|
سوق الطيور بالرياض وين مكانة؟
السلام عليكم
ياشباب ابي مكان سوق الطيور بالرياض بالشرح المومل لاني ماعرف بالرياض شي وانا مو من سكان الرياض وياليت عن طريق الملك فهد وشكرا |
رد: سوق الطيور بالرياض وين مكانة؟
أخوي العزيز / b11k وعليكم السلام ورحمة الله وبركاته ،،،، أولا أهلا وسهلا بك ياغالي في عاصمة المملكة وأنا اقول وش فيها منورة الحين عرفت السبب:D وياهلا بك في عالمنا تو زو ايضا .. تقول لي تبي تعرف وين سوق الحمام اللي بالرياض بالتفصيل الممل أبشر ما طلبت شيء: طريق الملك فهد خلي برج المملكة على يدك اليسار وامش متجه على الجنوب وامشي الى نهاية طريق الملك فهد راح تلاقي في النهاية ثلاث طرق رئيسية خش من آخر طريق على يدك اليسار الطريق الدائري الجنوبي او شارع آل فريان أو طريق الخرج كلها مسميات لنفس الطريق .... بعد ما تخش يسار يا طويل العمر اول كبري تعداه وثاني كبري خش من عنده يمين مخرج 21 طريق الحااااااائــــــــــر خش من طريق الحائر يمين بعد ما تخش يمين راح تلاقي صراف بنك العربي بعده جسر مشاه تلاقيه قدامك بمسافة 500متر تقريبا اذا شفت الجسر وقف سيارتك عنده واطلع الجسر ونقي طيرك ياغاااااالي ... انشاء الله قدرت اوصل لك المعلومة صح يارب .... عموما : لو مافهمت قلي اعيد وكلي تحت امرك يا ضيفنا العزيز تقبل مروري وكافة تحياتي |
رد: سوق الطيور بالرياض وين مكانة؟
واااااااااااااااااااااااااااو شكرا جرووح
والله انا كنت ابي اسأل نفس هذا السؤال لكن الحين عرفت شكرا جرووح |
رد: سوق الطيور بالرياض وين مكانة؟
الف الف الف تحية لك اخوي على الشرح الممل ادري اني ثقلت عليك بس هل اسعارهم مناسبة وهل يوجد عندهم فراخ ببغاء او محل يبيعهم وشكرا لك واسف على الاطالة
|
رد: سوق الطيور بالرياض وين مكانة؟
أخوي / RAUL 7 هلا فيك ياغاااالي ولا شكر على واااجب بس انشاء الله تروح وانت كسبان راجع بغنيمة تشتري لك ببغاء مية مية انشاء الله .... أخوي الكريم / b11k لا ثقل ولا شيء ياغااالي امر امر انت بس بالنسبة للأسعار والله اشوفها الايام ذي اسعارها حلوه معقوله وبالنسبة للفروخ يا صاحبي هي نادره ولكن يمكن تلاقيها بشكل اوفر يوم الجمعة بعد العصر الحراج طبعا يكون يوم الجمعة وانشاء الله راح تلاقي .... ونصيحة بسيطه : إذا كان هذه اول مرة تشتري فيها ببغاء وخبرتك ما هي لذيك الدرجة انصحك لا تاخذ فرخ وابعد عنها اعتقد لو اخذت واحد عمره 9 شهور او 7 أفضل لان الببغاوات عموما طيور معمره يمكن يوصل عمرها بإذن الله فوق الخمسين طبعا الاعمار بيد الله سبحانه فمقارنه بين 9 شهور و30 سنة قل يا شيخ 20 سنة اشوفها ما تمنع بأنك تعتبر الطير اللي عمره 9 شهور فرخ ولا كيف طبعا انت ملك القرار الاول والاخير بس مجرد نصيحة اما المحلات فانصحك ما تروح لها غاااالية حبتين ;) تقبل مروري وكافة تحياتي |
رد: سوق الطيور بالرياض وين مكانة؟
الله الله
ماقصر اخوي.. الجااارح عالم الحيوان |
رد: سوق الطيور بالرياض وين مكانة؟
مشكوووووووووووور أخوي الجارح
|
رد: سوق الطيور بالرياض وين مكانة؟
اخي الف شكر لك اخوي الجارح بس انا قصدي من الصغير انا يكون مافية خوف مثل الكبير يعني اليف انا عندي امزون بلو فرونت يخاف مني وهو لة عندي 3 سنوات وانا ابي صغير عشان يكون اليف
وشكرا لك |
رد: سوق الطيور بالرياض وين مكانة؟
ونست سؤال كم اسعارهم يعني الي 7 شهور الافريقي وشكرا لك
|
رد: سوق الطيور بالرياض وين مكانة؟
حبايبي/ *عالم الحيوان* .... أبو عدي لا شكر على واجب وبارك الله فيكم ... أخوي العزيز / b11k أسعار اللي عمره 7 شهور تختلف أسعارها على حسب ولافته وصحته وكلامه تختلف الاسعار بس بعطيك نبذه على السريع : مدرب جاهز والف ويتكلم تلاقيه تقريبا متوسط سعره 1200 والف ولا يتكلم متوسط سعره تقريبا بـ 900 ريال مو والف ولا يتكلم متوسط سعره تقريبا 700 ريال طبعا الاسعار قابله للزيادة والنقصاااااان ولكن بما انك انت بالرياض خذ لك فرة ما انت خسرااان شيء وانشاء الله تلاقي اللي يسرك هناااك ياغاااالي أي استفسار ثاني تحت أمرك أو لو حبيت توضيح زيادة لا يهمك أنت آمر أمر بس المهم تطلع انت بنتيجة ... تقبل مروري |
| جميع الأوقات بتوقيت GMT +3. الساعة الآن 12:53 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو