|
نكفوووووووون ألحقونييييييي
السلام عليكم مساء الخير على الجميع تكفون يا مشرفين و يا خبراء أبي فزعتكم أنا شريت اليوم كاسيكو أفريقي ماشاء الله علية حلو ولونه فاتح وريشه مرتب و نضيف لكن قلت ودي أقص جناحة علشان مايطير وديتة لصيدلية بيطرية علشان أقص جناحة و لكن لأسف طحتلي على واحد غشيم ما أقول إلا حسبي الله ونعم الوكيل عليه ما ودي أطول عليكم أبي رايكم شسوي علشان يرجع جناحة بأسرع وقت لأن بصراحة تغير شكلة 360 درجة و صار شكلة بشع جدااا و هذي صورتة http://www.2zoo.org/get-3-2010-2zoo_org_sq5h564g.jpg تكفون قولولي شسوي أنا بإنتظاركم بفارق الصبر تحياتي للجميع .... |
رد: نكفوووووووون ألحقونييييييي
يا اخي كان مفروض تطلع على المواضيع في المنتدى وتشوف افضل طريقه تناسبك وبعدين تروح للمحل وتقوله قص كذا وخلي كذا على فكره انت السبب في هذي القصه وخلت شكل الطير مو حلو يعني في مواضيع لي وللأخوان ترك اول 3 ريشات وقص 3 ريشات وترك 3 ريشات وقص 3 ريشات ويبقى شكل الطير مثل ما هو ما كانه تغير ولكن انت استعجلت ورحت وقصيت تحمل وان شاء الله الاخوان يفيدونك سامحني لو قلت انت السبب في هذي القصه تحياتي لك وتقبل صراحتي اخوك محمد |
رد: نكفوووووووون ألحقونييييييي
اخوي
اذا كنت تبي ترجع جناحات الطير مثل اول نتف بقايا الريش اللي من الجناح و راح يقعد مده و يرجع لكن من جد القصة شكلها مو حلو |
رد: نكفوووووووون ألحقونييييييي
بصراحة باين من قصة الريش ان اللي رحت له جزار مو بيطري للأسف وماعنده سالفة ابد وبخصوص رجوع الريش لسابق عهده حالياً ماراح يتغير ولا راح يطول لاكن في موسم القلش (تبديل الريش ) راح يطيح الريش القديم المقصوص وراح يطلع بداله ريش جديد الله يعينك تنتظر اخوي انا اشوف على المجثم واسفل القفص بقع حمرا هل هذا دم:confused: |
رد: نكفوووووووون ألحقونييييييي
والله صدقت يا ابو ريان انو جزار
و انشاء الله يرجع زي ماكان بس غذيه مزبوط و نوع له في الاكل |
رد: نكفوووووووون ألحقونييييييي
اقتباس:
حياك الله حبيبي كلامك صحيح المفروظ أني أطلع على المواظيع الخاص في قص الجناح لاكن هذا لو كنت أنا اللي أبي أقص جناحة لكن أنا وديتة للصيدلية علا أساس أنة خبير و بيكون أفهم من غيرة لاكن أمحق خبرة :( على العموم ماقصرت و مافي فايدة من الكلام هذا كلة الجناح أنقص و خلاص أبي كيف أرجعة تحياتي لك .... |
رد: نكفوووووووون ألحقونييييييي
اقتباس:
هلا وغلا أخوي الله يعطيك العافية لاكن كم تقريبااا المدة اللي تقول عنها على ما يطلع تحياتي لك... |
رد: نكفوووووووون ألحقونييييييي
اقتباس:
مرحتين حبيبي و الله جزار شوي علية قولي سفاح يمكن أقتنع قولي أتال أوتلا حسدئك :D:D:D ما قصرت يالغالي لاكن متى موعد القلش وهل يطيح الريش الكبير بالنسبة للبقع الحمرا إية و الله دم لاكن من أظافرة أنا أولتلك أتال أوتلا مصدئتنيش تحياتي لك .... |
رد: نكفوووووووون ألحقونييييييي
اقتباس:
تسلم يالغالي على مرورك تحياتي لك ... |
رد: نكفوووووووون ألحقونييييييي
اخوي هذا كنه حلاق بنقالي جالس يتعلم في الناس انتف الريش المقصوص كله وفي ضرف 40 يوم بالضبط راح يطلع ريش جديد ونظيف ومرتب وبعد مانتنف الريش لازم تعطيه يوم في الاسبوع بليله ( حمص ) عشان الكالسيوم , ومعرف ان الكالسيوم مفيد لريش وعظمه الدجاج غسلها كويس وعطه ياكلها لانها مفيده بعد في الريش اخوي حبيت أسال الدم الي في القفص من ايش ! والدم كثير مره وش السالفه تقبل مروري |
رد: نكفوووووووون ألحقونييييييي
بالعاده النتف يجيب نتائج سلبيه ع الطير خصوصا ً إذا ماهو أليف بيتعقد أكثر ويصعب الترويض ( إذا ماهو أليف ) , حتى لو أليف قد يكون عكسي عليه ويتوحش لقوة الألم بالنتف برأيي تركه لموسم القلش أفضل بيغير ريش ( ولا يهونون الأخوان ) . 00000000000 بالتوفيق لك , |
رد: نكفوووووووون ألحقونييييييي
يعني الدم من الاظافر بعد القص :eek: هذا من جد جزار إذا استمر النزيف من الاظافر حط على الاظافر بودرة عادية وانتبة انها غير معطرة وان شاءالله راح يتوقف |
رد: نكفوووووووون ألحقونييييييي
ولا يهمك راس مالها ريشتين وطاحت
اللي صار صار وسع صدرك معاه وانتبه من النتف لاتغامر لانه هذي مصيبه ثانيه بس اشد من القص لان الطير بيتعذب وبيكرهك وتبتدي فيه الامراض النفسيه شوف يااخوي مدامك مبسوط بطيرك واليف معك انسى الريش ولاتهتم فيه مصيره يطيح ويطلع من جديد ولاتركز ع السلبيات ركز ع الايجابيات اهم شي الاخلاق:D اما هذاك اللي رحت لمه وسوى تجارب بطيرك يبيله من يقص اذانيه ويعلقها بظهره يحمد ربه انه مو حولي :wao: كان يعتزل المهمنه ويحول لشهار خخخخخخخخخخخخخخخخخخخخخخ |
رد: نكفوووووووون ألحقونييييييي
حسبي الله علية حساب ورا عقااب كيف كذا
شوفي قص الاضفار مشاكل وبعدين هل الببغاء يوقف على رجل واحدة ؟ شوفي اناشالله مع علية خطر |
رد: نكفوووووووون ألحقونييييييي
حسبي الله علية
والله شلت همة تلقى ببغاي والله شوي وابكي هههههههااايـ ايش صار علية خبرنا |
رد: نكفوووووووون ألحقونييييييي
اقتباس:
هلا و غلا حبيبي أنا فكرت أنتف ريشه لاكن أشوف بعض الأخوان يحذرون من النتف لأنة بصراحة هو شافني و الجزار شغال علية هههههه وصار يخاف مني علشان كذا ما ودي أزيد الطين بله و بالنسبة للدم من الأضافر لأنة نفس السفاح هذا قص أضافرة شاكر لك و مقدر مجهودك حبيبي تحياتي لك.... |
رد: نكفوووووووون ألحقونييييييي
اقتباس:
حياك الله أخوي هذا اللي مخوفي في الموضوع و المشكلة أنه أليف وصار يخاف مني و إذاقربت منه صار يجعر لكن الحمد لله بدا يهدى شوي وكلامك صحيح شكلي بخلية لين موعد القلش لكن متا موعد القلش تحياتي لك ... |
رد: نكفوووووووون ألحقونييييييي
اقتباس:
هلا بك أخوي لا ابشرك الحمد لله وقف النزيف تحياتي لك .... |
رد: نكفوووووووون ألحقونييييييي
اقتباس:
مرحبتين أخوي إية والله صدقت اللي صار صار وخلاص هذا حكم الله و لا إعتراض على حكمة سبحانة و على قولتك أخوي أتفرغ للأمور الإيجابية أحسنلي تحياتي لك ... |
رد: نكفوووووووون ألحقونييييييي
اقتباس:
هلا و غلا حبيبي الله يعطيك العافية على إهتمامك و حرصك أبشرك الحمد لله النزيف وقف أحيانااا يوقف على رجل وحدة لكن ليش تسؤل؟ تحياتي ك.... |
رد: نكفوووووووون ألحقونييييييي
لا ن كان عندي ببغاء وديتة لاجاز زيك وقصة اضافرة وبدا ينزف الين وقف النزيف
وبدا ياقف على رجل وحدوة ومن ذاكـ اليوم وهو على الحالوصارت عادي هاذا الكلام من قبل ثلاث اشهر وعادي مشاء الحال |
رد: نكفوووووووون ألحقونييييييي
حرام ولله انت تدري ان الوريد في الببغاء يمر بالاظفر والله لو انك طارح الموضوع قبل لا تسوي هالشي كان قصيتة لك وبطريقة احترافية وبلاش وبدون عذاااااااب بقولك شي في كثير بيطيرين ماعندهم ساااااااااااااااالفة في الطيور المربين افهم منهم اذا انت بالرياض راسلني على الخاص او كلمني **********
|
رد: نكفوووووووون ألحقونييييييي
اقتباس:
حياك الله حبيبي المثل يقول لا فات الفوت ما ينفع الصوت و للأسف ماني من الرياض أنا من الشرقية على العموم ماقصرت و بيض الله وجهك تقبل تحياتي .... |
| جميع الأوقات بتوقيت GMT +3. الساعة الآن 02:30 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو