منتديات تو زوو - الا هو يعنى ايه تقليب عالى دى ؟؟؟

منتديات تو زوو (http://www.2zoo.com/vb/index.php)

- سؤال و جواب لقسم هواة الكلاب (http://www.2zoo.com/vb/forumdisplay.php?f=38)

- - الا هو يعنى ايه تقليب عالى دى ؟؟؟ (http://www.2zoo.com/vb/showthread.php?t=105275)

أحمد حسام

02-06-2009 06:00 AM

الا هو يعنى ايه تقليب عالى دى ؟؟؟

يا جماعة أنا زهقتكم بس معلش استحملونى شوية أحسن الجهل معايا واخد حده والله ..

بقى أنا وأنا بادور فى اعلانات الكلاب كل شوية ألاقى عبارة "تقليب عالى .. تقليب عالى جداً .. تقليب متوسط" .. ايه حكاية التقليب دى الله يخليكم تفيدونى أحسن حاموت وأعرف .. أنا عديتها مرة التانية التالتة بس مش نافع بقى كده كتييييير .. :confused:

معلش سؤال تانى بقى .. أنا نويت ان شاء الله أشترى رتريفر أو لابرادور .. أراعى ايه أهم الحاجات وأنا باشترى عشان مايتضحكش علىّ ؟؟ .. أنا ذاكرت صورهم كويس وعرفت شكلهم .. بس ايه المواصفات اللى يفضل أراعيها ف الكلب وأنا باشتريه علماً بإنى غالباً حاجيبه جرو صغير ان شاء الله .

وسؤال أخيييييييييييييير والله ان شاء الله .. :rolleyes:
هل يصلح البيت بول للتربية فى ظل وجود طفل ف البيت ؟ .. هو عاجبنى أوى بس خايفة على ابنى اللى عمره 5.5 سنين ..

ألف شكر يا جماعة تاعباكم معايا واللى محتاج أى حاجة بخصوص القطط يسأل أنا لى خبرة كبيرة فيهم بإذن الله .

تقبلوا تحياتى ودمتم بخالص الود ،،،

أحمد حسام

02-06-2009 06:31 AM

رد: الا هو يعنى ايه تقليب عالى دى ؟؟؟

استدراااااااااااااااك

اذا جبت البتبول مش حاشرسه "يعنى مش حاديله تمرينات شراسة ولا أوكله نيىء" .. حينفع واللا بردو خطر على الولد ؟؟؟

3ashiq_rashid

02-06-2009 02:01 PM

رد: الا هو يعنى ايه تقليب عالى دى ؟؟؟

فالنهاية القرار يرجع لك , وينصح بكلاب معينة للاطفال وقولدن ريتريفر ولابرادور ريتريفر افضل حاجة لانهم اوفياء و بيحرسون الاطفال واجتماعيين كثير وانا ارشح لك لبرادور ريتريفر لانه اكثر الكلاب صبرا مع الاطفال

Enjee

02-06-2009 04:29 PM

رد: الا هو يعنى ايه تقليب عالى دى ؟؟؟

السلام عليكم

اخوي الغالي احذر البيت بول واسأل مجرب:) كان دايم يحاول ياكل انجي:o ولعبه عنيف :confused:

غير الجيرمني شبرد فأنا واضع انجي في غرفه مع جوز جيرمني شبرد لوحدهم والحمد لله ماعمرهم سولها شي:cool: بالعكس كأنهم اخوان من نفس الجنس:)
انصحك بالجيرمني لولأه الشديد وحبه للأطفال;)

عزوي	02-06-2009 11:37 PM

رد: الا هو يعنى ايه تقليب عالى دى ؟؟؟

اخوي معنى تقليب عاليي هي عباره تقال للشيئ الكامل المواصفات بالنسبه للحيوانات او غيرها ومتوسط هي للي مواصفاته متوسطه طبعا وعادي للعادي فهمت وبالنسبه للكلاب انصحك في الابلادور فهو جميل وذكي ومطيع وسهل تعليمه بحسب معرفتك وتقبل مروري

أحمد حسام

03-06-2009 01:28 AM

رد: الا هو يعنى ايه تقليب عالى دى ؟؟؟

اقتباس:

المشاركة الأصلية كتبت بواسطة 3ashiq_rashid (المشاركة 897482)

أخى الكريم ألف ألف شكر على اهتمامك بالمرور الكريم والرد وألف شكر على النصيحة جزاك الله عنا ألف خير وأنا ان شاء الله أجيب لابرادور وان تعذر ألاقى جرو كويس أجيب بقى جولدن رتريفر بإذن الله .

أكرر شكرى وتقبل خالص تحياتى ،،،

أحمد حسام

03-06-2009 01:37 AM

رد: الا هو يعنى ايه تقليب عالى دى ؟؟؟

اقتباس:

المشاركة الأصلية كتبت بواسطة Enjee (المشاركة 897675)

تصدق يا أخى بالله العظيم كرهته بعد اللى سمعته منك ده .. أنا طول عمرى أحب القطط وأعشقهم عشق لااااا يوصف .. ولما حكيت لى عن تصرفاته الغبية مع انجى الجميلة والله أحلف انى فعلاً كرهته رغم انه كان عاجبنى أوى أوى قبل ما تقولى عن غباؤه ده مع القطط .. جزاك الله ألف خير عشان أنا لو كنت جبته وطارد قطة مش بعيد كنت فعلاً دبحته وطبخته وأكلتهولها .. ههههههههههه .. القطط دى أطيب وأرق حيوان ف نظرى وما أستحملش عليهم الهوا الطاير والله ..

أكرر شكرى كتر خيرك وشكراً لاهتمامك بالرد ولمرورك الكريم وأى حاجة تخص انجى تؤمر والله أنا بالخدمة الله يحفظها ويحنن قلوب كلابك عليها أكتر وأكتر ان شاء الله .. هههههه . تقبل تحياتى ،،،

أحمد حسام

03-06-2009 01:45 AM

رد: الا هو يعنى ايه تقليب عالى دى ؟؟؟

اقتباس:

المشاركة الأصلية كتبت بواسطة عزوي (المشاركة 898123)

أخى الكريم ألف ألف شكر على مرورك الكريم اهتمامك بترك رد .. الله يخليك أنا الصراحة كنت حاموووت وأعرف الناس دى بتقول ايه .. ههههههههه .. وشكراً على نصيحتك ان شاء الله أحاول البحث عن اللابرادور ان توفر جرو كويس أجيبه بإذن الله .. مالقيتش حيبقى رتريفر أو جيرمن شيبرد .

أكرر شكرى .. تقبل تحياتى ودمت بكل الود ،،،

عاشق من طفولتى

03-06-2009 02:20 AM

رد: الا هو يعنى ايه تقليب عالى دى ؟؟؟

ازيك يا صاحبى بقولك على فكرة حلوة مفيش احسن من الجيرمن شيرد؟
تحياتى
عاشق

أحمد حسام

03-06-2009 03:16 AM

رد: الا هو يعنى ايه تقليب عالى دى ؟؟؟

اقتباس:

المشاركة الأصلية كتبت بواسطة عاشق من طفولتى (المشاركة 898287)

ازيك يا صاحبى بقولك على فكرة حلوة مفيش احسن من الجيرمن شيرد؟
تحياتى
عاشق

يا سيدى الفاضل والله كلك ذوق ألف شكر على مرورك الكريم ونصيحتك الغالية .. هو الحقيقة انت ثانى رأى يرشح الجيرمن شبرد وباقى الآراء كلها مع اللابرادور ثم الرتريفر .. بس على كل حال حاحطه ف قائمة البحث وان اتوفر ادامى جرو حلو منه حاجيبه ان شاء الله ..

أكرر شكرى على اهتمامك بالمرور الكريم وترك نعليق وان شاء الله تكون نصيحتك محل تنفيذ وجزاك الله ألف خير .. تقبل تحياتى ،،،

مينو ليبيا

04-06-2009 04:12 AM

رد: الا هو يعنى ايه تقليب عالى دى ؟؟؟

انا على حد علمي انه محرم تربيته داخل المنزل

أحمد حسام

04-06-2009 06:28 AM

رد: الا هو يعنى ايه تقليب عالى دى ؟؟؟

اقتباس:

المشاركة الأصلية كتبت بواسطة مينو ليبيا (المشاركة 899478)

انا على حد علمي انه محرم تربيته داخل المنزل

أخى الكريم ألف شكر على اهتمامك بالمرور الكريم وترك النصيحة .. هو مش محرم تحريم هو فقط مكروه وينقص من أعمال أصحاب الأمر قيراطين ولكن حتى دى اختلف فيها هل قيراطين من العمل فى يوم الشراء فقط واللا يومياً وهل القيراطين من مجمل الأعمال أم من أعمال كل يوم على حده .. هى فيها آراك متضاربة كتير يعنى بعض العلماء يقولون بأن الكلاب تمنع دخول ملائكة الرحمة للبيت وتمنع صحبة الكلب فى السفر صحبة ملائكة الرحمة للمسافرين على ان فريقاً آخر يقول بأن هذى غيبيات لا يمكن القول فيها أو الجزم بها أو حتى معرفتها !!!

هو المتفق عليه انه ليس مكروه ان كان بغرض الصيد أو المساعدة فى رعى الأغنام أو الزرع أو الماشية من الذئاب .. أما التربية للتربية فهى مكروهة والله أعلم .

أنا بحثت كتير فى الموضوع ودى خلاصة ما وصلت له .. والحقيقة ماوصلتش لرأى يحرم أو يمنع منع مطلق هو بس مكروه لأنه ان كان محرم كان سيتم تعميم التحريم فى كل الأحوال وهو لم يمنع فى الحالات اللى ذكرتها أعلاه .

ألف شكر لإعطائك لى الفرصة لتلخيص قرائتى فى الموضوع .. جزاك الله خيراً على النصيحة وأسأل الله لى وإياكم كل الخير .. تقبل تحياتى ودمت بود ،،،

جميع الأوقات بتوقيت GMT +3. الساعة الآن 10:56 PM.