|
لحقوا علي .....غسق تولد!!
يا جماعة الخير انا خايفة غسق ولدت ولدت واحد حتى الآن وانا خايفة جدا انهم يموتون ما ادري وش اسوي وخايفة عليها وشفتها تاكل شي زي الحبل السري وبنهايته كورة لونها زي لون الكبد وانا ما ادري وش الدبرة مرتبكة طفيت النور وسكرت الباب وقلت لاخواني اسكتوا لا احد يطلع حس ولا بذبحكم.. وش اسوي تكفون لحقو علي...! لان غسق ما كملت 18 يوم بالقي لها 16 ساعه وتكمل 18 يوم وبالنسبة للمي وش لون اقربه لللعيال...اخاف يموتون من العطش وش اسوي.....؟؟؟ وشكرا وباركولي وساعدوني الله يخليكم |
رد: لحقوا علي .....غسق تولد!!
وشفيكم ما تردون
غسق صارها تقريبا ساااعة وجابت حتى الآن 4 عندي اسئلة متى اقدر اوكلها خضار؟؟ ولاحظت ان قطع القماش فيها دم اشيل هاذي القطع اللي فيها دم؟ ويا جماعة غسق كله تاكل الحبل السري هذا عادي؟ولا لأ؟ |
رد: لحقوا علي .....غسق تولد!!
اختي لا تقدين تطالعينها لانها يمكن تخاف و تاكل عيالها
|
رد: لحقوا علي .....غسق تولد!!
الحمد لله خلصت ولادة
مسكينة ظلت تولد من 2:15 -3:30 وجابت احلى 6 هامستات بالدنيا الوانهم وردييية وهي نايمة فوقم الحين الظاهر ترضعهم وارجوكم جابوا على اسئلتي لاني جدا خايفة ومستانسة متى اقدر اوكلها خضار؟؟ ولاحظت ان قطع القماش فيها دم اشيل هاذي القطع اللي فيها دم؟ ويا جماعة غسق كله تاكل الحبل السري هذا عادي؟ولا لأ؟ وانا خايفة يموتون من العطش وش اسوي وآسفة البلوتوث حق الجهاز خربان ما اقدر اوريكم الصور... وارجوكم ساعدوني ونصحوني نصايح وارجوكم عطوني كل صغيرة وكبيرة علشان ما يموتون وشكرا وادعولي ما يموتون ولا تبلعهم |
رد: لحقوا علي .....غسق تولد!!
وشكرا اخي kitten_Q8ia عالمساعدة
|
رد: لحقوا علي .....غسق تولد!!
انا بننننننننننت :( :( :(
|
رد: لحقوا علي .....غسق تولد!!
|
رد: لحقوا علي .....غسق تولد!!
الف الف الف مبروووووووووك
وعقبالي وان شاء الله ننتظرال خبراء يجاوبون على اسألتك |
رد: لحقوا علي .....غسق تولد!!
ما ادري شقول
بس انا قريت يمكن يمكن انه لمه تاكل الحبل السري ول اسمه المشيميمه ما يظر لانه نباتي ميه بلميه هذا ولله اعلم |
رد: لحقوا علي .....غسق تولد!!
لف مبروووووووووووووووووووووووووووووووكـ :)
و كل الي المفروض تسوينه تحطينها بمكان هادي و دافي و تغطين القفص و تحسسينها ان ماكو احد غيرها بالمكان أما بانسبة للقماش خليه ماراح يضر و اهيا تاكل الحبل السري و تنظف الصغار و تلعقهم .. المهم خلي أكلها الجاف معاها و ممكن تضيفين لها جبنه أو لبنه أو بيض بس بهدووووووووووووء بدون ما تتوتر غسق .. و ألف مبروك و عقبال هامسترة رعوود و مو تنسين الصور .. :) |
رد: لحقوا علي .....غسق تولد!!
الف مبرووووووووووووووووك أختي توازن وان شاء الله يكبرون
ويحوسون عليج الغرفه حوووووووووس...هههههه تحياتي... |
رد: لحقوا علي .....غسق تولد!!
جزيل الشكر لكل من ساعدني وخصوصا المشرفة العزيزة وذر روز وابشركم انهم اكثر من 6:eek: اقسم بالله اني استغربت انا امس كنت اتوقع انها خلصت من الولادة وراحت تشرب مويه وتركت العيال وعديتهم وكنت متاكدة وصورتهم صورة توضح انهم 6 بس اليوم عديتهم وشفت 7 ومتاكد انهم سبعة واتوقع انه اكثر لان الباقي كان فوقة قطعة قماش بس اقل شي ممكن يكون هو "7" ويا خليلهم يجننوننن ويطلعون اصوات تصفير حلو مرة بس صوت واطي بس الغريب انها ولدت مو بالعش اللي بنته ولدت بالنص فوق القش فقط بس اليوم لقيتها مزينة العش وحاطة قماش وقطن حولهم وترضعهم والله يبارك فيكم وعندي آخر سؤالين 1_متى اقدر العب مع غسق ؟؟؟ والله اشتقت لها مرررررة اشتقت للمسها وفروها ولعبها وشقاوتها 2-انا عندي حالة توتر من الموت من العطش ارجوكم عطوني حل؟؟؟ |
رد: لحقوا علي .....غسق تولد!!
واوعدكم اوريكم الصور متى ما قدرت
|
رد: لحقوا علي .....غسق تولد!!
مبرووووووك
و اذا تحتاجين اسماء تراني حاضرة سوفت كاندي لوسي كوفي شوكلت فانيلا مشاكس دنجل روكي همتاور جيري اعرف انه للفار بس عادي توم اعرف انه للبس بس عادي موني هذي هي 6 للأوالاد و6 للبنات |
رد: لحقوا علي .....غسق تولد!!
طيب
فوفو و سوسو بس تراني احتاج اسم للهامستر حقي فلاتبخلون علينا بلأسماء والردود |
رد: لحقوا علي .....غسق تولد!!
مبرووووووووووووووووووووووووووكـ على الحلوين ربي يبلغج فيهم و يكبرون و وتشوفين ألوانهم الحلوة :)
أما موضوع العطش الحين يكتفون بالرضاعة أما مع بداية مقدرتهم على الأكل و التخزين راح يحتاجون الماء و راح يكونون قادرين على انهم يروحون يشربون بروحهم (بعد ما يفتحون عيونهم أو 14 يوم) بس نزلي المشربة شوي عشان يقدرون يوصلون لها و بنفس هالمده تقدرين تلعبين مع غسق بس ما تمسكين الصغار إلا للضرورة ... و ألف ألف ألف مبرووووووووووووووووووك :) |
رد: لحقوا علي .....غسق تولد!!
حلوين الأسامي كاتي .. و هذي أسامي للهامستر زيادة :p
Lala Lydia Britney Sophie Sweetie frannie Diamond http://www.coyoteslodge.com/hamgrmc.gif Fury Taz Buster tilly Poo Oreo twinkle |
رد: لحقوا علي .....غسق تولد!!
مشكورة كاتي عالاسماء
ومشكورة جدا وذر روز عالافادة وبالنسبة للاسامي انا اخترت الاسماء مالت العيال لكن البنات لي هلحين ما اخترت بس بعد ما نعرف كم ولد وكم بنت وشكا جزيلا لكم |
رد: لحقوا علي .....غسق تولد!!
الف مبروووووووووووووووووووووووووووووووووووووووووك ويتربون بعزك وتشوفين عيالهم
|
رد: لحقوا علي .....غسق تولد!!
انا ايضا عندي اسماء عاجبتني :
للبنات: لولا لبنى بيردي انجلينا حمده آني هيذر لورا فلورا وللاولاد: روبرت روميو جورج سوسو سنوبل سايمن لاسي بوبي وطبعا هاي اللي اعرفه من اسامي للحيوانات ونسيت اباركلج على المولودين والف الف الف الف مليون مبروك لج وانشالله يكونون ابعيد عن العين الحارة وانشالله ولا واحد منهم يموت او تاكلهم الام وفي الاخيير اذا تقدرين طرشيلي بالبريد انثى وذكر واكون شاكرتلج خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ (كل هالكلام الحلو يطلع مني؟؟!:eek: ) اي طبعا لاني تمنيت اربي حيوان صغير في حجمه واحبه ويحبني ومايموت:( لاكن الاعمار بيد الله فكل ماشريتلي حيوان في الشهر او اسبوعين الا مات الله يرحمه او شرد او الاهل يبون يفتكون منه وابوي حسم الامر بأني خلاص ما اشتريلي حيوانات مرة ثانية غير جلبنا سوسو:( وكل عام وانتي بخير :) تحياتي : شقنبلوقة القطط:cool: |
رد: لحقوا علي .....غسق تولد!!
ألف مبروووووووووووك توازن يتربون بكنف أمهم وعزك :) |
رد: لحقوا علي .....غسق تولد!!
مبروووووووووووك أختي توازن عالمولود الجديد...:)
ويارب يكبرون تحت عينج...:) تحياتي لج.. |
رد: لحقوا علي .....غسق تولد!!
ميشكا:
الله يبارك بعمرك وبعمر ميشكا قطوتك شقنابلولة القطط:(اسمج صعب مادري وشلون لقراه شنقالقوبة القطط: شكرا عالسماء الشكر الجزيل لكن انا اخترت الاسماء بس نضمن حياتهم بالاول والله يبارك فيج هههههههههاطرشلج ههههههههه والكلام الحلو كله منك والله يلين راس ابوكي والله يوفقك وشكرا عالمرور |
رد: لحقوا علي .....غسق تولد!!
MrLiOn
الله يبارك فيك ويخليك لسنجوبك ليوس الله يبارك فيك والله يسمع منك |
رد: لحقوا علي .....غسق تولد!!
ما شاء الله :d
ألف مبروك ، وإن شاء الله تمتلئ أقفاصك كلها هامسترات :) |
رد: لحقوا علي .....غسق تولد!!
آآآمين
وشكرا على مرورك وانا عديتهم ومتاكدة ميه بالميه انهم "8" واصبروا عالصور اول ما يفتحون عيونهم |
رد: لحقوا علي .....غسق تولد!!
اخيرا ولدت غسسسق
الف الف الف مبروووووووووك ويتربووون في عزج انشااءالله وتشوفين احفادهم |
رد: لحقوا علي .....غسق تولد!!
الله يبارك بعمرك
وغسّوقة الدعسوقة(دلع غسق) صار لها ثلاث 3 ايام والدة وجابت 8 ووفق الله الجميع لما يحبه ويرضاه |
| جميع الأوقات بتوقيت GMT +3. الساعة الآن 01:43 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو