|
همستري كله راقد؟!
السلام عليكم
شحالكم يا اعضاء انا شريت همستر يديد ما كمل عندي اسبوع انا همستري كله راقد يعني طووول النهار راقد و طوووول الليل يلعب فهل هذا الشي طبيعي اولا و هو كم مره بال على ايدي فهل هذا شي مضر لي او لا و شكرا و اتمنى تفيدوني |
رد: همستري كله راقد؟!
السلام عليكم ورحمة الله وبركاته، أهلا فيج اختي وحياج الله في القسم ... بالنسبة لهامسترج فهذا شي طبيعي لإن الهامستر حيوان ليلي، دامج ذكرتني إنه " يلعب " وما قلتي " ما يلعب " فهذا دليل على إن هامسترج طبيعي والحمد لله سليم، اما عن التبول فلازم تعلمينه وين يروح يتبول، حطي له مكان مخصص في القفص في زاوية معينة تكون فقط للتبول والاخراج، شلون تعودينه ؟ جمعي شوي من برازه في القفص وضعيه في المنطقة الي تين تخصصينها له، ولما هو يشم الريحة رح يعرف إن هالمكان لقضاء الحاجة، ولازم تراقبين الهامستر عدل وتشوفين هل في حركات يسويها قبل لا يقوم بالتبول ؟ مثلا يشمشم وايد ويتلفت كثير يمين ويسار وشكله متوتر ... إلخ، أو تخلينه يتبول على نشارة الخشب العادية الموضوعه له في القفص بشكل عادي :) اتمنى إني أفدتج اختي . |
رد: همستري كله راقد؟!
مشكوره اختي وااااايد فدتيني و ريحتيني
و عن مشكلة التبول فبحاول اجرب طريقتج و ما قلتيلي اذا هذا شي ضار لي او لا |
رد: همستري كله راقد؟!
العفو اختي ... وساااااااامحيني نسيت هالنقطة !!! والله ما أقدر افيدج بهالنقطة 100% بس أكيد هناك رح يكون فيه نجاسة لج ولإيدج ويمكن تطلع فيج حساسية إذا كان جسمج حساس أو تييلج حكة خفيفة فلازم تغسلين إيدج عدل بالماي والصابون :D |
رد: همستري كله راقد؟!
هيه انا من ها الناحيه اول ما يسويها على ايدي ادخله القفص و اغسل ايدي بديتول عدل
و مسموحه اختي و لج جزيل الشكر على ها الإفاده و يزاج الله الف خير:) |
رد: همستري كله راقد؟!
|
رد: همستري كله راقد؟!
العفو اختي (( الديتول أحسن شي :cool: )) بس لا تعودينه كل ما تمسكينه يتبول على إيدج ترى رح يحفظ ريحة إيدج وشكلها ولونها ... إلخ :( |
رد: همستري كله راقد؟!
عادي الهامستر حيوان ليلي ....حتى طمطم دايما بزعجني لما اكون نايمة وبضل يلعب .....بفقعني كتير...
|
رد: همستري كله راقد؟!
أظن الاخت ra3yat_alhamistar تطمنت على الهامستر، ومسألة التبول يبيها وقت قصير جدا،والله يخلي لها الهامستر وانشالله تستمتع بوقتها معاه في كل دقيقة :p هههههههههههه اختي ماروكو ضحكني ردج لإني تذكرت خنازير الغيني-بغ الي عندي نص الليل يشتغلون حنة ولعب وانا أقعد علبالي فيهم شي مخترعة وخايفة :D أثاريهم يلعبون ههههه . |
رد: همستري كله راقد؟!
مشكور على الموضوع
اْما عن السؤال فطبيعي ينام النهار ويلعب بليل لاْنه حيوان ليلي انا من جهتى اذا تبول على يدي ادخله ف;)ي القفص واروح اغسل |
| جميع الأوقات بتوقيت GMT +3. الساعة الآن 11:11 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو