|
الريد تيل بوا مريضه بسرعه :"(
السلام عليكم قبل مادري جم يوم يمكن يومين ، لاحظت انها عاضه قطعه من النشاره عاد أنا شلتها و خلاص أمس ييت بوكل الريد تيل حطيت لها الهامستر ما كلته و كانت توخر عنه قلت يمكن لأني لاعب فيها لعب و انا معودها كل 5 الي 7 أيام أوكلها والحين صار 7 ايام يعني لازم تاكل حطيت اليوم و ما كلت :( شكيت بالموضوع و أمسك الهمستر و أحركه عالخفيف قدامها و أركز على حلجها ألا أشوف إنها أصلاً مو قادره تفتح حلجها ولا حتى تطلع لسانها :( رحت و افتح حلجها لقيت قطعة خشب شلتها و أطالع الا في شي أصفر مادري شلون :confused: هم شلته و رشيت ماي شوي و خلاص و رجعت مره ثانيه ملاحظ انها بتهاجم بس نفس الشي ما تقدر تفتح حلجها :( و ملاحظ في نفس فقاعات = على الي اعرفه هاذا التهاب بالفم مادري شنو :angry: و حتى أشوفها تنفخ و تحاول تطلع يعني بلعومها ينتفخ و مادري شلون تبي تطلع بس ماكو فايده تتفخ بعدين ترجع عاديه :( شسوي تكفووون و ما أعرف أطلب أدويه من بره و ما أعتقد في بيطري بالكويت :( شسوي في حل ؟ :( او في أحد يعرف بيطري يعالج حيايه ؟ :( |
رد: الريد تيل بوا مريضه بسرعه :"(
و نسيت اقول أنها صغيره يمكن طولها 60 سانتي
:( |
رد: الريد تيل بوا مريضه بسرعه :"(
في مستشفى رويال للحيوانات الأليفـه قبال سوق الحمـام << يمدووحنـه بس ما أدري يعالج حيايـه و لا لا
و في مستشفى ما أدري شنـوو اسمـه المهم انه مقابل سيتي سنتـر و اللـه يشافيـها |
رد: الريد تيل بوا مريضه بسرعه :"(
والله يا اخ بايثون اعتقد عندها بلغم والتهاب
حاول تشيل اي شي داخل فمها بـ (منظف الآذان) واحرص على التدفئه (مهم جداً) وان شاء الله مع التشميس و الدفاء راح تشفى وماتشوف شر بإذن الله |
رد: الريد تيل بوا مريضه بسرعه :"(
^
أحبك توتو اهو ممنوع حيايه بالكويت فشلون يعالجون :( و اعرفه رويال و الدهماء يم بعض سألت الهنود كلهم خايفين -_-" و خالد أمممم على الي شفته المرض respiratory infection أتوقع جذي المهم توني غيرت الفرشه شلت النشاره و حطيت كلنكسات لين تكبر بعدين أحط نشاره شي تعلمته حيه صغيره لا تحطلها نشاره :D و يعني عادي ؟؟ بس أنظف حلجها و المكان دافي و رطب و أشمسها ؟ زين شكثر يحتاج لأانها المفروض تاكل الحين -_-" و الفقاعات يعني كلمره أنظفها ؟ و شلون الطريقه بس بمنظف الآذان ؟ ولا بماي بعد ؟ + أخاف القطن الي بالمنظف يلزق بحلجها -_- ؟! و ما تقصر انشالله يعطيك العافيه :) |
رد: الريد تيل بوا مريضه بسرعه :"(
اول شي النشاره انا مستحيل احطها لثعابيني
وانصحك بعد بنفس الشي وتنظيف الفم يكون بمنظف الآذان وافضل بدون ماي وان شاء الله ما يلزق القطن لاني مجرب كذا مره وفادت ولله الحمد واي سؤال تفضل :) |
رد: الريد تيل بوا مريضه بسرعه :"(
اعتقد التهاب في الفم
لازم تشوف بيطيري وشكلكم زينا ماعندنا بياطره زواحف بس سوي زي ماقال اخوي خالد 414 |
رد: الريد تيل بوا مريضه بسرعه :"(
يعني بتتعالج بدون أدويه انشالله ؟ :(
+ التنظيف علطول يعني ؟ أهو أفتح حلجها الحين مافي غير الفقاعات شويه من تحت يعني بالمنظف أنظف الفقاعات ؟ و كل شكثر لأن كل شوي يطلعون مره ثانيه -_-" يعني كل ساعه و لا شنو ؟ |
