|
استفسار عن عمر الكاسكو ( أفكر بالانتاج )
السلام عليكم ورحمه الله وبركاته لي فتره افكر بانتاج الكاسكو وقريت عنها بالنت كثير وشجعني اكثر تجارب بعض الاعضاء في المنتدى ودعم المشرفين وكبار المنتجين للفكره قررت وفكرت و شفت الاسعار لقيت ان الاجواز اسعارها عادةً من 3500 إلى 4000 ريال وهي اقوى شوي من ميزانيتي واليوم رحت السوق اتفرج وطرت لي فكره جريئه إني اشتري فردين واركبهم أنا ووجدت ان سعرهم بهالطريقه بيكون معقول على أن الفرد لقيته بسعر 1200 ريال يعني بيطلع علي فردين بسعر 2400 ريال واسوي لهم فحص DNA سعره 150 ريال بتكون كلفته اقل بكثير من اني اشتريه جاهز ويكون بحدود ميزانيتي ( تأيدوني بالفكره او لا ) وصورت عيون كاسكو وابغى استفسر عن عمره هل هو جاهز يعني بعمر الانتاج او باقي له ( هذا سؤال للخبراء ) لإني على حسب علمي العيون الصفراء دليل على الجهوزية وايضا اتمنى منكم تحديد عمره التقريبي واعطائي إي نصائح ممكن استفيد منها وشكرا لكم وآسف على الإطاله اترككم مع الصور :) http://im53.gulfup.com/w8zuGy.jpg http://im53.gulfup.com/wBqHYU.jpg |
رد: استفسار عن عمر الكاسكو ( أفكر بالانتاج )
نفسي تفكيري !
واذا حصلت مجموعة طيور طيبة اعطني خبر ! |
رد: استفسار عن عمر الكاسكو ( أفكر بالانتاج )
اقتباس:
جميل ان فيه احد فكر نفس فكرتي بالسوق اليوم مالقيت اجواز ولقيت واحد بمحل وسألته عن الاجواز وقالي فيه جوز عند صاحبي سعره 4500 ريال !!! احس السعر مبالغ فيه وهذا الي خلاني اتحمس للفكره الاصليه اني اركب انا جوز على عيني |
رد: استفسار عن عمر الكاسكو ( أفكر بالانتاج )
اتمنى من جميع من يمر
يشاركنا برأيه او يشاركنا بتجربته |
رد: استفسار عن عمر الكاسكو ( أفكر بالانتاج )
اعتقد والله العالم
ومن وجهت نظري البسيطه تحليل جنس الطير مافي اسهل منه لكن المشكله في اعمار الكاسكو صعب جدا تحصل بالسوق كاسكو اعمارهم فوق خمس سنوات لذلك الي يبيعون الازواج يرفعون اسعارهم 4000 و 5000 لانهم عارفين ان كل الي بالسوق اعمارهم بالكثير سنتين حتى او حصلت ذكر وانثى اعمارهم فوق خمس سنوات بتدخل في متاهة الولافه وكيف تخليهم يولفون لبعض وهذه محتاج وقت طويل لا يقل عن ست شهور هذا غير ان في احتماليه ما يتوالفون وتضطر تشتري ذكر اخر او انثى اخر حسب تقييمك للوضع وطبعا راح تحتاج كاميرا مراقبه لتقييم درجه الولافه في الطيور وهل هناك انسجام بينهم او لا لانك اكيد تعرف في مرحلة الانتاج يحتاج الزوج الى هدوء وعزله موفق وجهة نظري |
رد: استفسار عن عمر الكاسكو ( أفكر بالانتاج )
اقتباس:
بالنسبه للتحليل العامل في المحل قال لي أنه ممكن يطلع لي ذكر وانثى بعلامات يعرفها بسبب خبرته واقتنعت بكلامه لانه ظمن لي هالشي وتحليل ال dna لزياده الظمان انا النقطه اللي شاك فيها العمر عشان كذا صورت عينه وقلت استفسر من الخبراء اما بالنسبه للتوالف ان شاء الله يتوالفون والوقت مو مشكله وبالنسبه للهدوء عندي مكان جيد ان شاء الله أنه يؤدي الغرض |
رد: استفسار عن عمر الكاسكو ( أفكر بالانتاج )
بعد ما تتاكد من العمر مبدئياً اشترلك واحد بس
حلله DNA وبتعرف جنسه وبينصب تفكيرك في الجنس الاخر وبعدين روح دور على الثاني باسخدام العلامات المعروفة حجم الرأس السواد في زاوية عين الذكر وباقي العلامات من ريش ... الخ في مواضيع كثير عن الفروقات الشكلية انا سويت كذا وطلع الاول انثى ورحت دورت واخذت على الفروقات الشكلية وحللت وطلع ذكر .. بس ما الله كتب انتاج الله يوفقك بتجربتك |
رد: استفسار عن عمر الكاسكو ( أفكر بالانتاج )
اقتباس:
فعلا نظريتك جميله جدا الصراحه اني اتحمس جدا جدا اذا شفت انتاج الكاسكو والله يرزقك ويرزقنا الانتاج وأن شاء الله نتشارك مع الاعضاء تجاربنا |
رد: استفسار عن عمر الكاسكو ( أفكر بالانتاج )
الله يوفقك
لكن ما ادري كم عمر الانتاج اعتقد فوق 5 سنوات وهنا مشكله لا يمكن تتاكد من العمر عشان كذا حاول تأخذ من شخص ثقه لكسب الوقت لان لون العين يكون اصفر من عمر سنتين وطالع هذي وجهة نظري اما تنتظر مده 3 سنوات حتى عمر الببغاء يكون جاهز للانتاج فيها مضيعه للوقت هذا حسب معلوماتي |
رد: استفسار عن عمر الكاسكو ( أفكر بالانتاج )
اخي اعتقد أنك بحاجة لشخص ذو خبرة و ثقة يكون معاك بالاختيار بالاضافة للتحليل طبعا
وربي يوفقك |
رد: استفسار عن عمر الكاسكو ( أفكر بالانتاج )
وعليكم السلام ورحمة الله وبركاته
حياك الله اخوي بنسبه لتركيب ممتاز واوفر سعر ولكن طالما لاتملك الخبره انصحك بشراء جوز جاهز توفر جهد وبهدله لانه ممكن تشتري بسعر رخيص والنتيجه فحول وتطلع عليك اكثر من بيع السوق وطالما جوز واحد وبدايه ابحث لك راح تحصل محلل وجاهز من 3000الى3500 هذا المتعارف عليه من اسعار في السوق للاجوز التي تم تحليلها وتركيبها بنسبه لسن البلوغ الطير الكبير مثل مارفقة صورته جاهز للانتاج ونسبه كبيره جميع مايعرض بالاسواق بدون تحليل ذكور بتوفيق ان شاء الله |
رد: استفسار عن عمر الكاسكو ( أفكر بالانتاج )
فعلا انا اشوف انها مشكله بصراحه اذا ماطلعو ثنينهم فحول ممكن يطلعون اناث واذا ضمنت وصدفت وياك بالاختيار وفحصتهم وطلعو ذكر وانثى بتدخل في مشكلة العمر تخيل يطلع العمر سنتين او ثلاث سنين لا وفوق هذا مو متوالفين بتجلس تنتظر يتوالفون واذا توالفو بعد كم شهر بتجلس تنتظر سنه او سنتين حتى يوصلون لعمر الانتاج,, انا بنظري عملية اختيار ذكور واناث بدون معرفة العمر والانتظار سنه سنتين ممكن تكون مجديه لكميه كبيره من الاجواز على سبيل المثال عشرين جوز وكل جوز تحطه في قفص هنا بنقول نعم بتوفر مبلغ كبير واحسن من انك تاخذ عشرين جوز جاهزين بمبالغ غاليه شوي,, اما اذا انت تبي تخوض تجربة الانتاج ريح نفسك من المشاكل هذي كلها وادفع زياده الف او الف وخمس ميه وخذ لك جوز جاهز بعمر الانتاج ومتوالف والله يوفقك اتمنى تقبل وجهة نظري بصدر رحب وعذرا على الاطاله,,اتمنى لك التوفيق
|
| جميع الأوقات بتوقيت GMT +3. الساعة الآن 01:04 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو