منتديات تو زوو - سؤال مهم ارجو الاجابه عنه

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - سؤال مهم ارجو الاجابه عنه (http://www.2zoo.com/vb/showthread.php?t=123918)

سؤال مهم ارجو الاجابه عنه

السلام عليكم اخوتي الكرام

عندي سؤالين عن طير الكاسكو ( الافريقي الرمادي )

الكاسكو الي عندي ما يسمونه بالجانقل الي مصيود مو تفريخ هنا و طبعا اخذته شرس جدا و روضته و علمته الكلام بعد :) قولو ما شاء الله طبعا للحين ما يقول الا كلمه واحد بس و بس انشالله في المستقبل بينطق زياره و بعد احب شي عنده المسح على الراس و بس اقوله راسك ينزله و امسح عليه طيب السؤال الحين :

1- انه يسمح بالمسح على رااسه فقط و الي فيه خير يلمس باقي جسمه جناح ولا رجله ولا ذيله ولا بطنه لان راح تجيه عضه مو طبيعيه :) انا و اخواني اكلناها منه صراحه و بعد كان في الاول يوقف على اليد بكل لطف و امتنان و بعد ما شريت لقريب لي واحد و خليته جنبه فتره رجع ما يوقف على اليد ما ادري ليه .

السؤال الثاني و ارجو من اهل الخبره يجاوبوني لانه مهم و يتطلب خبر:

2- تكرمون براز الطير عندي كمية السائل اكثر من كميه البراز اجلكم الله و بعد الاكل يشرب ماء بكميه كثيره جدا فاا ما ادري هل هذا نوع من الاسهال و ما علاج هذه الحاله ؟؟

ولكم تحياتي

رد: سؤال مهم ارجو الاجابه عنه

اولا ماشاء الله تبارك الله يخليه لك.....
انا انصحك بي اعطاءه موز مره في الاسبوع....وايضا جرب تعطيه فص ثوم صغير كل شهر مره...واذا ممكن تعطيه حلبه حبات جدا كويسه وراح تشوف النتيجه بعد عشره ايام بالكثير وهذا من واقع تجربه....وياريت تنوع له في الاكل كل يوم ولا تنسى الرز المسلوق.....
من ناحية السؤال الاول حاول ان تتقرب منه اكثر من اول وتلعبه وتدلعه راح انشاء الله يرجع احسن مما كان

رد: سؤال مهم ارجو الاجابه عنه

اقتباس:

المشاركة الأصلية كتبت بواسطة راقي_جده (المشاركة 1091678)

اشكرك راقي على الرد و النصيحه المشكله اخي الكريم انه ما يرضا ياكل الفواكه مثل التفاح حاولت اعطيه و الكمثره مافي فايده غير الحبوب ما ياكل و اليوم الصباح على حسب نصيحتك عطيته حبتين حلبه ما رضا ياكلهم رفضهم رفض باات :)

بالنسبه للتدليل فاا اهم مدلل البيت الكل يبحه و يداريه و لا احد يزعله في اي شي :) بس في جنبه كروان حقي و بينهم ثاار قديم :)

اتمنى الافاده

رد: سؤال مهم ارجو الاجابه عنه

لرفع الموضوع

رد: سؤال مهم ارجو الاجابه عنه

اهلينfedex
اولآ تبي تمسح على جسم الببغاء

1-خليه في حضنك.
2- اعطيه أي شيئ يحبه خليه يلتهي فيها وامسح على راسه بعدين شوي شوي امسح على جسمه

هاذي انا مجربها على الببغاء بتاعي
وتقبل مروري وشكرآ

رد: سؤال مهم ارجو الاجابه عنه

جوعه عشان يقبل ياكل الفواكه لانه ما عودته على التغير.........لكن لما تجبره راح يجوع وغصب ياكل

رد: سؤال مهم ارجو الاجابه عنه

اقتباس:

المشاركة الأصلية كتبت بواسطة ملك الدرر (المشاركة 1094204)

مشكور خيو انشالله اجربها و ارد عليك

اقتباس:

المشاركة الأصلية كتبت بواسطة راقي_جده (المشاركة 1094224)

جوعه عشان يقبل ياكل الفواكه لانه ما عودته على التغير.........لكن لما تجبره راح يجوع وغصب ياكل

فا في فاايده من التجوع جربتها جوعته نص يوم و عطيته ربع تفاحه شنو سوى عفرها في القفص و تركها خيس لي الفقص بس خخخ

رد: سؤال مهم ارجو الاجابه عنه

شكل المنتدى هنا للقدامة بس الجدد مالهم مكان

رد: سؤال مهم ارجو الاجابه عنه

خليه يجوع عشان ياكل فواكه

تحياتي

رد: سؤال مهم ارجو الاجابه عنه

انا طيري كان مثل طيرك من ناحية المسح على الراس فقط

لكن انت نزله من القفص لفه ببطانيه وامسح عليه من ظهره وذيله الين يعرف انك ما بتأذيه

والبطن طبعا ما قد شفت ببغاء يسمح بذلك حتى الهولندي هههههههههههههههههههههههه

اهم شي الراس والاجنحه والظهر ^_^

واعطي ببغائك جزر مفيد للاسهال

الله يوفقك اخوي

رد: سؤال مهم ارجو الاجابه عنه

اقتباس:

المشاركة الأصلية كتبت بواسطة $المزمار$ (المشاركة 1096981)

انا طيري كان مثل طيرك من ناحية المسح على الراس فقط

لكن انت نزله من القفص لفه ببطانيه وامسح عليه من ظهره وذيله الين يعرف انك ما بتأذيه

والبطن طبعا ما قد شفت ببغاء يسمح بذلك حتى الهولندي ههههههههههههه لا عادي مع التدريب كل شي يصير

اهم شي الراس والاجنحه والظهر ^_^

واعطي ببغائك جزر مفيد للاسهال

الله يوفقك اخوي

و بالنسبة للمسح اخوي

زي كل مره قوله راسك راسك وامسح على رقبته وانزل شوي بكل هدوووء

ووكرر العمليه اكثر من مره

اليوم الثاني سوي نفس اليوم الأول بس انزل أكثر وبكل هدوووء

وهكذا لين توصل للذيل

المسح يجي تدريجيا مو على طول

الطير متعود منك انك تمسح على راسه فقط فلما تنزل على الأجنحة ولا الصدر بيقول لك اي خدمه اش يبي ذا :D

انا الطيور اللي عندي كلها مصيوده وتمسح عليها في كل مكان من جسمها عادي ما تخاف منك

التدريب هذا راح يزيد من ثقة الطير فيك

وزي ما قلتلك الشغله تدريجية ما تجي في يوم وليله

والشي المهم هو لما تدربه على اي شي وشفت انه تفاعل معك وتطور لازم تكافئ الطير بالشي اللي يحبه

اتمنى لك كل التوفيق

اخوك خالد

رد: سؤال مهم ارجو الاجابه عنه

اقتباس:

المشاركة الأصلية كتبت بواسطة حسين سلام (المشاركة 1096903)

خليه يجوع عشان ياكل فواكه

تحياتي

مشكور اخوي حسين جربت التجويع و نفع معاه مشكور

اقتباس:

المشاركة الأصلية كتبت بواسطة $المزمار$ (المشاركة 1096981)

بالنسبه للبطانيه انا مروضه بهذي الطريقه و كان عادي من امد ايدي له يوقف عليها بس من جبت يومين طير جديد و خليته جبنه و هو صاير شرس طبعا الطير الجديد ما خليته جنبه الا يومين بس و حاليا صارله اكثر من شهرين واهو على هل حال

راح اجرب الجزر و انشالله يفيد معاه لاني ما ابغى استخدم ادويه كيماويه

مشكور خيو

اقتباس:

المشاركة الأصلية كتبت بواسطة o9Liii (المشاركة 1097169)

راح اجرب هذي الطريقه و انشالله يستجيب لها و يرضى عني خخخخخ
بس كيف اكتشف الاكل الي يفضله لانه في حاله وجود الحب الشمسي ينسى الدنيا و ما فيها و اصلا حتى ينسى يعضني :) و اقدر اسوي فيه الي ابي بس يخلص من الاكل يعضني مباشره خخخخ

اخوي اذا تعرف نوع من الفيتامينات الطبيعيه الي توقف حاله الاسهال الي اهو فيها بشكل سريع جدا اكون من الشاكرين

تحياتي