رد: الريد تيل بوا مريضه بسرعه :"(
روح للصيدله واشتري مضاد التهاب وغسول فم
واضبط درجة الحرار من 27 الى 33 مو اكثر ولا اقل ولازم يكون في تدرج حراري بالحوض وهذي نقطه مهمه ما يستقلها الكثير والرطوبه تكون 70% واقل بشويه وخلال المرض لازم كل يوم تبدل الماي وتغير الارضيه وتكون ورق مقوى (كلينكس مطبخ) الحراره والرطوبه تأكد منها يوميا وتبديل الماي والارضيه يوميا والنظافه اهم شي |
رد: الريد تيل بوا مريضه بسرعه :"(
^
اي صيدليه ؟ و شنو أقولهم بالضبط ؟ و انا المشكله ما عندي جهاز مال الرطوبه انا قاعد ببخاخ ماي ارش داخل :\ و شكثر يبيلها على ما تتعالج ؟ و شلون اعرف ؟ و الفقاعات شلون كلمره أنظفهم بقطن الأذون ؟ و كل شكثر ؟ و مضاد الإلتهاب من وين ؟ و الغسول ؟ موجود بالبيطري " الدهماء " ؟ و ياليت لو اسمه بالضبط :( و السموحه على كثرة الأسئله :) |
رد: الريد تيل بوا مريضه بسرعه :"(
شوف روح البيطره (صيدليات الحيوانات) قولهم الي قلته لك واذا ما لقيت شي مناسب روح لصيدلية الاوادم واخذ الي كتبته
جهاز الرطوبه تلاقيه بالسوق او بايس ووقت العلاج ما اقدر احدد بس كل ما كنت اسرع كان افضل قبل ما ينتشر الالتهاب الفقاعات تروح مع العلاج والعلاج مرتين الى ثلاث مرات باليوم |
رد: الريد تيل بوا مريضه بسرعه :"(
^
اي وين صيدليه يعني الي داخل الدهماء مثلاً ؟ بس اهم كله قطاوه و هالسوالف :\ يعني مافي أمل تتعالج بدون الأدويه :( المشكله مافي أحد يوديني حتى :( |
رد: الريد تيل بوا مريضه بسرعه :"(
لازم ادويه اخوي بايثون ^_^
وباسرع وقت قبل مايلتهب الفم اكثر ويصير لازم يشوفه بيطري -_- وانت ليه ماتقدر تروح ماعندك سياره ؟_? |
رد: الريد تيل بوا مريضه بسرعه :"(
عمري 15 من وينلي سياره :D
هههههههههههههههههههههههه الله يعين بس :( |
رد: الريد تيل بوا مريضه بسرعه :"(
اوكي ليميتد تعرف وين مكان أكيد يبيع هالأدويه ؟
لأن ما أقدر أفر بأخوي كل مكان :D .. |
رد: الريد تيل بوا مريضه بسرعه :"(
ادوية ثعابين ماراح تحصل
احنا نتعامل مع ادوية حيوانات ثانيه اذا وكانت شامله اما علاج الي عندك حتى ادوية الاوادم تفيد اقرب صيدليه اخذ منها مضاد التهاب وغسول فم المهم شي يطهر المكان |
رد: الريد تيل بوا مريضه بسرعه :"(
^
غسول الفم تقصد الي لونه أزرق مادري أخضر ؟؟ بس مال الأوادم اهو ! لأن هاذا عندي منه شلون أستخدمه لها ؟ أفتح حلجها و اصبه و أنظف بماي بعدين -_- ؟ . . |
رد: الريد تيل بوا مريضه بسرعه :"(
قوه
روح البيطري رويال انا مودي حيتي اهناك وسوولها اشعه ب18 د.ك وطلع ما فيها شي بس دربالك هل بيطري اسعاره نار مثل ما قالك اخوي ليميتد روح الصيدليات الي يم السوق الايراني وتي فوني لاند عرفت وين ... ؟ ! وافتر عاد من محل ليه محل وانشاالله تلاقي دوه ولو تاخذ الحيه وياك احسن واشرح حق راعي المحل شنو فيها وانشاالله تلاقي الادويه و ما تفر بأخوك وايد :-P وو شكراا |
رد: الريد تيل بوا مريضه بسرعه :"(
وهذا الفيديو يواريك شلون تنظف وشلون تمسكها اذا بغيت تنظف
وشنو فيها عاد افهم انت حياك الله |
رد: الريد تيل بوا مريضه بسرعه :"(
فيه مضاد التهابات اسمه (تترا سايكلين ) يجي بكبسولات أو بودره 1-أول شي تسويه انك تحط البوا في مكان جاف ودافي وتحط لها حوض مويه 2-تجيب الكبسولات أو البودره وتحطه لها في المويه مره وحده في اليوم 3-غير المويه يوميا 4-افتح فمها يوميا ونظف الافرازات التي تلقاها (لا تقلق من موضوع الأكل لان الاصلات والبوات تقدر تصبر عن الاكل فتره طويله ) (ابعدها عن المكيف والرطوبه أهم شي تكون في مكان دافي وجاف) الطريقه الي عطيتك مجربها أنا شخصيا اذا طبقت الطريقه صح بتتحسن في اسبوع اذا كان التهاب خفيف واسبوعين اذا كان متوسط وشهر الى شهرين اذا كان شديد |
رد: الريد تيل بوا مريضه بسرعه :"(
زين بالنسبه للخطوه الثانيه شالفايده ؟
انا عندي ما اشوفها تروح تدخل بالماي :( ؟؟ و المجرم انشالله بحاول اليوم او باجر اني اوديها :( |
رد: الريد تيل بوا مريضه بسرعه :"(
الحمد لله ماقصروا الاخوان
|
رد: الريد تيل بوا مريضه بسرعه :"(
حاول تعالجها باسرع وقت لان كل ما زاد الاتهاب طالة مدة العلاج وصارت اصعب
ولا تنسى المكان نظيف(يوميا الغيير) ودرحات الحراره والرطوبه وتكون التهويه كافيه لان احد اسباب الالتهاب التهويه الغير كافيه |
رد: الريد تيل بوا مريضه بسرعه :"(
اشتريت البودر و لونه أصفر الحين أحطه لها بماعون الماي لها صح ؟
و انزين اذا ما دشت بالماي ؟ أنا أحطها بالماي ؟؟ |
رد: الريد تيل بوا مريضه بسرعه :"(
+ كلامكم مو واحد ليميتد يقول لازم رطوبه
و تي ان تي يقول لازم جاف ؟؟ |
رد: الريد تيل بوا مريضه بسرعه :"(
الرطوبه الزايده او الجفاف الزايد ما يخدمك بالعلاج
|
رد: الريد تيل بوا مريضه بسرعه :"(
لا تحطها بالماي خلها اهيا تشرب
وو مو شرط انه الحوض يكون رطب او جاف يعني بينهم معتدل وعرضها للشمس لمده 10 15 دقيقه |
رد: الريد تيل بوا مريضه بسرعه :"(
الماي يوم خلطته ويا البودر على كلام الي بالصيدليه قال بطل الماي نص قفشه صغيره
حطيته صار اصفر @.@" صبيته لها بماعون الماي و خليته و ما دشت فيه ولا شي -_-" ! |
رد: الريد تيل بوا مريضه بسرعه :"(
اقتباس:
المويه الي أتكلم عنها للشرب وليس للسباحه :) يعني حوض مخصص للشرب ولا تكثر من الدوا في المويه وغيرها كل يوم الرطوبه يا عزيزي مهمه بس مو في حاله وجود التهابات لان مع الرطوبه الالتهاب يزيد أهم شي تنظف فمها يوميا من مره الى مرتين وخلها في الحوض أو في قفص صغير ويا الماي لا تجبرها على شي هي بتعطش وبتشرب لوحدها مع التمنيات لكم بالشفاء العاجل |
رد: الريد تيل بوا مريضه بسرعه :"(
يعطيكم العافيه ما قصرتوا
و انا الحين حاطها بالحوض و دافي و في ماعون في الدوا امممم انا أحط لبطل الماي نص قفشه صغيره من البودر ~ و يلا انشالله تتحسن ~ ما قصرتوا :) |
رد: الريد تيل بوا مريضه بسرعه :"(
اذا شفتها ما شربت
اسحب الماي ويا الدوا ب أبر وافتح حلجها ودخل الابره وشربها |
| جميع الأوقات بتوقيت GMT +3. الساعة الآن 08:50 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو