منتديات تو زوو - الكاسكو يشهق

الصفحة 1 من 2

عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - الكاسكو يشهق (http://www.2zoo.com/vb/showthread.php?t=317399)

s.brothers

27-07-2013 03:54 AM

الكاسكو يشهق

السلام عليكم ورحمة الله وبركاته
اخواني شريت كاسكو قبل اسبوعين وعمره تقريبا 6 اشهر . في البدايه كان نشيط ويتحرك واايد . الحين صارله 3 ايام فيه خمول وحركته نادره اغلب الوقت نايم .... قبل يومين سويت له خلطة الثوم بالليمون وعطيتها له بدون تخمير على طول . ولما شفته شرب منها على طول شلتها منه .. بس ما تغير شئ من حالته ..الحين لاحظت فيه اسهال وانتو بكرامه وفيه شهقه ـ بين فتره وفتره. وما ادري يمكن تكون عطسه بس صوتها نفس شهقة الاطفال بصوت خفيف... واسمع صوت خفيفه نفس الغرغره لما يتنفس
.......سمعت عن مضاد حيوي اسمه سبيكتولين . ما ادري ينفع حق حالة الكاسكو ولالا ؟ وبشنو تنصحوني

فيوزي

27-07-2013 05:55 AM

رد: الكاسكو يشهق

اخوي اذا طيرك قاطع الاكل والاسهال قوي وعنده صوت بالتنفس
انصحك تعرضه على بيطري يكون افضل
تحياتي
ابو سدران

زعيم القارات

27-07-2013 05:58 AM

رد: الكاسكو يشهق

اسأل عن افضل بيطري ممتاز في الكويت و روح له
لان غالباً الكاسكو ما تنفع معه خلطات و تغيير الاكل
واللي يعطيك البيطري حط له و ابعده عن المكيف و التيارات الهوائية

أحساس شاعر

27-07-2013 06:14 AM

رد: الكاسكو يشهق

اخوي مثل ماقالو لك الاخوان

وده لطبيب بيطري افضل ومانصحك تعطيه علاج بدون ماتخلي طبيب يكشف عليه ويعرفه

مرضه ولا تتاخر او تتردد الاسهال هذي مشكله عند فروخ الكاسكو

تحياتي

s.brothers

27-07-2013 06:19 AM

رد: الكاسكو يشهق

اقتباس:

المشاركة الأصلية كتبت بواسطة فيوزي (المشاركة 2927188)

اخوي اذا طيرك قاطع الاكل والاسهال قوي وعنده صوت بالتنفس
انصحك تعرضه على بيطري يكون افضل
تحياتي
ابو سدران

الطير ياكل الحمدلله لكن بكميه بسيطه .. والاسهال مو قوي وايد ..
اشكر لك نصيحتك ... لكن بخلي البيطري الحل الاخير .. لي تجربه سابقه مع كاسكو كان فيه نفس هالمرض و وديته البيطري عطاني علاج ينحط مع المويه ... مشيت على كلامه وحطيت العلاج وبعد يومين مات الطير ... الله يعينا على هالدكاتره . ما عندهم غير علاج بودره تنحط بالمويه .. انتظر باقي ردود من الاخوان ومشكور ما قصرت اخوي

s.brothers

27-07-2013 06:30 AM

رد: الكاسكو يشهق

اقتباس:

المشاركة الأصلية كتبت بواسطة أحساس شاعر (المشاركة 2927203)

اي والله يا خوي الفروخ حساسه جدا وانا غامرت واخذت فرخ هولندي مع اني ادري فيها مغامره بس الحب من اول نظره شسوي
قبل لا اوديه البيطري . بجرب دواء اسمه (((تايلان )))الي يعالج الامراض التنفسيه .. قريت عنه وايد بهالمنتدى .. الاعراض الي بالكاسكو .. قلة النشاط والاكل +اسهال خفيف + عطس + صوت لما يتنفس ويزيد لما يكون نايم ..
ياريت الاخوان يفيديني بخصوص هالدوا اذا يعالج هالاعراض ولالا .. . وشاكرلك ردك اخي الكريم

s.brothers

27-07-2013 06:50 AM

رد: الكاسكو يشهق

اقتباس:

المشاركة الأصلية كتبت بواسطة زعيم القارات (المشاركة 2927190)

انا حطيته بمكان معزول مافيه بروده وتيارات هوائية ..
الف شكر اخوي

the_gostman

27-07-2013 03:07 PM

رد: الكاسكو يشهق

اخي الفاضل.

قم بتدفئة الطائر بشكل جيد.. ويجب زيارة الطبيب عشان تاخذله مضاد حيوي نوعيه ممتازه.
وما عليه الا العافيه.

تقبل مروري
أخوك رمزي

s.brothers

27-07-2013 03:18 PM

رد: الكاسكو يشهق

اقتباس:

المشاركة الأصلية كتبت بواسطة the_gostman (المشاركة 2927436)

الله يجزاك خير اخي الكريم . بنتظر يومين اذا ما تحسن بوديه ان شاءالله

وانا اليوم شريت ( تايلان ) وابرة انسولين 1m بس ما اعرف مقدار الجرعه الي احطها بالمويه بالضبط .
قريت عضو بالمنتدى كاتب هالكلام

اقتباس:

المشاركة الأصلية كتبت بواسطة الكاكي (المشاركة 2355243)

للوقايه والحالات البسيطه تسحب 50(يعني نصml )بإبرة الانسلين وتضعها بمشربية الماء وتغير الماء مرتين باليوم لمدة 5 ايام .
الحالات المتوسطه تسحب 30 بإبرة الانسلين وتسكبها بفم الطائر جرعه واحده باليوم لمدة 5 ايام .
الحالات المتأخره عن طريق الحقن بالعضل من قبل شخص مختص (البيطري )

هل الجرعه صحيحه ياريت يفيدني كل من جرب هالدوا؟

s.brothers

28-07-2013 12:08 AM

رد: الكاسكو يشهق

؟؟؟؟؟؟؟

جميع الأوقات بتوقيت GMT +3. الساعة الآن 11:11 PM.

الصفحة 1 من 2

عرض 40 مشاركات من هذا الموضوع لكل صفحة