|
هل يستحق الهولندي 2500 لأهل الخبره
:oالسلام عليكم
اخواني انا رغبان اشتري هولندي لقيت فروخ على 1700 ونصحوني كثير بعدم اخذها وانه احتمال كبير تموت ولقيت ببغاء هولندي الحجل ذهبي اخذته ب2500 العين بيضاء على كلامه عمره سنه واخذته على اساس انه يتكلم بأكثر من 4 او 5 كلمات بس اليوم ثاني يوم له عندي وما عنده الا انه يصفر تصفيرتين مختلفتين السؤال هل الطير يتكلم اذا انتقل من مكان لمكان او انه ياخذ فتره الين يتعود على المكان معى انه اليف وامسكه عايدي بس ماهو راضي يتكلم وهل المكيف يأثر على الطير وكذالك الشمس لو حطيته فيها شوي انتضر رائيكم في انه يتكلم او انه لازم يتعود على المكان وكم ممكن ياخذ وقت عشان اعرف انه يتكلم او ارجعه لصاحبه وهل الطير يستاهل السعر 2500 اليف وريشه تمام وصحته عال العال بس تصفيره قليل وانا مشتريه ابيه يسوي حركه بلبيت وقاهرني :( انتضر ردكم |
رد: هل يستحق الهولندي 2500 لأهل الخبره
وعليكم السلام والرحمه
. والله سعره ماعليه وعليه :o اللي اخذته .. ومدامه ماتكلم قدامك فأنت غلطان تاخذه .. عموما ..: مبرووك ولكن فيه فرق انه يتكلم كلمات او يتكلم جمل وراء بعض ..! وبالكثير عطه من 3 الى 5 ايام بالمكان الجديد ويتكلم .. والمكيف نعم يأثر عليه كثير لايكون يجيه المكيف ابد ولا الشمس لوقت طويل يعني بعد العصريات ونقطه مهمه بالوقت الحالي خله عندك لايشوف الا انت ولا يكلمه الا انت والاوقات ضرورية لها دور بالموضوع يعني الصباح قله صباح الخير وانت طالع قله مع السلامه وانت داخل قله السلام عليكم وعلى هالحال كم يوم وشف يتغير معك او لا .. وقت الاكل انت من يحطله ويغير مويته .. لازم يتعود ع صاحبه ويامن عليه .. وبالتوفيق |
رد: هل يستحق الهولندي 2500 لأهل الخبره
هلا الغريب وشاكر ردك
اخذنا من وقت يالغالي ابشرك من يوم جا شاف العايله الكريمه كلها ههههههههههههههههه معاد الحريم ماشاف وجيههم خليتهم يتغطون قلت الين يرضعونه عشان يسير يكشف عليهم بعني شاف اكثر من 8 ورعان البيت كان مليان ولا ادري الا هم داخلين عليه بس مدام كذا بخليه عندي والله يعين نصبر من المكيف اذا تكلم يستاهل وان ما تكلم عزالله اني بدجه بس الرجال قالي انه يبوس برضه وهذى صحيح بس الكلام باقي وانا اسمع كثيرين يقولون انه يفضل الفول السوداني من وين اخذه؟ |
رد: هل يستحق الهولندي 2500 لأهل الخبره
السلام عليكم
اخي العزيز السؤال يجب ان يكون قبل الشراء ثانيا بالنسبه للكلام بعض الطيور عندما يتغير عليها المكان او الاشخاص ليس فقط تتوقف عن الكلام بل بعضهم يتوقف عن الاكل والشرب من باب الخوف . على اي حال مبروك عليك ويتربى في عزك وبالنسبه للفول لاتقربه نهائيا فهو ضار اكثر من نفعه ولاي استفسار نحن بالخدمه. |
رد: هل يستحق الهولندي 2500 لأهل الخبره
اقتباس:
الرجال جارنا واعرفه يعني لو بغيت ارد الطير في اي وقت ما بيرفض طيب وش فيه غير الفول السوداني ؟ يعني شي يفضله وما عطيتني رايك بلنسبه للسعر |
رد: هل يستحق الهولندي 2500 لأهل الخبره
أتمنى أفدووك ما قصرواا
|
رد: هل يستحق الهولندي 2500 لأهل الخبره
أنا برايي يستااهل .. مادام هذي مواصفاته ~..
بس خله يتعود ع البيت . .~ وبعدييييييييييييييييييييييين بيعور راسك من كثر الكلام ..~ لا تكثر له من الفووووول السوداني ..~. |
رد: هل يستحق الهولندي 2500 لأهل الخبره
استخدم له خلطة حبوب الكاسيكو تباع في اماكن بيع الطيور و فيها كميات مناسبة من الفول السوداني |
رد: هل يستحق الهولندي 2500 لأهل الخبره
اقتباس:
|
رد: هل يستحق الهولندي 2500 لأهل الخبره
اقتباس:
بس والله استحيت اقله خله يتكلم قدامي عطاني القفص قلتلك مشاءلله مديتله الفلوس ودعست على البيت اكلم الاخ مسوي ثقيل شهيته للأكل افضل من اول وسارمتعود علي شوي بس دينه ودين احد يقرب رجليه هو يجي يجلس في حذلي ويطلع صوت اذا بغاني احك راسه بس قاهرني طول الوقت يتحكحك تقول معه جرب هههههههههههههه مدري هالشي طبيعي :shy: |
رد: هل يستحق الهولندي 2500 لأهل الخبره
اقتباس:
بس اخوي مدري انا قريت موضوع انه الفول السوداني مضر ومعاد ادري والله:( |
رد: هل يستحق الهولندي 2500 لأهل الخبره
االف مبرووك اخووي
تستاهل والله الله يخليه لك ياارب ويتربى بعززك تقبل مروري |
رد: هل يستحق الهولندي 2500 لأهل الخبره
خله فتره عندك لما يتأقلم علا الوضع والفول السوداني خله زي المكأفأه للطير اذا سوا حركه جديده او شي والحب الشمسي لايكون مالح ترا فيه ناس تحط مالح انتبه ونوعله بالأكل فواكه بس لاتكثر
|
رد: هل يستحق الهولندي 2500 لأهل الخبره
سمعت الهولندي ترفع السعر رغم ان اغلب الهولنديات امراضها كثيره وقليل تعيش
بس لانها تجي اليفه وسريعة الكلام مع الناس بس انت طيرك ماشاء الله تعدى مرحلة الخطر لان العين بيضاء ماشاء الله ولوهو فرخ قلت لك رجعه بدون تفكير لانه المناعه صفرسبحان الله ومادام الطير عندك ماكمل 10 ايام اكيد بيكون ماتكلم ولاطلع مواهبه اصبر عليه فتره وخليه في مكان ثابت لاتحركه ولاطلعه ويكون بوسط الاهل بحيث يشوفهم اسفل منه وراح يتفاعل معاكم خص الاطفال ونصيحتي لك اذا هو اليف وينطق لو كلمه وحده وصحته ممتازه لاترجعه واحسن شي انك تستخير تصلي لك ركعتين والخيره فيما اختارها الله والسعر هذا سعر الهولندي وربي يبارك لك في طيرك ويفرحك فيه |
رد: هل يستحق الهولندي 2500 لأهل الخبره
اقتباس:
وهو ماكمل اليوم 4 ايام عندي ما اقول الا صبر جميل والله المستعان المشكله ماش صبر :eek: والف شكر على ردك وعلى وقتك الي اخذناه منك |
رد: هل يستحق الهولندي 2500 لأهل الخبره
اقتباس:
اذا فيك تردد اوشك او مو مقتنع من الطير انصحك ترجعه لانك شكلك مو مقتنع والكلام اذا مشروط بيتكلم بس النوع هذا يبيله وقت |
رد: هل يستحق الهولندي 2500 لأهل الخبره
لامقتنع ورغبان فيه ريشه صافي واليف بس ابيه يتكلم هذى الي قاهرني
بس اخوي انا الحين احترت ناس يقولون لا تخلي الطير يشوف غيرك وانت تقول خله بلصاله يشوف الجميع معاد ادري |
رد: هل يستحق الهولندي 2500 لأهل الخبره
دامك مقتنع خلاص اصبر عليه لحد مايتأقلم ع الجو الجديد وليش تخليه مايشوف غيرك كذا راح تتعب نفسيت الطير لويشوف شخص جديد وانت عازله عن الناس بيخاف وراح تبتدي معاه المشوار من جديد والله الطيور خص الببغاوات اجتماعيه وتحب الناس وتتفاعل معها خص الاطفال وبيكون جريئ وماانصحك تعزله ابد ابد وراح تشوف نتيجة كلامي وبتسعد فيه انت علق القفص باالصاله بحيث يشوفكم اسفل منه وانت غير له الاكل والشرب وردد عليه كلمه معينه وراح ينطق بأذن الله بس لاتستعجل الصبر طيب |
رد: هل يستحق الهولندي 2500 لأهل الخبره
الف مبروك والله يحفظه لك ان شاء الله بس اخوي شكلك اول مره تربي الكاسكو الافريقي مثل ماتفضلو الاخوان احسن شيء خذله الخلطه الخاصه لان فيها جميع البذور المفيده اما بالنسبه حق الفول السوداني ترى هو زين بس لان يضر بصحه الطير لان القشر حقه بعض الاحيان يكون فيه بكتيريا ممكن تضر بصحه الطير بس اذا بقيت تعطيه الفول (السبال)عقمه يعني فوحه بماي حار ولين برد عطه حق الطير الي عندك الله يوفقك ان شاء الله ومبروك اما بلنسبه حق السعر اذا كان الطير يتكلم ترى مو غالي الطير يستاهل لان الكاسكو بالنسبه لي مايتقدر بالثمن وتقبل مروري
|
رد: هل يستحق الهولندي 2500 لأهل الخبره
اقتباس:
اخذت بنصيحتك وعلقت قفصه بلصاله معى الجمعه وصياح الصغار قام يطلع اصوات وتشكيل بلتصفير وفيه كلمه يكررها بس مي واضحه مثل الغنغنه فيها بس افضل من اول بكثير |
رد: هل يستحق الهولندي 2500 لأهل الخبره
اقتباس:
اول طير عيا ما يتكلم بعته مغير يقلد صوت البس حسيت اني مشتري قطو ماهو ببغاء ثاني طير كان مره متوحش وسويت فاهم وضربته في راسه ضربه خفيفه بطرف اصبعي ومدري والله اذا هي سبب موته وهذي الثالثه واغلى طير فيهم وناوي اتعب عليه وهو احسن واحد في الي اخذتهم |
| جميع الأوقات بتوقيت GMT +3. الساعة الآن 01:44 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو