![]() |
سوال خااص بالارانب يهم كل شخص عنده ارنب
السلام عليكم ورحمة الله وبركاتة
اتمنى تجاوبوني ارنبتي كل ماجبت اولاد تاكلهم مادري ليش ياريت تجاوبوني بسرعه ...:) |
رد: سوال خااص بالارانب يهم كل شخص عنده ارنب
كتبت جوابي في سؤال وجواب
|
رد: سوال خااص بالارانب يهم كل شخص عنده ارنب
ممكن تقولي ليش تاكل اولادها لانها صارلها عندي سنتين يعني واايد وانجبت 4مرات وكل مرة تاكلهم شسبب:shy:
|
رد: سوال خااص بالارانب يهم كل شخص عنده ارنب
وممكن تقولي بعد التلقيح بيوم اشيل الذكر ولا اخلية
وترى ارنبتي كانت شاريلها ارنب وكانت متوالفه معاه وبعدين مات وبعد مامات ب3 شهور او 4 حسيت انها نست الموضوع فحطيت لها ارنب ذكر جديد :freind: |
رد: سوال خااص بالارانب يهم كل شخص عنده ارنب
غريبه ارنب تاكل عيالها انا اقول غيرها وجيب غيرها وافتك
|
رد: سوال خااص بالارانب يهم كل شخص عنده ارنب
الارنب انا ربيت ارانب واجد ما تاكل عيالها الهامستر هو الي ياكل عياله
|
رد: سوال خااص بالارانب يهم كل شخص عنده ارنب
اذا ما فصلت الذكر عن الانث عند الولاده
|
رد: سوال خااص بالارانب يهم كل شخص عنده ارنب
المشكلة انها ماتصنع لهم بيت قبل لاتولدهم تحذفهم بالقفص وتحط عليهم قطن وبعد ساعتين او ثلاث الاحضها تاكل راسهم او جسمهم
انا اخلي الذكر عندها 4ايام يلقحها فيهم وبعدين افصلهم بعد الاربع ايام يعني مو افصلهم من اول تلقيح بعد 4 ايام افصلهم |
رد: سوال خااص بالارانب يهم كل شخص عنده ارنب
اعزل الذكر من تكون حاامل وفر الهدوو لها اكل الجيد وفيتامينات
|
رد: سوال خااص بالارانب يهم كل شخص عنده ارنب
من وين اشتري فيتامينات
اكثلر من 40 واحد داخل ولا احد رد ال4 :cool: |
رد: سوال خااص بالارانب يهم كل شخص عنده ارنب
السلام عليكم انا ابعطيك معلومه بسيطه بس مادري المعلومه هاذي صحيحه او
لا لاتاخذ كلام صح بس توقع اذضن الارنب اللي عندك فيه حاله نفسيه يعني مثلن مثلن نقول انت تزوجة وتحب زوجتك مره مره مره وماتت يمكن يكون ردت فلعك لنك تصير نفسيه مو صح طيب يمكن هي كيذا لاتضحك بس هاذا توقعي في ارانب شفتهم نفسيه فيهم مرض يعضون اكرر لاتاخذ كلام اتوقع |
رد: سوال خااص بالارانب يهم كل شخص عنده ارنب
اقتباس:
هههههههه من اول ماشريتها وهي تطرح اولادها او تاكلهم حتى ويا زوجها الي مات كانت تاكلهم:confused: يعني مو غريبة وانا حاطه في بطاريات ومانضف البطاريت اخليها كذا صارلها سنة مانضفتها |
رد: سوال خااص بالارانب يهم كل شخص عنده ارنب
السلام عليكم
اخوي الارانب لا تتزاوج بطريقه سليمه الى في: مكان دافئ ، مكان يوجد به عش وقش وقطن وتراب ، يجب الا يتم الاستطلاع عليها وقت الولاده الى اوقات ذهابها من العش ، يجب الاهتمام بنظافة العش لاكن بدون ازعاج الام فرضاً عند خروجها من العش، يجب الا يوضع الاكل في العش بعد الولاده ، واهم نقطه هي ان يكون الذكر اكبر من الانثى لكي يفرض عيها الاهتمام بالاولاد ورعايتهم وعدم اكلهم او عدم الاهتمام بهم انا ماني خبير في الارانب لاكني موسوعه فيها ارجو اني افدتك واي سؤال انا حاضـــــر تحياتي |
رد: سوال خااص بالارانب يهم كل شخص عنده ارنب
يعني مو مشكلة اذا الارنب حاامل احط معاها الذكر ماياكل الاولاد:12:
|
رد: سوال خااص بالارانب يهم كل شخص عنده ارنب
انت اذا عندك مكان وسيع
زي الحضيرة فيها المواصفات الي ذكرتها سابقاً حطهم الحالهم الذكر بيمر عليها بس بين فترة والثانيه عشان يتأكد انهم بخير لاكن ياكلهم اذا شاف عليهم خطر واذا كان هو اكبر من الانثى بكثير مره ما يصلح لانه ممكن ياكلها هي اذا شاف خطر على الصغار انت سو الي قلت وان شاء الله ما يسير الى الخير تحياتي |
رد: سوال خااص بالارانب يهم كل شخص عنده ارنب
انا اكتشفت ان في القفص الي تولد فيه دود على ارض القفص واعتقد انها حست بخطر لان الدود بياكل عيالها وكلتهم اتوقع
|
رد: سوال خااص بالارانب يهم كل شخص عنده ارنب
لالالالالا اخوي هامستر كوم معليش كلامك فيه شئ من الخطأ الله يجزاك عني خير
الذكر لايشوف الاولاد بتاتا لان عنده غيره من الصغار بأن الام تهتم فيهم اكثر منه والذكر يعتبر عدو للصغار لانه اذا شافهم راح يحفر عليهم وبكذا يكونوا ماتو معليش اخوي هامستر كوم لكن هذا من واقع خبرة طويله اخوي اذا الارنب حامل حطها في قفص خاص للولادة مو اى قفص تولد فيه الارانب ثانيا الذكر اذا لاحظ ان الانثى انشغلت عنه بسبب الاولاد يروح على طول يقتل العيال وبتلاحظ عليه العصبيه حتى عليك انت يعني اول ما الذكر يلقح الانثى افصلهم ولاتخلي الذكر يحوم على قفص الانثى عشان ما يأثر على عصبية الام وتخرب الولادة ثالثا امن لها الهدووووووووووووووووووووووووووووووووووووووووووء التام يعني لاتشوفك الا لما تعطيها اكل ومويه واذا جيت تنضف القفص نظفه بهدووووووووووووووووء ولاتقعد تطلع اصوات طقطقه لان هذى الاصوات بالذات تخوف الارنب ولاتحاول تراقب الانثى وهي ترضع عيالها واذا شفتها راحت لعيالها اطلع من المكان اللى فيه لارنب عشان ماتدوس عيالها وهذى الاجراءات خاصة بارنبتك انت لانه واضح من الموضوع انها عصبيه مرة واى سؤال انا جاهز على الخاص |
رد: سوال خااص بالارانب يهم كل شخص عنده ارنب
ممكن خايفه عليهم
|
رد: سوال خااص بالارانب يهم كل شخص عنده ارنب
اى حيوان ياكل صغاره هو نتيجه خوف وعدم استقرار وتكون الارنب حساسه او اول انتاج لها واذا ولدت مره ثانيه يرجا عدم ازعاجا وشكرا
|
رد: سوال خااص بالارانب يهم كل شخص عنده ارنب
اقتباس:
الا الارانب ماتاكل ولكن لاترضعهم بسبب الخوف |
رد: سوال خااص بالارانب يهم كل شخص عنده ارنب
:confused:ياخوووي الحين انا بعد ماكلت عيالها انا خليتها ثلاث شهور بدون ولادة وبدون لاتتلقح يعني على راحتها والحين يوم يت حطيتها صارت تشرد من الذكر وتقعد على زاوية من زوايه القفص علشان مايقدر يلقحها وبعد دقيقة لقحها قصب عنها وخليته معاها حوالي ثلاث ايام وبعدين شليتة يوم ورديتة لها وبعدين شليتة وحطيتة بقفصة ورحت ابي اوديها له اذا يت ابي ادخلها القفص مال الذكر تطلع اضافرها وترفض الدخول وتقعد تحاول انها ماتدخل والحين عزلتها بروحها وصارت ماتكل ذات الزود مثل الارنب يعني تاكل قليل وتشرب ماي شووي وكله قاعدة في بيت الولادة والمشكلة انها توسخ فيه وانا طلعتها برااا ومسكت ريولها حسيت ان فيها شي مثل حبات الزيتون الكبيرة وعددهم يمكن 5 او4 وبعدها هديتها تلعب شوي وطلعت الذكر لها وراح يلحقها ولقحها وبعدين قعد فوقها وهو يلقحها اكثر من 6 دقايق وبعدين رااح عنها وبعدها بربع ساعه وديتها القفص وحطيتها معاه 3 ساعات وكان كلا يقعد في قفص الولادة وهي تقعد برااا وبعدها شريت انثاء لونها اسود وحطتها في قفص بروحها وحطيتها معاها وخليت النثى بروحها بس مادري هل فسدت او انها حامل لانه لقحها اكثر من 6-7 مرات والحين هي بروحها شلون اعرف انها حامل وانا كل يووم احطلها حشيش وتاكلها بس مافكرت تكون عش الولادة لطفالها
:64: |
رد: سوال خااص بالارانب يهم كل شخص عنده ارنب
اخوي انت ارنبتك ما اعجبها قفص الولادة لذلك هي تاكل عيالها وانت ما شاء الله عليك مبهذلها الى ان قالت بس الله يهديك انت تقولي اعراض ما قبل الولادة ب 10 ايام يعني ارنبتك بقى لها 10 -15 يوم للولادة
وانت قاعد تخوفها كل شوي شايلها ومطلعها انصحك حطها في قفص اخار اذا شفتها تحفر في بيت الولادة هذا يدل على انه اعجبها ورجاء لاتطلعها ولاتجيها ابد الا للاكل والشرب وراجعني على الخاص :) يمديكم دكتور صرت ههه |
رد: سوال خااص بالارانب يهم كل شخص عنده ارنب
اخووي شراايك احطلك صورتها وانت تشوف بنفسك بيت الولادة والقفص واذا هي كانت حامل او لا وشكراا. انشااله بكرة بتاريخ 2009-10-6 راح احطلك الصورة فليل على الساعه 9 ونص 10 11 اووكي دش في هالوقت وراح تلقها بنفس الموضوع هذا اووكي:88:
|
رد: سوال خااص بالارانب يهم كل شخص عنده ارنب
ممكن كانت تنظفهم لان احيانا لمن الام تنظف
صغارها ممكن تاكل اذانيهم او تاكل الرجول |
رد: سوال خااص بالارانب يهم كل شخص عنده ارنب
لا ياخوي الارانب هي اللى تختار القفص على حسب عصبيتها اذا كانت من النوع اللى يخاف بزيادة على عيالها
يمكن ماتربي الا في الحفرة اللى هي تسويها |
جميع الأوقات بتوقيت GMT +3. الساعة الآن 05:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو