منتديات تو زوو

منتديات تو زوو (http://www.2zoo.com/vb/index.php)
-   قسم هواة الببغاوات (http://www.2zoo.com/vb/forumdisplay.php?f=31)
-   -   الكاسكو بعيون سود واسعاااااااارة المبالغ بيها ... (http://www.2zoo.com/vb/showthread.php?t=146800)

adilo2ooo 06-03-2010 01:35 AM
الكاسكو بعيون سود واسعاااااااارة المبالغ بيها ...
 
يأخوان الموضوع باين من عنونه ... اليوم كنت بالحراج ولقيت كاسكوات بأعمار صغيرة وعيون سود اسعاااااااااارها تبدأ من 1500 ريال .... ياهوووو عيون سود ...... وش صار بالدنيا انا حاس الطير مو مستاهل ذا السعر ... لأن مناعته ضعيفه ... وغير كذا تراه غير وليف ومصممين على الاسعار يعني مافيه امل ينزل السعر شوي ...

ارجو منك وضع تعليقاتكم على الموضوع

وســـــام 06-03-2010 02:39 AM
رد: الكاسكو بعيون سود واسعاااااااارة المبالغ بيها ...
 
ياغالي اسعارها كذا
وكل واحد يترزق الله
بالعكس انا كنت معاك بالحراج اسعارها جدا حلوه
وحصلت كثير ولمن كاسرته في السعر وشافني صامل
نزلها الى 1300 ريال
ولا تنسى انه صغير في السن يعني غشيم مايعرف شي
اذا تعود عليك وربيته وصار يطلع وياكل من يدك
تعال فكر تبيعه مستحيل تبيعه بأقل من 1500 ريال ولا عنده ولا كلمه
بس انه اليف ولا يجعر ويطلع على اليد
شكلك اول مره تنزل السوق
الصغير عيون سودا مرغوب اكثر اكثر من الرماديه
تحياتي لك

راقي_جده 06-03-2010 03:24 AM
رد: الكاسكو بعيون سود واسعاااااااارة المبالغ بيها ...
 
والله يا اخوي اديلو 2000 انا معاك والله اسعارها مرتفعه مو لانها صغيره لان الطيور الامازوني سعارها غالي فالناس صارت تتجه للفريقي لانه بسعر واحد امزوني بلوفرنتد تقدر تاخذ 3 افريقي....ولكن احب اوضحلك شي انا من جده والله اني اشتريت 2 افريقي عيونها رمادي غامق جدا اخذت الاثنين بي 1500 ريال ...صحيح فيها تجعير بسيط بس والله اسبوع وراح الجعير....بس ابشرك في الشهرين القادمين انشاء الله راح يكون السوق مليان بالفريقي وراح ينزل سعرها للنصف وكمان الامازوني كذلك...بس انتظر شوي ولا تستعجل

الحلم الوردي 06-03-2010 08:25 AM
رد: الكاسكو بعيون سود واسعاااااااارة المبالغ بيها ...
 
اعتقد انه السعر معقول شوي

تعال عنا على الامارات

شوف اسعارهم

توصل 1800 درهم ومرات 2000

اعتقد ان السعر معقول

ابو سفر 06-03-2010 09:54 AM
رد: الكاسكو بعيون سود واسعاااااااارة المبالغ بيها ...
 
كلام صحيح يالغلا

انا كنت بالحراج والاسعار كانت من 1300 ونت طالع >للفروخ الافريقي

وانا اشوف انها تستاهل 800 ريال فقط لصغر سنها ...

والايام هاذي الحراج اسعاره ناااااااااااااااااااار

ابومحمدKSA 06-03-2010 11:13 AM
رد: الكاسكو بعيون سود واسعاااااااارة المبالغ بيها ...
 
والله انا معك اخوي الاسعار نار حتى عندنا في الرياض
اسعاره من 1500 وفوق والهولندي توصل اسعاره 2500
مع انها كانت بالأول الفرخ الي مو محجل سعره 800
والمحجل 1500وهذا الكلام قبل انفلونزا الطيوور
وانا متوقع بأذن الله ان الاسعار راح ترجع مثل
اول واحسن لاكن الصبر الصبر
وبتوفيق للجميع

طرطعان 06-03-2010 11:19 AM
رد: الكاسكو بعيون سود واسعاااااااارة المبالغ بيها ...
 
صحصح الكلام هــذآ .~

انا شفــت ببغـآوآت افريقيــه و رآعيهـآ يحلف ع انهـآ هولنديـه <~ و المشكله انهـآ محجلـه بحـجــل المركـبه مو بحجـل اصلي .~

و الله يعيــن يا اخوآن .~

7baieb 06-03-2010 11:41 AM
رد: الكاسكو بعيون سود واسعاااااااارة المبالغ بيها ...
 
ياحبيبي اذا تواجدوا الشريطية الله يخلف على السوق

تلقاهم يزيدون في الاسعار عشان يكيدون بعض والخسران المربي والهاوي يعني انا وانت

حشا سوق الاسهم مو سوق طيور

هذا حصل قدامي بسوق الرياض يوم الخميس واحد عارض 4 حبات مينا بقفص واحد يبغى يحرج عليهم فتح بابها ب1200 وجاء 2 شريطية دايما اشوفهم يزادون على بعض وجلسوا يزايدون بطريقة غير لائقة ويسبون بعض هذا يزيد 50 وهذا يزود 100 وهواش وصياح واخذها واحد منهم ب2200 ريال الاربعة يعني يطلع عليه الواحد ب 550 ريال وراح اخر السوق وحاد الواحد ب800 ماتنزل ريال يعني يربح 250 ريال في الواحد ...... الله يرزقه مايمنع ولكن هذا جشع يعني 100 ريال في الواحد كفاية وطيبة مع العلم انه ماصرف عليهم ويبيعها في نفس اليوم يعني ب650ريال حتورح هوا ولكن فيه ناس ماشاء الله شراية
طولت عليكم
الله يستر من الايام الجاية
تقبلوا تحيتي

معاندالدنيا 06-03-2010 01:13 PM
رد: الكاسكو بعيون سود واسعاااااااارة المبالغ بيها ...
 
ياااااااااااااااااارب يرتفع سهرعن لين أبيع الافريقي اللي عندي

بندولة حب 06-03-2010 01:30 PM
رد: الكاسكو بعيون سود واسعاااااااارة المبالغ بيها ...
 
اخواني طولو بالكم

الله يرحم ايام اول قبل انفلونزا الطيور كانت الاسعار بلاش من رخصها الافريقي 400

والدره 50 ريال

وكل شخص يحق له يسعرها على كيفه ارزاق

راينو 06-03-2010 02:26 PM
رد: الكاسكو بعيون سود واسعاااااااارة المبالغ بيها ...
 
وش اقول غير
الله يفكنا من الحظر و نستورد طيور
و ترخص الاسعار يا رب

بحر الأحزان 06-03-2010 02:44 PM
رد: الكاسكو بعيون سود واسعاااااااارة المبالغ بيها ...
 
الكاسيكو مبالغ فيه جداًَ

فروخ غر ما بعد صارت تاكل لحالها في سوق الخميس بالقطيف على 1700 ريال ..

إذا وصلت للمبلغ هذا أزيدها شوي وأخذ أمزوني بلوفرونت 2300 إلى 2800 ريال ..

lll_o 06-03-2010 03:04 PM
رد: الكاسكو بعيون سود واسعاااااااارة المبالغ بيها ...
 
الا سعار مبالغ فيها و بقوة كمان

ياناس على 900 و 800 تنباعانا من يوم ما ربيت الكاسكو ما عرفت غير يا 900 يا 1000 اذا مره زاد السعر هاذا لي الي مو اليف

و اذا في احد له كذا سنه بالسوق يقولنا هي فتره تمر كل سنه؟؟

ولا هبقت مع الي يهربو من البحرين يرفعو الاسعار ولا ايش الحاصل

انا والله قررت اني اتجه لي انتاج الكروانات لين ترخص الاسعار

adilo2ooo 06-03-2010 09:25 PM
رد: الكاسكو بعيون سود واسعاااااااارة المبالغ بيها ...
 
اقتباس:
المشاركة الأصلية كتبت بواسطة وســـــام (المشاركة 1329602)
ياغالي اسعارها كذا
وكل واحد يترزق الله
بالعكس انا كنت معاك بالحراج اسعارها جدا حلوه
وحصلت كثير ولمن كاسرته في السعر وشافني صامل
نزلها الى 1300 ريال
ولا تنسى انه صغير في السن يعني غشيم مايعرف شي
اذا تعود عليك وربيته وصار يطلع وياكل من يدك
تعال فكر تبيعه مستحيل تبيعه بأقل من 1500 ريال ولا عنده ولا كلمه
بس انه اليف ولا يجعر ويطلع على اليد
شكلك اول مره تنزل السوق
الصغير عيون سودا مرغوب اكثر اكثر من الرماديه
تحياتي لك
(((عن عبد الله بن أبي أوفى - رضي الله عنه- أن رجلا أقام سلعة في السوق فحلف بالله لقد أعطى فيها ما لم يعطَ ليوقع فيها رجلا من المسلمين، فنزل قوله تعالى: ''إن الذين يشترون بعهد الله وأيمانهم ثمنا قليلا أولئك لا خلاق لهم في الآخرة ولا يكلمهم الله ولا ينظر إليهم يوم القيامة ولا يزكيهم ولهم عذاب أليم'' آل عمران/.77 )))
وبعديين يالغالي دام انت من جده ومشاء الله راعي حراج - اكيد تدري انه يوم الاثنين بالاسبوع اللي فات فيي مورد جمله بجده نقول بالمطار القديم نسهلهالك;)
منزل كل ذي الطيور نفس اللي معروضه بالحراج بمبالغ توصل 1000 ريال بالقفص ويمكن ينزلها اكثر لو تبي كميه وتأكد من اصحابك بالحراج.
ومعلومه يتربى وهو صغير افضل أكيد افضل ولااااااااااااااااااكن \\\\ يالغالي يبيلها رعايه مضاعفه مضاعفه - ويمكن 50% الطير يوقف و 50 % الطير يطيح وهذي كلمه اندنوسي يعالج طيور له 15 سنه بنفس المهنه ...
ومسأله الطير ينباع ب 1500 بعد توليفه احسها عاديه ياخي واحد ما خذ الطير يمكن ب 1000 ومربيه ببيته وتعبان عليه ويمكن تعضعض لين قال امين اظنه يستاهل500 ريال زياده عن قيمه الطير والعلم عند الله -

عاشق الببغاء الأفريقي 06-03-2010 10:08 PM
رد: الكاسكو بعيون سود واسعاااااااارة المبالغ بيها ...
 
الله يوفق الجميع
ويالله يارب قلل اسعار السوق

ملآكـ 06-03-2010 11:29 PM
رد: الكاسكو بعيون سود واسعاااااااارة المبالغ بيها ...
 
مووضووع حلو

ويستحق المنااقشه

بالفعل سعر الطيوور صاار مره غاالي

بس الشااطر اللي يدوور ويلقى الارخص

الله يعين في جميع الاحواال

وموفقين اجمعين

تقبلوا مروري

اختك

ملآكـ

ima_ami 06-03-2010 11:30 PM
رد: الكاسكو بعيون سود واسعاااااااارة المبالغ بيها ...
 
اشتريت فرخين والله عمر الواحد ما يتجاوز 5 اسابيع
ب 250 ريال سعودي ههههه والله

ima_ami 06-03-2010 11:31 PM
رد: الكاسكو بعيون سود واسعاااااااارة المبالغ بيها ...
 
اشتريت فرخين والله عمر الواحد ما يتجاوز 5 اسابيع
ب 250 ريال سعودي ههههه والله
http://srv01.arb-up.com/i/00006/6390b31vbbxv.jpg
http://srv01.arb-up.com/i/00006/ny9h0dycgd6f.jpg

adilo2ooo 07-03-2010 01:37 AM
رد: الكاسكو بعيون سود واسعاااااااارة المبالغ بيها ...
 
اقتباس:
المشاركة الأصلية كتبت بواسطة ima_ami (المشاركة 1331019)
اشتريت فرخين والله عمر الواحد ما يتجاوز 5 اسابيع
ب 250 ريال سعودي ههههه والله
http://srv01.arb-up.com/i/00006/6390b31vbbxv.jpg
http://srv01.arb-up.com/i/00006/ny9h0dycgd6f.jpg
موفق والله ... وهذي الاسعار اللي تفتح النفس ودليل المتسوقين الاذكياء

in my dream 07-03-2010 04:42 AM
رد: الكاسكو بعيون سود واسعاااااااارة المبالغ بيها ...
 
بصراحة وبالذات في بداية الصيف لاحظتها تتطير طيرة مهيب طبيعية

نبض قلم 07-03-2010 03:31 PM
رد: الكاسكو بعيون سود واسعاااااااارة المبالغ بيها ...
 
والله يا اخوووي خير انك لقيت بهذا السعر في اعلى احمد ربك ولا تتستعجل اسبوعين وهي نازله

Black Die 07-03-2010 04:58 PM
رد: الكاسكو بعيون سود واسعاااااااارة المبالغ بيها ...
 
اييييييييييييه راحت إيام زمان.!
على 50 الدرة والكاسيكو 300 و 500 راحت إيام الحركات

الله يساعدكم

adilo2ooo 07-03-2010 06:38 PM
رد: الكاسكو بعيون سود واسعاااااااارة المبالغ بيها ...
 
ياشباب ابيكم تشوفون اسعار اليلو ناب -

المفطوم 995 دولار ما يعادل 3731 ريال سعودي وغير المفطوم 799 دولار ما يعادل 2996 ريال سعودي

شباب ذكر الاسعار اعلاه عشان تعرفون الفرق بين المفطوم وغير المفطوم الفرق بينهم ما يعادل 200 دولار - وللعلم ياخوان الاسعار اعلاه للأمزوني اليلو ناب

والرابط ادناهـ
http://www.birdfarm.com/sale/yellow-...n-for-sale.asp

3doli 07-03-2010 07:20 PM
رد: الكاسكو بعيون سود واسعاااااااارة المبالغ بيها ...
 
رزق الهبل على المجانين

المشكلة مو في الاسعار بس المشكلة في انك اذا شريت واحد ماتقددر تربح فيه الا بعد شهور من التعب

ولد الحمائل 08-03-2010 12:50 AM
رد: الكاسكو بعيون سود واسعاااااااارة المبالغ بيها ...
 
هلا اخوي ..

أنا شاري واحد قبل اسبوع تقريبا من الرياض

عيونه سودا + محجل حجل أصلي + ما يجعر

بـ 1200 ريال +50 قفص

مشاعل الكويت 08-03-2010 10:16 AM
رد: الكاسكو بعيون سود واسعاااااااارة المبالغ بيها ...
 
انا توني من اسبوع اشتريت كاسكو افريقي مو هولندي يعني بدون حجول

عيونه سوده كامله

اشتريته 90 دينار

يعني تقريبا 1100 - 1150 ريال سعودي

بس انصحك نصيحه

اذا ما تعرف لهم ... لا تاخذ

لأنه يبيلهم مراعاة وطولت بال عجيبه

واي غلطه ... راح ينتقل الى رحمة الله

adilo2ooo 09-03-2010 07:22 PM
رد: الكاسكو بعيون سود واسعاااااااارة المبالغ بيها ...
 
اقتباس:
المشاركة الأصلية كتبت بواسطة ولد الحمائل (المشاركة 1332932)
هلا اخوي ..

أنا شاري واحد قبل اسبوع تقريبا من الرياض

عيونه سودا + محجل حجل أصلي + ما يجعر

بـ 1200 ريال +50 قفص
مشاء اللـه .... :cool: سعر ولا ارووووع بذي المواصفات الف مبرك عليك

adilo2ooo 09-03-2010 07:28 PM
رد: الكاسكو بعيون سود واسعاااااااارة المبالغ بيها ...
 
اقتباس:
المشاركة الأصلية كتبت بواسطة مشاعل الكويت (المشاركة 1333151)
انا توني من اسبوع اشتريت كاسكو افريقي مو هولندي يعني بدون حجول

عيونه سوده كامله

اشتريته 90 دينار

يعني تقريبا 1100 - 1150 ريال سعودي

بس انصحك نصيحه

اذا ما تعرف لهم ... لا تاخذ

لأنه يبيلهم مراعاة وطولت بال عجيبه

واي غلطه ... راح ينتقل الى رحمة الله

الف مبروك عليك الطير ..... والسعر انا اتوقع انه مبالغ فيه لكن العشق ماله سعر ولو صار سعر الكاسكو 10000 ريال بتلقون له زباين
واتوقع كل واحد له نظره بالطير ... يعني العشق من النظرة الاولى :D وارد بعالم الكاسكو
يتربى الطير بعزك وتحياتي

adilo2ooo 09-03-2010 07:34 PM
رد: الكاسكو بعيون سود واسعاااااااارة المبالغ بيها ...
 
اقتباس:
المشاركة الأصلية كتبت بواسطة Black Die (المشاركة 1332043)
اييييييييييييه راحت إيام زمان.!
على 50 الدرة والكاسيكو 300 و 500 راحت إيام الحركات

الله يساعدكم

اتوقع لو انفتح باب الاستيراد من غير تحديد الدول حترجع الاسعار المذكورة :12:

مشكووور على مرررروررررك الجميل

adilo2ooo 09-03-2010 07:50 PM
رد: الكاسكو بعيون سود واسعاااااااارة المبالغ بيها ...
 
اقتباس:
المشاركة الأصلية كتبت بواسطة بحر الأحزان (المشاركة 1330093)
الكاسيكو مبالغ فيه جداًَ

فروخ غر ما بعد صارت تاكل لحالها في سوق الخميس بالقطيف على 1700 ريال ..

إذا وصلت للمبلغ هذا أزيدها شوي وأخذ أمزوني بلوفرونت 2300 إلى 2800 ريال ..
اللحين اسعار البلو فرنتد عندكم من :eek: 2300 إلي 2800 :mad::mad:؟؟؟؟؟؟ رجاء ترسلي على الخاص لو عندك ارقام تلفونات لمحلات بذي الاسعار ولا مواقعها ولك الشكر

بووسلطان 10-03-2010 11:58 AM
رد: الكاسكو بعيون سود واسعاااااااارة المبالغ بيها ...
 
مهابيل

كاسـ jeddah ـكـو 11-03-2010 12:21 AM
رد: الكاسكو بعيون سود واسعاااااااارة المبالغ بيها ...
 
والله ياخوان صادقين باللي تقولونه ..

انا من فتره ماهي بسيطه وانا انتظـر اللحظه اللي آشتري فيهآ فرخ كآسكو ..

لاني اعرف الكبار حتى لو كآنت اليفه وحمامه مستحيل تتعلق فيك مثل مايتعلق فيك الفرخ يوم تاخذه صغير << هذا بالنسبه لي كـ هآوي ..

إمآ من نآحيه اسعار الفروخ .. شيء بصراحه يهبل فيك تشوف 4 محلات جنب بعض وكلها نفس الطيور والاعمار ( والظاهر موزع واحد ) وكل محل يصرف لك سعر واحد يقول لك 1700 .. والثاني 2200 .. واللي 2500 .. ويآلله الخرآج ..

والحمد لله قدرت اتحصل على فرخ صغير بالسن مايتجاوز شهرين ( زغب ) بسعر 1000 ريآل معه اكل الفروخ وإبره تطعيم .. وراعيه إبن حلال ولو قآل يبي زيآده فيه ماترددت يكفي أمانة الشخـّص

ومعلومه ياليت التجار يقتنعون فيها ( الطمـّع فـرق ما جمـّع )

فيصل سالم 11-03-2010 01:01 AM
رد: الكاسكو بعيون سود واسعاااااااارة المبالغ بيها ...
 
من جد الله يرحم ايام اول


جميع الأوقات بتوقيت GMT +3. الساعة الآن 07:22 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو