|
بخصوص البلاتي
السلام عليكم ورحمة الله وبركاته
بعد السلام الموضوع باختصار لاحظت اليوم ذكر البلاتي اللي عندي نحيف كتيييير وعيونه بارزة لبره شو لازم ساوي مع العلم أنه لسه عم ياكل حاليا عزلته وعم حطله أكل كل شوي... مظبوط هيك؟ عملت بحث عن المرض وقريت كتير بس ما لقيت اجابة شافية أرجو منكم المساعدة وشكرا مقدما سلام |
رد: بخصوص البلاتي
والله يا حبيبي ما بمشي وصف هات صورة :)
|
رد: بخصوص البلاتي
آسف بس مستعجل وهلأ بدي اطلع من البيت :(
ان شا الله بنزل صور بعدين أصلا في خبرية تانية بدي خبركن ياها وصورتها وشكرا على الرد سلام |
رد: بخصوص البلاتي
الله يسيرلك و مشوار الهنا
|
رد: بخصوص البلاتي
بأنتظار الصورة ..
|
رد: بخصوص البلاتي
سبحان الذي خلقك يا د خالد شو ظريف هلأ رجعت من مشواري ورايح صوره
بلطف من الله لا يزال على قيد الحياة وقبل ما روح أسعفته بقطعة كوساية مسلوقة يمكن ساعدته شوي سلام |
رد: بخصوص البلاتي
ههه تسلملي يا بلد :)
|
رد: بخصوص البلاتي
مرحبا رجعتلكن بالصور
وهي صورة جنّابية وشكله أكل بغيابي لأن ..... باين بالصورة http://sub3.rofof.com/img4/010pibre31.jpg ولاحظت ازدياد الورم حول العين من وقت ما نزلت الموضوع لهلأ !!!! تطور سريع للمرض الله يلطف http://sub3.rofof.com/img4/010igyqs31.jpg ويمكن واضح أكتر بالصورة التانية شوي تانية بصير اسمه تليسكوب بلاتي..... مسكييييييين http://sub3.rofof.com/img4/010vodsr31.jpg وبالأمس كان شكله هيك وماكان ضعفان أبدا !!! شو يلي صار ما بعرف .... :( http://sub3.rofof.com/img4/010kyntw31.jpg بإذن الله بعد شوي حنزل الموضوع يلي بسببه التقطت الصورة الأخيرة ... انتظروني وأنا بانتظار مساعدتكن وشكرا لكم... سلام |
رد: بخصوص البلاتي
هاي أول لا تاني حالة بنفس الحوض؟ و بدك تعقم و تنظف الحوض و تستخدم الإيثرومايسين
|
رد: بخصوص البلاتي
هو مات من نوعها أربع سمكات بس كانت أعراضهن غير
ممكن أعرف شو هاد المرض وشو اسمه مشان جيب الدواء المناسب مع العلم إني كنت عم عالج الحوض بدواء ضد الأمراض الخارجية وصار في تحسن ملحوظ وكنت ناوي عيد جرعة العلاج مرة تانية لأن زعانف الأسماك ما تعافت مية بالمية بس لولا هالحالة المرضية الجديدة... الهيئة صار بدهن دوا جديد وشكرا لك د خالد سلام |
رد: بخصوص البلاتي
اخي إنته منظف حوضك منيح؟ كنو المية عندك مو تمام لزوم تنظف و تعقم حسب الأصول.
و السمك المصاب بدك تعالجة بالإيثرومايسين 250ملغم و فيتامنيات أطفال نقوط كل يوم نقطتين ثلاثة. هاي حالة من الفشل الكلوي الكلوي التي تؤدي إلى إنخفاض مستوى الأملاح من الجسم و السوائل و طرحها لخارج الجسم و هاي عكس الإستقساء طريقة العلاج مذكورة بالتوقيع و إن شاء الله موفق بالتربية و العلاج |
رد: بخصوص البلاتي
شكرا د خالد بس عندي سؤال بخصوص الدواء هل هو بشري أم بيطري
يعني وين بلاقيه؟ والأعراض زادت على السمكة المسكينة اليوم وأصبحت حراشف الرأس واقفة.... وشكرا على اهتمامك مرة أخرى سلام |
رد: بخصوص البلاتي
أخي انا ما بحب إستعمل البطرية لا تواخزني ما بقتنع فيها كتير و الدواء موجود بالصيدليات و فوراً قوم بالتنظيف و عزل الأسماك التي تشتبه أنها مصابة ...
و السمكة مو مطولة يومين ثلاثة بتعطسها.... و بنصحك تبلش العلاج بالحوض كامل |
رد: بخصوص البلاتي
سأبدأ بالعلاج ان شاء الله واليوم غسلت الفلتر ونشطت نصف ماء الحوض
والسمكة تم عزلها من يوم أمس على كل حال انه يحتضر الله يخفف عنه... :( سلام |
رد: بخصوص البلاتي
قلتلك حبيبي هذا المرض يكون قابع لمدة 20 يوم و هو مرض بكتيري معدي و عند تفاخم الحالة تتدهور و تموت السمكة خلال 5-7 أيام فقط....
و لا سبيل لذلك غير غسل الحوض بالماء الحار و الملح الكثيف تليه جولة من الكحول 76% و يشطف و يعرض للشمس ثم تشطف و هنا لا تنسى جميع الإكسسورات و الرمل أيضاً يعني بالمشرمحي بلشة و حفلة عندك و بعدين بتبلش بالدواء و مدته 15 يوم و ما تستهين فيو هالمرض |
رد: بخصوص البلاتي
هل هذا المرض يصيب كل أنواع الأسماك ولا مختص بالبلاتي فقط؟
من زمان أيام ماكنت ربي مولي بالون صار عندي حالة واحدة متلها وما شفت هالحالة غير على هالنوع من الأسماك واليوم بدأت بالعلاج وشكرا لك.... سلام |
| جميع الأوقات بتوقيت GMT +3. الساعة الآن 10:56 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو