|
ملاحظة على الكاسكو (حسين)
الى محبي الكاسكو
الكاسكو اللي شريته خبلني ، يا زينه مع عيالي وإذا شاف الحرمه (تصفير وطقطه) كنه يغازل الملعون ، وأنا اللي أغسل له القفص واحط له الأكل وأروشه ومعطيني جلى . وصار له عندي إسبوعين وساكت عندي كأنه خجول .الظاهر إنه زعل مني عشان قصيت جناحه. السؤال هو : فيه أمل تحسن بالعلاقه معه مع إني دبلوماسي جدا وياه. واحد من الربع قال عطه طراق وتشوفه يسلك معاك عدل. بس إذكر المرحوم ما تطاوعني نفسي أحكه راشدي ، لأني ببساطه أحبه وهو مجمدني. الحل رجاءا. |
رد: ملاحظة على الكاسكو (حسين)
يالغالي انت سويت اكبر غلط :) انك انت الي تقص جناحه
هذا موقف لطير مخيف بنسبه له وعلى شان كذا صار مايحبك ولا ادري هو بيرجع ولالا بس خطا كبير انك انت الي تقص جنحانه واكله من يدك شف يمكن يرجعلك ؟ وان شاء الله الاعضاء ماراح يقصرون في الافاده بنسبه لك وانا مالي خبره بس مجرد قرائه |
رد: ملاحظة على الكاسكو (حسين)
الله يهديك ان شاء الله بيرجع عادي وتأكلو من يدك
اصبر عليه انت شوي وخل ام العيال جنبك ههههههههههههههههههههههههههههههههههههههههه |
رد: ملاحظة على الكاسكو (حسين)
يا إخوان الببغاء السابق (المرحوم) كنت أقص جناحه وحتى ذيله ، ولا هو جايب خبر مخليها فله ،
وهذا إن قربت بس عنده هاتك جعير وصياح ، حتى من قبل لا قص جناحه. العيال تمسيح وحك منقاره وصرت أنا الغريب عنه ، بس أعتقد فيه فرق بين الكاسكو الذكر والإنثى الله العالم إن حسين طلع حسينه. هههههههههههههههههههه. شكرا على تفاعلكم معاي ولا خلى ولا عدم . أخوكم / حسين بن عاقول. |
رد: ملاحظة على الكاسكو (حسين)
اووه آخي للآسف انك غلطت غلطة كبيرة ..؟ يوم قصَيت جنآحه بنفسَك وهو يشووفك .. الله يعينك كل الاسبووعين الي فاتت من جديد عيدها هههههه |
رد: ملاحظة على الكاسكو (حسين)
يا إخوان يعني معقوله يتفاعل مع العيال وأمهم ، ومجمدني . طيب الببغاء السابق(المرحوم) ما عنده الحساسية هذي ، هل فيه طريقه للصلح معاه وعودة المياه لمجاريها.
شاكر مروركم حسام ، كشكوش ، زياد محمد عساكم على القوة. |
رد: ملاحظة على الكاسكو (حسين)
حاول انك دايم تلعب معاه وتصفرله وتطلعه من القفص
اذا عضك لاتخاف منه خله على راحته كانه انتقم منك وبترجعون احباب وترى الكاسكو ترى مجد مغازلجي لازم عند الحريم يتفنن |
رد: ملاحظة على الكاسكو (حسين)
والله يا اخوي حسام ما اظن كل الطيور تتعقد من قص ريش الجناح او نتفه وانا شخصيا كان عندي غيني من فترة بس استبدلته اول ما جبته كا من 11 شهر تقريبا وكان صغير وراسه يابس الين ما ولفته اخد شهر وبعده نتفتله ريشه نتف (ريش الجناح والذيل) وخذ الموضوع عايدي والغريب ان بعدها تكلم ولاكن استبدلته بببغاء نيجيري وكان خواف اول يوم جبته بس قلت لو انتظرته لين ياخد على وقصيتله ريشه ممكن يتوحش ومن اول مادخل البيت دركته وقصيت ريش جناحه واليوم التالي طلعته على يدي في اقل من 3 ساعات ممكن البعض يقول مستحيل بس هذا هو الي صار |
رد: ملاحظة على الكاسكو (حسين)
ماعليك ياطيب لا تخاف عليه فتره ويتعود عليك بس أهم شي تم اللعب معاه في الصباح والمساء وحاول تأكله بأيدك وانشاء الله تشوف الفرق
|
رد: ملاحظة على الكاسكو (حسين)
الغلط الاكبر انه انت اللي قصيت جناحه
واكبر دليل انه يلعب مع عيالك وانت ما يعطيك وجه اقسم بالله ضحكتني من قلب حاول تتقرب له وتأكله من يدك وان شاء الله بتتحسن العلاقه |
رد: ملاحظة على الكاسكو (حسين)
مع الأسف أنا كل طيوري أقصها بنفسي وعادي الدرب الطير يولف وترى الطيور أنواع وما اعتقد انه مشكلة القص أثرت عليه وأغلب الطيور تميل الى الصغار والحريم وتقبل مروري
|
رد: ملاحظة على الكاسكو (حسين)
الكاسكو غير طير حذر بشكل كبير وصاحب ذاكره قويه اذا كان ذكر اما اذا كان انثى يجيها يوم وتنسا
تقبل مروري |
رد: ملاحظة على الكاسكو (حسين)
ههههههههه،،،الله يعينك ياالغالي!!
انا ودي الشباب الخبرة ييجاوبون الاخ حسين بن عاقول،هل اذا ضربنا الببغاء-على خفيف كأنه تقلب وجهه- يزعل ولا لا؟؟؟يمكن انه يعقل بعدها سواءا من الازعاج ولا غيره من الحركات اللي مو زينة-كمثلا يقضي حاجته على الارض ولا على الكنبه!! |
رد: ملاحظة على الكاسكو (حسين)
والله اتوقع احسسن شى ادلع الكاسكو وتسايسه شوى شوى لما يردلك
|
رد: ملاحظة على الكاسكو (حسين)
هههههههههههههههههههه
|
رد: ملاحظة على الكاسكو (حسين)
لا عادي
بالنسبة للكاسكو الي عندي انا الي قصيت ريشه بنفسي وهبلت فيه بعد وصرخت عليه ومايطلع إلا على يدي ولا يبي احد غيري ويرتاح لي انا فقط لكن ملاحظة ان الكاسكو الي عندي مايبي الأولاد يعني ما يحب الرجال يجعر يوم يشوفهم ويخاف وحتى لو سمع صوتهم الظاهر هذي عاده بكل الكاسوكات |
رد: ملاحظة على الكاسكو (حسين)
اخوي انا ماودي اقولك مثل اخواني انك غلطان الي صار صار ونت قصيت الجناح
المهم انا اهنيك على خفت دمك في طرح الموضوع واحب اقولك اني انا ضربت طيري ضرب لاني كنت العب مع واحد ثاني وهو غار منه ولما جا دوره وجيته عضني عضه قووووووووويه والله مانعضيت من قبل مثلها والله من القهر اني ضربته ضرب على منقاره وعلى ظهره واصارخ عليه وهو المسكين لما شاف الضرب ماخله كلمه ماقالها بابا حبيبي تعال تعال بوسه بوسه ويبوس والله كسر خاطري حاولت اهديه وامسح عليه المهم مالك بالطويله الان معاي عسل لاكن المشكله الكبيره اني لما اجي القنه الككلام واعلي صوتي يخاف وربي يقعد يرتجف من الخوف ولو اقرب من قفصه يطامر يمين ويسار يعني لايزال يذكر الموقف اقول طول بالك على طيرك وبيصير اوكيه |
رد: ملاحظة على الكاسكو (حسين)
اسمع رح له وصارحه وقله اني اسف والله ما قصدت اقص جناحك بس الظروف حدتني <<<<<<<<<< بيتصفق
لووووووووووووووووووووول |
رد: ملاحظة على الكاسكو (حسين)
خلك قريب جنبَه هالايام وسَولف معه وآضَحك وآن شآءالله بيَرجَع آفضَل من آول وبالتووفيق :) |
رد: ملاحظة على الكاسكو (حسين)
ما عليك انشاء الله تتزبط انت و البغبغاء الزاحف الي عندك ههههههههههههههههه
وربي اول مره اشوف بغبغاء زي كذا مغزلجي و يلعب العيال و يجمد صاحبة بس انشاء الله ترجعو حبايب |
رد: ملاحظة على الكاسكو (حسين)
شوف اخوي كاسكوك حسين ناوي يطلعك من البيت ويحتل مكانك هههههه
خلك اطول بال منه لعبه ومسح على راسه راح يخف الجعير اهم شي اتلعبه واتحطه بحضنك واذا ماعندك لعبه حقه اذا كان عندك مسباح يكون الخرز ماله كبير العب معاه بالمسباح واهو بحضنك راح يحبك الكاسكو مع الوقت كرر هالموضوع كل يوم 30 دقيقه على الاقل واذا قدرت مرتين باليوم واسباب الي اتخلي الكاسكو يكرهك: الحركه السريعه وقت تبديل الاكل والماي وتنظيف القفص اصدار اصوات مزعجه غير متعود عليها الكاسكو والمعامله العنيفه للكاسكو ومنها قص ريش الكاسكو وانصحك اذا بغيت اتقص جناح الكاسكو غط راسه ابفوطه |
رد: ملاحظة على الكاسكو (حسين)
حاول يا الغالي انك تعاقب الطير
مثل انك تشيل الاكل و الماي عن لمدة ساعه وخلك كله جالس صوبه وعينك في عنه وبعد تطلعه من القفص وتمسح على راسه وحاول انك تلاعبه .... وانشاء الله يفيد اقتراحي |
رد: ملاحظة على الكاسكو (حسين)
نفس الكاسكو اللى عندى مايحب الرجال .. من يوم يقربوا منه تجعير
بس سالك معاى زى العسل تصفير ولعب وامسح عليه |
| جميع الأوقات بتوقيت GMT +3. الساعة الآن 10:22 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو