|
ما بها الانجل؟؟؟؟؟
السلام عليكم ورحمة الله وبركاته.. اجيت ومعي مشكلة تانية .. إذا بدكم سموني أبو المشاكل... عندي تلاتة انجل... اشتريتهم تقريبا من خمس شهور... وكانوا صغار وألوانهم غامقة وحلوة.. تنتين مخططين زيبرا وواحدة نص بنص.. بس هلأ ألوانهم راحت وجلدهم شبه شفاف ...:( عرضت مرة صورهن على موضوع خاص بحوض أسماكي الصغير.. http://www.2zoo.com/vb/showthread.php?t=121553 بس كان شكلهم شكل وهلأ ما بعرف ليش كتير تغيروا.. كبروا بس زعانفهن مو عاجبتني منوب وكل ما ببلشوا تكبر زعانفهن بترجع بتتآكل... بدي حط صورهن بس خجلان منكن على هالشوفة...:shy: هي وضعها أحسن شي.. http://www.2zoo.org/get-12-2009-2zoo_org_alnmtc0q.JPG وهي أصغر واحدة عندي... http://www.2zoo.org/get-12-2009-2zoo_org_azfrclob.JPG وهي كبرت بسرعة وصارت تقريبا أكبر واحدة عندي بس من أسبوع صار وضعها شنيع.. يعني هي أشنع واحدة عندي... http://www.2zoo.org/get-12-2009-2zoo_org_sirrc3r2.JPG بس المخططين مرة بيغمقوا الخطوط ومرة بروحوا حتى وأنا عم صورهن تغير لونهن مدري كم مرة... ولاحظت كمان أنو عيونهم صارت حمرا ليش..؟؟ أرجو أن يتحسن حالهم بافاداتكم وآرائكم الكريمة .... وشكرا... |
رد: ما بها الانجل؟؟؟؟؟
وعليكم السلام ورحمة الله وبركاته
اهلين خيو ... بس والله زعلتني على هالصور اسماكك فقدوا وظيفتهم كأسماك زينة!! شو السمك اللي معهم اسماكك اكيد عميتعرضوا لهجوم من اسماك أخرى انت شلت المولي اللي كان معهم؟ لازم تعزلهم وتحط لهم دواء لاهتراء الزعانف موجود في السوق |
رد: ما بها الانجل؟؟؟؟؟
من زمان ماعد في مولي بالحوض...
وبالنسبة للدواء جربتوا وما في فايدة... بس في معهن واحدة سيلفر دولار.. وواحدة رامبو... والزبال البيلكو اللي دائما عم يلحقهن... وغلاس صغيرة وحيدة.. وسلحفاة مائية ... ومشكور على الرد والاهتمام... |
رد: ما بها الانجل؟؟؟؟؟
مرحبا
صديقي اللؤلؤ المكنون اولا لازم تفصلهم عن الزبال اللي بيلاحقهم دايما شكله شرس والسبب الاهم افصل السلحفاة المائية لانها عدو الاسماك خاصة في الليل عندما تنام الاسماك ومعروف ان السلحفاة تأكل الزعانف وانت عارف الانجل كله زعانف وثالثا غير جزء من الماء ولاتضيف ملح الا قليل جدا لانه الانجل مابيحب الملح واخيرا استخدم الدواء الخاص بالزعانف وخبرنا شو بيصير في الانجل سلام |
رد: ما بها الانجل؟؟؟؟؟
بالنسبة لعزل السمك... صعب بخاف اخسرهن لأن الدنية برد وما عندي حوض تاني..
والأسبوع الماضي لاحظت أنو الجورامي ثري سبوت عم تهجم عليهن فقلت هي المجرم وفورا أخدتها لبياع السمك وبدلتها بأكل للسمك... مع أنو صحتها كانت كتير منيحة وزعانفها كاملين وحلوين ... زعلت عليها... وبالنسبة للملح ...ما بضيف أبدا ملح على الحوض... وعوضا عنه بضيف( أمازون رايت _ فيتامين رايت) وبالنسبة للسلحفاة ما بظن أنها عدوهن لأنها أصغر منهن وعندي الدولار والرامبو زعانفهن كاملة ... مو معقول السلحفة تهجم بس على الإنجل شو مستدوقة عليهن؟؟؟؟ شاكك بين هالأسباب...: إما متحسسين من الأكل ... ما هو الأكل المغذي للأنجل؟؟؟ أو الماء تقيل عليهن مع إني بنشط الحوض كل أسبوع... أو إنهن عم يتقاتلوا بين بعضهن...مع العلم أني لم أستطع أن أميز بينهم أيهم الذكر وأيهم الأنثى....(مبينين شي بالصور؟؟؟)... وشكرا على الأهتمام للموضوع... وآسف على الإطالة... |
رد: ما بها الانجل؟؟؟؟؟
السبب هو السلحفاة 99%
والسلحفاة اكيد ما بتقدر على الدولار او الرامبو لأنهم سريعين كتير مو متل الأنجل شيل السلحفاة لمدة شهر فقط وحط من الدواء تبع تآكل الزعانف وكل شي راح يصير تمام ان شاء الله |
رد: ما بها الانجل؟؟؟؟؟
شكرا جزيلا....
واليوم وقت تنشيط الحوض .. وان شااله هلأ بساوي متل ما قلتلي حضرتك... بس عندي سؤال بخصوص السلحفة هل تتأثر بالبرد إذا امتها من الحوض؟؟؟؟ لأن ما بدي بيعها حابب احتفظ فيها... |
رد: ما بها الانجل؟؟؟؟؟
اقتباس:
وتحط صورة لسلحفاتك وهم اكيد ما بيقصروا ان شاء الله |
رد: ما بها الانجل؟؟؟؟؟
شكرا جزيلا دكتور...
وألف مبروك الاشراف على القسم بتستحقه بجدارة... |
رد: ما بها الانجل؟؟؟؟؟
مرحبا
انا اخبرتك ان السبب السلحفاة من البداية وعلى العموم السلحفاة بتتحمل البرد اكثر من السمك |
رد: ما بها الانجل؟؟؟؟؟
شكرا كتير...
بالأمس نشطت الحوض ونزلت مضخة هواء.. وامت السلحفاة ... وطفيت الفلتر وحطيت دواء اهتراء الزعانف... بس اليوم شغلت الفلتر .. لاحظت لما بكون الضوء مطفي ألوان الانجل بتكون غامقة .. ولما اجي لطعميهن واشعل الضو بتروح ألوانهم كلها شو السبب..؟؟ وعندي سؤال عن الدواء ايمتى ضيفه مرة تانية..؟؟ وشكرا على اهتمامكم الغالي... |
رد: ما بها الانجل؟؟؟؟؟
الاخوان ما قصروا ابدا ..
ولزياده الوان السمك وقوتهم .. اعطهم اكل فيه كميه بروتين جيده .. مثل الروبيان المجفف او الطري .. او كبده دجاج .. او اي نوع عالي البروتين .. |
رد: ما بها الانجل؟؟؟؟؟
شكرا جزيلا على المرور الرائع...
أقوم باطعامهم حبوب القريدس.. واليوم لم اطعمهم خوفا من أن يكون هو الذي أثر عليهم بهذا الشكل..!!! |
رد: ما بها الانجل؟؟؟؟؟
مرحبا اخوي
بالنسبة للون مافي مشكلة لانه يتغير وحاول في فترة العلاج التخفيف من فترة الاضاءة بالنسبة للعلاج مذكور طريقة استخدامه في الاسئلة والاجوبة لهذا القسم وعلى العموم تكون كل ثلاث ايام مرة وبعدد 3مرات او لمدة اسبوع علاج مع ضرورة عدم تشغيل الفلتر واستبداله بمضخة الهواء فقط وكل 3ايام تغير ربع الى ثلث الماء وشكرا |
رد: ما بها الانجل؟؟؟؟؟
شكرا جزيلا على الافادة...
|
رد: ما بها الانجل؟؟؟؟؟
يب يب حتى انا اقوووووووول أكيد السلحفااااااااه
هي المجرم 100% افصلها ووياليت الزبال كمان لأنك في فترة علاج ومو ناقص عليك احد يجي وينقر فيهم وربي يرجعهم احسن من اووول يارب |
رد: ما بها الانجل؟؟؟؟؟
من وقت ما فصلت السلحفة ولهلأ كل يوم بفيق الصبح وبلاقي جرح جديد على زعانف الانجل...
شو قولكن ليكون السلحفة مظلومة وهلأ قاعدة بالبرد (19 -22)درجة ما قدرت وفرلها ادفأ من هيك.... ليكون الانجل هنن عم يضربوا ببعضهن..؟؟!!! وشكرا للجميع.... |
رد: ما بها الانجل؟؟؟؟؟
حطيت لهم الدواء؟
لأن حتى اذا السبب راح الجروح صارت ملتهبة ولازم لها دواء لتطيب |
رد: ما بها الانجل؟؟؟؟؟
حطيت الدواء ... وصاروا جرعتين...
بس خلصت القنينة... وما لاحظت تحسن.. بس لما بكون الضو مطفي ألوانهم حلوة ولما بشغله بتروح الألوان... حتى إني صرت طول النهار طافي الضو ولما بطعميهن بس بشعله.... شو اسم دواء بتنصحني جيبه؟؟؟؟ وشكرا جزيلا على المتابعة.... |
رد: ما بها الانجل؟؟؟؟؟
تغير اللون طبيعي لا تخاف منه
بس ممكن صورة جديدة للجروح اللي عمتقول انها عمتشوفها جديدة كل يوم وصورة للدواء اللي عمتستعمله بعدين الأنجل صراعاتهم ما بتكون عنيفة الا اذا كان في واحدة منهم اصغر بكتير من الباقي ولازم انت تلاحظ بسهولة هالأمر لأن بكونوا مستضعفينها على الآخر وكل ما بشوفوها بينتفوها طول بالك شوي واستمر بالدواء |
رد: ما بها الانجل؟؟؟؟؟
انا اقووول تشيل الزبااال الي قاعد يآذيها ويلاحقهااا
وان شاء الله تتحسن حالتهم بالدوا |
رد: ما بها الانجل؟؟؟؟؟
لله يسامحك شلون بدي شيل الزبال..؟؟
الحوض كله كرمال الزبال اللي عندي بعدين إذا شلته بدو يموت....!!!! أنا شاكك بالرامبو... كتير بشوفها عم تتهجم على السمك.... بس ضاق خلقي من هالحالة كل ما بشك بوحدة بشيلها لح يفضى الحوض شوي تانية... أحسن شي قيم الانجل لأن هنن الوحدين الي ضعاف بس عم عالجهن من زعلي عليهن.... أن شاالله بس يطيبوا بدي استبدلهن بنوع آخر شو رأيكن...؟؟ |
رد: ما بها الانجل؟؟؟؟؟
د طارق... الدواء لما خلص رميت العبوة آسف ما بقدر صورها ... بس أكيد بتعرفها إذا قلتلك أو صنع الصين ولون الغطاء برتقالي ولون الدواء أخضر لأن أكتر شي متداول عنا في محلات السمك...رغم إني من زمان بستعمله ولا ألحظ تغير على الأسماك وكأنه مغشوش...
أما الجروح على الزعانف على شكل شروط طولية وليست مدورة...تلتئم تاني يوم ويظهر غيرها فجأة.... وانشاالله بأقرب فرصة بنزلهن صورة... وشكرا للمتابعة... |
رد: ما بها الانجل؟؟؟؟؟
لا بالعكس الدواء الصيني جيد والدليل ان الجروح عمتطيب
بس المشكلة ان عميطلع غيرها بس انتبه على تاريخ انتهاء الصلاحية وبدي منك كمان تدقق لي الملاحظة على الرامبو والدولار وانا بانتظار الصور |
ولا تزال الجروح مستمرة!!!
مرحبا دكتور... اليوم صورت الانجل صور جديدة بس ما قدرت وضح الصور أكتر من هيك:shy: لأن الاسماك دائما عم تتحرك وتهرب من الكاميرا... أن شاالله يوفو بالطلب... عندي هي أكبر سمكة فيهن ولسه زعانفها عم تتشرط بس أحسن من مبارح... http://www.2zoo.org/get-12-2009-2zoo_org_v673zor7.jpg وهي أصغر واحدة فيهن بس زعانفها ما شاالله أطول شي ومع هيك فيها جروح... http://www.2zoo.org/get-12-2009-2zoo_org_ljchturu.jpg ملاحظة:لمن لا يعرف الرامبو... موجودة في الصورة السابقة في الأسفل ذات الزعانف الحمراء... وهي السمكة كبرت بسرعة للحّقت حجم الكبيرة ولكن للأسف زعانفها أتعس شي...وهيََ ذات اللون المتغير.. شوف كيف... http://www.2zoo.org/get-12-2009-2zoo_org_k6aay7oj.jpg وهي نفسها بعد ما طفيت الفلتر... http://www.2zoo.org/get-12-2009-2zoo_org_svbqktvl.jpg أرجو أن تكون الصور واضحة.. بدي اشتري دواء جديد وأبدأ المعالجة به الأسبوع المقبل ان شاالله هل يوجد اسم محدد تنصحني به...؟؟؟ وشكرا للمتابعة... أوف...!!!! بين ما عم انتظر المعاينة لشوفها تفرجت على حوض السمك وراي وشفت حرب..!!! بين الانجل الكبيرة.. والانجل اللي زعانفها تعيسة ولحقت حجم الكبيرة ... مقاتلة عنيفة جدا وعم يمسكوا تم بعضهن ويدورو منظر غريب جدا...!!! مسكت الكاميرا وركضت لصورهن لحقت صورتين ولكن.... فضيت بطارية الكاميرا في وقت محرج ... لح اشحن البطارية وارجع نزل الصور... بس لاحظت ان الانجل متغيرة الالوان وهي عم تقاتل صاروا ألوانها غامقين كتير لدرجة اللون الاسود... معقول هي شريرة وغير مرغوب فيها بالحوض..؟؟؟!!! آسف على الاطالة بس تحمست كتير... |
رد: ما بها الانجل؟؟؟؟؟
والله كلهم صح
اكبر غلطة سويتيها انك حطيتي سلحفاة معهم لازم تعزلي السلحفاة وبالنسبة الا الزبال هاذي بعد لازم تعزليه خصوصا ان الأنجل من الأسماك المسالمة يعني ضعيف !! |
رد: ما بها الانجل؟؟؟؟؟
طيب اليوم شفت انهن عم يتشاجروا بين بعضهم وهي شو حلتها؟؟؟؟
السلحفة صارلي قايمها اسبوع وما في تحسن والجروح لسه في ازدياد متل ما شفت بالمشاركة السابقة .... وهلأ بس تخلص بطارية الكاميرا شحن بنزل المعركة دغري .... شكرا على المشاركة... |
رد: ما بها الانجل؟؟؟؟؟
هي صور المعركة... بس سامحوني إذا راجين لأن صورتهن بسرعة وما لحقت غير هدول التنتين....:shy:لأن متل ما قلت بطارية الكاميرا فضيت ... http://www.2zoo.org/get-12-2009-2zoo_org_5mfpv4z4.jpg مبين بالصور أنو السمكتين الكبار في شجار والتالتة تقف موقف المتفرج.... وعلى فكرة هي المتفرجة هي اللي زعانفها أطول شي..!!! http://www.2zoo.org/get-12-2009-2zoo_org_nsyfwauf.jpg وشوفولي السمكة المخططة كيف صاروا خطوطها سود لما صارت بالوضع العدواني ...!!! مع أنهن كانوا مو مبينين منوب...!!! معقول هي الجروح اللي عم لاقيها هي اصابات حرب...!!!!؟؟؟!!!!؟؟؟؟ شو رأيكن...؟؟؟ |
رد: ما بها الانجل؟؟؟؟؟
لو سمحت بس شنو معنى بنوب ، اي ولة لا
خخخخخخخخخ آسف ، بس احنا اهل الخليج ما عندنا هاذي الكلمة !!! المهم .. هو غريب ان السمكة تقعد تتفرج ؟؟ وثم الأنجل مسالم مو شرس ونادرا ما يتشاجروا يمكن الحوض ضيق عليهم ؟؟ |
رد: ما بها الانجل؟؟؟؟؟
منوب منوب ... يعني أبداً.... never
بعدين من أول الموضوع عم اشتكي أن ألوان السمكة غير ظاهرة ولونها مو حلو... !!!! آسف إذا ما وضحت قصدي....بس استغربت أنو كيف رجع اللون فجأة لما صارت تقاتل... شو رأيكن عم فكر اتخلى عن واحدة منهن وروح بدلها بدواء جديد أظن انها نفس السعر.... |
رد: ما بها الانجل؟؟؟؟؟
اتذكرت أنو اليوم لقيت عضات جديدة غير اللي صورتها مبارح...
مع أنو ما في لا سلحفة ولا شي... والسلحفة المسكينة عم تكتك من بردها برات الحوض.... :( |
رد: ما بها الانجل؟؟؟؟؟
ممكن يكونوا اسماكك في مرحلة تكوين زوج
مشكلتك كلها تحتاج ملاحظة دقيقة شوف هل في سمكتين بيهاجموا واحدة تاتة يعني قلت هي اللي قاعدة عمتتفرج على التنتين اللي عميتقاتلوا احيانا بتهجم على واحدة منهم وبتمشي اكتر مع الأخرى؟ اذا هيك صح لازم تجرب تشيل التالتة اللي مو منسجمة معهم بس المشكلة انك مربط لي ايدي لأن ما عندك حوض تاني !!! لازم تعزلها ولو في حضانة لنحل هالمشكلة العويصة!! والسلحفاة كمان اذا خايف عليها كتير كمان حطها بسطل او حضانة داخل الحوض الرئيسي |
رد: ما بها الانجل؟؟؟؟؟
شكرا د طارق..
وان شاالله بدي مر على محل السمك اشتري حضانة ودواء لاهتراء الزعانف.... بالنسبة لتكوين الزوج معقول ..؟؟!! بس أنا ما بعرف ميز الذكر من الانثى... واضحين شي بالصور وهل من الممكن أن يتميزوا..؟؟ وشكرا كتير على المتابعة... |
رد: ما بها الانجل؟؟؟؟؟
لا ... لا يمكن تمييز الذكر من الأنثى في الأنجل
الا عن طريق السلوك |
رد: ما بها الانجل؟؟؟؟؟
شكرا على الرد السريع...
طيب مرة قريت موضوع عن التمييز بين الذكر والأنثى بس ما فهمت شو بيقصدوا بالشكل المدور والمدبب... يعني على أي قسم عم يحكوا..؟؟؟ على كل بظن أنو محلات السمك التجارية عنا ما ببيعوا أنثى وذكر.... لأن مرة بدي اشتري مولي فما لقيت إلا إناث وكانوا مو منزلين ذكور أبدا....!!! حتى الجورامي كل اللي بشوفهن بالمحلات بكونوا ذكور... |
رد: ما بها الانجل؟؟؟؟؟
مرحبا ياصديقي اللؤلؤ المكنون
بدي انبهك الى ملاحظة مهمة راقب الرينبو فش (اللي انت مسميه رمبو) خاصة في العتمة لانه هاي السمكة عندي زيها وهي عدوانية احيانا ممكن يكون لها دور في المشاكل |
رد: ما بها الانجل؟؟؟؟؟
أهلين firrبس أنا بعرفها الرينبو فيش وما عندي منها .. اللي عندي اسمها رامبو...
ودليت عليها بالصور... هي سمكة شكلها طويل ورفيع لون جسمها بني وزعانفها حمراء...أما الرينبو فشكلها عريض ومبسط ولونها فضي يتخلله حراشف ملونة بالأزرق والزهري والأصفر وما تيسر لها من ألوان...هه..هه..هه:) وشكرا على المرور الكريم.. |
رد: ما بها الانجل؟؟؟؟؟
عفوا اعتذر منك على الخطأ المطبعي وانا اقصد رينبو شارك وارجع لموسوعة اسماك الزينة اذا حبيت تتأكد من المعلومات
|
رد: ما بها الانجل؟؟؟؟؟
طيب ما اختلفنا...
بس لأن هاد الاسم المتداول عليها بينا وبين البياعين... وبصراحة اسم على مسمى... لأنها سريعة كتير وألوانها كأنها تضع عصبة حمراء متل رامبو.... وهي شكل فمها إلى الأسفل فاتصرفاتها تشبه البيلكو دائما تلعق الزجاج والأشياء في الحوض... ولما نزلت قطعة كوسا مشان البيلكو استولت عليها هي وحبتها كتير.... |
رد: ما بها الانجل؟؟؟؟؟
السلام عليكم
أخي الكريم من الخطأ وضح سلحفاة مع أي نوع من السمك لأنها وقت تتمكن من الحوض ما أحد يستطيع ردها السلحفات تلتهم زعانف الأنجل وخاصة الطويلة بالنسبة للون السمك أنصحك بالاهتمام لنوع الغذاء نصيحة تستعمل غذاء SERA أو TETRA منتجين في ألمانيا أنصحك باستخدام محلول اسمه Ditozin لإهتراء الزعانف |
| جميع الأوقات بتوقيت GMT +3. الساعة الآن 06:22 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو