|
مشاكل في أصلتي البورميه
السلام عليكم
يا شباب انا بديت ألاحظ مشاكل في أصلتي البورميه والله يستر ان شاء الله انها طبيعيه بديت الاحظ بعض الحراشف تميل للون الأبيض وكانها نشفت وراحت منها اللمعه زي اللي بالصورة ( ان شاء الله انها واضحه ) مع ان لون العيون ما تغير عشان اقول بتغير جلدها http://im24.gulfup.com/2012-07-29/1343534845842.jpg وبرضو كان فيه شق ببطنها لونه يميل للأحمر الحين ألاحظ لونه يميل للأخضر زي اللي بالصورة http://im24.gulfup.com/2012-07-29/1343534844461.jpg المكان اللي عايشه فيه علبه بلاستيك فاتح فيها فتحات تهوية مفروشة بورق A3 وعندها علبه فيها مويه طبعا اروشها بشكل شبه يومي لازم تتسبح لها يومين وانا اشمسها الساعه 7 الصباح اتركها من ربع الى نص ساعه تحت الشمس والاكل أكلت فار اول ما جات بعده بيومين اكلت فرخ سمان بعده ب 5 ايام أكلت عصفور وألاحظ انها صايره خوافه بزياده مع انها ما كانت تخاف |
رد: مشاكل في أصلتي البورميه
انا اقول انها بمرحله تغير جلد بخصوص الشق ما اقدر اقول الا ان كانه مفتح لابد ان تنظف الجرح بمعقم بشكل دوري وان تخفف عنها الأكل الذي يأخذ حيز في بطنها حتى لا يتوسع الجرح اكثر
وان تفافمت الحاله ننصح بزياره البيطري وذلك للأجراء الجراحي المناسب كتخيط الجرح هذا والله اعلم |
رد: مشاكل في أصلتي البورميه
قبل مايتغير لون العين بكم يوم لون الجلد يصير غامق ومشهب
بعدها بكم يوم يتغير لون العين ويجلس يومين تقريبا وترجع عينها طبيعيه , لمن ترجع طبيعيه خلاص راح تقشر الجلد بخلال يومين , (وانتبه بهالفتره تصير متوتره شوي وممكن تعض بي لحظه) بس حط عندها حجر او شي تقدر تحك نفسها فيه .. وبخصوص الشق اللي ببطنها موب واضح لكن عن نفسي , الجروح اخليها وهي تروح لحالها مع كل تغييرت جلد لكن لاتجهدها كل شوي وجبه حتى مايتوسع اكثر .. |
رد: مشاكل في أصلتي البورميه
انا اقول انها بمرحله تغير جلد
|
رد: مشاكل في أصلتي البورميه
والله مدري يا شباب
أنا اخاف يكون جاها جفاف بسبب التشميس طيب لو أحط له كسره من بلكه هل هي خشنه مره عليها ؟؟ |
رد: مشاكل في أصلتي البورميه
تلقا في البر او اي برحه فاضيه عندكم فيها حجر مناسب , بس نظفه قد ماتقدر قبل لاتحطه عندها ..
|
رد: مشاكل في أصلتي البورميه
اممم ما اشوف فيها مشكله يعني ؟!
ملمسهم غير عن باقي الجلد ؟ جم درجة الرطوبه بالحوض ؟ بالنسبه للجرح ، هل هو جرح بمعنى الكلمه أو خط ؟ لو جرح فأكيد من الورق ، انت عارف أطراف الورق حاده ، لو خط لكن مو مجروح هالشي يصير لي انهم قعدو مده بمكان ضيق او قاعدين غلط و انا لاحظت هالشي ، و مرات تلاحظ الحراشف يصيرون لي بره و من تحت لو مكان صفط ياخذ وقت شوي على ما يرجع مثل ما تقول لي قمت من النوم أو متكي مده شوف شنو يصير بإيدك عالعموم لو كان جرح خفف الرطوبه و يفضل تعقم الجرح + الوجبات حجمها صغير لا يكون كبير ، و انشالله يلتئم بسرعه .. بالتوفيق |
رد: مشاكل في أصلتي البورميه
اقتباس:
الجسم ناعم وتتزحلق اصبعي عليه ولكن على المكان الأبيض اصبعي تدقر عليه وكان فيه حليب انكب عليها مع اني حاولت فركتها وغسلتها ولا تغير فيها شي بالنسبة للرطوبة مدري والله ما عندي جهاز قياس أشغلني الحوض هذا سويت الحوض قزاز بالكامل ولكن طلع مشكلة في ابواب السحب شلتها والحين الحوض بدون غطاء ويوميا وانا في ورش النجاره احاول فيهم يصلحون له باب والله يعين عليهم امرضوني اما الجرح والله مدري اش هو بالظبط ما يطلع منه شي نهائيا لا نزيف ولا اي نوع من الافرازات بس أول ما اخذتها كان لونه أحمر والحين مع الأيام صار اخضر |
رد: مشاكل في أصلتي البورميه
يا شباب هذا خامس يوم لها من يوم طلعت عليها الأعراض ولا صار لون عيونها زرقاء
يمكن عندها جفاف وش رايكم لو ادهنها بفازلين عشان تترطب ما بيضرها ؟؟ |
رد: مشاكل في أصلتي البورميه
امممم ولله شوف بالنسبه للعلاجات هاذي مشكله بالنسبه
لنا كمربين بالوطن العربي و السبب مافي اي أدويه فنلجأ للعلاج الطبيعي بعيد عن الكيماويات و هالأشياء ، فبالنسبه للجفاف حط زيت زيتون عكلنكس و امسح عليها ، الجرح مثل ما تعودنا العسل دوم يسرع على التئام الجرح ، اهم شي حافظ على نظافة الحوض لا يتلوث الجرح ، و ممكن انك تنظفه بمحلول بيتادين ، بالتوفيق |
| جميع الأوقات بتوقيت GMT +3. الساعة الآن 11:47 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو