|
شفت قطو صغير ببيتنا من الشارع دشو شوفو وش سالفته
اهلا شخبار؟ ان شاء الله بخير اليوم شفت قطو صغير ببيتنا لونه بني على اسود وصغير وصوته حلو يقول مياو مياو على طول رحت جبت جبن مديت يدي له ماجه راح ورحت طلعت مره ثانيه وثالثه وعندي الجبنه بس ماشفته بس يوم طلع مره رابعه شفته وعطيته دجاج وجبنه بس يخاف يجي ياكل من يدي ارمي له الاكل ويجي وياكل وامي عصبت قالت هاده واحد من الاثنين يا فيه مرض ورعاته طالقينه يا جني مشكل على هيئه قطو قلت له وليش ماتوافقين اربي قطو قالت لي قطو بعيونك:( والحين هو يطلع صوت يخوف يعني يصارخ ميــــــــــــاو قلت لمي وش فيه القطو قالت هاده يبي احد يطلع له يبيج تطلعين له عشان يقتلك:( :(:(:( هل صحيح تعتقدون انه جني:( ولا شيء؟؟!!! |
رد: شفت قطو صغير ببيتنا من الشارع دشو شوفو وش سالفته
هههههههه جني مره وحده لا حبوب حرام اكسبي فيه الاجر دام صغير حاولي تهتمين فيه اذا ياكل |
رد: شفت قطو صغير ببيتنا من الشارع دشو شوفو وش سالفته
الينانوه مصفده برمضان
& اتوقع اذا اهتميتي بهالقطوه ووكلتيها كل يوم راح تييكم قطاوه واايد لانه احنا وكلنا قطوه وحده بيتنا القديم صار بيتنا ملجأ قطاوه :) يعني اذا اهلك ما يحبون القطاوه انصحج لا تعطينها اكل وبس مع السلامه... |
رد: شفت قطو صغير ببيتنا من الشارع دشو شوفو وش سالفته
اقتباس:
هاده الكلام ماينفع مع امي:( والقطو صغير بس مو وايد |
رد: شفت قطو صغير ببيتنا من الشارع دشو شوفو وش سالفته
اقتباس:
هاي مو اول مره اشوف قطو واعطيه كل بس قجأ يختفون مادري ليش:( يمكن الاهل يقبعونهم من البيت:(:mad::( |
رد: شفت قطو صغير ببيتنا من الشارع دشو شوفو وش سالفته
...أممم...
قولي لها..لو جني..كان شعر البدن كش أول ما لمحناه.. ولو جني..كان ما شفناه كل يوم بهالهيئه..شنو..!؟ الجنانوه ماعندهم الا شكل القطط يتجسمونهم..:confused: ولو جني..سمي بالله عليه كل ماشفتيه..وان شفتيه بعد كذا ماراح معناه هذا قطو حقيقي..مش جني متجسد..:) بس الأهل الله يهداهم يفكرون اغلب القطط جنانوه بسم الله..:p اشدعوه..الجنانوه ماتبي الا القطط..؟؟:D |
رد: شفت قطو صغير ببيتنا من الشارع دشو شوفو وش سالفته
موبس على جنانوة اصلا هم مايطيقون لقطاوة بعيشة الله :( ويطلعون فيهم مليار عيب ومليون حجه :mad: المهم في حد يعرف ليش القطو قعد يصارخ؟؟ هل يبي احد يطلع له او جوعان ويبيني اعطيه اكل مره ثانيه؟؟؟ |
رد: شفت قطو صغير ببيتنا من الشارع دشو شوفو وش سالفته
هههه جني مره وحد الله يهدي امك
تلقينه يصارخ يبيك تطلعين له وتعطينه اكل حراام شكله جوعان اطلعي ولا احذفي له اكل من الدريشه {هربيه]ههه لو بغيتي تعرفين انه جني ولا ماهوا جني روحيله وقوليله اذهب باسم الله ثلاث مرات بصوت عالي اذا راح يعني هو جني لو بقى فتطمني تراه قطو مع تحاياتي تقبلي مروري |
رد: شفت قطو صغير ببيتنا من الشارع دشو شوفو وش سالفته
هههههههههههههههههههههههههههههههههههههههههه
يمكن امك تبي تخووفك لو جني بسم الله كان ابيض وبس وجهه اسود و يبين عليه او يكون اسود |
رد: شفت قطو صغير ببيتنا من الشارع دشو شوفو وش سالفته
مو يعني اذاا لوونه اسود خلااص سار جني !
|
رد: شفت قطو صغير ببيتنا من الشارع دشو شوفو وش سالفته
مرحبا كيفك حبيبتي طعميه للبس اكيد جوعان حرام واهتمي فيه حطيلو ماي وهيك الله يجعله في ميزان حسناتك |
رد: شفت قطو صغير ببيتنا من الشارع دشو شوفو وش سالفته
اصلا .. الجن ممكن يتشكلوون ع القطه البيضا والسودا :D
لاني شفت قطوه بشكل جني ولونها ابيض .. تبو تعرفوو .. وش السالفه .. اذا تبو علموني :D |
رد: شفت قطو صغير ببيتنا من الشارع دشو شوفو وش سالفته
لا مو جني الجني تكون عيونه شوي غريبه وتقدري احيانا تميزيه
وصوت البسه الجني زي صوت الي يبكي بس هو يمكن يبغى اكل |
رد: شفت قطو صغير ببيتنا من الشارع دشو شوفو وش سالفته
حسافه حسافه ماطلعت له يوم قعد يصارخ خفت:( بس طلعت له بعد شوي امي صادتني وقال لي دبحتك دبحه ان شاء الله:mad: والبارحه شلت له صحن وحطيت بالصحن جبن وماء شوية لحم على أمل انه يجي بس للاسف ماشفته القطو ماجه:( ياليت يجي مره ثانيه عشان اعطيه اكل |
رد: شفت قطو صغير ببيتنا من الشارع دشو شوفو وش سالفته
ابشركم الليه سمعت القطو يصرخ طلعت له حطيت له في الصحن جن شيدر وماء وحطيت الصحن وابتعد عنه وجه واكل من الي في الصحن بس للاسف الليله مو مسوين لحم او دجاج او كبود كان نفسي اعطيه كبود اليوم مسوين روبيان بس ماسمعت انه القطو يعطونه روبيان عادي اعطيه روبيان؟؟؟ على فكره مستانسه وايد من هلقطو ابيه يعتاد علي عشان اني احبب القطط جدا جدا وامي مو راضيه اشتري لي قطو فحبيت اصادق قطاوة الشارع |
رد: شفت قطو صغير ببيتنا من الشارع دشو شوفو وش سالفته
لاماهو جني ولاشي لايصير تفكيرنا محدود كملي معروفك وأعطيه وهو مايماوي الا أنه جوعان ويبيك تحطين له أكل وفكري بالأجر اللي تاخذينه عليه وصدقيني بتحسين بمتعه كبيررره وأنتي كل مره تعطينه لقمه أو شربة ماي ماتدرين يمكن يكون هو سبب بمغفره كبيره بأذن الله الله يجزاك خيررر ويكثر من أمثالك |
| جميع الأوقات بتوقيت GMT +3. الساعة الآن 12:08 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو