسكووو يوجد لدي عدة طيور 1- كروان 2- زيبرا 3- دره هنديه او باكستانيه 4- كناري 5- روز هذي طال عمرك جميعها مربيها تربيه خاصه .. تميز صوتي لو من بعيد وتتفاعل معه واذا سمعت صوتي تطامر في اقفاصها تبيني اجي واوريها وجهي او تناديني حسب صوتها او ما علمتها . الكروان والزيبرا يميزوني بين كم شخص اجسامهم مثل جسمي ولابسين نفس لبسي الكروان والف مع الاهل وطول الوقت عندهم لكن حضوري يخليه يطير من كتوفهم ويوقع على كتفي على طول ويسحب عليهم مع انهم مايقصرون معه لعب ومكافأت . الدره لاتتقبل اي احد وتعابط وترافس اذا جاها احد غيري معي ولا كأنها ببغاء كنها قطوه دلوعه تحب تتلزق الكناري ماشي حاله مع الكل ولا يهمه اهم شي كتف ادمي يتكي فوقه الزيبرا يتفاعل مع الاوامر بشكل ملفت واحيانا يتميز عن الببغاوات في الاستجابه (جميعهم تربيه من الصفر تقريبا اكبرهم سحبته في عمر 12 يوم اللي هو الكناري ) واكبرهم سنه ونصف ماعدا الزيبرا 7 سنوات ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ بالنسبه للاخت الحل بسيط . خليه على يدك وخلي اي واحد من الاهل جمبك وقدمي الطير بنفسك الى يد الي تبينه يولف عليه خلي احد ثاني يقوم بإطعامه وتكليمه بوجودك خليه فترات مع الشخص اللي تبينه ياخذ عليه وانسحبي بهدوء لفترات . لكن اذا رجعتيله دايم خليكي مميزه بحضورك هديه صغيره (مكافأه) في كل حضور يخلي الطير يعتبرك في الدرجه الاولى والباقين في الدرجه الثانيه . هذا افضل حل انا اشوفه والله اعلم |
رد: الأهل وببغاواتنا
ماشاء الله الله يحفظ لكم طيوركم وتسلمون اخواني ماقصرتوا
|
رد: الأهل وببغاواتنا
اقتباس:
|
رد: الأهل وببغاواتنا
و الله يا أخت أم ماجد الكاسكو أكثر طائر يباع حيث ممكن يبدل صاحبة و يتعلق بأي شخص يتعامل معه بمحبة و لذلك يمكن أن يتآلف مع عدة أشخاص
دعي شخص آخر يهتم به و لكن لا تخبريه الأمور أو التصرفات أو الطعام المفضل لدى طائرك و احتفظي بهذه الأمر لنفسك حتى يتذكرك طائرك بسرعة عندما تسترجعينه من الأمور التي يمكن تجريبها وضع الطائر في محل تجاري بحيث يتآلف مع رؤية الكثير من البشر و ربي يسلملك ياه |
رد: الأهل وببغاواتنا
تسلمون اخواني
وبالنسبه لكلام اخوي اللي يقول اخلي احد يهتم فيه فمستحيييييييييييل اسوي هالشي انا مااقدر امنع نفسي دقيقه عنه ثانيا ابي اني انا الوحيده اللي افرق عن البقيه يعني ابيه اليف لكن متعلق فيني |
رد: الأهل وببغاواتنا
والله انا مشكلة مع الاهل و الطيور
لأنهم بشكل عام , يعانون من الحساسية , وخاصتاً الافريقي لأن القشره فيه بشكل كبير , والي كرهم اكثر واكثر , يوم مات الهولندي قالو ما يطب بالبيت ولا طير ,بس فيه المعاون الا وهو الوالد , يحب الكناريات وجبتلي كم حبة كناري وبعتهم وعما قريب بيجي ضيفي الجديد , ان شاء الله شكرا على الموضوع |
رد: الأهل وببغاواتنا
اعاني نفس المشكله مع طيري سلفر مايبي احد ابد ولا يطيق اي طير بس يبيني انا وطول وقته معي ولدرجه ينام معي والطير له معي سنين ولا تغير وجبت له اكثر من مره طير من نفس فصيلته ورفض يتألف معه والطير مثل الحمامه معي ويسوي اي شئي اقوله وحاولت اعوده على البيت بس رفض يتقبل.
تقبل تحياتي |
رد: الأهل وببغاواتنا
أنا عودت الأهل على جميع أنواع البباغوات بس باقي أجيب لهم اسد:p على قولت أمي ههههه الله يحفظها ( تعقدت من إزعاج الأمازون وتصفير الكاسكو <<<<<<<
يحبونهم لاصارو يتكلمون وبس يصوتون يروحو يغطوهم ببطانيات وأقمشة سوده هع هع :88:هههههههههههه عادي يأكلونهم ويلعبو معاهم;) |
رد: الأهل وببغاواتنا
اقتباس:
وبعد فترة تعود الطير على الجميع يعني لو عندك صديق يحب الطيور عطه طيرك فترة خله عنده وراح تشوفه يتجاوب مع الكل خصوصاً إذا كان أليف وحس بغيابك بس لازم تخليه يدلعه ويهتم فيه نفس ماكان معك لان الطير لو فقد راعيه ودلاله يمكن يودع نهائي :12: |
رد: الأهل وببغاواتنا
شكرا اخواني على المشاركه
انا احاول فيه بس يخاف مادري علشان هو جديد على البيت لانه له ثلاث شهور وانا بس تعود علي رغم اني احطه بيننا بس محد يقرب له غيري وهالفتره يحاولون الاهل يعطونه الاكل ويرفض بالنسبه لأخوي اللي يقول اعطيه احد يهتم فيه والا اوكل احد من العائله قلت قبل هالمره مستحييييييييل لو يتم مايبي احد طول عمره انا اعتبره ولدي وواجب علي مااغفل عنه ووماابي اهمله لو نص دقيقه اذا تآلف مع الاهل شي حلو ماتآلف براحته بس انا اهمله لايمكن ^^ |
رد: الأهل وببغاواتنا
الله يخليلك إياه بالنسبة لي أنا أهلي مكتفين بصوت الكاسكو ومتنازلين عن فكرة انه يألف عليهم ومبسوطين بهالشي
|
رد: الأهل وببغاواتنا
امين ويخلي لك طيرك ^^
وشكرا لمشاركتك |
رد: الأهل وببغاواتنا
موضوع مثير للاهتمام
وردود الاعضاء تدل على خبرة ودراية,, عندي اولاد أخوي 4 ما شاء الله وببغائي يكرههم كلهم ما عدا واحد فيهم يحبه حتى أكثر مني,,, وهذا دليل على ان الببغاء يميز الشخص بذاته ويلاحظ تفاصيل دقيقة احنا ما ننتبه لها,, مثل انه ما قد عض الولد اللي يحبه ابداً,, اما اخوه اللي اكبر منه يعضه,, ولاحظت انه فيه فرق في مدت اليد بين الولدين والببغاء يفهم رسائل مختلفة منهم ويتفاعل معاهم بناء على حركة يد كل واحد فيهم لما يجي يبغى يشيله. احيانا يكون الاختلاف في سرعة حركة اليد, وأحيانا في شكلها ووضعيتها,, وأحيانا في مستوى ارتفاعها,, مثل ما قال أخوي صاحب رأي ,, لازم نفهم الأسباب حتى نقدر نحل الموضوع,, وفهم الاسباب يبغاله تأمل,,, بالنسبة لحالتك مع ببغائك, ما يكفي الإطعام والإعتناء فقط,, زوجتي في البيت تهتم في ببغائي اكثر مني ومع ذلك يحبني اكثر منها,, والسبب لأني ألاعبه اكثر منها,, وأقربه مني دائماً,, وهذا هو السر في الموضوع, الناحية الاجتماعية, وعمق العلاقة. التلامس من أكثر الأمور المؤثرة في البشر ,, وحتى في الحيوانات,, كل ما زاد التلامس كل ما قويت العلاقة اكثر وأكثر. أنصحك تخلي أحد في أهلك خصوصاً من الصغار يحمل الببغاء دائماً ويتمشى فيه في البيت كل يوم مرة,, وراح تلاحظي انه تغير معاه بالذات.. تحياتي |
رد: الأهل وببغاواتنا
موضوع جميل ،،
انا بالنسبة لبغبغائي كنت الوحيد بس الي اليف معاي ،، وامسكه والعب فيه مثل الحمامة وما كان يخلي احد يقرّب جنبه كان يخاف منهم ،، بعد ما تعود على اهل البيت صار اليف معاهم كلهم الا من اثنين اذا شافهم يقعد يحوس حول القفص وينفخ ريشه وهم بنات خواتي مره صغار 3 سنوات ،، وحده منهم ضربته على رجله وهو متعلق بالقفص ومن يومها كل ما يشوفها يبي يعضها ،، واذا كان على الأستاند او يتمشى في البيت يركض لعندها ويتحرش فيها ،، شايل بقلبه ههههه ،، اما مع البيت كامل صار وضعه جداً ممتاز خصوصا ً مع الوالده ،، يحبها حب مو طبيعي ولما يتمشى في الغرفة او في المجلس واحنا جالسين يروح على طول عند امي ويجلس بحضنها وتحكله راسه ^_^ |
| جميع الأوقات بتوقيت GMT +3. الساعة الآن 11:35 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو