|
ساعدوني تراني عجزت من طيري نداء الى الاخوان (سكر و غسان)
بسم الله الرحمن الرحيم
يا اخوان اتمنى اللي يقدر يفيدني بالموضوع لا يبخل علينا.. و اتمنى يكون عندكم سعة صدر و تتحملون طول الموضوع.. طبعا عنوان الموضوع (( طيري شلخ اصابعي من العض)) من شهر تقريبا شريت طير عمره تقريبا سنه و نصف.. طبعا الطير غير اليف بالمرة!! حاولت بكذا طريقة بس الى اليوم ماكو نتيجة.. اول طريقه استعملتها اني اطلعة برة القفص و اوكلة من ايدي.. و كانت طريقة ناجحة من غير جعير اذا شاف الاكل بيدي و ياكل.. بس من احاول اقرب ايدي منه يخاف و يجعر و يعض بعد.. ثاني طريقه نصحني فيها احد الاصحاب و قالي اشتري ستاند و اخليه عليه من غير قفص.. عشان يروح الخوف و قالي حاول تمسح على راسة لانه مافي نحشة من على الستاند.. فشلت الطريقة.. و آخر طريقة استخدمتها اللي اهي موجودة بالمنتدى للاخ سكر.. اللي اجيب فوطة و الفها على جسمة و امسح على راسة.. تقريبا صارلي اسبوع على هالطريقه و اطبقها بشكل يومي.. بس لاحظت من طبقتها خفت شهية الاكل عنده؟؟ المهم من اسويها الطير يصير من احلى ما يكون.. هادي جدا جدا جدا.. لدرجة اني امسح على منقارة و عاااادي كلش.. تقريبا هالجلسة اطول فيها 30 دقيقه و اكررها بعد استراحة لي و للطير.. بس من اجي للطير عشان اكرر نفس العملية يصير وحشي مرة ثانية.. و الصراحة جنني و مادري شنو اسوي معاه؟؟ و هم كنت ادخل ايدي الثانية واخليه يوقف على ايدي.. و اشوي اشوي كنت ارخي الفوطة لييييين اشيلها.. و من يشوف انه واقف على ايدي يبدي يقطع اصابعي.. اللي مستغرب منه لما يكون بالفوطة و امسع ياجماعه تقولون فرخ دجاجة مو كاسكو.. بس من يصير مفتلت احاول اني امسح على راسة ما يخليني.. مع العلم لما امرح على الراس اكرر كلمة راسك مع المسح.. عشان يربط الكلمة بالحركة مثل ما تعلمت بالمنتدى.. بس لما يكون على الستاند و اقوله راسك راسك.. يبطل حلجة و يعطيني جعير!!! و في طريقة اني احطة بحوض ماي بالمنتدى.. ودي اجربها بس خايف الطير يمرض!! ارجو انكم تنصحوني و اتوجهوني.. و اذا في اي استفسار انا حاظر.. حتى مستعد احط فيديو و اوريكم اشلون يكون هادي و بعدها عدواني.. و اشكركم مقدما.. اخوكم يوسف زمان |
رد: ساعدوني تراني عجزت من طيري نداء الى الاخوان (سكر و غسان)
اخي يوسف اهلا وسهلا بك
اخى الحبيب طريقه الفوطه هى افضل طريقه يمكن استخدامها لطائرك. الا ان بعض الطيور تكون عنيده جدا وتحتاج ربما الى اشهر لكي تتروض. المطلوب منك الان ان تستمر وانصحك ان تلبس قفازات وترخيها شوى واذا اراد ان يعض اعطيه الطرف المرخى منها حتى يعضه الى ان يمل. واثنا ما تكون ماسكه تكلم معه وامدحه وشجعه واعرض عليه ترك الجعير والعض. تاكد ان طائرك عنيد واذا كان كبير بالعمر ايضا فهو يحتاج لمجهود اكبر. ضع لنفسك جدول وحدده بزمن لنقل شهر مثلاً وانا واثق بانك راح تنجح. قبل التمرين ارفع الاكل من 3-4 ساعات لان لا تدريب مع شبعه واذا تجاوب معك اعطيه حبه شمسي فى كل مره. اتمني لك التوفيق. تذكر كل ما تحتاجه هو الصبر والمثابره مع الاصرار الهادى وسوف تنجح باذن لله تقبل مروري |
رد: ساعدوني تراني عجزت من طيري نداء الى الاخوان (سكر و غسان)
السلام عليكم ورحمة الله وبركاته
مثل ما قال الاخ غسان بس اباك تعرف انه اذا انت مهتم فيه راح يتروض بس انت اللي عليك انك تثابر وراح يتروض بطريقة او باخرى يعني لا تشيل هم الترويض وبالنسبة لطريقة البانيو انا مجربها من يوم ما بديت ادربه وطلع على يدي بعد 15 دقيقة مع العلم ان طائري كاسكو عنيد وعمره حوالي سنة ونصف بس خلي المويه تكون دافية شوية بالتوفيق تحياتي |
رد: ساعدوني تراني عجزت من طيري نداء الى الاخوان (سكر و غسان)
اشكركم اخواني على التشجيع و الرد السريع و ان شاء الله راح يتروض و ابشركم :)
|
رد: ساعدوني تراني عجزت من طيري نداء الى الاخوان (سكر و غسان)
ماشاء الله تبارك الله اهني فيك صبرك اخوي وايضاً حرصك على الطير
|
رد: ساعدوني تراني عجزت من طيري نداء الى الاخوان (سكر و غسان)
اخوي يوسف اهم شي بالترويض الصبر والمكافاة
استمر بطريقه سكر وامسح علي راس الكاسكو اطول فتره شي ثاني بالنسبه للعض كل ما كان الكاسكو جائع تقدر تسيطر عليه انا انصحك يكون الكاسكو جائع وتعطيه حب شمسي ومع الحب تحط شويه عسل بطرف الحبه وشوي تحط باصبعك عسل وانشالله شوي شوي مع طريقه العسل راح يخلي العض وتقبل مروري واي شي تبي انا حاضر اخوي يوسف |
رد: ساعدوني تراني عجزت من طيري نداء الى الاخوان (سكر و غسان)
اشكرك اخوي عاشق الاطلال على مرورك العطر..
اخوي يوفاوي.. بس ياخوي حتى لما اشيل منة الاكل ما ياكل من ايدي حب!! بس اعطيه ذرة او تفاح ياكل.. الحب بالذات ياخذة و يقطة.. ما اعرف شنو يعني هالتصرف؟؟ و بالنسبة للعسل جربت بس ما شفت انه تلذذ بطعم العسل و يقط الاكل اذا فيه عسل!! اذا عندك افادة اتمنى انك تفيدني؟؟ و استفسار خارج الموضوع اذا ممكن.. بالنسبة للجناح، هل من الممكن انه الريش يطلع اذا انقص؟ انا طيري جناحة مقصوص بريقة مو حلوة لدرجة شكلة قبيح.. اشكثر يبيله على ما يطلع؟ و انا سمعت انه الريش اذا انقص ما يطلع الا اذا نتفتة من الجلد؟ هالكلام صحيح؟ |
رد: ساعدوني تراني عجزت من طيري نداء الى الاخوان (سكر و غسان)
اصبر على اطير و اهم شئ لالا يتعوود على عظك يعني تجنب العض لأن تراه اطير جداا ذكي ويرااقب كل ردة فعلك كرر طريقة سكر واصبر عليها و راح تحصل نتيجه مع الوقت و رمي الحب طبيعي وهم مع الوقت راح يااكل من ايدك وبالتوفيق |
رد: ساعدوني تراني عجزت من طيري نداء الى الاخوان (سكر و غسان)
ياخوي اشكر مرورك.. بس ممكن تفهمني اشلون اتجنب العض؟
يعني ما امدلة ايدي بالمرة؟ ولا امد ايدي و من يبي يعض اوخر؟ |
رد: ساعدوني تراني عجزت من طيري نداء الى الاخوان (سكر و غسان)
اشدعوة زيارة وحدة بس!! وين الاخوان؟
|
رد: ساعدوني تراني عجزت من طيري نداء الى الاخوان (سكر و غسان)
اخوي لما تتجنب العض يعني لا تشيل ايدك بسرعه شيلها شوي شوي وكلمه قول له لا او غلط علي شان يفهم انه هالتصرف غلط
بالنسبه للعسل صدقني شوي شوي راح ياكله واستمر علي انك تحط العسل علي ايدك وشويه صبر وتشوف النتايج انشالله |
رد: ساعدوني تراني عجزت من طيري نداء الى الاخوان (سكر و غسان)
مشكور اخوي يوفاوي ما قصرت..
انشالله من اليوم بسويها و نشوف ردة الفعل :) |
| جميع الأوقات بتوقيت GMT +3. الساعة الآن 03:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو