|
طعام معلب للكاسكو والببغاءات
السلام عليكم
اليوم رحت أشتري أكل للببغاء اللي عندي, رحت سوبر ماركت التميمي (السيفوي) لقيت عندهم أكل للببغاءات عجبني هذي صورته: http://www.m1111.net//uploads/thumbs...51d99f2ea3.jpg صورة للمكونات "غير واضحة": http://www.m1111.net//uploads/thumbs...42dc8fb0fb.jpg طبعا مثل ما هو باين المكونات عبارة عن حبوب منوعة وفواكه وخضار مجففة مثل: موز, تين,فلفل الخ الخ "الفلفل مفيد ولا مضر يابو محمد؟ خخ:D" . طبعا يمكن في منكم ناس يعرفوا هذا النوع ويستخدموه بس حبيت أبين للأشخاص اللي حابين التنويع في غذاء الببغاء. ملاحظة: في شي ماعجبني في الأكل وهو : خالطين مكسرات ياباني:wao: مع الأكل المكسرات اللي ناكلها العادية بألوانها و بهاراتها الخ الخ طبعا أنا شلتها خوفا من الضرر لا سمح الله. صورة الأخ بعد الوجبة: http://www.m1111.net//uploads/images...d666ecdea9.jpg شكرا للجميع |
رد: طعام معلب للكاسكو والببغاءات
بالعافيه عليه خله ينبسط
شفته كم مره بس ماشريته بكم اخذته والكيس صغير صح ؟ انا استخدم هذا واجيبه من البحرين فيه كل شي وفيتمينات والكيسه كبييييييييييييييييييييييييره تطول معي ورخيصه فيها كل الحبوب ولفواكه وعاد قلت انت حطيت صور خل اشاركك <<<والله من اللقافه اللي فيك :) http://www.2zoo.org/get-11-2009-2zoo_org_6beep044.jpg http://www.2zoo.org/get-11-2009-2zoo_org_b2dnzjr8.jpg |
رد: طعام معلب للكاسكو والببغاءات
مشكورة على الرد وعلى الصور
شكل الكيس اللي بالصور مفيد:p تقريبا نفس المكونات العلبه و زنها 800 غرام ب 12 ريال يعطيك العافية |
رد: طعام معلب للكاسكو والببغاءات
اقتباس:
مشكور ع الموضوع وانتبه من البهرات الصينيه وشكل المنتوج هذا غير صحي. |
رد: طعام معلب للكاسكو والببغاءات
هل يصلح طعام الأطفال المعلب لفرخ الكاسكو
|
رد: طعام معلب للكاسكو والببغاءات
مشككور اخوي
|
رد: طعام معلب للكاسكو والببغاءات
والله شوف انا عندي الببغاء ياكل كل شي يا كل بروست دجاج ياكل لحم اي حاجة ياكل ما يقصر
وبالنسبة لــطعام الاطفال ترا طعام الاطفال غالي وارخص انك تشتري فول سوداني او فصفص عباد الشمس (بذور ) |
رد: طعام معلب للكاسكو والببغاءات
مثل ما قالك ابو محمدالاكل هدا مو صحي
لان النوعيه المعلبات بعضها تجيك نظيفه وبعضها مو نظيفه وانصحك انك ما تحطه دايم للطير |
رد: طعام معلب للكاسكو والببغاءات
السلام عليكم
انا بصراحه مأيد هالأكل الي اخذته لأن المكونات الي ذكرتها اتوقع انها تضر الببغاء ولو بشيئ بسيط بهارات صينيه فلفل الفلفل تقدر تخلي للببغاء بالأسبوع مرتين لو انت حاب بس مو بشكل يومي مع الأكل انا اخذ مثل خلطة شوتايم بالضبط كيس كبير 12 كيلو وسعره 800 ريال |
رد: طعام معلب للكاسكو والببغاءات
انا شريت من الي معروض في السوبر ماركت الي اسمه ترل وارد شركة الناغي والله اعلم
طلع طعام كناري وكروانات وحاطين عليه صورة ببغاوات ومكتوب عليه غذاء الببغاوات ولا قرب له الطير |
رد: طعام معلب للكاسكو والببغاءات
ياجماعه ليه مو صحي
كاسكو صميم انت مثلي كان عندي كاسكو ياكل اي شي ياكل بروست ودجاج وعظم ورز كبسه اي شي يلهفه هههههههههههه وصحته كانت زي الفل بالنهايه تجنن وصار ياكل بلاستيك ههههههههه هذا زمان بعته وخلاص راحت ايامه الحلوه بالنسبه للاكل الي انت عارضه احسه حلو ومفيد يعطيك العافيه |
رد: طعام معلب للكاسكو والببغاءات
ياأخوان الاكل الموجود في الاكياس ويكون فيه فواكه ومكسرات مشكله نادراً ماتاكله الببغاوات
وانا لاحظت ان الببغاء ياكل بذور دوار الشمس ويترك الباقي ومجربها أكثر من مره لان الفواكه المجففه ناشفه جداً ومايرغب الببغاء فيها لاكن لو تسلق له خضار بماء فقط وتقطع له فواكه طازجه شف وشلون يكون الاقبال عليها حتى الذره اليابسه مايقبل عليها الببغاء بعكس الذره الطازجه يكون الاقبال عليها كبير ولو كانت مسلوقه يكون افضل أنا أنصح كل المربين بالاهتمام بالأكل الطازج والصحي أفضل من المعلب وفيه طريقه يسونها الاهل في البيت عندي في وقت عدم تواجدهم في المنزل يسلقون ذره مع كوسه وجزر وفاصولياء وبطاطس وقطع صغيره دجاج واحياناً جمبري ولا سمك والمتوفر من الخضار في البيت يسلق لمدة 25 دقيقه يعني نص استواء ويخلونه بالثلاجه لمدة خمسة ايام كل يوم يخلون الموجود في البيت يعطيهم منه كميه بسيطه طبعاً بالاضافه لحبوب دوار الشمس والمكسرات الطبيعيه بدون ملح ولاتنسون الفواكه والشابوره بالحبه السوداء مفيده مع العسل للببغاوات في موسم الشتاء ،، أتمنى ماكون طولت عليكم وان شاء الله الفائده تعم ،، |
رد: طعام معلب للكاسكو والببغاءات
بالنسبة للاكل
ما اقدر افيدك او احدد لك بس انا اشري له اكل من محل الحياة و الطبيعة عبارة عن حبوب و فيتامينات و فواكه مجففه اشوف الطير مستانس فيها و بالنسبة للاكل اللي اسمه تريل انا استخدمه للدره لانها تموت فيه |
رد: طعام معلب للكاسكو والببغاءات
ماشالله شي حميل بسسس ياسمين ماتحب هل حركااات ذي متعوده على الفواكه خضار حب شمسي فقط
|
| جميع الأوقات بتوقيت GMT +3. الساعة الآن 09:34 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو