|
سؤال عن تدريب المسح على راس الببغاء
السلام عليكم
اتبعت طريقتي في تدريب ببغائي الكاسكو على مسح راسه بإني الفه بالمنشفة واطلع راسه واخلي منقاره امامي وامسحه طيب هنا سؤالي هل وانا مسح اقوله راسك راسك علشان بعدين اذا تدرب ينزل راسه بمجرد سماع الكلمة .. ولا كيف ؟ وكم يوم اجلس ادربه على هالطريقة ؟ ادري ان الاسئلة غبية بس مشوها لي بردودكم المفيدة :D |
رد: سؤال عن تدريب المسح على راس الببغاء
up :p
|
رد: سؤال عن تدريب المسح على راس الببغاء
ايه اكيد اختي لازم تقولين الكلمه ونتي تحكين راسه عشان يفهم بعدين
|
رد: سؤال عن تدريب المسح على راس الببغاء
ايه اذا مسحتي على راسه قولي راسك راسك عشان بعدين يفهمها وينزل راسه لك . . لانه بعدين اذا تروض وتعلم وشافك راح يقول لك راسك راسك يعني حكي راسي وكم مره تدريبنه على هالطريقه عادي مرتين او ثلاث مرات باليوم كفايه كل يوم وبعدين اذا تروض وصار مايحتاج المنشفه اللي تلفينه فيها اذا جيتي عنده قولي راسك وحكي راسه راح يغثك من الدلع كل ماشافك ينزل راسه ويقول راسك راسك يعني افهميها :D . . وعلميه على الرقص اذا رحتي له صفقي بيدك وارفعي راسك ونزليه تحت ( دق رقبه ) عشان اذا شافك تجين له يقلد صوت صفقة اليد ويرقص لك طبعاً تعليمه الرقص اذا صار اليف ويكون فوق المجثم مايكون ملفوف بمنشفه :D |
رد: سؤال عن تدريب المسح على راس الببغاء
صح الكلام كل ما مسحتي راسه قولي راسك راسك
عشان يفهمها وماشاءالله على الاخ كاسكو ما قصر معاكي تقبلي مروي |
رد: سؤال عن تدريب المسح على راس الببغاء
الله يعطيكم العافية اشكركم كثيرا :)
اخوي كاسكو ببغائي علمته الرقص كل ما يشوفني يحليله يطق رقبة :D بالنسبة للمسح اليوم مسحت على راسه ثلاث مرات على فترات متقطعة هو ولد اجاويد وحبوب ما يجعر ويخليني احك له راسه بس المشكلة بمجرد اني اطلق سراحه من المنشفة ينسى التدريب ويهرب مني يعني ما كأني دربته :( تتوقعون فيه امل يجي يوم ويقولي راسي راسي :rolleyes: ولا ما اكمل التدريب ؟ وترى عمره موب كبير يعني بحدود السنة وشوي على كلام الطبيب وانا احسب الولد داخل السنتين .. |
رد: سؤال عن تدريب المسح على راس الببغاء
أهم شي التكرار يافتفوتة خلك كذا كل يوم لحد مايطيح الحطب اللي براسة وأن شاءالله راح تشوفين العجب |
رد: سؤال عن تدريب المسح على راس الببغاء
:)
ما شاء االله.. بس انتبهي انتي تقولي له راسك راسك.. يعني هوه ما بيقول راسي راسي.. :) ههههههه مسكين ما يعرف للصرف العربي :D انا يوم امسح على راس شامبيه اقول له دلعيني الحين يوم اقول دلعيني ينزل راسه وامسح عليه :) يعني اعلمه الكلمه الي اريده يقولها لي.. مش الكلام الي انا اقوله له :) تقدرين تقولين له كلمه مثل دلع.. ولا.. تبغي دلع.. بس اثبتي على كلمه من اول شي.. لا تغيريها .. لانه بيتلخبط |
رد: سؤال عن تدريب المسح على راس الببغاء
يعطيكم الف عافية
الله يقوينا على عناده بستمر معاه الين يتروض وبقولكم عن النتيجة |
رد: سؤال عن تدريب المسح على راس الببغاء
جيت ابكحلها عميتها
الطير صار يخاف مني اذا قربت منه اكمل ولا اوقف ؟ :( |
رد: سؤال عن تدريب المسح على راس الببغاء
كملي يافتفوتة لاتوقفين التدريب من الطبيعي ان الطير يبي يفرض شخصيتة عليك علشان ماتمشينة على كيفك وانتي الأن في نص مدة التدريب يعني قطعتي نص المشوار لاتوقفين انا طيوري كلها تسوي كذا لما ابتدي التدريب معها تصير تخاف وتنفش ريشها لاكن على مين استمر لحد ماينطحن الحب اللي براسة وبعدها يصير من ابدع مايكون استمري وخليك حنونة معاه لاتكسرين اضلوعة:D |
رد: سؤال عن تدريب المسح على راس الببغاء
ان شاءالله بكمل المشوار
واكسر راسه موب ضلوعه بس والله يستر وش النهاية يا بيطلع على اسمه حبوب ولا طير معقد وارجع اقولكم اذا تروض على خير بخبركم .. فكونوا معنا لمتابعة نتائج التمرين :D |
رد: سؤال عن تدريب المسح على راس الببغاء
هههههههههههههههه
ماشاء الله الدره اللي عندي عادي تمسح على راسها .. والدرر بصفه عامه حبّوبه ^^ بس مشكلتها الكلام شوي صعب .. هذا افضل انك تجوّعيه ساعتين او ثلاث ساعات وبعدين تطلعيه واذا حاول يعضك بعدي يدك وقولي له " عيب " والا " لأ " وعيديها كم مره .. وخليك هاديه مره مو كانك معصبه والا هو بيزيد عناده بعدين قربي يدك وامسحي عليه ولو هجد اكليه بيدك .. دوار الشمس والا اي شي ثاني .. وكرري نفس الشي .. وبعدين اذا حاول يعضك لا تعطيه وكذا .. بعدين هو ما راح يعضك عشان يبي ياكل ^^ جربي وردي لي خبر . . تشآآآآآآآآآآآو |
رد: سؤال عن تدريب المسح على راس الببغاء
مجربة ما فاد :(
لذالك رجعت ادربه بالمنشفة بجد وانا اطبق عليه الدرس احس اني شرشبيل(ة) وهو سنفور محكوم عليه التجنيد و لاحول له ولا قوة |
رد: سؤال عن تدريب المسح على راس الببغاء
واصلي واصلي لاتوقفين يبي له وقت
يبي لك كم شهر لين تطلعين بنتائج حلووه ومرضيه لكن الوقت مو شرط فيه ببغاوات تتروض بوقت قليل وبعضها محتاج كم شهر ان شاء الله اذا تروض تحصلينه يجي عندك وينزل راسه لك ويقول راسك راسك |
رد: سؤال عن تدريب المسح على راس الببغاء
ايوه بالمنشفه بس خليه يوقف جعير لو يجعر ..
انا كان عندي غيني .. روضته في يومين تقريباً سويت مثل ما قلت لك فوق .. ^^ |
رد: سؤال عن تدريب المسح على راس الببغاء
السلام عليكم
الظاهر ان الطير ولد حمولة .. ما بحب احد يفرض نفسه عليه مرة عنيد بس بدون تجعير والحين يوم ابدا بالتدريب وامسح على راسه سبحان الله كارهني يناظر بطرف عينه ويعض المنشفة ومرات ساكت ومدري احسه بدأ ينزل وزنه من التدريب او يمكن يتهيأ لي فهل لازم التمرين بشكل يومي ولا ممكن يوم ويوم لا ؟ |
رد: سؤال عن تدريب المسح على راس الببغاء
واصلي اختي لا توقفي مشيتي نص المشوار
شفتي الهندي كيف لما يجي السعوديه فيزا الطير زيه لما يكون برى القفص خواف وجبان انتي لاتعطيه فرصه يفرض نفسه كسري اللي في راسه يعني حطمي شخصيته بس بأدب واحترام انتي خليه يطالع زي ما يبغى بس انتي كمان طالعي في عينه ولا تعطيه مجال كلميه وحكي راسه ولما يعض المنشفه قليله عيب او لاا عشان يفهم (هو يعض يبغى يهرب من المنشفه اذا تبغى نتيجه حلوه التمرين يكون بشكل يومي ومستمر يعني في اليوم مرتين او ثلاثه مرات >>>>> صار وصفه طبيه ههههه الله يوفقك في طيرك وعقبال ما اشوفه يرقص و يدلعك ههههه تقبلي مروري |
رد: سؤال عن تدريب المسح على راس الببغاء
بالنوفيق يااختي >>> اهم شي تكرار الكلمة للطير
|
رد: سؤال عن تدريب المسح على راس الببغاء
السلام عليكم
الحمدلله ابشركم تم السيطرة عليه وكسر راسه العنيد قدرت امسح على راسه مدة قصيرة دقيقة وشوي بعد ما تركته بدون منشفة :) واول ايام التدريب ماكنت اقدر امسكه الا بمنشفة وبحول الله اكمل المشوار حتى نصل الى النتيجة المرضية ان شاءالله وبخيركم اكيد |
رد: سؤال عن تدريب المسح على راس الببغاء
اقتباس:
ماشاءالله قدها وقدود يافتفوتة ومبروك على الترويض وأن شاءالله تكوني خير مثال لباقي العضوات بالمنتدى |
رد: سؤال عن تدريب المسح على راس الببغاء
الله يبارك في عمرك
وهذا من فضل الله ثم فضلكم وفضل الاخوان والاخوات كلكم شجعتوني وحمستوني من بداية المشوار :) الله يجزاكم خيرو لا يحرمنا من توجيهاتكم ويكثر من امثالكم ونواصل الترويض |
رد: سؤال عن تدريب المسح على راس الببغاء
عندي كاسكو عمره سنه توني شاريته كيف ادربه يتعود علي ياكل من يدي بس ودي امسح علا راسه اخاف يعضني
|
رد: سؤال عن تدريب المسح على راس الببغاء
ماشاء الله فتفوته
قلبك قوى ... يالله بتشجع وامسكه بالمنشفه مع انى حدى خوافه ههههههه |
رد: سؤال عن تدريب المسح على راس الببغاء
ما شاء الله تبارك الله
ألف مبرووك يا فتفوتة متابع موضوعك من أول وكنت واثق انك بتوصلين للنتيجة المطلوبة لانك مثابرة بشكل ممتاز,,, ربي يوفقك وينور دربك وأشكر الأعضاء اللي دعموك وطلبو منك المواصلة والصبر,,, تحياتي |
| جميع الأوقات بتوقيت GMT +3. الساعة الآن 05:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو