|
صور جوز الكروان الي عندي .....
السلام عليكم...
كيف الحال ... قبل فتره نزلت موضوع عن كرواناتي و في البعض قال انه الانثى ذكر بس للحين ما بلغ ... و انه لازم اغير الانثى الي عندي بأنثى ثانيه بالغه ... الذكر الي عندي:: بالغ و جاهز و و ... القفص حجمه جيد جدا قبل اسبوعين حطيت لهم البياااضه و لين الحين ما شفت الذكر يسير عند البيااضه بس الانثى اتسير و ما تدخل بس توقف ع الخشب .. فتحة البيااضه 5 و نص سانتي تقريبا .. هل طول الفتحه زين ولا ؟؟ و هاذي صورة الانثى http://www.l22l.com/uploads/5498232cfc.jpg هل استبدل الانثى ولا اترياها لين ما تبلغ .؟؟؟ http://www.l22l.com/uploads/1758804b9b.jpg هاذي صورة الذكر البالغ http://www.l22l.com/uploads/24d8ce16b5.jpg و هاذي صورتهم مع القفص http://www.l22l.com/uploads/261e99fe76.jpg و بعد ما شفتو الصور ... ممكن تنصحوني و اتقولون لي شو اسوي وياهم ... و شو الحل اسف ع الاطاله و الازعاج |
رد: صور جوز الكروان الي عندي .....
هين أختي واضحه أنها أنثى 100% بس أستبدليها بأنثا بالغه ويذا كانت كبيره فخليها على حسب عمره إذا كان من 5 أشهر وتحت أستبدليها إذا كان فوق أشهر فصبري عليها
|
رد: صور جوز الكروان الي عندي .....
السلام عليكم
ما راح أزود في الكلام اعتقد عاشق الكروان اعطاك الحل المناسب |
رد: صور جوز الكروان الي عندي .....
انا اعتقد انها فوق الخمس شهوور
يعني ما ابدلها ... |
رد: صور جوز الكروان الي عندي .....
مادامها متوالفه مع الذكر وفوق الحمس شهور
لا تبدلها انطر عليها |
رد: صور جوز الكروان الي عندي .....
اوكي
هالاياام الذكر واايد يغرد .. و اليوم امطلع له لحن يديد روعه هههه بس المشكله اه الانثى ما تيي عنده بس اعتقد انها اتحكله رااسها في الصبح << يوم اكون راقد |
رد: صور جوز الكروان الي عندي .....
وعليكم السلام أخوي بالنسبة لفتحة العش فهي صغيرة فالأفضل يكون قطر الدائرة 7 سم أو 8 سم حتى تستطيع الطيور دخول العش بسهولة وبالنسبة للأنثى بما أنها متوالفة مع الذكر فالأفضل تتركها وما تبدلها لأنك ماتضمن إن الأنثى إللي بتشتريها له تتوالف معه وبالتوفيق :) |
رد: صور جوز الكروان الي عندي .....
اقتباس:
|
رد: صور جوز الكروان الي عندي .....
اوكي
يستوي التزاوج اذا كان العمر مب نفس الشي بس يكونو بالغين ... يعني الذكر مثلا سنه و 5 شهور و الانثى سنه واحده ... هل يستوي التزاوج |
رد: صور جوز الكروان الي عندي .....
يستوي ليش ما يستوي انا طيوري مزاوجهم الذكر اصغر من الانثى اترايهم انا الذكر الي عندي كان عمرة خمس شهور تريته شهرين وفرخ <<< يعني يتكلم امراتي:12: |
رد: صور جوز الكروان الي عندي .....
رووووووعه
جميله جداً |
رد: صور جوز الكروان الي عندي .....
تسلمون ع المرور ...
بس ما قلتو لي ... ليش الذكر ما يسير عند البياضه .... بس الانثى اتسير ؟؟؟ مب المفروض الذكر اول شي يتفقد البيااضه |
رد: صور جوز الكروان الي عندي .....
الصبر مفتاح الفرج اصبري شوي وخليها لا تستبدليها
|
رد: صور جوز الكروان الي عندي .....
قلتلك يااختي الصبر مفتاح الفرج يمكن الذكر مااعلن التزاوج يعني ماقام يستعرض اذا شفتيه
يسوي حركات ويفتح جنحانه وينفش ريشه يبي يتزوج واذا لقح المدام يتفقد تحياتي.... |
رد: صور جوز الكروان الي عندي .....
مشكور اخوي ....
قالولي انه الانثى مب بالغه |
رد: صور جوز الكروان الي عندي .....
كنها قريب بتبلغ اصبر شوي
|
رد: صور جوز الكروان الي عندي .....
السلام عليكم ورحمة الله
اخوي العزيز عليك بالجرجير واخس عطهم ورقتين جرجير وورقة خس كل يوم وماراح تندم ابدا وكمان لاتنسى عظم الحبار يكون متواجد بالقفص بشكل مستمر وطعامهم لا تشتري اللي بالعلب اشتري اللي بالكيلو فيه حبوب منوعه ومفيده ومغذيه اكثر تحياتي |
| جميع الأوقات بتوقيت GMT +3. الساعة الآن 09:02 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو