مات وخلاني
 

مات طيري الرمادي وخلاني قلت له خلك قوي.... ولا تخليني ..وقلت له قاوم المرض .. تجربه عمرها عشره ايام مع طير كنت اتمني اربيه من فتره طويله .. للاسف من بدايتها كانت مؤلمه له على الاقل ..ليتني ما حبيته ..ما خليت كتاب يحكي عن الرمادي الا شريته .. ما عطاني وقت ولا ودعني .. رجعت ولقيته ميت ..ناديته يمكن يسمعني بس الموت حق .. سبقني له .. يمكن ما تحمل الابره المضاد كانت الابره الثالثه اليوم ..امس حسيت انه احسن .. بس يمكن ارتاح الحين ..

رد: مات وخلاني
 

شو المرض اللي كان فيه؟؟ وكم كان عمره؟ اذا كان اسهال ابيض يعني فيه مرض السالمونيلا واقري هذا الموضوع

http://www.2zoo.com/vb/showthread.ph...978#post143978

والله يعوضج ان شاء الله برمادي ثاني .. تقدرين تروحين للمكان اللي اشتريتي منه وتقولين له

ان شريتيه وهو مريض وهو ماعطاج ضمان بانه الرمادي ماكان فيه شي

رد: مات وخلاني
 

ياقلبي :(

الله يعوضك خير

وأنشاءالله كل اللي سويتيه له بميزان حسناتك...

رد: مات وخلاني
 

كان اسهال اخضر وبعدين ابيض .. ما يعطون ضمانات ..الله يجزاك خير ..

رد: مات وخلاني
 

اذا ابيض فيه مرض السالمونيلا كان المفروض تتأكدين من برازة وهو فالسوق قبل لا تشترينه

رد: مات وخلاني
 

ما كنت عارفه هل نقطه .. مع العلم انه جاله يوم كانت فضلاته متماسكه بس عقب ما اخد المضاد سار سايل اخضر ..

رد: مات وخلاني
 

الإخت / تراني جديدة

ما أقول إلا الله يعوض علي وعليك بخير

طيري أنا بعد مات قبل 2 ساعتين .. ونفس المرض ونفس السناريو .. كنت راجع للبيت عشان أودية

للدكتور البريطاني اللي وصفة لي الأخ A.j .. ولكن بمجرد دخولي للبيت تفاجأت بولدي يخبرني

عن موتة .. بصراحة حزنت حزن شديد .. وأنا أشوفة ملقى على ظهره وميت .. منظر بصراحة

ماتمنيت أشوفة .. لكن ما أقول إلا

لا حول ولاقوة إلا بالله

رد: مات وخلاني
 

أختي تراني جديده الموت حق علينا كلنا وأنا حاس بمشاعرك إتجاه طائرك لكن انشاء الله تاخذين اللي أحسن منه وهذي تجربه وإذا مانجحت في الترجبه الأولى أنشاء الله بالثانيه تنجحين
وأرجو منك دائما عند شرائك لأي طائر التأكد من برازه وصحته وعافيته
أخويalssiad2001
الله يعوضك بطير أحسن منه وأنشاء الله التجربه الأخرى تنجح معاك

رد: مات وخلاني
 

alssiad2001 الله يعوض علينا بالخير .. ايه المنظر جدا قوي ومؤلم ..كم سارله عندك ؟.. صعب الواحد يتعلق بطير .. انت ما تتخيل سرت اصحىمن النوم عشان اكله وتعود على لدرجه اني افتح منقاره بايدي واكله ..بس الله يعوضك باحسن منه ويعوضني ..والله هل مرض جدا قوي .. كل يوم موديته للطبيب ..بس الله يرحمنا برحمته ..

رد: مات وخلاني
 

فارس مجهول .. كنت اتمنى تكون تجربه حلوه .. وان شاء الله اتعلم من تجاربي ..الواحد لازم يحط في باله انه ممكن يفقد اي حيوان يربيه في اي واقت ..صحيح الموت علينا حق ..شكرا لاحساسك المتفهم ..

رد: مات وخلاني
 

الله يعوضك انشاء الله

رد: مات وخلاني
 

تراني جديده
الله يعوضك خير بغيره ويرزقك رمادي افضل منه ويكون محب ومخلص لكي وجعلك ماتشوفين مكروه.

قبل اسبوع لقيت كاسكو مرمي قريب الزبالة وانتم بكرامه وسألت عنه الجيران الين جبت الخبر والوفاه كانت نتيجة الاهمال صاحب الكاسكو حاطه تحت الدش ودق تلفونه وطلع خارج البيت ونسى ان فيه حيوان ماله ذنب تحت الدش ويوم رجع لقاه ميت.

قبل يومين لقيت واحد جالس يحفر في البراحة اللي بجمب بيتنا وهو حزين ويوم سألته وش تسوي قاله شوف اللي بداخل الكيس ويوم افتح الكيس لقيت كاسكو وكان يبي يدفنه وسبب الموت الاسهال المستمر.

فرق بين صاحب الكاسكو الاول وصاحب الكاسكو الثاني واحد يرمي والثاني يدفن(الاخلاص لحيوانك وونيسك)

الله يحفظ طيوركم وحيواناتكم ويسعدكم فيها ولاتشوفون مكروه .

وانا كان عندي كاسكو بس الظروف اجبرتني ابيعه واحسن مافيه انه لاسمع كلمة الله اكبر يصلي ادري انكم تحسبوني العب عليكم بس السبب في تعلم الطير للصلاة الوالده الله يحفظها لااذن تاخذ السجاده وتكبر وتصلي ومع التكرار الببغاء لاسمع الاذان ولا احد قاله الله اكبر نزل راسه(يركع) واذا شاف احد يصلي يركع نزل معه واذا سجد ينزل راسه اكثر.

والحين شاريلي واحد مايدري وين الله حاطه عبيط وعنيد وله عندي حول 6 شهور بس لاجيت امسكه يعض وموب راضي يتروض وفالح يستهبل ويستعبط على القطاوة بس لاشاف الام تدور على عيالها يقلد صوت القطاوة الصغار ويهبل في امهم وهي ماغير تدور على عيالها.

رد: مات وخلاني
 

:( :( :( إشلون انا قدرت أشوف الموضوع ياليتني ما شفت الموضوع :( :( :( :( :( :( :( :( :( :( :(

رد: مات وخلاني
 

يا ويلي.. شكثر احزن يوم اسمع خبر محزن كهذا.. واذكر طيوري اللي فقدتهم.. :( :(

يا حبيبتي.. اهم شي انك ما قصرتي عليه بشي و حاولتي أنقاذ حياته بأي طريقه.. تراه كله في ذمتنا يا جماعه..:( :(

مقدره موقفج.. هذا وانتي ما عشتي وياه الا كمن يوم فما بالك اللي عاش وياه سنين وبعدين فقده؟؟ ما عليه يا اختي.. معوضه ان شاء الله بأخير منه..

لا تخلين هالشي يأثر عليج واايد.. الحياه تستمر.. روحي السوق اشتري طير ثاني وربيه..:o :o

قدر الله ما شاء فعل..

رد: مات وخلاني
 

بالفعل شي غريب انا ألاحظه كثرة موت الرمادي وبصراحه اخشى ان اضمه لطيوري فغالباً ماتمرض سريعاً وصعب علاجها ...
الله يعوضك خير ان شاء الله وعسى ان تكرهوا شيئاً وهو خير لكم ....

رد: مات وخلاني
 

kdsd امين يارب .. تسلم اخوي ..


هاوي رمادي ..الله يجزاك الف خير على هل الدعوه الحلوه ولك مثلها .. والله يسمع منك يارب ..والله يحفظلك طيرك ..




تركي .. الموضوع قوي ادري ..والي علقني فبه اكثر انه كان مريض وانا كنت اهتم فيه فا قويت العلاقه اكثر .. ياحبي لعيونه يوم يناظرني .. والله زعلت عليه ..شكرا لمرورك..

توتي .. جد تأثرت .. وخايفه ادخل تجربه مؤلمه مره ثانيه ..تخيلي كنت مقابلته اربع وعشرين ساعه ..بس اشوى انو الرمادي يشبهون لبعض يعني ممكن اروح اتفرج عليهم من بعيد .. على الاقل الين ما انسى الدب شوي .. فقدتي طيور !!! انا واحد ويالله ..


عاشق المكاو .. لهذا الحد ضعيفين .. ماعرف كيف الناس قادره تربيه وهو حساس كذا ..عن جد شكل البضاعه مضروبه الي في السوق ..شكرا على الدعوه الحلوه .. فعلا عسى ان تكرهوا شيئآ وهوا خيرا لكم ..





الشكر للجميع للدعم المعنوي ..

رد: مات وخلاني
 

من جد مش عارفة ايش اقول مررررة صدمت من الخبر مع اني كنت متابعة مواضيعك من بداية ما اشتريتيه كان على اساس انو بدأ يتحسن ............ امكن احسن ليه مات بدل ما انو يتعزب وهو مريض وياخد ابر في صدرو تر الطيور اجسامها ضعيفة وما بتستحمل المرض.....يلا الله يعوضك ان شاء الله.....

رد: مات وخلاني
 

ياحبي له .. الله يعوضني واحد ثاني بصحه احسن .. انا معاك اكيد بيرتاح من الابر .. ماراح اشتري واحد الا في الصيف .. شكرا كثير والله يحفظك ويحفظ طيورك ..

رد: مات وخلاني
 

ما عليش...........
هذا حال الدنيا:(

رد: مات وخلاني
 

الله يعوضك خير انشاءالله أختي تراني جديدة وأخ الصياد2001

وجعله الله في ميزان حسناتكم

والله موضوع أحزني لما قرأته وقلبتو علي المواجع ذكرتوني بالكاسيكو اللي كان مريض عندي ومات والثاني اللي طار والله يخلي لي الثالث انشاءالله ولايصير فيه شئ.

وعن تجربتي صحيح ماتتعلقي فيه أكثر الا اذا كان مريض تزيد قوة العلاقة بينك وبين الببغاء بسبب حاجته الى مزيد من الأهتمام.

وماأظن تقدر تتحملي الى الصيف ماتشتري لك واحد ثاني قلتها قبلك وكنت اقول مستحيل ماأبغي غيره وماأبغي اربي غيره لكن ماقدرت اصبر أكثر من اسبوعين واشتريت واحد جديد.

يالله انشاءالله الثاني يكون أحسن والله يطرح اللي فيه البركة.

رد: مات وخلاني
 

العامدوي .. تسلم .. الحياه صعبه ..




fan .... ايه والله شكلك صادقه ..الين الحين ونا اقرا عن الرمادي .. ونفسي اروح لمحلات الحيوانات عشان اشوفه بس ما ودي اشتري في البرد ويمرض عندي ..ولسى صورته في بالي .. شكله عمل لي عمل : ) .. الله يخليلك طيرك .. وان شاء الله توفقتي في الاخير .. تصدقين احيانا احس بالذنب لانه لمن اخذ الابره الاخيره ما كنت معاه واني وافقت انه يعطونه ابر .. مع انو في بنات يقولوا انك تهتمين فيه اكثر من مانهتم في عيالنا .. يالله الله يعوضني خير ..
شكرا كثير والله لا يوريك مكروه في طيرك ..

رد: مات وخلاني
 

العامدوي :eek:

رد: مات وخلاني
 

توكل على واعلمي انو الموت حق ولا تحزني فان مات ببغاء قبل فترت بمرض الاسهل الابيض( السالمونيلا )

بس عاد لمن يجي الجديد لازم تكشفي عليه

رد: مات وخلاني
 

allah i9abrek 3ala fragah
w allah i3awdek b wa7ed a7san menh

رد: مات وخلاني
 

المميز .. ان شاء الله ان اخذت ثاني اكيد بكشف عليه .. صحيح اخوي الموت حق .. شكرا لك ..



the snipr .. امين يارب الله يعوضني .. شكرا لك ..

رد: مات وخلاني
 

لاحول ولاقوه الابالله

عضم الله اجرك والله يرحمه

يمكن الحين هو مرتااااااح
والله يعوضك غيره

رد: مات وخلاني
 

اختى النظافه والاعتناء في الطير اهوه الي يخليه يكون مرتاح في بيئتة الجديدة وهل كائن الطيف والرقيق والحساس محتاج كل الحنان والصبر عليه لانه مايستحمل اي اهمال من ناحيه صاحبه

واتمنى انه الله يرزقج بطير الي يتمناه قلبج انشالله .....

فنان قطر

رد: مات وخلاني
 

فنان قطر اتفق معك في هل موضوع .. اللهم امين .. وشكرا على الدعوه ..

رد: مات وخلاني
 

رد: مات وخلاني
 

عبد الرحمن .. جزاك الله خير .. وامين يارب الله يعوضني غيره .. شكرا كثير ..






معاد تفرق .. كاني اشوف مافي احلا منه ..بس الله يعوضني .. ايه اطقلي مبلغ محترم ولفلفه وحوسه وبعدين يجي يموت عندي والله مشكله .. كلكم تقولون مات عندكم كثير جد الله يستر ..شكلي لسه في اول المشوار .. شكرا على الدعوه الحلوه والله يسمع منك يارب..