|
Dominic محتاج دعواتكم ..
ادعوله بعد عمري صارله يوم كامل مو قادر يتبول ولما وديته الدهماء اليوم الصبح قالي انه فيه التهاب حاد بالمثانة المثانة مليانة بس موقادر يتبول من شدة الألم.. وإذا ما تحسن ليبعد يومين راح تتحجر المثانة ويتحول لسرطان ويمكن يموت.. ادعوله تكفون طلبتكم.. عطاه الدكتور ابر علشان حرارته ارتفعت وعطاه جلوكوز وقالي أوقف الدراي فود وأعطيه معلب وسوائل ونص ملعقة جلوكوز ذائبة في الماي ولمدة 3 أيام راح ياخذ هاللأبرة.. حبيبي كاسر خاطري وقلبي متقطع عليه ادعوله وياللي نظلته الله لا يوفقك انشالله:eek: . . . |
رد: Dominic محتاج دعواتكم ..
:(
ما يشوف شر وان شاء الله يتعافى قريب والله يعاقب الي نظله طمنينا باخر المستجدات اختي |
رد: Dominic محتاج دعواتكم ..
يارب ينشفي آآآآمييييييييييين يارب العالمين.
مياو |
رد: Dominic محتاج دعواتكم ..
لا حول الله صج حرام واذا الانسان في التهاب وما يتحمل بعد قطوه؟
قللي من الاكل حتى المعلبان خليه قليل ودايما عطي ماااي وحليب ترى العلاج الوحيد للالتهاب اهو المااااااااااااااااااااااااااااااااااااااااااااااااااااااي عطيه حتى لو غصب المهم انشالله اقوم بالسلامه يارب والله على الحاسد |
رد: Dominic محتاج دعواتكم ..
لا لا تقولين .. :(
دومينيك كنت بنبه الأعضاء لا يعرضون صور قطاوتهم في بعض الناس ما يذكرون الله على الحيوان مع الأسف شي يضيق الخلق .. قبل شهر و نص قطاوتي انطقوا عين قويه مع انهم مو سلاله .. واحد ايده ورمت و انعضت و الثاني قرنيته انجرحت و الثالث ريله فيها رضه قويه ما خلته يمشى و كاسرين خاطري و نفسيتي تعبت و كل هذا بشهر و نص بس و انا اعابل بواحد ورا الثاني .. :( و بعد الدراي فود بعد ما يتشافى إن شاء الله لا تعطينه بروحه ترا ضار كذا موقع قريت منه مساوء أكثر من الايجابيات على الكلى و المثانه و التغذيه بشكل عام .. و أتوقع ان الدكتور اللي رحتيله نفس الدكتور اللي تعاملت معاه ما شاء الله قطاوتي عنده تشافوا و اكيد دمدم بيتشافى إنتي لا تحاتين .. الله يشافيه و يصير نفس أول و أحسن .. |
رد: Dominic محتاج دعواتكم ..
روحي ركضي فيه البيطري الالماني
الدكاتره الموجودين في الدهماء خرطي ما يعرفون شي وانا جربيهم مره ما يفهمون بالبيطره شي:eek: حرام وديه بسرعه قاعد يتعذب:eek: |
رد: Dominic محتاج دعواتكم ..
الي يبي قطوته لا يحط صورتها في اي منتدى اذا تبون الصراحه انا قطاوتي الي في توقيعي البيضه انعمت وماتت والثانيه ماتت بدون مقدمات لاحول ولا قوة الا بالله كله من العين في ناس يعطون القطاوه عين وبشكل مب مقصود
انا اطلب من المشرف ان اخليني اشارك بملكة جمال القطط بقطاوتي الي ماتوا لاني صج اعتبرهم مب ميتين لمن اتذكرهم قلبي يتقطع |
رد: Dominic محتاج دعواتكم ..
الله يشفيه أن شاااء الله
ويقووم لك بسلاااااااامه ياررررررررررررررررررررررررررررررررب بأذن الله بس أنت شيل فكرة أنهاااا عين ياأختى أبتعدي عن شك ......... هذا مقدر ومكتوووووب وأن شااااء اللع تعالى مايشوف شر ويرد لك مثل أول وأحسن قولي: أأأأأأأأأأأأأأأأأأأأمينـ |
الله يشفي
و إن شاء الله يتعافى
|
رد: Dominic محتاج دعواتكم ..
حرراام دومينيكـ مريََ الله يشفيــ كان حلو واميير
|
رد: Dominic محتاج دعواتكم ..
الله يشفيه و انشالله بيرجع احسن من أول
|
رد: Dominic محتاج دعواتكم ..
حبيبتي دومنيك وديه بسرعه مستشفى الوفره دام ان عزيز حيل عليج اليوم اليمعه فاتحين وديه
وآنا اكثر من مره حذرت اللي بحط صورة قطوته ترى العين حق:( شوفوا الاجانب مسوين سايت خاص يبيعون من قطاوتهم وحاطين صورهم عشان الكل يشوفهم ماعندهم حسد اعوذبالله واحنا هني عارفين ربهم ومسلمين بس الحسد قطيعه مالي قلوبهم:eek: |
رد: Dominic محتاج دعواتكم ..
ياقلبي ..ادعي له ادعي له بين الاذان والاقامه انا من جد مجربه الدعاء بين الاذان والاقامه الدعاء مستجاب..ويالله ياحي ياقيوم انك تشفيه ولاتجيب لقطاوتنا الامراض وقطوي الجديد
|
رد: Dominic محتاج دعواتكم ..
الله يشفيه أن شاااء الله
ويقووم لك بسلامه. . . . يعافية ربي |
رد: Dominic محتاج دعواتكم ..
مشكورين الله يكثر من أمثالكم ياللي قلبكم على حيوان ما له ذنب في شي.. ماقصرتوا بالدعاء الحمدلله ليلحين فيه ناس طيبة .. على فكرة أهو كان من الساعة 12 بالليل لغاية الساعة 6 الصبح قاعد مانام ولا آنا نمت معاه قاعدة وأبجي عليه.. تخيلوا كل 5 دقايق بالضبط يدخل حمامه ويتبول مقدار 1 سم ويرجع يقعد على بطانياتنا ويتبول.. لأن التراب يحرق فتحة البول لأنها مجروحة بشدة من شدة الالتهاب:( والمثانة مليانة.. تخيلوا الاحساس لبني آدم عارف شفيه :confused: فمابالكم بقطوة لا حول لها ولا قوة :( واعليا ولا حتى قال مياو.. ماسك نفسه ويحوس بهالغرفة لما الساعة 9 فتح الدهماء وطرنا أول ناس.. اخترع جوزيف لما قلتله انه تبول دم.. كان يتبول على بطانيتي وبطانية حتى خدامتنا :eek: كلنا استغربنا من هالوضع.. يعني أهو ليلحين يدل حمامه وكل شوي يدخل فيه.. بعدين تذكرت اني لما أنظف التراب أشم ريحة كيماوية يعني مثل سماد شلون.. وتحرق عيوني.. علشان جذيه مسكين موقادر يتبول بحمامه... توني راده من مركز سلطان وشريتله تراب بدون أي عطور.. Thomas .. الحمدلله من غيرته بطل إنه يتبول على بطانيتنا.. رعوود.. شر مايجيك آخر المستجدات إنه الحمدلله أول ما رجعنا من البيطري تبول بس بكمية قليلة أول مرة ثاني مرة تبول دم كان موجود بمثانته من الالتهاب بعدين عطيته جلوكوز مثل ماقالي الدكتور والحين الحمدلله نام مسكين من عقب التعب.. *************** قطة الأحلام آااامين يارب ************* ويست لايف شفت شلون ..! آنة من البارح الساعة 12 بالليل شايله الدراي فود عنه وحاطتله بس طاستين فيهم ماي.. مسكين مو قادر يشرب ماي زيادة لأن مثانته بتنفجر من كثر ماهو ماسك نفسه.. مو بيده مسكين من الالتهاب .. ما يقدر يتبول من الألم بس الحين وكلته شوية ذرة وحطيتلها كمون وشرب ماي وبعد عمري قط روحه ونام من التعب:( ************* ويذرد روز والله بموت من القهر قلبي متقطع وماني عرافة شنو أدعي وشنو أقول.. مابقى دعاء ما بقى نذر والله.. أول ما فتح الدهماء احنا عند الباب دخلناه وخلاص الدمعة على طريف وآنه أحاجي د.جوزيف اخترع من حالة دومينيك يوم قلتله عن اللي صايرله أول ما جس المثانة قال هذي متروسة بس التهاب حاد يمنعه من ادرار البول وإذا تم على هالحالة يومين بعد راح تتحجر المثانة ويصير سرطان اسمالله عليه ويموت آنة مني قلبي طاح ببطني وأبوي بعد اخترع اهو وداني لأني كنت مهسترة وماني قادرة أسند طولي.. عطاه أبرة حق الحرارة لأنه من كثر التعب ارتفعت حرارته وعطاه 3 أبر علشان تخفف الالتهاب وقالي أروح باجر واللي عقبه بعد علشان نفس الابر ************* لوسي البيطري الألماني بعيد وآنا يالله نفسي ودومينيك ماقدرت أنطر على حالته واقرب شي لي الدهماء ود.جوزيف على طول أتعامل معاه ويعرف حق دومينيك عدل الحمدلله الحين أحسن بشوي مو وايد بس فيه تحسن أهم شي إنه قام يتبول على الأقل ************* بنت السعودية آاااااااااامين يارب الله يسمع منج ************* نيمو و الحبيب و أديكتيد99 مشكورين الله يسمع منكم يارب ************* ليو صاجة والله العين بلوة والحسد الله يكافينا شره عمى بعينهم هالحساد آنا صج منقرصة من العين وااااااايد فوق ماتتصورين بس ماتوقعت إنه بتصيب دمدم مرة يت بيتنا وحدة صج صج معروفة عينها تيزاب وشافت دمدم وهالملقوف بعد مايوخر عينه عن الغرب " وي طالعي شلون يخز شكبر عيونه " :eek: منيه آنا بعد بغيت أشلع عيونها قمت وشلت كاسة الماي قبل لا تخلصها وصبيتلها شاي وبالبوق خذيت مايها وصبيته فطاسة دمدم مالت الماي :p ( يعني شرب من وراها ) الحمدلله دمدم ماصار فيه شي يومها.. بس مرة ثانية ماكنت موجودة وصار نفس الموقف والله والله والله ان دمدم عينه اليمنى كانت ماتتبطل من كثر ما كانت تحرقه عقب ما ذلفت وصارت حمممممممممممرة :eek: بس مستشفى الوفرة والله بعيد وأبوي كان عنده شغل عقب الطبيب فالحمدلله جوزيف قام بالمطلوب تعالي شوفيه بعد عمري يكسر الافاد ويقطع الروح خدران من عقب ما هلك من كثر ما يروح الحمام ويحفر وماكو شي ينزل :( *************** كيوتي آااااااااااااااااااااااامين يارب والله ماخليت بين الأذان والاقامة ما خليت بالسجود وكل وقت والله ************** قطوة دلوعة مشكورة حبوبة ماقصرتي آمين يارب عسى الله لا يوريه أحد فيكم بقطوته اللي صار بدمدم قلبي مشكورين كلكم . . . |
رد: Dominic محتاج دعواتكم ..
لا حول ولا قوة الا بالله
انشاء الله ينشفاء والله كاسر خاطري حسبي الله ونعم الوكيل على الي نظله الله يعينج اختي والله احس اني حزين يوم سمعت الخبر |
رد: Dominic محتاج دعواتكم ..
لالالالالالا لاتقولين انه دومينيك
يالله انا اشك اللي ينضل قطاوتنا هذا شخص واحد ويمكن يبي قطوه وهله عيو يشترون له الله يعينك يادوميينك والله يشفي قطوك يارب وانا اشوا جت فذيولهم اشوا يارب وانت جت قويه الله يشفيه يارب وبشرينا عاد بالمستجدات تكفين انا قطوتي الى الان ماطلعت من العياده وهي بس ذيل الله لايوفق من عطاهم عين |
رد: Dominic محتاج دعواتكم ..
باذن الله هيخرج منها زي الشعرة من العجين
وهيرجع زي زمان واحسن |
رد: Dominic محتاج دعواتكم ..
مايشوف شر
والله يقومه بالسلامه طمنينا .. |
رد: Dominic محتاج دعواتكم ..
بسم الله على قليبه الرحمن الرحيم
ما يشوف شر حبيب القلب انتبهيله لا أوصيك الله يشفيه ان شاء الله والمرض ذا الحين جا فجأه والا وشلون..... |
رد: Dominic محتاج دعواتكم ..
يا عمري
ان شاالله يقوم بالسلامه |
رد: Dominic محتاج دعواتكم ..
الله يشفيه ان شالله خليهم عالاقل يسحبون بولة بشي ولا انه يقعد يزيد البول بالمثانة هذا شي خ
ر ترا اذا تم منحبس بيرجع البول للكلى والدم بيخيس !!..وهذا السبب اني ماحطيت صور قطاوتي وماشالله عليهم كأنهم البخت .. ياناس حتى لو بصورة عادي تصيدهم عين يالله ياربي عسى تمر الأزمه بيسر |
رد: Dominic محتاج دعواتكم ..
دومنيك حبيبتي بشري اشلونه الحين؟؟ انشاالله بخف يارب بس ياريت يصيرلج درس موبس تشيلين صورته لأ حتى سوالفه لاتقولينها لأي أحد واللي احسده انشاالله يصير فيه اللي صار لدومينيك وزياده<<<فزعه مع الغالي دمدم |
رد: Dominic محتاج دعواتكم ..
القلب الصافي الله يسلمك أخوي مشكور على الدعاء ليلحين حالته مو ليهناك ***************** مخاوية قطاو اي والله جت قوية حيييييييييييييييييييل يعني بين يوم وليلة بس :eek: العصر ماكان فيه شي وبالليل ما يقدر يتبول ؟؟ :eek: المستجدات الله يسلمج الحمدلله مايتبول إلا بحمامه بس صار فيه اسهال من الجلوكوز شكلي بقلل الكمية حقه.. واليوم عنده 3 ابر بعد الله يعين قلبي بس :( ماأتحمل أشوف الابرة بشرينا عن قطوتج انتي بعد **************** ميدو شكرا على اهتمامك وربنا يستجيب منك **************** سموكي شر ما يجيك يا رب وأول ما يتعافى باذن الله بطمنكم **************** برتني شفتي شلون ؟؟ هاللي كان يلعب وينط مني ومناك ويركض وراي:( ألحين امر جدامه ما يرفع راسه من التعب:( تعالي شوفي عيونه بس واعليا ذبلانه .. لا توصين حريص وفعلا فجأة أول شي تفاجأنا إنه يتبول على بطانية الخدامه نادتنا مخترعة بعدين أشوفه يدخل حامه ومايتم دقيقة ويطلع يقعد على بطانياتنا يتبول بعدين تطور الوضع صار يتبول دم :eek: ***************** أميرة الظلام الله يسلمج مشكورة ***************** صاحبة وفا يمه قلبي آنا الأبرة وما تحملت بعد أخليهم يسحبون بوله :eek: لا الحمدلله يتبول الحين بس اهو نفسه ذبلان وتعبان.. يعني تخيلي هالحال على آدمي.. التهاب في المثانة وحرارة مرتفعة وحاليا اسهال :confused: شلون تكون حالة هالانسان :confused: هذا اللي معور قلبي وانه ما يقول مياو حتى ماسك نفسه ومتحمل الألم حبيبي .. الله يسمع منج وتمر وتنذكر وما تنعاد **************** ليو مادري والله شقولج تعالي شوفيه .. يقطع القلب ما يلعب معاي ولا له خلق شي بس يروح الحمام ويرجع يقط روحه على الزولية مالته .. يشرب ماي شوي ياكل مقدار ملعقة طعام من المعلب ومثلها دراي فود علشان يوقف الاسهال تخيلي أحسه يقول شسويتوا فيني !! لعبتوا بحسبتي !! بعد جبدي والله ليو على راسي فزعتج حبيبتي . . . |
رد: Dominic محتاج دعواتكم ..
دومنيك قومي وديه الوفره والله ان احسن طيعيني لا تصبرين عليه اكثر لا تسوء حالته زياده:( |
رد: Dominic محتاج دعواتكم ..
دومينيك ..
مريت بحالتج و أعرف الشعور صعب .. و إن شاء الله بيتشافى و يرجع مثل الاول .. قريت لج بموقع متخصص عن إلتهاب المثانه و لا تخافين ما الالتهاب ما يتحول إلى سرطان .. و نفس الأعراض مكتوبه .. و هوا مرض شائع .. الطعام الجاف يساعد عل الاتهاب ..و أفضل تخلطين له الماء مع الأكل المعلب .. هذا السايت راح يساعدج واااايد http://www.homevet.com/petcare/cystitis.html و في ثانيين بعد بس مواضيع بيطريه بحته .. و ياارب يتشافى دمدم .. |
رد: Dominic محتاج دعواتكم ..
دومينيك حبيبتي بشري
ان شاالله احسن دمدم الحين الله يقومه بالسلامه ولا يوفق اللي اعطته عين قولي اميييييييييين يا رب وبشرينا عنه يا عمري عليه |
رد: Dominic محتاج دعواتكم ..
كل هذا صاير وانا مادري :(
الله يشافيه يارب انا سجلت بهالمنتدى لما مرضت فطريه من بعد اول تطعيم صراحه تدودهت لما شفتها ماتاكل وكله نايمه يمي حسيت انها خلاص بتموت ... الله يعينج والله حاااااااااسه فيج وادري شكثر تحبينه ... اسال مجرب ولا تسال طبيب ان شاء الله يرجع نفس قبل واحسن وازمه وتعدي على خير يارب والله لا يوفق اللي حسده ويكفينا شر الحساد اكرررررررره شي عندي العين اكرهها حييييل وبنفس الوقت اخاف منها بلاوي صراحه وترى ذكر الله مو صعب على لسان الواحد لما تعجبه شغله حتى لو مييييييت يبي نفسها اذكروووووا الله يا عالم حرااام جذي <<< مقهوووره وصج الوفره بعيده فما بالج وانتي معاج قطوو ومريض بعد ان شاء الله جوزيف كفى ووفى وان شاء الله يرجع دمدم نفس الحصان واقوى بعد وبشررينا عنه |
رد: Dominic محتاج دعواتكم ..
انا اليوم عضوة جديد في هذا الموقع ....................
ابغاكم تساعدوني هامستري( اويري)ولدت اليوم...... وعندي سؤال ابغاكم تعلموني متى انظف القفص الي هي فيه لأني سمعت اذا قربت عند قفص الأم او اكلتها تقوم بأكل اطفالها ...ماذا ? افعل |
رد: Dominic محتاج دعواتكم ..
آخر المستجدات وليلحين ماكو تأكيد الحمدله الحرارة راحت بفضل الله وبفضل دعواتكم الاسهال خف ليلحين يحس بألم بس مو مثل قبل د.جوزيف قال اذا تحسن ليباجر بعد مايحتاج ابرة بس ليلحين ذبلان وماله خلق شي . . . ليو والله طريج بعيد وحرام أحبسه بالصندوق كل هالمدة بدون ما يروح الحمام أشوة ابر جوزيف فادت معاه :o ************* ويذرد روز مشكورة بعد عمري صج صج نفس حالة دمدم بالضبط الحين نفسيتي شوي أحسن تخيلي حابسينه بالغرفة وفارشين الcovers على الأرض وعلى سرايرنا وأهو يبول على كل واحد شوي واحنا بالصالة أول أمس الفجر وفيه اسهال تخيلي ريحة الغرفة شلون صايرة ايييييييييييييييييييييييييييو خسنا خسنا .. بس من البارح الساعة 10 بالليل بطل ما قام يبول كلش على الcovers ونمت معاه بالغرفة لأني الصراحة ما استحملت اخليه بروحه طول الليل أكثر من جذيه أشوة ما بال على ولا Cover والصبح فتحنا الغرفة والشبابيك وطلعنا كل الشراشف والبطانيات اللي مخيسة الدار ووديناهم المصبغة وخلينا الخدامة تمسح الأرضيات وكل الأثاث بديتول صار تيار هوى بالغرفة وأشوة راحت الريحة ودمدم نزلناه لأول مرة بالحديقة علشان تطقه الشمس ويروح عنه المايكروب ووسع سدره شوي من عقب يومين حبسة بالغرفة واليوم وديته البيطري وعطاه بعد 3 أبر وبشرني انه حرارته نزلت وباقي نتأكد من المثانة .. ************** أميرة الظلام ابشري الحمدلله فيه تحسن ;) قام يروح الحمام عدل ونظفنا الغرفة من البول والاسهال وحلفت اني أنظم أكله عاد مو على كيفه بس دراي فود آمين يارب وآنا غيرت توقيعي علشان الكل يذكر الله غصب عنه :) ************* catty عادي حبوبة معذورة كل له ظروفه شفتي شصار لحبيب الكل دمدم أمانة مو يتقطع قلبج على قطوة حبيبة مالها ولا عليها :( أشوة انج تعرفين الحالة اللي كنت فيها وآنا بعد بزيادة متعلقة بدمدم قلبي يعني يوم اللي تبول دم أول مرة الساعة 12 بالليل وقف قلبي فرشنا الشراشف والcovers على سرايرنا وعلى الأرض سكرنا الغرفة اختي ماتحملت الريحة وطلعت تنام بالصالة بس آنة ما نمت ليالصبح قاعدة عنده بالغرفة وأهو مسكين مانام إلا ثاني يوم عقب ماردينا من البيطري وخذا 4 أبر وطلع البول اللي كان محبوس ليلة كامله ويمكن أكثر بعد .. بعدين آنا بعد نمت معاه واعليا قط روحه تعرفين الواحد اللي مهدود حيلة :confused: جنه واحد شايل أثقال طول اليوم وما ارتاح .. أنا أدري منو هالفاضي اللي يطق القطاوة عين :confused: أنا كليت قهر من العين بشكل ماتتصورين بس ماتوقعت ان في أحد يحسد القطوة على دراي فود يابس :confused: ( يحسد الفقير على خبزة يابسة ) :p والله نفسيتي تعدلت من عقب البجي والحرررررة بس الله كريم أشوة الف حمد وشكر انه تعافى شوي وقدر يروح الحمام هذا أهم شي ترى حبسة البول تذبح الآدمي فمابالج بحيوان ما يتكلم ويقول ترى يعورني :( ************** هلا وغلا فيج أمونة بس هذا منتدى القوارض وتقدرين تسألين اللي تبينه والكل ما يقصر معاج http://www.2zoo.com/vb/forumdisplay....sprune=-1&f=58 . . . |
رد: Dominic محتاج دعواتكم ..
الله يشفيه ان شاء الله
وما يشوف شر واذا تبينه يتعافا شلي صورته احسن من التوقيع ارحميه هالمسكين وان شاء الله نسمع عنه اخبار زينه |
رد: Dominic محتاج دعواتكم ..
الله يعافيه وتفائلي خير وان شاء الله يطيب ويرجع احسن من اول
الظاهر هالفتره شينه على القطاو انا بعد ميدو انجرح برقبته كانه احد ذابحنه بسكين بس الحمدلله الجرح بدا يلتأم |
رد: Dominic محتاج دعواتكم ..
حياااااااااااااااتي دمدم والله توني ادري
الله يقومه بالسلامة و بشرينا و وديه الوفرة وايد احسن بس ما اقول لج الدهماء مو زين بس الوفرة احسن و بشرييييييييييييييييييني |
رد: Dominic محتاج دعواتكم ..
بنت دار زايد الله يسلمج ويسمع منج غيرت التوقيع علشان الكل يذكر ربه غصب عنه حاليا ماكو دم بالبول ************ قلب ألماس أنا أدري شصار للقطاوة على قولتج هالفترة !! اللي ذيلها واللي مثانتها واللي رقبتها !! الله يعين وانشالله يسمع منج ويتعافى المسكين وطمنينا على قطوتك انتي بعد .. ************ كيتين كويتية الله يسلمج حبوبتي الحين اهو خلص كورس الابر وعطاني الدكتور حبوب لمدة 5 أيام وعقبها بشوف إذا ما كو تحسن بوديه الوفرة ممع أخوي لأنه يدله عدل.. دمدم الحين يبول عادي بس لما نظفت حمامه اليوم ما شفت بول وايد بس أشوة ماكو دم ولا اسهال.. بس البول قليل لأن الأخ مو راضي يشرب ماي وايد زعلان ليش وقفت الدراي فود شسوي الله كريم وبشوف برجعله الدراي فود بس بكمية قليلة عقب 10 أيام . . . |
رد: Dominic محتاج دعواتكم ..
الحمدلله غدى شره مثل ما يقولون :p
اهم شي انه اهلج كانوا واقفين معاج باللي صارله ولا خلوج بروحج تتكفلين فيه والحمدلله وان شاء الله يبيله فتره نقاهه من بعد اللي صارله ويصير احسن باذن الله |
رد: Dominic محتاج دعواتكم ..
اي والله الحمدلله أبوي حيل متأثر باللي صارله أمي لاعت جبدها من انه يبول على سرايرنا وشراشفنا وقالت والله افتكوا منه أحسن بس أبوي واقف معانا واهو اللي وداني البيطري ماخلاني أسوق.. وكل شوي يسأل عنه يتصل من الدوام ويسأل فترة نقاهته على الله الله كريم . . . |
رد: Dominic محتاج دعواتكم ..
مايشوف شر انشالله والله يشفيه بأسرع وقت انشالله
|
رد: Dominic محتاج دعواتكم ..
انشاء الله يتعافى ويرجع احسن من اول يارب
|
رد: Dominic محتاج دعواتكم ..
يؤؤؤؤؤؤ
مايشوف شر دمدم والله اني أحبه هالكتكوت الله يقطع عين اللي حسده ولا يوفقه وانشاء الله مايشوف شر دمدوم ويرجع زي قبل وأحسن وسوري عشان توني ارد الحين :( |
رد: Dominic محتاج دعواتكم ..
يا رب اشفيه
|
| جميع الأوقات بتوقيت GMT +3. الساعة الآن 03:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو