|
عاجل جدا جدا جدا
السلام عليكم
الحقووني الله يخليكم القطو الي عندي صار له ثلاث ايام عنده امسااك ما يقدر يخرج و صاير بطيئ بالمشي و دائما نايم وتعبااان و اليوم مو راضي ياكل و الامس عطيته ربيان استفرغ و الي استفرغه فيه شعر اكتبو لي اسم الدوا عشان اشتريه له |
رد: عاجل جدا جدا جدا
اخوي اظن انو فيه كور شعر عالق بمعدتها
وهذا يشكل خطر كبير لانه يسد القناة ويسبب مشاكل بالهضم وقيء واذا ماتقيئت القطه كره الشعر كامله وطولت الكره ببطنها يسبب الموت لاقدر الله حطلها ملين بأكلها..اتصل بالبيطري وسأله واذا ماقدرت تعطيها ملين وقف الوجبات العاديه وعطيها غير دجاج مسلوق مع كوسه مهروسه ولا تحممها بهالفتره ولا تخليها تجلس تحت المكيف ولا تنام على البلاط او بالحمام او بمكان بارد وإذا مر ثلاثه ايام وفضل معاها الامسااك لاااازم توديها البيطري |
رد: عاجل جدا جدا جدا
اقتباس:
اقتباس:
اقتباس:
لانه جا قطو من الشارع و ضربه صار كله وسخ و رمل و ماي فحممته مره ثانيه |
رد: عاجل جدا جدا جدا
بسيطه أن شاءالله عطيه زيت خروع شراب من الصيدليه البشريه مقدار أبرتين 1 سي سي بالفم أو زيت زيتون نفس المقدار .. وحليب لأنه يعتبر ملين طبيعي .. أو تونه وخففي من الدراي فوود .. أعطيه أكل يحتوي على سوائل أكثر .. ماعليه الأمساك يأثر على نفسيته وشهيته ويسبب له أنتفاخ بالبطن وهالشي يضايقه .. |
رد: عاجل جدا جدا جدا
ماعندي زيت الخروع
عطيته زيت زيتون و ما فاد معاه و حطيت له بالاكل زيت زيتون بس ما ياكل ولا يشرب يشمه و يروح عنه و في شي ثاني القطو الي عندي ذكر شفت انه في شسمه دم http://www.2zoo.org/get-8-2009-2zoo_org_ukd80gv5.jpg :confused: |
رد: عاجل جدا جدا جدا
شربيه لبن و إنشاء الله تطمنى عليه قريب جدا و الله معك
|
رد: عاجل جدا جدا جدا
شربيه غصب عنه يعني بالقطاره او ابره من غير سن لبن كامل الدسم او زيت زيتون وحاولي تاكليه تونه ريحته هتخليه ياكل ان شاء الله وطمنينا
|
رد: عاجل جدا جدا جدا
ساعدوني القط ما يتبرز ولا يتبول صار له الحين 5 ايام
ولا ياكل بس يشرب ماء و مايقدر يمشي و بطنه منتفخ و خشن |
رد: عاجل جدا جدا جدا
يالله خمس ايام..:confused:
أختي لازم البيطري بأقرب وقت..:( |
رد: عاجل جدا جدا جدا
رحت البارحه البيطري بس كان مسكر لانه يوم الجمعه
في شي اقدر اعطيه اياه يخفف عليه كاسر خاطري والله حتى مو قادر يتنفس عدل |
رد: عاجل جدا جدا جدا
خيو حطله زيت الزيتون بالاكل مارضي ياكل حطه بالماي مارضي يسرب حطه بالدراي فود بسسي لما يصير فيهم هيك بس اعطيهم دراي فود يروح الامساك وماقلت هيدي بقعة الدم وينها؟؟ يمكن في ايشي هالبس فطريت او شي طمنا عليه:( |
رد: عاجل جدا جدا جدا
طيب اختي..بالنسبه للتنفس..
حطيه بغرفه لحاله..وحطي له قدر فيه ماي ساخن وفيكس..وكلها ساعه بالكثير او اقل.. وتتفتح عنده المسامات ويصير اوووكي..:) وبالنسبه للامساك عطيه ملينات مثل ماقالو.. وشوفي اليوم البيطري ممكن يكون فاتح بإذن الله.. وديه يفحصه..ويشوف اذا فيه مشاكل ثانيه غير هذي لاسمح الله..:( |
رد: عاجل جدا جدا جدا
عطيته زيت زيتون بس ما فاد معاه
مسكين هو لا يتبرز ولا يتبول بعد شوي ان شاء الله بوديه البيطري و ان شاء الله فااتح والله يعور بالقلب |
رد: عاجل جدا جدا جدا
انا رحت للبيطري اليوم
عطاه 4 ابر مره وحده ابره وحده حق ادرارر البول يقول و الثانيه عشان الامساك و الثالثه مهدئه اول ما عطاه هالابره القطو صرخ و طلع لسانه كانه عطشان و الابرا الرابعه ماعرف لايش بس من عطاها اياه و القطو مو قادر يتحرك و عطاني دوا يقول انه مضاد حيوي اسمه betamox و عطاه حقنه شرجيه بصراحه مو مقتنعه في هالبيطري احس القطو تعب اكثر لما وديته له |
رد: عاجل جدا جدا جدا
ان شاء الله خير انت باي بلد؟ لو بجدة بقولك على عيادة بيطري كتير حلوة ان شاء الله مافي الا العافية طمنا:( |
رد: عاجل جدا جدا جدا
انا بالشرقيه مو بجده
و القطو احسه خلاص من عطاه الابره المهدئه على قولته و القطو مو قادر يتحرك كان يتحرك قبل ما اروح له الحين حتى عينه مو قادر يفتحها |
رد: عاجل جدا جدا جدا
يااا الله الله يستر يمكن بس تعبان من كثر الابر وشو صارلو وانه ماياكل هاي بعد؟؟؟؟؟؟؟؟؟؟؟ الله يستر طمنا خيو دايما:( الله يقومه بالسلامة |
رد: عاجل جدا جدا جدا
خـلاص مات الغالي
الله يجازي الي كان السبب حرق قلبي عليه |
رد: عاجل جدا جدا جدا
الله يعوضك يالغالي الله يعوضك الله يعوضك
:(:(:( لا تحزن انشاء الله كلها اسبوع وتنسه حااول اذا كاان جثة القطو عندك خل احد يوديهاا مكاان بعيد ويدفنه او يتخلص منه بطريقته وانت بعد اسبوع دورلك على وحده اضل على العموم الله يعوضك امين:mad::mad::mad: |
رد: عاجل جدا جدا جدا
يووووووووهـ !!
البيييطري متخلف الصرآآحه !!!!!!! تلقييييه مآت من االأبرر مو من الأمسآك . الله يعووضك بأحسسن منه ., |
رد: عاجل جدا جدا جدا
لاحول ولا قوة إلا بالله
غبي هالدكتور تدري انا ماأشجع فكره البيطري بس أحياان كثيير نحتاااج له ونعجز نسوي شي فنضر نروح له ويزيد الموضوع سوء وربي قلبي تقطع عليه طبعا كان فيه احتمال ثاني إذا كان الإمسااك شديد وماأخرج الفضلات أبدا أبدا طول الخمس أياام ممكــن يكون ورم في المثانه أو كيس دهني أو دوود |
رد: عاجل جدا جدا جدا
انا متأكده مليون بالميه انها من الابر
و بالاخص الابره الاخيره قال انها ابره مهدئه والله القطو كان واقف بس عطاه الابره صرخ و طاح على الارض و طلع لسانه يلهث رجعت به البيت و كانه ميت مسكين ما يتحرك ولا شي استفرغ من بعد الابره و من وقتها و القطو مو قادر يمشي و يطلع صوت 24 ساعه و توفى مسكين الله يعوضني ان شاء الله |
رد: عاجل جدا جدا جدا
لاحول ولاقوة الا بالله طيب ماقالك أيش فيه بالضبط والدم من شنو ؟! معووضه خيررر يااارب ،، هو كان ضعيف وماأستحمل الأبر وصعوبة التنفس لأنه محشووور حده براز وبول { عزكم الله و5 أيام حيل حيل كثيررررررررر والحاجتين ماخرجها أنا قلت لك عطيه غصب بالأبره زيت خروع مرتين قطوتي معاها أمساك لدرجة أن بطنها ينتفخ أحس فيه متحجر داخل كأنه بيبي وقالي البيطري أعطيها خروع مقدار أبرتين ،، وأحياناً أزيد لين تخرج ،، وحليب بارد وتونه ،، وأحياناً ينفع وتريح عمرها ولما أستمر معها الوضع كلمت البيطري وقلت له باقي الأمساك وياها ،، قال أوديها لعنده يعطيها ملين عن طريق الفم وثاني عن طريق الأخراج .. والحمدلله الحين وضعها تمام الله يصبرك ويعينك اللي شفتيه مو شويه ،، منظر مؤلم تشوفين قطوك يموت قدام عينك ومو قادره تسوين شي الله لايورينا ويوريكم مكروه بقططنا .. ويعوضك بأحسن منه |
رد: عاجل جدا جدا جدا
اقتباس:
للاسف اخذ القطو و على طول عطاه الابر ولا يقولي بس ارجع البيت على طول احطه بالحمام تبعه عشان الحين بيخرج و بيتبول والله لا اخرج ولا تبول مسكين طاح من الابره الي عطاها اياه 24 ساعه بالضبط و مات حسبي الله عليه |
| جميع الأوقات بتوقيت GMT +3. الساعة الآن 11:31 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو