|
مساعده فالكاسكو
السلام عليكم ورحمة الله وبركاته
شباب عندي مشكله ويا الكاسكو لما اكون عنده بس يحب يلعب وياي وامسح على راسه ولا يقول كلمه بس لما اروح عنه يتكلم ويسولف ويصفر تقول طير ثاني هل في حل للمشكله؟ والسؤال الثاني صايرله كم يوم لما امسح على راسه والعب وياه ينفش ريشه وينزل جناحه ويطلع اصوات غريبه كأنه يدلع هههه شو موضوعه مب عارف هل هالشي طبيعي ام لا؟ اشكر القائمين عالمنتدى واشكر جميع الاعضاء والله يحفطكم. |
رد: مساعده فالكاسكو
اصوات كأنه زعلان يمكن
عادي لعبه وخلي بين الناس علشان يسولف ويطلع مهاراته يمكن انته معوده على قلة الصوت علشان كذا يسولف بروحه |
رد: مساعده فالكاسكو
شكرا عالرد ما ماجد
لا اصوات عاديه ويبين انه مستانس كأنه طفل بين ايدي. صحيح انا حاطه عندي فالغرفه بس الاطفال يجونه وما يحب احد غيري. |
رد: مساعده فالكاسكو
ههههههههههه الله يحفظه لك الصوت الي يصدره البغبغاء هو عباره عن التزاوج ههههههههه يخرج صوت وينزل كلا الجناحين الطير حار ياخوي اما بالنسبه للكلام بعض البغبغاوات تكون خجوله ولاتتكلم امام صاحبها وهذا شيء طبيعي الله يحفظه لك ان شاء الله ولاتحاتي الامور كلها طبيعيه
|
رد: مساعده فالكاسكو
يالهوي تزاوج هههههه انا ريال بشواربي يبا يتزوجني قليل الحيا ههههه شو الحل يا اخوي آخذ له انثى ولا اخليه مع ان عمره سنه و6 شهور تقريبن!
وعن الكلام ما في طريقه اخليه يتكلم وانا قدامه؟ مشكور اخوي فوزي الله يزيدك هدى وخبره في كل المجالات. |
رد: مساعده فالكاسكو
خخخخخخخخخ
اخوي اكيد مابي يتكلم وانت قاعد في وجه خخخخخخخخخخخخ ابغالو صبر اخوي واما عن نفش الريش امكن مايبي يلعب او خاف وحس انك بتأذي عشان كده اخوي الحل انك تصبر |
رد: مساعده فالكاسكو
هههه يا اخوي neemo لازم اخليه يمل من وجهي عشان يتعود علاي.
لا يا اخوي ما يخاف مني متعود علاي ومن يشوفني وده يطير من القفص ويجيني ويحب يلعب وياي ولله الحمد |
رد: مساعده فالكاسكو
هههه يا اخوي neemo لازم اخليه يمل من وجهي عشان يتعود علاي.
لا يا اخوي ما يخاف مني متعود علاي ومن يشوفني وده يطير من القفص ويجيني ويحب يلعب وياي ولله الحمد |
رد: مساعده فالكاسكو
اخوي انت اصبر عليه حاول انك تاكله من يدك وتكلمه صدقني راح يرد عليك بس الصبر اهم شيء انا تم عندي طير نفس طريقتك مايتكلم وخصوصا اذا شافني ومن اروح عنه ماشاء الله عنده كلام انا اسغربت منه وبعد عده محاولات الطير صار مايخجل ومايخاف مني الله يهنيك فيه ان شاء الله ويسعد قلبك معاه ويحفظه لك من كل شر
|
رد: مساعده فالكاسكو
تسلم يا اخوي فوزي ما قصرت بس حبيت اعرف شو اسوي في موضوع التزاوج؟ هل اجيبله انثى ولا اتركه على حالته؟
|
رد: مساعده فالكاسكو
صراحتا ما قريت ردود الاعضاء
ولاكن الكاسكو خجول وليس جريئ يعني نادر تحصل كاسكو يتكلم قدامك ولا وانت تلعبه وهو عكس الامزونيات بالنسبه انه ينفش ريشه هذا معناه انه يبيك تحكه |
رد: مساعده فالكاسكو
لا اخوي القصد انه الطير اذا احتر يعمل الحركه هذه والموضوع كله طبيعي لاتجيب نثى
|
رد: مساعده فالكاسكو
Salfr lover تسلم عالرد اخوي
انا اعرف انه خجول بس بغيت طريقة اشيل الخجل من الطائر. |
رد: مساعده فالكاسكو
تسلم اخوي فوزي وما قصرت عزيزي
|
رد: مساعده فالكاسكو
والله حتى الكاسكو اللي عندي خجول وبالأخص مني :shy: يعني أحيانًا يتكلم قدام أهلي بس أنا مستحيل :( والله يخلي لنا طيورنا :D |
رد: مساعده فالكاسكو
مرحبا امجاد وشكرا عالرد.
اعتقد كلام اخوي فوزي في محله ان لازم نقضي مع طيورنا وقت اكثر ونألكهم بيدنا ومع الوقت راح تتغير إن شاء الله. |
رد: مساعده فالكاسكو
السلام عليكم
اخوي لازم تقضي وقت اكثر مع الطير انا ولامره صار عندي طير يتكلم بس مع البيت دائما يتكلمون قدامي بس في بيت جدي عندهم طير من يشوفني يجي يتدلع مع العلم انه متكلم درجه اولى وروعه بس من يشوفني يجي بس على شان امسح عليه اما كلام في الحلم يتكلم قدامي لأنه مومتعود يشوفني كثير بس الي محببه فيني اني دائما من اشوفه امسح عليه من جذي يجيني للمصلحه بس اقعد مع طير فترات اطول شوي |
| جميع الأوقات بتوقيت GMT +3. الساعة الآن 03:25 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو