|
بــــســــي رايح فيها !!! [2]
السلام عليكم ورحمة الله وبركاتة
اليوم كتبت موضوع ولذع ماطلع مدري ليه , المهم انا بسي رايح فيها فيه تقرحات في رقبته وحول ثمه وفيه بقعه على لسانة زي الدم ما ادري وشهي , وفيه مشكلة ثانية عيونة على طول يطلع منها (مخاط) كثير يمكن انظف عيونه في اليوم اربع مرات . . . ساعدوني الله لا يهينكم ولحد يقول رح لدكتور بيطري ولا اشتر شامبو او علاج انا ماعندنا بيطري ولا اي علاج للبسس في ديرتنا ,,,:( |
رد: بــــســــي رايح فيها !!! [2]
لازم تنزل صوره للتقرحات في الجلد حتى نشوف هل هي فطريات او جرب.
والعيون واضح ان فيها التهابات شديده .. اشتري من الصيدليه البشريه قطره توبردكس وقطر في عينه مرتين في اليوم مره الصباح ومره بالليل ولمده اربه ايام مع تنظيف العين يوميا بقطنه مبلوله بماء فقط والله يشافيه يارب |
رد: بــــســــي رايح فيها !!! [2]
^
اشكرك جزيل الشكر على المرور,,المشكلة ماعندي كميرا الحين هو فيه اماكن في رقبته ووجهه يحكها كثير لدرجة انه طير شعره وطلع منه دم من كثر مايحكها , ثاني شيء مايخليني انظف عيونه ابد مدري وش اسويلة كل ما حاولت انظف عين يمشخني وينحاش ولا يبخ والله رفع ضغطي مدري وش اسوي معه !!! |
رد: بــــســــي رايح فيها !!! [2]
اقتباس:
|
رد: بــــســــي رايح فيها !!! [2]
^
ايه بضبط يحك كثير لدرجة انه جرح نفسه وفيه بجنب الجرح صفار , طيب اذا كان فيه فطريات كيف اعالجه بدون بيطري وبدون ادوية وش اسوي معه الحين , ياليت تفيدني الله لا يهينك كان عندك خبره |
رد: بــــســــي رايح فيها !!! [2]
حبيبتي وديييه بسرررررررررررررعه للبيطري احسن
|
رد: بــــســــي رايح فيها !!! [2]
اذا ماعندك بيطري امم
والله انا مااعرف للقط بهذي الأشياء شوفي المواضيع المثبته بالقسم واستنى الخبراء واذا عندك صيديله بيطريه وديه بسرعه عليها عشان الدكتور حق الصيدليه يعرف |
رد: بــــســــي رايح فيها !!! [2]
^
مافيه ما عندنا بيطري والمشكلة احسها بدت تنتشر في جسمه والله مشكلة مدري وش اسوي له |
رد: بــــســــي رايح فيها !!! [2]
جربتي الادويه اللي اعطوك اياها ..
|
رد: بــــســــي رايح فيها !!! [2]
^
1 مانيب بنت ,, 2 ماعطوني ادويه مافيه علاج منزلي ؟؟؟ |
رد: بــــســــي رايح فيها !!! [2]
والله انا مااعرف يارب يساعدوك
بس ماعندك ولا صيدليه بيطريه ؟؟ اكيد فيه انا عندي فكره وديه لمحل الحيوانات وأسأل محل الحيوانات اكيد يعرف |
رد: بــــســــي رايح فيها !!! [2]
مشكله لو فطريات تقدر تحممه بشامبو نيزورال او فافو تلاقيهم بالصيدليه البشريه وتخليه عالشعر 5 دقايق وبعدين تشطفه بس تاكد اول فطريات اولا
|
رد: بــــســــي رايح فيها !!! [2]
|
رد: بــــســــي رايح فيها !!! [2]
^
يا ليل الصور ماطلعت المشكلة يقول انها معدية يعني يمكن يعدينني , انا مسحت عليها بقطنة مبلوله بخل اذكر قريت وحد يقول انه يروح الفطريات بعد ما مسحتها القرح تخثر !! والحين شفتها لقيت بعد فوق عينها نفس قروح بعد !! المشكلة لا يموت علي هو فيه مشاكل واجد ضروسه تتبدل وعيونه كلها مخاط وما يخليني انظفها ولا المسها وحالته حاله والله جنني ,, وعلى فكرة انا ترا مابعد روشته ولا مره هو يكره الماء مره لازم اروشه ؟؟ واذا لازم كيف اروشه ,, ساعدوني الله يجزاكم خير :( |
رد: بــــســــي رايح فيها !!! [2]
روح للطبيب ودها وش تنتظر عيونه ومريض وجسمه
حرام عليك وش فيك انت مافي قلبك رحمه روح وده عند ناس متخخصه وين ساكن انت بأي منطقه؟؟ |
رد: بــــســــي رايح فيها !!! [2]
واذا ماعندك القدره انك تتحمل مسؤوليتها وتوديها طبيب ليه جبتها؟؟
تسليه؟؟ الامراض ذي كلها ليه سكت عنها ليه ماعالجتها من اول حسبي الله ونعم الوكيل بس |
رد: بــــســــي رايح فيها !!! [2]
^
هههههههههه ياخوي وشفيك معصب انا قلت يمكن 1000 مره ماعندنا طبيب بيطري البيطري الي عندنا حق غنم وابل يعني ظنك ان فيه بيطري عندي وجاي كل يوم اكتب موضوع واسأل واسوي زحمة لو فيه بيطري كان وديتها من اول ما مرضت وريحت راسي بس وش تبيني اسوي , يعني الفطريات ذي بتذبحه ؟؟ |
رد: بــــســــي رايح فيها !!! [2]
ايه اذا ماتذبحه تعذبه
لو جسمك يحكك كل شوي بتتحمل؟؟؟ انت رجال تقدر تروح لاي مدينه قريبه وفيها بيطري انت وين ساااكن وانا ادلك |
رد: بــــســــي رايح فيها !!! [2]
^
انا ساكن في وادي الدواسر والعيادات ماتتواجد الا في الرياض والرياض تبعد عني 600 كيلو يعني شبه مستحيل اني اروح المسافه هاذي كلها |
رد: بــــســــي رايح فيها !!! [2]
اخوي هدي اعصابك وعلاج قطتك سهل جداً
روح اقرب صيدلية بشرية واطلب منهم بخاخ لاميزيل والمطهر بيتادين ومرتين في اليوم عقم المناطق الي تحكها القطة بالمطهر وبعدها بخ في المناطق بخاخ لاميزيل كل يوم لغاية 15 يوم او ازود والافضل تستمر ل22 يوم واذا تبغاها تروح بسرعة جيب من الصيدلية حبوب نيزورال وشامبو نيزورال روش البسة بشامبو نيزورال وحك المناطق الي فيها جروح عشان تنزل القشور وبالنسبة للحبوب اذا قطتك صغيرة اعطيها ربع حبة نيزورال واذا كبيرة اعطيها نص ولاتنسى تجيب لها من الصيدلية دواء العيون توبراديكس يعني دحين روح الصيدلية وجيب هذه الادوية 1-بخاخ لاميزيل 2-مطهر بيتادين 3-شامبو نيزورال 4-حبوب نيزورال 5-مرهم للعيون توبرا ديكس وبس |
رد: بــــســــي رايح فيها !!! [2]
^
الله يعطيك العافية اخوي , والله انك كفو ليش مارديت علي من زمان وريحتني خلاص ان شاء الله اجيب لها العلجات هاذي بكرة الله لا يهينك يا صاحب الجواب الوافي الكافي ,, |
رد: بــــســــي رايح فيها !!! [2]
والحكاية ماتحتاج بيطري
والفطريات ماتذبح اتطمن بس الافضل تعالجها عشان ترتاح وانتبه تراه معدي يعني عقم يدك بالديتول بعد ماتعملها الادوية وياليت تعقم كل يوم الغرفة الي هي فيه وبالنسبة للقطط مافي قطة تحب الترويش يعني معليش لازم تتعود وحاول انك تسيطر ع قطتك لاتخليها هي الي تسيطر عليك وعشان تقدر تسيطر عليها في الاستحمام روشها في بانيو افضل وبالدش امسكه في يدك وخلي الموية دافية مو حارة وبهداوة روشها ولاتجيب الموية والشامبو ع وجهها بس امسح بيدك بالموية ع وجهها وامسح ع عينها وياليت تاخذ فرشة اسنان وتحط في جسمها شامبو نيزورال وتفرك بالفرشة في المناطق المصابة وبعد ماتخلص جففها كويس و نظف اذانيها بعود اذاني واذا فيها وصخ كثير نظفها بشوية فازلين وانتبه لاتحطها في غرفة مكيفة افتح التكيف بعد ماتجف او جففها بالاستشوار والعفوو وانا اختك ^^ |
رد: بــــســــي رايح فيها !!! [2]
انتبه المرهم لما تحطه حطه بحرص عشان لاتفقع عينههاا وخل ايدك خفيفه عليهاا تري ماتتحمل
الله يشفيها وطمنا عليها اول باول |
رد: بــــســــي رايح فيها !!! [2]
^
الله يعطيكم العافية جميعا والله ماقصرتوا بس احس اني بديت احتك ظنكم عاداني طيب اذا معدي وش اسوي به هو ماله غرفة محددة مشكلة يدخل كل مكان في البيت , الله يعيني على هاذا الهر والله ربية قبلة يمكن 5 هرر محد جاه امراض كثر ذا الي عندي احس انه جايته عين والله :(:( |
رد: بــــســــي رايح فيها !!! [2]
والله عاد شكواك لله لازم دكتوووووور
|
رد: بــــســــي رايح فيها !!! [2]
اقتباس:
عالجت واحد انتقل للثاني عالجت الثاني انتقل للثالث والله يصبرررني هو لازم للقطة العزل في هذه الفترة بس انا مهملة وماعزلتهم عن بعض وبالنسبة لك عادي استعمل نفس الادوية لأنها بشرية اصلا استخدم بخاخ لامزيل حتى انا جاتني فترة احك :D بس من يوم ماحطيت البخاخ خف الحك ومافي شئ دحين الحمدلله هو الاغلب يكون مسألة هوس بس :D والله يحمينا |
رد: بــــســــي رايح فيها !!! [2]
^
ايه والله صادق شكلها وسوسه :o والله ماقصرتي اخت وزة الله يعطيك العافية , والأخ طلال سعود :D شاكر لكم ومقدر خدمتكم جزاك الله خير |
رد: بــــســــي رايح فيها !!! [2]
وش صار عليك؟؟؟؟؟؟؟؟؟؟؟؟؟؟؟؟
|
| جميع الأوقات بتوقيت GMT +3. الساعة الآن 06:08 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو