|
اشتريت فرخ امزون
السلام عليكم ورحمه الله وبركاته
اخواني انا شريت فرخ امزون الكوبي ماعرف عمره بالضبط راعيه قالي اربع شهور تقريبا وهاذي صورته وانا الحين اعطيه سيرلاك بالابره مرتين باليوم صبح وليل شنو الاشياء الي لازم اسويها غير هذا وشلون اخليه يتعود علي لانه يخاف مني اتمنى احد يفيدني http://img687.imageshack.us/img687/7...0911041144.jpg |
رد: اشتريت فرخ امزون
ماشاء الله
ابعده عن البرد ولا تموته من الأكل كثر الوجبه سوها ثلاث مرات يعني لاتشحن حوصلة الطير للأخر ومبروك عليك الطير ياريت القى مثله فرخ بالبحرين |
رد: اشتريت فرخ امزون
ماشاء الله طير موفق,,
ما ازيد ع اخوي مجنون فلته لكن زيد الجرعه يعني كل ثلاث ساعات ع الاقل . |
رد: اشتريت فرخ امزون
الفرخ تعطيه سريلاك 3 مرات باليوم وتعبي الابره للثلثين بس
|
رد: اشتريت فرخ امزون
مشكورين يالغالين ماقصرتو
وانا وديته حق دكتور قالي صحته جيده وكلمته عن الاكل قلت له اعطيه ثلاث مرات باليوم قالي هو مافي مشكله تعطيه بس يمكن يسببله اسهال ومرتين تكفي او قالي اذا حسيته انه جوعان عطه نص الكميه العصر مثلا ونص باليل كأني اقسم الوجبه بدال مايكلها مره وحده ياكلها على دفعتين وهو الصبح اكل ابرتين ماشالله والعصر نص ابره بشوف فليل الساعه 10 بعطيه نص بعد |
رد: اشتريت فرخ امزون
ياااربي يهبببببببببل
الله يحفظه لك يارب وراح يتعود عليك وبيكون خاتم باصبعك وانا انصحك عكس الاخوان ابرتيين تكفي باليوم ولاتجبره على الاكل انت سوي الوجبة وحط الابره امامه ان اكل حلوو وان ما اكل خلاص لاتجبره وركز على الوجبتيين الرئيسيتين عندي فرخ دره شريته ريشه ماكمل وقالي صاحبه عطيه ابرتيين صبح ومسا ووديته لطبيب وقالي بالطبيعه الام ماتعطيه وجبه الا مرتين واحيانا بس مره بالمسا لاتغثه والله يحفظه لك يااارب . وبما انك من قطر بغيت اعرف من وين شريته |
رد: اشتريت فرخ امزون
ماقصرت يالغالي وانا اعطيه صرت اذا شفته قرب من الابره بس ماكثر عليه
وانا شريته من واحد كان عارضه بمنتدى كانو اكثر من واحد واعتقد انباعو كلهم كلمني على الخاص بعطيك رقم الرجال ويمكن يجيب غيرهم وسعرهم حلو 950 ريال بس تحياتي |
رد: اشتريت فرخ امزون
اقتباس:
مستحيل طير ياكل جرعه كل ثلاث ساعات مثل ما قالوا الأخوان 3 جرعات وبدون تعبئة حوصلة الطير الأفضل طريقتك بما أنه قدامك وتقدر تقيم الوضع , الأهم لايجوع والله يحفظه لك 000000000000000 بالتوفيق , |
رد: اشتريت فرخ امزون
تسلم يالغالي
|
رد: اشتريت فرخ امزون
انا ما ازيد على الأخوان الصراحه كفوو و وفو
بس اخوي لو تحط له كم لعبه يتسلى بيها |
رد: اشتريت فرخ امزون
انا حطيت له عضاضه مالت اطفال من اول ماخذته صراحه ماعرف احطله شنو مع انه مايقربها يانايم او ينظف نفسه واذا يشووفني بس يقعد يخز فيني ومايتحرك خخخخ
|
رد: اشتريت فرخ امزون
مبروك عليك الطير
|
رد: اشتريت فرخ امزون
الله يبارك فيك يالشيخ وعقبالك انشالله
|
رد: اشتريت فرخ امزون
حط له دبدوب اذا خاف ينخش وراها جيه انصحوني لما شريت فرخ الدرة وانفعت لحس بحركة تخبا وراها ولجا ينام تخبا وراها واذا ماشاف احد يركب فوقه ويحاول يمد رقبته يشوف من الموجود بالغرفه يعني بيتسلى فيها .. وعلى فكرة زرت المكان الي اخذت منه فرخك للاسف خلصوا خيرها بغيرها ان شاءالله
|
رد: اشتريت فرخ امزون
انشالله بتحصل يالغالي
وانا حطيت له دبدوب وهو ماقرب منه بس بخليه فتره عشان يتعود عليه وتسلم ماتقصر |
رد: اشتريت فرخ امزون
مبرووووك عليك الطير اخوي واحب اذكر لك حاجه مهمه ماحد تطرق لها الي هي درجه حراره الاكل لازم تكون 37.8 الى 42.8
الاكل اذا كان بارد راح يطول في الحويصله وما ينهضم بسرعه وكذا راح تتكون بكتيريا ويجي الطير التهاب واذا كان جار بيحرق حويصله الطير وفي العمر هذا ممكن تحط له بين كل وجبه فواكه او ذره مسلوقه الاكل المسلوق وسهل انه يكال منه والله يحفظه لك اخوي |
رد: اشتريت فرخ امزون
الله يبارك فيك يالغالي وانا دوم احط السيريلاك في ماي دافي وعندي سؤال هو كثير ينام هالشي طبيعي؟
|
رد: اشتريت فرخ امزون
[QUOTE=aziiz;1139591]الله يبارك فيك يالغالي وانا دوم احط السيريلاك في ماي دافي وعندي سؤال هو كثير ينام هالشي طبيعي؟[/QUOTا
اكيد ينام هذا شي طبيعي لانه فرخ |
| جميع الأوقات بتوقيت GMT +3. الساعة الآن 09:59 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو