منتديات تو زوو - محتارهـ ؟!

منتديات تو زوو (http://www.2zoo.com/vb/index.php)

- موسوعة الحيوانات (http://www.2zoo.com/vb/forumdisplay.php?f=5)

- - محتارهـ ؟! (http://www.2zoo.com/vb/showthread.php?t=115277)

غرام أحباب

10-08-2009 01:07 PM

محتارهـ ؟!

السلام عليكم ورحمة الله وبركااته ..

حبيت اخذ رايكمــ ..
انا ابا اربي حيوااان عندي فالبيت ..
انا ربيت من قبل هامسترات لكن الوالده انزعجت منهم ..
كانو يطلعون ريحه وو يشردون من القفص ..
فماقدر اربي همسترات الحين ..

واريد حيواان حلو وصغير بس مب قطوه لاني اتحسس منها ..
اريد شي اربيه مثل القطوه ..
شو تنصحووني ؟؟؟

اختكمـ غرام أحباب ~

lola	10-08-2009 01:40 PM

رد: محتارهـ ؟!

خدي هامستر نوعه روسي ما يطلع ريحه ^^

وهادي صورتو

http://img522.imageshack.us/img522/8169/11111ht1.jpg

غرام أحباب

10-08-2009 01:46 PM

رد: محتارهـ ؟!

لولا عزيزتي ..
ههههه تدرين انه امي شلت الهمسترات وباعتهن بدون مانددري ..!!
واذا يبت همسترات بعد شو تتوقعين راح يصير ؟؟
بتبيعهم بعد :(

نمـورة

10-08-2009 01:54 PM

رد: محتارهـ ؟!

كل الحيوانات بتطلع ريحه و اعتقد الوبر ريحته خفيفه

اكبر من الهامستر و اصغر من الارنب

و تربيته نفس تربيه الارانب

http://pettalk.com.au/blogs/media/bl...inea-pig_b.jpg

http://www.essendonvet.com.au/files/...-pig---tan.jpg

[IMG]http://www.theonion.com/*******/files/images/Guinea-Pig.jpg[/IMG]

http://www.freefoto.com/images/01/24...ea-Pig_web.jpg

:)

غرام أحباب

10-08-2009 02:26 PM

رد: محتارهـ ؟!

اممم الوالده مابتتقبله لانه يشبه الهمستر ..
بتقول يبتيلي شرات القبلي واكبر :P

sisi_moon

11-08-2009 03:56 AM

رد: محتارهـ ؟!

اممم

تيب ربي شانشيلا

هو من أحلى القوارض ونفسي مررررررره اربيه بس مشكلتي ماما تقرف من القوارض كلهم عندها فيران :p

http://i27.tinypic.com/2uxxsp3.jpg

أو ربي ببغاء .. تونس لا صارت تتكلم وتعلق

بس بسالج

انتي عندج حساسيه من أي قطوه تشوفينها ولا بعض القطط

لان كثير ناس يتحسسون من قطط معينه بس .. مو كلهم ..

وغالبا القطط الشورت هير تناسب الي معهم حساسيه أكثر

غرام أحباب

11-08-2009 09:43 PM

رد: محتارهـ ؟!

من كل القطط ..
بس الشانشلا ربيناه مرره و احسه ماقدر اشله و اخليه عندي ..
والببغاء .. امم ..
انا قلت بفكر اخذ بس مب نفس الهمستر ولا القطوه ماقدر امسحه واحضنه < < ادري اني فاضيه ههههه
بس ابا اربي حيوان حنوون < < < ناقصه حنان الاخت خخخخخ

Prime Rose

11-08-2009 09:58 PM

رد: محتارهـ ؟!

خيتوو انا انصحك بالهامستر الروسي لانه ماله ريحه او الوبر

غرام أحباب

11-08-2009 10:32 PM

رد: محتارهـ ؟!

ماقدر ابغي شي غير الهمستر ..

Prime Rose

11-08-2009 10:38 PM

رد: محتارهـ ؟!

طيب ايش رايك بالوبر

غرام أحباب

11-08-2009 11:22 PM

رد: محتارهـ ؟!

والله انااااا ودي بالوبر .. بس الوالده غيير .. خخخخ
بتقول انه هذا همستر كبير .. << ومحد يقدر يقنعهااا
:p
حبااايبي تعبتكم ..
^^

Prime Rose

11-08-2009 11:34 PM

رد: محتارهـ ؟!

هههههههههههههههههههههههههههه انشاء الله تقتنع الوالده بس تفائلي بالخير :)

والله ماتعبتينا ولا شي

غرام أحباب

11-08-2009 11:57 PM

رد: محتارهـ ؟!

ادعيلي حبيبتي خخخخ :)

الأسد الملك

12-08-2009 03:43 AM

رد: محتارهـ ؟!

حيوان زي القطاوهـ بس موب قطو

النمس بدون تفكير

بس عيبه ريحته رييحته الله لا يوريكم

يعني النشاره يبغالك كل يومين تغيرينها

وانا اوافق كلام الاخت سيسي والله صحيح فيه بعض القطاوه تجيب العطاس والحساسيه

وبعضها لا

والله يوفقك

Prime Rose

12-08-2009 07:07 AM

رد: محتارهـ ؟!

اقتباس:

المشاركة الأصلية كتبت بواسطة غرام أحباب (المشاركة 999122)

ادعيلي حبيبتي خخخخ :)

ولايهمك رااح ادعي لك :D:D:D

غرام أحباب

15-08-2009 10:05 PM

رد: محتارهـ ؟!

مشكوووووريييييين حبايبيي ...
بس مقنهره قلتلهم ابا ارانب قالو تبين بنحطهم فاالمزرعه خخ
قلتلهم ماريد اريدهم عدالي ارعاهم

رامبو

23-08-2009 11:03 PM

رد: محتارهـ ؟!

ربى كلب شيهيواوا وده صغير جدااااااا

هكذا اذن

11-09-2009 07:07 PM

رد: محتارهـ ؟!

شوفي

كان عندي هامستر سوري وهرب من القفص امي صرخت وعطته حق الناطور

لكن من وراها اشتريت هامستر روسي وسويت قفل عشان ما يشرد بعدين خبرتها اني اشتريت هامسترات

اول اسبوعين سكتت بعدين قامت تصرخ تقول طلعيهم برع تتعذر بالريحه ولا ليش يطلعو صوت

بس ما مسويتلها سالفه خخخخخ

اشتري سلاحف ولا بعطيج سلاحفي مجانا عندي اثنين ولا اشتري هامستر وخبيه بمكان ما ينشاف يعني مع احترامي لهن مب عايشين بروحهم بالبيت يوم يقولون انهم متقرفين من الشي اللي نحبه لازم يحترمون افكارنا وشو نحب على الاقل..

طبعا هامستراتي ما بتطلع من غرفتي لانه خسرت عليهم 300 درهم والحين بسير بشتري قفص عشان احط الذكر بروحه لانهم متهاوشين شو سالفتهم ما ادري

بعدين اتيي بكل سهوله تقول بعطيهم للناطور خخخخخ

حبيبه قططي

15-09-2009 11:34 PM

رد: محتارهـ ؟!

وااااااو واااو والله الوبر يجننننن ماما غيرت رأيها وانا كمان غيرت رأييي راح اشتري وبر هيييييييييي شكرا على الصور الرائعهةيا قمر يا نمووره

مممممممم

22-09-2009 07:39 AM

رد: محتارهـ ؟!

ربي سنجاب

| كوكاتيله |

23-09-2009 01:17 AM

رد: محتارهـ ؟!

ليش ماتشترين .. { أرنب } ..
بصراحآ Cute

الضحووك

26-09-2009 09:41 PM

رد: محتارهـ ؟!

طيب ربي ضب ^_^

marshmallow

01-10-2009 01:31 AM

رد: محتارهـ ؟!

طيب قلبي تقدرين تربين بسه ..
وتاخذين علاجات للحساسيه!!

marshmallow

01-10-2009 01:34 AM

رد: محتارهـ ؟!

أنا عن نفسي الارنب يصلح يتربى بمزرعه ..

ووسخاته كثيييييير ولها ريحه مو حلوه ..

بس ع كلام {كوكاتيليه} حده كييووووووت خاصه الصغير

بوعقاب

01-11-2009 11:13 AM

رد: محتارهـ ؟!

احسن شي لد ربي ارنب صغيير بي بي
لونه ابيض واسود او ابيض ومبقع بني عجيب وحنون هههههه

عآآشق الهآمستر

01-11-2009 12:36 PM

رد: محتارهـ ؟!

بالنسبة لـي مريت بتجربت تربيت القطه و الببغاء والاسمإكـ
كل واحد منهم فيه عيب وفيه حلا..

مثلاً القطهـ ترقا فوق الكنب وتمخشه وهذا يأثر على الكنب بس هي زي ماتعرفين جميلة ولعوبهـ....إلخ
والببغاء رإئـع واحلـى شيء فيه الكلـام يتكلم وتقدر تمسح على رأسه..لأكن قبل لا تمسح على رأسه لازم يعرفك
والسمكاحلـى حيوإن لدـي بالنسبة لهـم مررره حلو ولا يحتاج تعب واجد
والقرإر يرجع لكـ،
والسلام عليكـ/ـم

%لوب ذهبي%

01-11-2009 12:47 PM

رد: محتارهـ ؟!

انا عن نفسي انصحك تربي ارنب واتوقع بحكم خبرتي ان الريحه اللي تطلع منه بسبب الاهمال في التنظيف فقط لاغير

اما عن نوع الارنب انا افضل الهارلي كوين اللوب لانه حنون مره ويحب يلعب لدرجه ما احد يتوقعها الا اللي جربه

وبالتوفيق اختي

وهذي صورته[IMG]http://www.2zoo.org/get-11-2009-2zoo_org_70cttyrf.jpg[/IMG]

جميع الأوقات بتوقيت GMT +3. الساعة الآن 08:20 AM.