|
طيري المسكيين .. ساعدوني لاتخذ القراار :(
السلام عليكم ورحمة الله وبركااته كيفكووووم ؟؟ ببغائي كسر خاطري مسكيين لما يشوووف الطيور تطير من الشباك يقعد يطالعها لين تختفي ويظل يصرخ عليها كأنه يريييد يطيير معااهم :( افكر اخليه يطيييير حر :D للعلم هو دره هنديه وعمره 5 شهوووور وفي حارتناا كثييير من بني جنسه يطييرووون على الاشجار دايما اشوفهم يعني لو خليته يطيير عندهم هل بيكون خطر عليه ؟؟ :( وبصرااحه انا في الفتره الاخييير كنت مشغووله كثيييير بس احط له الاكل الماي وما القى وقت اجلس معه علشان كذا صااار متوحش ويعض كثيير وعضاته قويه ما شااء الله حتى انه مره طلع لي دم في اصبعي :( وصار شكله منتف مو مرتب مثل قبل :( اعرف هذا من اهمالي له لكن مب بايدي والله :( والحين اريد اعوض عليه واريده يكون حر بما اني للحين مشغوله اخاف لا يمووت وانا مشغووله عنه :( انتوا شو راايكم :( هل اطلقه مع طيور الدره اللي برا او شو اسوي ؟؟؟ :( آسفه ع الاطاله ربي يحفظكم |
رد: طيري المسكيين .. ساعدوني لاتخذ القراار :(
الصراحه خيتوو يمكن احسن تطلقيه لانه اكييد هذا سبب عدوانيته
وبلعكس مبين انك مشاء الله ماقصرتي معاه :) واكيد انشاء الله مايكون خطر عليه |
رد: طيري المسكيين .. ساعدوني لاتخذ القراار :(
ان شااء الله ما يكون خطر عليه لكن اللي مخوفني انه عمره صغييير :(
تسلميييين يالغااليه على ردك جزاك الله كل خيير :) |
رد: طيري المسكيين .. ساعدوني لاتخذ القراار :(
بعه علي
|
رد: طيري المسكيين .. ساعدوني لاتخذ القراار :(
اتمنى والله ألقى حد يهتم فيه لو انتي في الامارات ما كنت بعته لك
الا بعطيك ايااه هديه كثير ناس يبوونه لكني رافضه اعطيهم ايااه لاني خايفه عليه لقلة خبرتهم تراه غاالي علي لكن ظروفي مخلتني اهمله غصب :( |
رد: طيري المسكيين .. ساعدوني لاتخذ القراار :(
لااا ... لا تطيره .. الغربان مابيقصرو .. يعني اهمالك احسن له من انه يكون تحت رحمة غراب
مرا طيرت امي عصفور .. وبنففففففففس اللحظه صار سندويتشه بفم غراب طاير .. أمي سوت كده بعينها @@ |
رد: طيري المسكيين .. ساعدوني لاتخذ القراار :(
نصيحتي لك طيري
او بيعه لان الببغاء يحتاج الى الرعية والاهتمام والراي فغي الاخير يعود لك |
رد: طيري المسكيين .. ساعدوني لاتخذ القراار :(
هلا اختي اهم شي اذا طيرتيه صوريه فيديو ونزليه هنا بنشوفه وهو يتحرر
:) |
رد: طيري المسكيين .. ساعدوني لاتخذ القراار :(
لا اختي والله انا اشوف تبيعينه .. واذا ما حصلتي ناس عندهم خبره وانتي خايفه عليه بيعيه فالسووق .. بس حرام لا تحررينه واهو صغييير .. كل طيورنا يبون يطلعون ويتحررون بس مب معناته ان نخليهم على كيفهم ;) قد ما تقدرين عطيه من وقتج لو ربع ساعه فاليوم .. واذا ما قدرتي قلت لج بيعي فالسوق وفالنهاية الشور شورج وهذا طيرج ;) تحيــآآتي .. موني .. |
رد: طيري المسكيين .. ساعدوني لاتخذ القراار :(
السلام عليكم
اختي الحمد لله الناس تهتم بالطيور والطير الي عندك صغير يعني حرام تطيرينه لأنك ترمينه في التهلكه اصبري عليه شوي وبعدين طيريه لأن الدره تعرف اشلون تعتني بنفسها من تدريب امها ولكن الدره الي عندك ماضلت مع امها على شان تتدرب لكن اقول اصبري عليها وطيريها واحسن شي تطيرينها اذا مرو مرور الكرام طيور الدره على شان تنظم معاهم وتطمني عليها وبالتوفيق |
رد: طيري المسكيين .. ساعدوني لاتخذ القراار :(
حبيبتي شووفي موتقوولي في كثير من جنسه ,,,
خلاص طلعيه وحطيه عند الشبك وفكي القفص وحطيله كل يوم عند الشباك الاكل حقه ,,, عشان حتى هو ممكن يرجع ويحن ,,, اذا اذ كنتي ماتقدري تربيه خلاص طفشتي لكن اذا تبيه عاادي خليه ,,, وطلعيه في البيت,,, |
رد: طيري المسكيين .. ساعدوني لاتخذ القراار :(
الأفضل أنك تروضينه وأطلعيه بره القفص يلعب معك أو مع أحد بالبيت أو ألألعاب الموجوده عنده
أو جيبي له طير ثاني معاه بنفس القفص نفس الفصيله |
رد: طيري المسكيين .. ساعدوني لاتخذ القراار :(
السلام عليكم اختيه
والله يختيه الطيور كلها ودها تطير لاكن هل تضمنين انه كل الي يحتاجه يلقاه في الشتا يحتاج الدفئ و في الصيف البرد والله اذا فكرتي تبيعينه راسليني ع الخاص و اذا عن الخبره باذن الله عندي الخبره السنه مربي 4 فروخ دره و فرخ كاسكو اذا موافقه عالبيعه راسليني ع الخاص ع العموم انا مسافر و بعد 3 ايام راجع |
رد: طيري المسكيين .. ساعدوني لاتخذ القراار :(
مشكوريين على ردوودكم ما قصرتوا
المشكله اني ما اريد ابيعه فالسوق لانهم ما يهتمون في الطيور صح ونفس الشي الناس تشتري الحيوانات وهيه ما تعرف عنها شي واخاف يشتريه شخص ما يعرف شي عنه او طفل يلعبه naasooh هو اصلا ما يدخل في القفص الا نادرا دايما برا القفص ومروض يجي ويوقف على كتفي ويركب على ايدي عادي لكن المشكله كل اللي في البيت يخافون منه يعني مافي غيري يهتم فيه << غريبين في أحد يخاف من طير صغييير ههههه انا المجروح امي تحبه واايد وهيه الحين مسافره وقالت لي يا ويلج لو طيرتيه او بعتيه لين ارجع من السفر ونتفاهم هههههه لكن بشووف بخليه فتره واذا في يوم فكرت ابيعه براسلك ع الخاص جزااكم الله كل خييير جميعا :) شكلي كتبت قصة حياتي ههههههه |
رد: طيري المسكيين .. ساعدوني لاتخذ القراار :(
هلا بحمامة
والله موضوعك غريب أنتي اللي يوم شريتيه كنتي كل شوي تسألي وتستفسري,, وتشاركي والحين تبغي تطيريه مثل ما قالو أخواني الأعضاء,, اذا طيرتيه ممكن انتي تعرضيه لمشاكل لأنه مو متأقلم مع البيئة الطبيعية برى ويمكن يهلك ويموت,, مكانه في البيت يا أختي إذا عندك أحد تثقي فيه تعطيه الببغاء يهتم فيه,, وإذا ما لقيتي معناها انك ما دورتي بجد لانه كثير مستعد يتبنى الطير أنا أعطيت اختي ببغائي فترة, وهي عمرها ما ربت طيور ولا تعرف,, مع العلم انه أمازوني والدرة أسهل من السهولة في التربية ما تحتاج خبرة,, القفص فكرة ممتازة, حتى لو ماهي عاجبتك,, لكنها فكرة تساعد الطير, وهذا المهم,, حاولي تعرضيه للتبني,, ووقت ما تتحسن ضروفك تقدري ترجعيه,, ومن فترة لفترة روحي شوفيه واطمني عليه,, وبالنسبة للبيع,, أفضل من انك تطيريه في هذا العمر,, ومهما واجه مع المشتري, إلا إنه أقل مما تتخيلي لما يطلع برى لوحده وهو بدون خبرة ولا تجارب,,, ربي يوفقك تحياتي |
رد: طيري المسكيين .. ساعدوني لاتخذ القراار :(
والله يا سكر اني ما فكرت اطيره الا لاني ما لقييت اي احد اثق فيه
واذا حريته تضره خلاص ما بطيره ولا بعطيه اي احد ولا ببيعه الحين انا احاول اني اقضي معه شوية وقت قد ما اقدر حتى لو 10 دقايق والحمدلله احسه صار احسن وسويت له استاند بحطلكم صورته بعدين والحمدلله اخوي قال انه بيسوي له خيمه برا في مكان مظلل والجو يكون حلوو وبيجييب له اصحاب ^__^ تسلم على ردك ^_^ الله يحفظك |
| جميع الأوقات بتوقيت GMT +3. الساعة الآن 06:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو