|
كم سؤال عن الـ Ball Python
السلام عليكم ,, حبيت أسألكم كم سؤال بس اشتريت الحيه قبل أسبوع و الريال قالي موكلها قبل أسبوعين أمس شريت لها كتكوت " يعني 3 أسابيع ما كلت " حطيته ولا سوت شي خليته تقريباً نص ساعه العصر رحت اشتريت فار و خليته هم تقريباً نص ساعه ولا سوت شي و اليوم حطيت الفار مره ثانيه من 11 الصبح الى 5 و نص ! ولا كلته ؟! شسوي الحين ؟ و سؤال ثاني لاحظت على راس الحيه هالشي http://img510.imageshack.us/img510/7892/24443070.jpg http://img532.imageshack.us/img532/1398/70261762.jpg < هاذا تبديل جلد ولا شنو لأني سمعت ان لما تبدل الجلد ما تاكل ؟ و اذا مو تبديل الجلد هل يروح هالشي لما تبدل ؟ و سؤال ثالث :) الحين بقفصها < طبعاً حوض زجاج أساساً هو للسمك المهم خذيته و ضبطت كل شي و خذيت دفايه بعد المهم الليت الأبيض يضرها ؟ أحس انه قوي شوي ؟ و مرات أفتح الحوض من فوق أحس ان داخل في رطوبه شوي ؟ تضرها لا لا ؟ و بس |
رد: كم سؤال عن الـ Ball Python
سلام اخوي
هذا النوع من الاصلات يسمى الخجول ومتعب في الاكل حاول انك ما تقرب منها يومين وغطي القفص بمنشفه او قماش لا تخليها تشوف احد وبعدين حطله الفار بس حاول انه يكون بالليل يعني خلي اللمبات شغاله 12 ساعه وتطفيها 12 ساعه وبالنسبه للرطوبه ما تضرها اما الشي اللي فوق راسها انا ماني شايفه ويمكن يكون قشور جرب هاذي الطريقه وان شاء الله تاكل |
رد: كم سؤال عن الـ Ball Python
^
بس ما أقدر أخلي الفار معاها بعد :/ قريت قبل ان المفروض نخليه 10 دقايق ان ما كلت خلاص و اذا خليته ممكن الفار يمرض الحيه ! انزين شكثر تقدر تقعد بدون أكل ؟ يعني أبي مده تبقى فيها يوعانه بعدها اهي من نفسها تاكل و تونسنا معاه ؟! و اذا تقول ان قشور يعني تروح ولا علطول تبقى ؟ |
رد: كم سؤال عن الـ Ball Python
الي في راسها هذا حرق من اللمبه يمكن اللمبه عندك جوا القفص مو مغطيه
أو يكون الحرق من المحل الي شريته منه بس عادي يروح بعد فتره أنا كنت حاط اللمبه جوا الحوض بدون غطاء والاصلات تحاول تطلع وتلمس اللمبه براسها و جسمها بعدين اكتشفت ان اللمبه لازم توضع بحامل خاص وخارج الحوض بعد يكون أحسن الاضاءه لو تكون لمبه uv أحسن تعويض عن أشعه الشمس وتشغلها في الصيف 6 ساعات والشتا 12 ساعه وزي ما قلت لك اشتري حامل مخصص لإضاءة الزواحف وآسف على الاطالة |
رد: كم سؤال عن الـ Ball Python
^
أهااا ~ بس الحين المشكله ويا الأكل شلون ؟ و الرطوبه ؟ |
رد: كم سؤال عن الـ Ball Python
تغيير الجلد اذا بدا تغيير الجلد تكون عيون الثعبان بيضاء وينصح بعدم اطعامها في تلك الفتره
بس اذا عيونها عاديه معناته انها ما بعد تأقلمت على المكان وفيه عندها توتر |
رد: كم سؤال عن الـ Ball Python
ملاحظة :
لازم تكون درجه حراره الحوض من تتراوح من 23 الى 29 لازم يكون عندها حوض مياه يكفي للاستحمام والشرب تنظيف الحوض باستمرار وضع ارضيه مناسبه او مخصصه ديكورات تتناسب مع بيئته الافتراضية الاضائه تكون في النهار وفي الليل تطفئ الاضاءه مع العلم أن البول بايثون تحب الاماكن المعتمه والهادئه |
رد: كم سؤال عن الـ Ball Python
هاذا حوضها ^^"
http://img28.imageshack.us/img28/375/picture007i.jpg < فيه شي غلط للعلم الدفايه موجوده حاطها تحت البيت " السله " و الأرضيه خشب مثل مال الهمسترات و هاذي الحيه بس بصور واضحه و قريبه < ترى هاذي أول تجربه لي فما أعرف http://img51.imageshack.us/img51/53/pictw.jpg http://img185.imageshack.us/img185/5639/picte.jpg انزين ممكن أوكلها بمكان غير مكانها ؟ يعني مثلاً أخليها بكرتون و بالحوش ؟ ولا لازم بحوضها أشوف بيوتيوب كأنه عادي كل مكان يوكلونها ؟ و آسف عالإزعاج تعبتكم معاي :) |
رد: كم سؤال عن الـ Ball Python
الخبراء ينصحون بإطعام الاصله خارج الحوض
انا ابيك تجرب شي حطها برا الحوض في كرتون أو اي شي ثاني وحطها في الظلام بعد شوي دخل عليها الفار و بعد عنها وخلهم شوي وشوف اذا كلته ولا لا |
رد: كم سؤال عن الـ Ball Python
ما كلت :(
أوكي يصير أحط هامستر داخل حوضها و احط للهمستر أكله و يعيش لين يجيه اليوم ؟ |
رد: كم سؤال عن الـ Ball Python
اي و ما قلتو بالنسبه للوضع الطبيعي شكثر ممكن تقعد بدون ما تاكل ؟
|
رد: كم سؤال عن الـ Ball Python
الله يكون في عونك أخوي .. مشكلة مثل هالحالة مع الاصلة الملكية
كان عندي اصلة ملكية ماشاءالله تاكل حتى خارج قفصها تاكل .. وبالنسبة لفترة الاكل تقعد اشهر بدون اكل تعيش ممكن 3 اشهر او اكثر .. لكن اهم شي ان الماء متوفر لها |
رد: كم سؤال عن الـ Ball Python
^
انت كل كثر توكلها ؟ |
رد: كم سؤال عن الـ Ball Python
اسأل صاحب المحل اللي كانت عنده الحية وش كان يوكلها؟؟
لاان بعض الثعابين مزاجية بالاكل. يعني ماراح ياكل فرخ اذا اتعود على فيران..وهكذا. بس مثل ماذكر الشباب...اتركها في الظلمة و تاكد انها دافيه. وترى الثعابين ممكن تقعد من دون وجبه تقريبا ل5 او 6 شهور..فاحتمال انها بس شبعانه و ماهي جاهزه لوجبه ثانيه. وبالتوفيق... |
رد: كم سؤال عن الـ Ball Python
لحد الحين ما كلت جربت كل الطرق
الحين حطيتها مع الفار و المشكله اني ذبحته بالغلط @@" المهم اهي الحين معاه بكرتون مسكر من فوق و مخليهم بره يعني حر شوي ^^" أقولكم انشالله شيصير ! |
رد: كم سؤال عن الـ Ball Python
انزين الحين عينها صارت زرقا ؟!
قريت انه يعني قاعده تبدل الجلد ممكن هذا السبب فشكثر راح تطول على هالحال ؟ |
رد: كم سؤال عن الـ Ball Python
تختلف من أصله لأصله في بعضها تطول وبعضها لأ
وهذا على حسب التغذية والرطوبة وامور كثيره |
| جميع الأوقات بتوقيت GMT +3. الساعة الآن 05:17 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو