منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   .,.قطتي تعاني من الإسهال.,. (http://www.2zoo.com/vb/showthread.php?t=183142)

kotshena 27-09-2010 07:59 PM
.,.قطتي تعاني من الإسهال.,.
 
السلام عليكم و رحمة الله و بركاته

عندي قطه عمرها شهرين و نص نوعها شيرازي~
صار لها معي 5 أيام..و من 3 ايام و هي تعاني من الإسهال~
وديتها عند البيطري امس و عطاها حقنه و عطاني علاج اسمه betamox و قالي استخدمه لمده 5 أيام مرتين في اليوم..
و قالي اشربها حليب بس لمده شهر و بعد كذا أعطيها اكل بيت افضل..
انا اعشق القطط لكن ليس لدي اي خبره في تربيتها و هذه اول تجربه لي..

القطه من امتلكتها كنت أأكلها اكل معلب مرتين في اليوم..
المياه متوفره طول الوقت..

حاليا انا موقفه الطعام المعلب و بس أشربها حليب..
لكن مره قلقانه عليها..احسها صارت هزيله..
صرت احس عظامها:(
وربي محتارة ايش اسوي معاها..

قريت في النت عن البطاطس المهروسه لكن لسى ما جربت..
قلت بمشي ع العلاج لين نتهي الـ 5 أيام..
لكن مره قلقانه القطه هاديه و ما تعلب حتى ما عاد تماوي مثل اول يا دوب بصوت واااطي..

ايش تنصحوني فيه؟!

ciao~

llosy 27-09-2010 09:05 PM
رد: .,.قطتي تعاني من الإسهال.,.
 
يالله


عطيها بطاط وجزر ودجاج سلقييهم وهرسيهم لها وعطيها

وترجع لها صحتها

انا قطوتي من صرت اعطيها هالأكل صارت تمتن وتلعب اكثر من اووول

ووبالنسبة للأسهال

شوفي قريت عن هذي

غليت مقدار كوب ماي مع نصف معلقه نشاء ذرة
...صار الخليط شوي غليظ...وخلطته مع شوية من الدراي فود يمكن 5 حبات..عشان الطعم بس

وان شاء الله تطيييب

kotshena 27-09-2010 10:14 PM
رد: .,.قطتي تعاني من الإسهال.,.
 
اهلن لوسي..

بطاطا و جزر و دجاج اسلقهم و اهرسهم مع بعض..

راح اجرب المهلبيه..بكرى بروح اشتري دراي فود..عادي اي نوع؟؟ لانها ما اكلتها من قبل..

طيب استمر ع العلاج؟!

راح استمر ع العلاج الاول و بعديم بجرب المهلبيه.. ويارب تخف..

انا اللي مطمني انها تتحرك و تمشي.. لكن ما تعلب و لا شيء :(

ciao~

الخبيرة ناديا 27-09-2010 10:57 PM
رد: .,.قطتي تعاني من الإسهال.,.
 
هلا قلبي

استمري على البيتاموكس باكمال الخمس ايام واعطيها سيريلاك بالرز ممتاز ويوقف الاسهال

ولازم تعالجي مسبب الاسهال سواء بالغذاء والادويه حتى تخف..

وضرووووري تعطيها محلول الجفاف بيبي لايت من الصيدليه البشريه ..كل ساعتين اعطيها جرعه بسيطه

او اخلطيه مع ماء الشرب حتى لاتصاب القطه بالجفاف والموووت.

واعطيها دراي فود خاص بالكيتنز راح يمسك بطنها ..

ولابد تاكليها دجاج مسلوق قليل ومفتت ..لان القطه هزيله وماينفعها الحليب فقط..لان الحليب من مسببات الاسهال

الافضل تقللين منه.

واعطيها شراب فلاجيل نصف سم مره في اليوم لمده ربعه ايام مع الغذاء اللي وصفته لك ..

باذن الله تتحسن بوقت قليل ..

kotshena 27-09-2010 11:18 PM
رد: .,.قطتي تعاني من الإسهال.,.
 
يا هلا بالخبيره~

بالنسبه للسيريلاك..اخلطه و احطه في صحنها و الا اعطيها بسرنجه؟!
ياريت توضحي اكثر..

ونفس الشيء البيبي لايت..كم مل؟!

شراب فلاجيل وين القاه؟ و اعطيها لمده اربع ايام بعد ما انتهي من البيتاموكس و الا بنفس الفتره؟!

شاكره لك~

الخبيرة ناديا 27-09-2010 11:23 PM
رد: .,.قطتي تعاني من الإسهال.,.
 
السيريلاك اخلطيه بماء دافي ويكون شبه سائل حتى تلعقه القطه ولاتخافين راح تهجم عليه القطه وتاكله

ومحلول الجفاف اعطيه ملى السرنجه العاديه شربيه شوي شوي حتى مايشرق ويدخل برئتيه..

كل ساعتين في اليوم الاول ..

واليوم الثاني كل 7 ساعات مره .فقط

اما الفلاجيل بالصيدليه البشريه هو شراب قوي ويعالج الالتهابات الامعاء المسببه للاسهال.

واعطيه منه اليوم مو شرط تنتظرين حتى ماتخلص مده المضاد مايضره لاتخافين ..

kotshena 27-09-2010 11:28 PM
رد: .,.قطتي تعاني من الإسهال.,.
 
يعطيك الف عافيه..

طيب ممكن كمان سؤال؟! معليش تعبتك معايا~

انا مررره اتعب اذا جيت أعطي القطه العلاج.. لانها تقاوم~

راح اقول لك طريقتي~

انا اسدحها على ظهرها و افتح فمها و اعطيها..بالعاده تبلعة على طول لكن اخر مره طلعته كله..

فيه طريقه ثانيه؟!

شكرا..

الخبيرة ناديا 27-09-2010 11:42 PM
رد: .,.قطتي تعاني من الإسهال.,.
 
لا لا لا

اكبر غلط طريقتك ممكن تقتلين القط ؟!!

لان التشريح الداخلي للقط من ممرات ومجرى للتنفس يختلف عن الانسان اختلاف كبير

فانتي بطريقتك وسدح القط على ظهره كانك تدخلين العلاج داخل رئتيه مو المعده ..خذي الحذر

اما الطريقه الصحيحه وهي رفع راأس القط وامساك جسمه واعطائه العلاج في وضعيه الوقوف

مثل هاذي الصوره..

http://www.up.r1000r.com//uploads/im...cd1b13f2fd.gif

والصوره توضح طريقه رضاعه القط وهي نفسها طريقه اعطائه للعلاج بنفس الوضعيه..

وفيه فيديو يوضح طريقه اعطاء القطه للعلاج هنا:

http://www.youtube.com/watch?v=jqBPr...D7D&playnext=1

وطريقه تأكيلها للاكل او المحلول الجفاف هنا:

http://www.youtube.com/watch?v=B9ygs...eature=related

kotshena 27-09-2010 11:50 PM
رد: .,.قطتي تعاني من الإسهال.,.
 
شكرا لك~

اشعر بالخجل من نفسي..

رغم اني خريجة قسم الاحياء الا اني ما عندي اي فكره عن تشريح القطط..


راح اجرب اليوم و يارب اقدر عليها..

اذا ما قدرت اوقفها ممكن وهيا جالسه؟!
ciao

دلوعةقطوتي 28-09-2010 12:06 AM
رد: .,.قطتي تعاني من الإسهال.,.
 
ماقصرت ناديا بس الحليب وقفيه حاليا عنها

اذا ما قدرت اوقفها ممكن وهيا جالسه؟
ايه عادي بس نفس الوضعيه راسها يكون مرفوع وربي يشفيها

kotshena 28-09-2010 12:43 AM
رد: .,.قطتي تعاني من الإسهال.,.
 
شكراً~

بصراحه انا اليوم كله بس عطيتها حليب..لكن رااح اوقفه على طول..

و بجرب السيريلاك و الدجاج السلوق و الدراي فود..

يسلمو شاكره لكم تعاونكم..

بصراحه بداءت اصاب بالاحباط..
كنت مرررررررره متحمسه في البدايه..مع اني مالي الا 5 ايام لكن حسيت بالمسؤليه الكبيره..
وصرت اخاف عليها..و كل يوم تزيد حيرتي اكثر..
ما توقعت الموضوع صعب الى هالدرجه..
ربي يقدرني على الاهتمام فيها .. ما ابغى اظلمها معايا..

طيب ممكن طريقة تنظيف القط.. حاليا قططتي توسخ على نفسها و انا ابلل فوطه بشويه مويه و امسحها.. لمن مرات يكون ناشف ولا اقدر ازيله.. كيف ممكن انظفها..

دلوعةقطوتي 28-09-2010 01:42 AM
رد: .,.قطتي تعاني من الإسهال.,.
 
هو بالبدايه بتحسين بصعوبه بس تمر عليك فتره وتتعودين ويصير شي اساسي عندك عن تجربه
التنظيف جيبي مناديل البيبي (تلاقينها بالصيدليه او السوبرماركت)بس اختاري اللي بدون كحول
واذا شعرها كثيف قصي اللي عند المنطقه عشان لو سوت شي مايمسك بالشعر

kotshena 29-09-2010 08:36 PM
رد: .,.قطتي تعاني من الإسهال.,.
 
السلام عليكم و رحمة الله و بركاته..

ما حبيت افتح موضوع جديد..

من امس و الحمد الله حال قططتي تحسن..صارت نشيطه مثل اول و تعلب~

برازها *وانتو بكرامه* صار قاسي..

لكن اليوم لاحظت انه صار لين مش سائل مثل اول و لا قاسي.. و لمن كنت بنظفها لاحظت وجود دم خفيف في فتحة الاخراج~

تفحصت البراز لكن ما فيه شيء..

ايش تنصحوني فيه؟!!


ايوة على فكره حاولت أأكل القطه بطاطا مهروس+ دجاج مسلوق لكنها ما اكلت منه الا شوي بس..
اضطريت اضيف له دراي فود لانها حبته كثير و اكلت منه اكثر من اول..

حاولت اعطيها اكل ثاني لكن ما اكلته..اليوم كله بس دراي فود..

والماء متوفر كثير..

لكن بصراحه خفت لمن شفت الدم..

ايش اعمل؟!

دلوعةقطوتي 30-09-2010 12:37 AM
رد: .,.قطتي تعاني من الإسهال.,.
 
لاتخافين الدم عشان كان عندها اسهال
كثرة الاسهال او الامساك ممكن تسبب نزول دم
واخلطي لها الاكل اللي تبينها تاكله مع الدراي فوود وبتاكله ان شاءالله

kotshena 30-09-2010 09:50 AM
رد: .,.قطتي تعاني من الإسهال.,.
 
السلام عليكم و رحمة الله وبركاته~

صباحكم معطر بعبير الورد..

الحمد الله القطه تحسنت كثيييييييييير~

بسم الله ما شاء الله اليوم بالذات نشيطة بزيااااده و تلعب و تستهبل~

أسمها سكاكر candy ..

اشكركم على مساعدتكم لي..

ما زلت في البدايه و ما زلت احتاج وقت كثير عشان اتعود على الرعايه~

القطة ملت علي حياتي..واهلي مررررة مبسوطين عليها~

امي اللي كانت تعارض وجودها صارت اكثر وحده تلعب معاها ~

شكرا لكم..

Ciao~

دلوعةقطوتي 30-09-2010 12:15 PM
رد: .,.قطتي تعاني من الإسهال.,.
 
الحمدلله وربي يحفظها لك


جميع الأوقات بتوقيت GMT +3. الساعة الآن 05:04 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو