|
ابي الحل بمسح راس الكاسكو
مساء الخير اخواني
صراحه انا يديني تقطعت حتى مب قادره اكتب لكم من الالم :o صار لي كم يوم امسح على الببغاء حقي اول شي مسحت على منقاره بعدين توصلت لراسه وجتني كم عضه طبعا والعض خفيف يعني يحاول يبعد عني مايعض قوه يوم ورا يوم تخف الجعره لما اجي بمسح عليه واليوم مسحت اكثر وقت تقريبا ساعه الا ربع ولما خليته يروح ورجعت بمسح عليه صار اصعب مع انه المفروض فهم اني بمسح عليه يعني مااعجبه :confused: وعضني وكل مااقرب يعضني بقوه تتوقعون شالسبب ؟ يعني شي عادي هالشي والا المفروض يتحسن انا صار لي ثلاث ايام امسح عليه ومتى يتعود ياليت احد يعطيني ايام محدده مب يقول بيتحسن لأنه اذا كانت بتطول المده وبتكثر العضات خلاص ببيعه انتظر ردودكم |
رد: ابي الحل بمسح راس الكاسكو
يا حليلك يا ام ماجد اصبري عليه :D:D:D:D
|
رد: ابي الحل بمسح راس الكاسكو
خلي الطير بدون اكل لمدة 3 ساعات وبعدين حاولي توكلينه بيدك واذا ماخف العض حطي عسل او مربى في يدك وخليه يتذؤق منه وبعد فتره ان شاء الله ما عاد يعض ابد
تحياتي لكـ |
رد: ابي الحل بمسح راس الكاسكو
اممم اعتقد ياام ماجد انه لما تركتيه ورجعتي كان
راجع حساباته مرة ثانية ولقى نفسه ضعيف شخصية فيبغى يفرض شخصيته عليكي ههههه عادي كلهم كذا تحسسي ويرجعوا اسوا لما تصري عليه مرة ثانية يصير تنكسر شخصيته مرة ع مرة بصير قطوة .. قصدي حمامة هههه |
رد: ابي الحل بمسح راس الكاسكو
شايب مااااااعندي صبر هذي مشكلتي
سلفر جزاك الله خير بس لو يجوع ثمان ساعات ماجاني مع انه يآكل من ايدي بس وقت مايكون رايق مفقود هههههههههه الظاهر كذا ياليت يصير دجاجه المهم مايعض :( |
رد: ابي الحل بمسح راس الكاسكو
اختي الكريمه ممتاز جدا لكن اوصيكي بالصبر الطير يحاول انه يطفشك وتتركيه استمري معاه وعندما تقربين يدك لا تضعينها من فوق الراس مباشره حاولي تجيه مع الجنب وانتي تقربين يدك صفري للطير وحاولي التلطف مع الطير حتى يطمن من ناحيتك وبتوفيق الصبر الصبر الصبر
|
رد: ابي الحل بمسح راس الكاسكو
ضعي على اصبعك عسل وخليه يتذوق العسل
الصبر والاستمرار ........................ |
رد: ابي الحل بمسح راس الكاسكو
نصيحه مجرب واصلي واصلي واصلي لاتيأسين ابد صدقيني يجي يوم يصير ببغائك زي الفل انا شريت ببغاء افريقي ثاني في اول رمضان اللي راح وكان وحشي وبديت امسح عليه وهات يا عض وجعير وهروب ومطارد وبلاوي زرقاء :D والحين بشهر 11 تغير 360 درجه للأفضل ترك الجعير وترك العض وصار يلعب معي استمري معاه بدون توقف |
رد: ابي الحل بمسح راس الكاسكو
اقتباس:
طمنتني يااخوي ان شاء الله بحاول معاه بكرا وشكرا لكم على الافاده جزاكم الله خير |
رد: ابي الحل بمسح راس الكاسكو
اقتباس:
اليوم مادري شفيه :o ان شاء الله وشكرا على الافاده يالطيب |
رد: ابي الحل بمسح راس الكاسكو
اقتباس:
طمنتني يااخوي وتسلم على الافاده :) |
رد: ابي الحل بمسح راس الكاسكو
يا ام ماجد الي عندك كاسكو ( من اسمه عنيد )
اصبري ومثل ماقالو الاخوان كل واحد بطريقته انا عندي طريقة ثانية لما تجين تحكين له راسه 1- شيلي كل شي من داخل القفص 2- لا تخلين اصابعك ممدودة اذا كان مواجهك وعطيه ظهر ايدك هو بيحاول يعضها بس ماراح يقدر 3- امسحي على منقاره بظهر ايدك وبعدين اطلعي حبة حبة على راسه لين يتخدر ويحس بالفلة 4- استمري تحكين راسه له وهو جوعان طبعا لمدة ساعة كاملة 5- بعد هالساعة عطيه مكافأة بسيطة بحيث انه ما يشبع 6- ارجعي له بعد ساعة ونفس الطريقة 7- المرة الثالثة خلي فرق وقت طويل شوي وبعدين عطيه الوجبة الدسمة ( حب شمسي, خضار او فواكه) كل هالخطوات كرريها يوميا لمدة اسبوعين باذن الله بيصير فراشة ان شاء الله وبيغني لك طائر النورس حلق حلق خخخخخخخخخخخخخخخخخخخخخخخخخخ |
رد: ابي الحل بمسح راس الكاسكو
صراحه انا مااجوعه ><
ان شاء الله بتبع خطواتك وجزاك الله خير على افادتك وياليته يقلد صوت الدجاجه انا راضيه |
رد: ابي الحل بمسح راس الكاسكو
ام ماجد الطير احيانا يكون متعكر مزاجه اذا شفتيه متعكر مزاجه او مشغول بترتيب ريشه لاتسوين شيء تعاليه بوقت ثاني
|
رد: ابي الحل بمسح راس الكاسكو
مادريت ان حضرت جنابه مشغول ><
|
رد: ابي الحل بمسح راس الكاسكو
الله يعينك مثل اللي عندي مايحبني ابد بس يجي عند البابا خخخ
ولا يخليني امسح عليه تهوو تهوو الله يصلحهم بسس |
رد: ابي الحل بمسح راس الكاسكو
لقيت الحل اختي نون
جوعته وعطاني منقاره بكل ادب وبكرا الراس ان شاء الله ^_^ |
رد: ابي الحل بمسح راس الكاسكو
لا تعصبين عليه اهم شي ولاتبيني انك اتعورتي وزي ماقالو حطي عسل او امسحي يدك باي عصير حلو
وحبه حبه ومع الايام بيجيك منطلق منزل راسه يدور الحك :) |
رد: ابي الحل بمسح راس الكاسكو
ان شاء الله
انا جوعته وبديت اشوف نتائج حلوه |
رد: ابي الحل بمسح راس الكاسكو
حلووو ان شاء الله بسويها
وان شاء الله يعقل ويترك العض مع انو او ل ماشريته كان اليف بس شكلنا خوفناه خخخ |
رد: ابي الحل بمسح راس الكاسكو
نون ان شاء الله يكون زي الفل ^^
|
| جميع الأوقات بتوقيت GMT +3. الساعة الآن 05:59 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو