|
الكاسكو مايأكل من ايدي شنو الحل؟
السلام عليكم ...
عندي كاسكو هولندي جامبو مستحيل ياكل من ايدي واذا جوعته وامد له الاكل بايدي ياخذ الاكل من ايدي ويحذفه بعيد بمنقاره مثلا اعطيه قطعة تفاحه يعضها بمنقاره ويحذفها بعيد ويكرر العملية الى ان يخلص القطعه كلها محذفه من كل صوب حتى اذا انا جوعته ولا اكلته ابي الحل ياشباب ساعدوني اول مره تمر علي حاله مثل حالته؟ |
رد: الكاسكو مايأكل من ايدي شنو الحل؟
وأنا أيضا أعاني من نفس المشكلة اخي ولكن في بعض المرات ياكل من يدي هو ومزاجه
أهم شيء الصبر عليه |
رد: الكاسكو مايأكل من ايدي شنو الحل؟
خخخخخخخخخخخخخخخخخخخخخخخخخخخخ شكلك تجوعه 5 الي 10 ساعات ماينفع اخي جوعه 24 ساعه ولو مانفع كمل معاه كل ثلاث ساعات تعاله له واكله الي ان ياكل لو تعدي 35 ساعه ومااكل رد كل شي واتركه ولو تبيعه افضل لنوووو متعقددددد جدا
|
رد: الكاسكو مايأكل من ايدي شنو الحل؟
اخوي مثل ما قالولك الشباب
لازم تجوعه ولا تحزن عليه وتحطله اكل بالقفص وانت كل فتره تعال عنده وطعميه واذا رمى الاكل بعيد ابعد عنه ربع ساعه تقريبا وارجع طعميه كمان مره انا ساويت هذه الطريقة مع الكاسكو وزبطت وان شاء الله الشباب يفيدوك اكثر |
رد: الكاسكو مايأكل من ايدي شنو الحل؟
حرام .. ايش تجويع اربع وعشرين ساعه .. ترا انتم اشتريتوه وهو امانه عندكم ..
في النهايه بيتعود عليك وبياكل منك |
رد: الكاسكو مايأكل من ايدي شنو الحل؟
اقتباس:
يا اخوان خلي مشاركاتنا لما في مصلحة اعضاء المنتدى وليس تهريبهم والذهاب الي منتديات اخرى ولتكون مشاركاتنا بالنصائح الطيبة وليس بالتخويت . كيف يعني معقد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
رد: الكاسكو مايأكل من ايدي شنو الحل؟
يا هلا فيك كاسكو هولندي
رمي الببغاء للأكل دليل على عدم شعورره بالأمان والثقة,,, كل اللي عليك انك تهتم فيه أكثر,,, وتكون أكثر عطف ولين معاه,,, واتق الله فيه,,, وتراك مسؤول يوم القيامة عن كل شي عملته مع الببغاء, (وإذا الموؤدة سئلت, بأي ذنب قتلت),,, نفس الشي إذا الببغاء سئل بأي حق تم تجويعه وبأي سبب,,, يا ترى ايش بيكون ردنا لله عز وجل يوم الحقيقة التي لا يشوبها كذب؟؟ حل مرضي: أفضل الحلول انك توفر له الطعام العادي في المكان المخصص للطعام,,, مثل الحب الشمسي... وتجعل الفول السوداني اللي يحبه وسيلة لكسب الود,,, وكل مرة تعطيه من يدك بشكل طبيعي بشرط انه يكون أصلا في مكان مرتفع ويشعر بالأمان.... أو يكون في مكان منخفض,, لكن جسمك بعيد عنه,, وتمد يدك بالفول السوداني حتى يآكله... كرر العملية مرات ومرات حتى يقتنع انك مصدر للطعام بفضل الله,,, وأنك غيرر مؤذي له. أتمنى أن تكون الفكرة وصلت وسامحني على الإطالة. تحياتي |
رد: الكاسكو مايأكل من ايدي شنو الحل؟
أعتقد يا أخوي أن طريقة التجويع هذي ماتفيد
وأذا أنت تبي تجوعه جوعه ساعه بس وبعدين شو 24 ساعه ؟؟؟؟ أنصحك بالترويض الجيد وأن تبتعد عن طريقة التجويع تحياتي لك |
رد: الكاسكو مايأكل من ايدي شنو الحل؟
انا جوعته مره 5 ساعات بس واعطيته الاكل وقام ياخذه ويرميه ورجعت له بعدها بربع ساعه وعطيته واكل عادى .. يعنى اصبر عليه
وعطه فول سودانى انا احط الفول السودانى بالثلاجه وصرت الحين كل مافتحت الثلاجه اخذ شى.. قام الكاسكو يصفر واعطيه حبه |
رد: الكاسكو مايأكل من ايدي شنو الحل؟
اقتباس:
|
رد: الكاسكو مايأكل من ايدي شنو الحل؟
استغفر الله العضيم ياشباب ندري والله ان التجويع حرام لاكن الرجال يبغي يولف طيره ومن كلامه انه ميوس من طيره انا حبيت اخدم وكلنا نولف طيورنا بتجويع وبكذا اسلوب والحمد لله ماشيه ولا فيها مشكله
والضرورات تبيح المحضورات |
رد: الكاسكو مايأكل من ايدي شنو الحل؟
^
^ ياخي معليش ع المداخله .. بس وش هي الضرورات ؟ هل واجب عليك انك تربي كاسكو .. و تركه يعتبر معصيه ؟ خذ كلامي بسعة صدر .. انا كنت اجوع طيري .. لكن يوم فكرت فيها اكتشفت انها من اكبر الاخطاء اللي ارتكبتها شوف المربيين الكبار .. ماعمري اطلعت على طريقة ترويض و تدريب الببغاء .. لكن ابصم بالعشره انهم مايفكرون بالتجويع الاغلبيه يتجهون للتجويع لانها تعتبر اسهل الطرق .. و انا في قناعتي اقول حتى لو تروض الطير ماراح تكون له محبه في قلبك مثل اذا استعملت مع اساليب ثانيه .. شكرا لحسن قرائتكم :) |
رد: الكاسكو مايأكل من ايدي شنو الحل؟
اقتباس:
عبوووودي ياليت تمتنع عن الردود لأن ردودك واضح لاتملك خبره تجويع الطير حرام كيف يعني تبي يتركه بدون اكل لمده 35 ساعه واذا مافاد يبيعه هذا غلط أي ببغاء مهما كان عناده ممكن يتروض للأسف هذي حيلة العاجز ياعبووودي ـــــــــــــ بالنسبه لصاحب الموضوع تأكد لو كان الببغاء مرتاح لك سوف يأكل من يدك لكن واضح من كلامك أن الببغاء لم يعطيك الثقه كامله يجب عليك اولاً نزع الخوف منه والصبر وعدم الاستعجال والامور هذي لاتأتي بسرعه وصدقني مع الترويض والصبر راح تحصل ببغائك ينزل عندك بالسفره حقت الاكل ويتناول الطعام معك لاتستعجل وواصل التدريب هذا اللي اقدر افيدك به لأنه لايوجد حل آخر |
رد: الكاسكو مايأكل من ايدي شنو الحل؟
اقتباس:
|
رد: الكاسكو مايأكل من ايدي شنو الحل؟
اقتباس:
غريب انت تقول مافيه مشكله انت تحس بالطير ؟ تدري هذا عذاب انه مجوع والله راح يحاسبك لما يكون الواحد مو قد المسؤوليه ولا يقدر يصبر لا يشتري ببغاء احسن |
رد: الكاسكو مايأكل من ايدي شنو الحل؟
اقتباس:
|
رد: الكاسكو مايأكل من ايدي شنو الحل؟
اقتباس:
وشو إللي جوعه أربع وعشرين ساعة أنا من شفت ردك على العضو إللي يسأل عن قراءة الحجل وأنا غاسل يدي بديزل ورجاء أنت وغيرك ردو عن درايه ولا الأفضل إنكم تكتفون بالمشاهدة وأخونا صاحب الموضوع ليش مستعجل على الطير إنه يأكل من يدك مو هذا الطير إللي منزل صورته من يومين ياأخي خله أول يرتاحلك وبعدين ملحوق على كل إللي تبيه وللمعلومية فيه طيور تأكل ومجرد إنه يحس أن راعيه جاء يرمي الأكل من فمه وعلاجها الصبر وإنك تحسس الطير بالأمان |
رد: الكاسكو مايأكل من ايدي شنو الحل؟
اقتباس:
عزيزي حب استطلاع اهم شي انك عرفت صورة طيري بعد راسي والله بصبر عليه انشاالله |
| جميع الأوقات بتوقيت GMT +3. الساعة الآن 07:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو