|
(فديو )مراحل نمو وتدريب فرخ الزيبرا
CENTER]بسم الله الرحمن الرحيم
يا خوان حبيت اقدم لكم واحد من اول انجازاتي في تدريب الطيور الصغيره ونجاح عملي يرجع لفضل الله سبحانه وتعالى ثم متابعتي المستمره لهذه الطيور قبل ثلاث سنوات تقريبا وانا اطالع في القفص الصغير صرت افكر كيف اخلي هذي الطيور ما تنحاش وكيف اخليها تعتاد على مكان القفص وكيف اعطيها الحريه تروح وترجع على كيفها مثل الحمام وهل اذا صارت اليفه راح تنتج او لا وهل اذا انتجت راح تبقى اليفه اولا طبعا بديت بسم الله وبديت اراقبها عن كثب وش تاكل وش توكل الفروخ و كيف تهتم بالفروخ والحمد لله جتني الاجوبه كلها من المتابعه المستمره 1-كيف اخلي الطير ما ينحاش وكيف اخليه يعتاد على بيته ج- اربيها وهي صغيره (وانتم تلاحضون كيف الفرخ يلاحق اهله) 2-هل اذا صارت اليفه تنتج او لا ج- طبعا وانتاج اقوى من غير الاليف 3-هل اذا انتجت تبقى اليفه او لا (ما عرفت جواب السؤال هذا الا يوم جربت) طبعا تبقى اليفه (لازم على الاقل كل يوم او يومين تطلقه من القفص نص ساعه واجلس معه) عشان يتعود عليك وعلى القفص *نصائح* 1-لاتغير مكان القفص 2- غط ارضيت قفص الطير بالتراب واذا كان رمل رطب افضل اذا تبغى طيرك يعيش فتره طويله بصحه جيده 3- وفرله ماء نظيف يوميا للإستحمام 4- غصن شجره صغير جاف ثبته داخل القفص 5- لا تعطيه اكل خارج القفص طبعا اذا كبر الا كمكافأه 6- (للي ماعنده الا جوز واحد) طبعا اذا بيعطيهم بيضه بتصير كبيره ولا ياكلونها كامله عندي له بديل (النمل السود الصغار مره) جمعلهم وقدمها لهم حيه بتشوف الافتراس وبعدين له فايده وقت الانتاج اهم شي وفرله في القفص كل اللي تشوف انه يحتاجه وانت وابداعاتك واحسن ما في الشغله اذا بيض تروح انت وياه تجمعون عودان جديده واذا قرب يفقس البيض تروحون تجمعون ريش يعني الحين تقدرتتابع نشاطات الطير قدامك وهو حر طليق عموما تربية هذي الطيور سهل جدا جدا جدا اهم شي المتابعه هذا الفديو اهداء من سداح لمنتدى 2zoo *اقدم اعتذاري الشديد لمشرفنا ابو ريان وسامحنا يا مشرفنا* (اسف على الاطاله وهذا هو الفيديو بطولة سداح) قولو ماشا الله |
رد: (فديو )مراحل نمو وتدريب فرخ الزيبرا
ماشاء الله مجهود رائع الحقيقه
هل عرضتهم للبيع؟ |
رد: (فديو )مراحل نمو وتدريب فرخ الزيبرا
يشرفني مرورك اخوي بارق
اللي في الفديو لا ما عرضتها لكن فيه غير اللي في الفديو على 150 وليف |
رد: (فديو )مراحل نمو وتدريب فرخ الزيبرا
اقتباس:
اقصد وهم صغار |
رد: (فديو )مراحل نمو وتدريب فرخ الزيبرا
اربع مرات يوميا
|
رد: (فديو )مراحل نمو وتدريب فرخ الزيبرا
يعطيك الف عافيه ياخوي على المجهود هذا
بس عندي سؤال انا عندي فرخ قاعد اربيه بس حبيت اعرف متى ياكل بروحه حبوب ؟ ولا لازم اعلمه لانه انا ليلحين اوكله بالابره اكل مخصص للفروخ |
رد: (فديو )مراحل نمو وتدريب فرخ الزيبرا
اقتباس:
اذا استوى ريش الطير يعني اكتمل حطله الاكل عنده واستمر بتوكيله بالابره مع الوقت هو بروحه راح يتعلم ياكل اهم شي خل الاكل متوفر قدامه وعسى الله يحفظ لك فرخك |
رد: (فديو )مراحل نمو وتدريب فرخ الزيبرا
السلام عليكم
اخوي انت شنو تأكله من أول ما يفرخ لين يكبر , ممكن تشرح المواحل ونوعية الاكل لأني بصراحه انبهرت من الفيديو ماشاء الله عليك |
رد: (فديو )مراحل نمو وتدريب فرخ الزيبرا
اقتباس:
مراحل النمو واضحه اخوي في الفيديو اما عن الاكل انا ما اعطيهم الا نفس اكلهم اللي هو حبوب الفلارس وحبوب ثانيه اللي تجي لونا اصفر دائريه صغار ما اعرف اسمها::confused: اهم شي اشيل القشره عن الحبوب ثم اخمرها بالماء لمدة دقيقه ثم اسكب الماء واوكل الفرخ وبالتوفيق اخوي |
رد: (فديو )مراحل نمو وتدريب فرخ الزيبرا
ما شاء الله مجهود كبير
واهنيك حقيقة على الي سويته |
رد: (فديو )مراحل نمو وتدريب فرخ الزيبرا
اقتباس:
مشكور عالمرور الطيب |
رد: (فديو )مراحل نمو وتدريب فرخ الزيبرا
ماشاء الله تبارك الله شي جميل والي الافضل انشاالله
|
رد: (فديو )مراحل نمو وتدريب فرخ الزيبرا
اقتباس:
|
رد: (فديو )مراحل نمو وتدريب فرخ الزيبرا
ماشاء الله تبارك الرحمن ...
الله يحفظهم لك من كل شر كم عمر سداح بعد الدفعه الرابعه ؟ كنت افكر اجيب بادجي ..لكن بعد الفديو ذا غيرت رايي:) تنصحني اشتري زوج ولا فرخ ..واش نوع الزبيرا حقك لونه حلو ماشاء الله |
رد: (فديو )مراحل نمو وتدريب فرخ الزيبرا
اقتباس:
ايام الدفعه الرابعه كان عمره سنه ونص وانتج الان تقريبا 9 دفعات والله اعلم ماني متاكد بس قريب من الرقم هذا يزيد رقم او ينقص:D وانصحك تاخذ جوز جاهز او انه قد انتج في اقفاص صغيره عشان تظمن انشالله الانتاج وبعدين اخترع على الفروخ على كيفك;) الصندقه اللي انتجت لي سداح 3م في 2م ارتفاع 2م (كبيره) لكن لو طلعت جوز من الصندقه ذي وحطيته في قفص زي اللي في الفديو اتوقع صعب ينتج عشان كذا اسال اللي تبي تشري منه هل انتج في قفص صغير قبل كذا ولا لا نوعه زيبرا فينش عادي ومشكور اخوي على المرور الطيب وان شاءالله اكون افدتك |
رد: (فديو )مراحل نمو وتدريب فرخ الزيبرا
السلام عليكم ورحمه الله وبركاته
مجهود طيب يااخ سداح والله يبارك لك في الطيور انا عندي سؤال اذا ممكن الحبوب المنقوعه متى بالضبط بديت تطعمها الالفروخ في عمر كم يوم لاني انا عندي كم جوز باضو مرتين وفقس البيض وتموت الفروخ لان الوالدين مايطعموهم ولا اعرف السبب بس انا شلت فرخ عمرة اقل من يوم وبديت اطعمه وللحين هو عندي صار له 3 ايام وان شاء الله بنزل له صور من اول يوم حتى يكبر اذا الله اراد في ابقاءة لانه زي ماتعرفوا حجم الزيبر اول مايفقص صغيييييييير مرررررررة |
رد: (فديو )مراحل نمو وتدريب فرخ الزيبرا
اقتباس:
اولا مشكور على مرورك وسؤالك الجميل يا غالي تبدى طال عمرك بتاكيل الفروخ الحبوب المنقوعه بعمر اسبوع الفرخ بعمر يوم تقدر تسلق له نفس الحبوب لكن مطحونه مع شوي ماء الين يصير مثل السليق وخله لين يبرد ووكله على فكره تقدر توكله قطيعات ورق خش ونمل سود صغار ونفس الحبوب المنقوعه بدون ما تسلقها واهم شي اخوي املا له حوصلته وبالنسبه للجوز اللي ما ياكل عياله اولا ظبط لهم مكان صاد عن الرايح والجاي ثاني شي اذا كان الجوز عندك يخاف منك اذا قربت من القفص فقلل زياراتك للقفص فترت اول ما يفقس البيض الين بعد اسبوع او 10 ايام على الاقل يعني خل زياراتك للقفص فترت تغيير الاكل والماء كل يومين مره وحده تكفي والله يحفضلك طيرك وتشوف عياله عياله يارب وبالتوفيق اخوي |
رد: (فديو )مراحل نمو وتدريب فرخ الزيبرا
مشكوووووووووور اخوي سداح على الافاده جعله الله لك في ميزان اعمالك
|
رد: (فديو )مراحل نمو وتدريب فرخ الزيبرا
مشكور أخوي والله يعطيك العافية , طيور رائعة جدًا ماشاء الله وأعتقد أنك تفوقت على غيرك بتدريبك لهذه الطيور , أخوي إذا عندك أزوااج منتجة للبيع راسلني على الخاص وعطن سعرك .
ملاحظة : أعلم أن كل شخص استمع لهذه الموسيقى اثمه عليك . |
رد: (فديو )مراحل نمو وتدريب فرخ الزيبرا
اقتباس:
|
رد: (فديو )مراحل نمو وتدريب فرخ الزيبرا
اقتباس:
اما اني تفوقت فاعتقد انه اي واحد يقدر يسوي اللي سويته الشغله ابسط مما تتصور اهم ما فيها المتابعه طبعا بعد التوفيق من الله سبحانه وبالنسبه للاغنيه ابغيرها وجزاك الله خير |
رد: (فديو )مراحل نمو وتدريب فرخ الزيبرا
بصراحة أرفع لك القبعة عالمجهود الطيب
بصراحة أنا جربتها مع اللاف بيرد ونجحت لكن أول مره أعرف أنا تمشي مع الزيبرا وفى المره اليايه بحاول أربي لي طير زيبرا وحاول أخليه يتعود علي أدعوا لي بالنجاح |
رد: (فديو )مراحل نمو وتدريب فرخ الزيبرا
اقتباس:
اخوي اي حيوان او طير تربيه وهو صغير راح يتعود عليك ويالله يارب يوفقك في كل الامور الطيبه وبالتوفيق ياملك الزيبرا |
رد: (فديو )مراحل نمو وتدريب فرخ الزيبرا
مشكوووووووووررررررررر جدا جدا جدا على الموضوع
|
رد: (فديو )مراحل نمو وتدريب فرخ الزيبرا
يسلمووو مشكور ما قصرت
|
رد: (فديو )مراحل نمو وتدريب فرخ الزيبرا
مرحباااااااااااااااااااااااا
ماشاء الله ، الله يبارك لك في حلالك ، والصرحة مجهود اكثر من رائع أخوك بوحـــســـن |
رد: (فديو )مراحل نمو وتدريب فرخ الزيبرا
اقتباس:
|
رد: (فديو )مراحل نمو وتدريب فرخ الزيبرا
اقتباس:
|
رد: (فديو )مراحل نمو وتدريب فرخ الزيبرا
اقتباس:
|
رد: (فديو )مراحل نمو وتدريب فرخ الزيبرا
ما شاء الله تبارك الله
صراحة أمتع فيديو شفته,,, وسداح اسم على مسمى,, أهنيك يا أبو وليد على هذا الإبداع وفعلاً انت أثبت خطأ كثير من الناس اللي يقولون ان الطائر الأليف ما ينتج,, أو اللي يقولون مستحيل تعلمه يطير في مكان مفتوح ولا يهرب,, هذا هو الإحتراف,,, ربي يوفقك ويبارك فيك إلى الأمام دوماً وربي يبارك لك في سداح وفي انتاجه ومهاراته,, انتظر جديدك,, تحياتي |
رد: (فديو )مراحل نمو وتدريب فرخ الزيبرا
يعطيك الف عافية اخوي وانا ابغى اتعلم منك عدة اشياء اذا ممكن
|
رد: (فديو )مراحل نمو وتدريب فرخ الزيبرا
اقتباس:
هذا سبب تواجدنا في المنتدى انو نفيد ونستفيد الله يطول بعمرك مشكور عالمرور,,, |
رد: (فديو )مراحل نمو وتدريب فرخ الزيبرا
اقتباس:
هذا من ذوقك يا غالي... الابداع بدون مجامله ردودك المنمقه اللي مثل العسل... وهذي شهاده اعتز فيها يا غالي ... مشكووور جدا جدا على مرورك الطيب يا غالي.. تحياتي . |
رد: (فديو )مراحل نمو وتدريب فرخ الزيبرا
السلام عليكم و رحمة الله و بركاااته
و الله من فتره و افكر اشترري زوج زيبرا .. و شفت الفديو و عجبني بصراااحة ماشاء الله تبارك الرحمن .. اكثر شي عجبني يوم يجمع الريش و العصا و كذا .. ماشاء الله يعني كيف علمته على هالحركة ولا هو من نفسه ؟؟ و اللحين شورك اخذ لي زوج ولا فرخ احسن ..و بكم اسعارهم تقريبا ؟؟ و الحبوب تاكله بالملقلاط من يوم مايفقس ماشاء الله ..؟؟ معليش كثرت اسئلة .. بس عجبني الطير و تدريبه ماشاء الله تبارك الله |
رد: (فديو )مراحل نمو وتدريب فرخ الزيبرا
اقتباس:
اخوي انا اخترت الزبرى لانه... اولا .. مسافة طيرانه محدوده ... عشان ما يبعد ثانيا... كثرت انتاجه .. عشان اذا راح اجرب على غيره ولا اخسر شي لانه منتج عندي اصلا... اغلب الحركات اللي يسويها سداح من نفسه ولو تلاحظ انا مخليه على راحته اللهم اطلقه كل يوم واجلس معه كل همي كان ابي اعرف طبايع الطير وهو مطلوق يعني مكان تقريبي للطبيعه وكل اللي علمته عليه تعال و اسمه بس بعد المراقبه على المدا الطويل صرت اعرف معنا نغماته اذا زعل اذا فرح اذا اشتاق اذا جا يتودد اذا جا يتزاوج كل تصرف او نغمه تدل على معنى مع الوقت تقدر تفهم الطير وحتى بين لي من المراقبه انه اذا جت الانثا تبيض تلقاه بيدا يجمع العش الجديد هنا انا اطلقه وهو من نفسه يروح عند النخل ويبدا ينقل للقفص والانثا ترتب العش واذا فقس البيض تلاحض انه يدور اشياء ناعمه مثل الريش هنا انا اعرف ان الجوز انتج او البيض فقس بدون ما المس العش بيني وبينك سداح يزعل اذا دخلت يدي عند الفروخ يقعد ينقرها ويطلع نغمة تحذير بس عادي لو اخذ من فروخه قدامه 10 دقايق وينسى الموضوع فانصحك انا تاخذ جوز منتج وتجرب على فروخه عشان ما تتحسف اذا راح او مات لاقدر الله واسعارها حلوه 100 للجوز منتج اوغيره اسعارها ثابته نصيحه لا تاخذ الفرخ الا اذا بدا اول بروز للريش يعني من عمر اسبوعين وعليها الملقاط يمكن ما تحصل بس عليك بمحلات المعدات يجي مع طقم مفكات ولا تاخذ ملقاط حاد يعطيك العافيه على المرور الكريم وانشاء الله اكون افدتك |
رد: (فديو )مراحل نمو وتدريب فرخ الزيبرا
اقتباس:
اقتباس:
ودي اسوي كذا .. المشكله حوشنا الامامي مافيه نخل ولا اشجار كبار بس زرع زينة و كذا .. بس حوشنا الخلفي في اشجار طويلة .. و نخل جيراننا ماشاء الله على حوشنا ..و نخلهم بعد فيه اعشاش عصافير ماشاء الله << قاعده اشرح لك ان ماعندنا نخل xd بس ينفع نخل جيراننا .. بس المشكله انه تزورنا بسس كل فترة .. بالحوش الخلفي موب خطر لو احط الطير بالحووش ؟؟ ووين تنصحني اخلي القفص ؟؟ و فيه اي معلومات ولا اشياء مهمة تنصحني فيها قبل لا اشتري الجوز ؟؟ او عن افضل الانواع وكذا ؟؟<<< مررررره ماعندي خلفيه! و مشكوووور |
رد: (فديو )مراحل نمو وتدريب فرخ الزيبرا
اقتباس:
الله يرجك بالنسبه للقطاوه انا كان عندي ارانب انجوار وعلى وقتها كانت نادره بالسعوديه بس قعدلي قطو ابن الكلب يحتريني اتلحف واحط راسي ابنام واذا بدت عيني تغفي نزل القطو المتوحش في وسط البخشه اللي فيها الانجوار هي نفس البخشه في مقطع سداح اول مره يطير لمي وهو فرخ المهم ينزل للبخشه ويختار من الصغار اغلا الانواع وانا مسكين تعبان توي ابغفي الا وصياح المخطوف يشق اذنا الا وافز واطلع للحوش الا والقطو شاق السبيد يم الجدار يرقا فوقه ثم يقعد يناضرني وبثمه الصغير انا دورت حل احط تونه مسمومه يقهرني ياكلها واذا حس فيه شي الله يكرمك يستفرغها وبعد ما فلها القطو حلفت ما ارقد الين اجيبه واروح الصبح لمحل تجهيزات صيد واخذ ساكتون بلجيكي عيار 35 مداها 85 قاتل واستقعدله الين الساعه 11 بالليل جا واحتريه الين نزل ثم نتفته مع راسه قعد يخمس مكانه ثم قام وانطلق واحط الرصاصه الثانيه والحقه واحشره بالزاويه والله بدون تصويب وانتفه الثانيه ثم الثالثه ثم جيت عند راسه واعشق الساكتونه ثم قلتله استا لافيستا بي بي ثم فجرت مخه وصرت كل ما شفت قطو على الجدار نتفته لانهم عقدوني وبالنسبه لمكان القفص انت دور مكان معتدل بالصيف والشتى حطه فيه انا مدلع سداح الملحق الخارجي ملغي فتحت المكيف وسويت فتحه صغيره تكفي مروحة شفط صغيره بحيث تسحب الهواء اللي داخل الملحق وتدفعه بإتجاه سقف قفص سداح وحاط بلكاش مائل طاقه بالجدار مغطي القفص من فوق البلكاش لامس واجهت القفص فهمت تخيل العلامه ذي سقف القفص ] والعلامه ذي البلكاش المايل / والنقطه مروحة الشفط ’ بيكون وصفي بهذا الشكل ]/ ’ بس يبيلك اذا ما فهمت تسدح الشاشه على اليمين بتوضح لك الفكره ههههههههه وطبعا ركبت سبلت في الملحق لعيون سداح عشان المروحه تعطيه هوا بارد في عز القايله يعني قفص سداح فيه اجواء تساعده علىالصحه الشمس مسلطه على القفص من الساعه 10 الين المغرب وطبعا مهب وسط بيت في الحوش وعنده يتجدد الهوا بشكل مستمر اما اختيار النوع اخوي يعتمد على رايك انت واليي تشوفه عاجبك من انواع االزبرا بس انصحك اذا انت منت ناوي الانتاج والمتاجره اختر النوع المتوفر لان سعره رخيص مثل ما قلتلك لان انتاجه سهل وسريع وجرب تربي اثنين من فروخه مع بعض عشان يدفون بعض ويتنافسون على الاكل انا قلتلك خذ النوع الرخيص افضل عشان تحد من الخساير من الانواع الغاليه وانت بصدد تجربه عشان كذا قلت هذا افضل واذا تمكنت من تدريبه وتكشفتلك اسرار الطير تقدر تاخذ نوع غالي بعدين وتجرب عليه واختر دايم الطيور نظيفة المضهر نشيطه سريعة الحركه واذا احتجت لشي اخوي انا حاظر |
رد: (فديو )مراحل نمو وتدريب فرخ الزيبرا
اكتشفت ان عندنا نخله !:rolleyes: ..بس صغيرة :D
اقتباس:
استغفر الله .. ياخي حرام عليك :D وماشاء الله عليه عاش:D!! اقتباس:
مجرم ! كان حطيت شينكو عالي ولا شفت لك اي حل بدل ماتقتلهم ..:( اقتباس:
طيب انا ودي اجهز المكاان قبل لا اشتري الجوز ان شاء الله .. اول شيء .. سطح ماعندنا !عشان فيه جيراننا ساكنين بالدور اللي فوق .. و الحوش الامامي ماينفع .. يعني مدخل للضيوف لما يجوو لازم يكون الحوش نضيف موب حوسة اقفاص و عصاافير:D .. باقي لنا الحوش الخلفي هو صغير .. و ندخله من جهة المطبخ .. يعني موب على ملحق او غرفه زيك .. جزء فيه شمس ومكشووف و جهة الزرع طبعا ظل .. و النخلة الصغيرة اللي اكتشفتها طلعت عند الباب قرريبه:p .. بس برضو يجيها الشمس .. بس مو صغيره صغيره .. يعني وسط سعفها تقريبا بدا يطلع فوق السور او الجدار المهم .. اللحين وين احط القفص اعلقه ع النخله ؟ ولا اثبته ع الجداار .. ولا اجيب له طاوله و احط القفص فوقها ..؟؟ بس احس الجو بيكون حر عليه ..يصير اجيب له مروحة ولا مكيف صحرااوي ؟؟:D طبعا الطيور ابيها لي موب للتجارة ولا شي .. اذا فهمت فالشغله زييين وقتها افكر ابيع .. والله معليش تعبتك بس تحمست على تربيتهم .. :rolleyes: |
رد: (فديو )مراحل نمو وتدريب فرخ الزيبرا
شف اخوي
عنديلك حل لمكان القفص انت تقول ان الحوش الخلفي وطبعا الدور الارضي هو اللي لكم طيب انا ابعطيك طريقه اعجبتك سوها ما اعجبتك قلي افكر بغيرها طبعا عندكم درايش الغرف اللي مطله على الحوش الخلفي صح 1- اشتر القفص اللي تبي تحط فيه الطير 2- اشتر مروحة شفط اصغر شي تلقاه وقيمتها تقرييبا من 20 الى 30 ريال 3- دور دريشه تطل على الحوش الخلفي ودور افضل موقع يعني يكون معضم الوقت ضلال 4- خذلك اسيام واربط القفص في الدريشه وغط القفص من فوق مثل ما شرحتلك بقفص سداح 5- رح اقرب محل للديكور والموبيليا وخل معك المروحه ومقاس الدريشه او تجيب العامل وتشرحله المهم خلهم يقصون قطعة بلاكاش ويركبون المروحه فيه وبعدين بيكون كل شي جاهز تقريبا اذا ركبولك المروحه على البلاكاش رح لم الدريشه افتحها وركب البلاكاش بمجرا الدريشه فهمت بيصير قفصك يجيه هوا المروحه ولنتب شايل هم الحر بعد كذا ولا مكيفات وغيره بس لا تخلي المروحه لازقه او قريبه من القفص حاول تخلي المروحه مرتفعه عن القفص وتحط بلاكاش خلف المروحه فوق القفص عشان يوجه هوا المروحه للقفص معليش اخوي ترا شرح سريع ابمسك الخط بس ياليت اذا ما فهمت شي تقولي |
رد: (فديو )مراحل نمو وتدريب فرخ الزيبرا
تذكرت خذلك حوض حق زرع الزينه مثل نضام السوريين
وخذ شتلات من الشجر المتسلق وخله ينبت الين يلف على القفص وبعد مده بيضللك القفص وبيعطيه منضر والبلاكاشات تقدر تاخذ واحد لونه نفس لون بويت الغرفه وتخليهم يبروزونه لك بحيث ما يكون شكل الدريشه والبلاكاش من داخل الغرفه منسق ومقبول عشان ما يحشرونك اهلك يقولون شله وانشالله تعجبك الفكره وبالنسبه للنخله هناك تدرب عصفورك كل يوم عشان اول ما تفتح باب القفص دايركت يروح عند النخله ولا توكله الا عندها وقت التدريب او عند القفص وسامحنا على القصور |
| جميع الأوقات بتوقيت GMT +3. الساعة الآن 01:40 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو