|
لحقووووني لحقوووني
السلام عليكم و رحمة الله و بركاته يا جماعة انا امس شريت قط شيرازي و عمرة حوالي شهرين و اهوا للحين لم يأخذ تطعيم و انا اول ما شريته على طول اخذته عند البيطري و سويت له فحص و قالي الطبيب انه صحته ممتازة و لا فيه اي شي و فعلا اول ما دخل البيت كان القطو نشيط و كان كثير اللعب و لكن عندما صحيت اليوم من النوم رحت اتطمن عليه ولا اشوفه قام يحك جسمة بالارض و يحك اذنه كثير و يحك رجله :( فهل هذا الشي علامة على وجود حشرات ؟ و بدأ القطو بالتبرز على شكل اسهال و بدأ بالترجيع و اصابه خمول فيا جماعة لحقوني شسوي مالي غيركم :(:( |
رد: لحقووووني لحقوووني
والله ماعرف
بــس شكله ماتعود على البيتـ ..؟! او اكــل شي مو زيــن او تاريخه خلص ..؟! او انت حاطـه على مكــاان فيه نمل او حشرات ..؟! بس احسـن شـي تـوديـه للبيطري هـو اعــرف بذي الاشيـااء ....! |
رد: لحقووووني لحقوووني
والله ما اعرف شي عن الامراض بس ما حبيت اخرج وما اقلك شي
الله يعينك اصبر الين تجيك الخبيرة ناديا او احد الاعضاء يفيدوك |
رد: لحقووووني لحقوووني
مشكورين على المرو و بانتظار الخبيرة ناديا
|
رد: لحقووووني لحقوووني
وعليكم السلام ورحمة الله وبركاته
طيب ماقلت وش اكلته؟ الصغير يختلف نوع اكله عن الكبير او انك عطيته شور ودخله برد او المكيف بارد عليه؟ الخمول اكيد عنده حراره المس اذنه حاره؟ الحكه يمكن المكان فيه نمل ؟؟او شي شوف؟ وبالنسبه للاسهال اكله سيريلاك بالرز او سوي له مهلبيه او دجاج مسلوق مع بطاطا او رز مصري او دراي فوود كلهم بيمسكوا البطن ووقف الحليب او الجبن او التونه او الكوسا كلها بتزيد الاسهال واعطيه محلول بيبي لايت عشان مايجيه جفاف من الاسهال اخلطه مع المويه وخليه يشرب المويه عشان مايصير له جفاف وسلامته مايشوف شر انا افضل توديه للدكتور يشوفه بكرا ان شاءالله وطمنا عنه |
رد: لحقووووني لحقوووني
انا قطي هذي الايام صار يرجع _ مرتين _ ويحك > اشتريت له طوق ضد البراغيث وخف الحين
وصارر يسهل الله يكرمكم اتوقع من الحليب والله اعلم انشا الله الاعضا يفيدوك ~ |
رد: لحقووووني لحقوووني
اول شي دامك كشفت عليه عند بيطري معروف خلااص يعني كلام الدكتور كوويس بس انت اول شي وش اكلته والاكل كم خليته قدامه طبعا اقصد الاكل الرطب والتكييف وكثرت لها من الحليب والحليب كامل الدسم او قليل الدسم وين تنيمه انت ؟!فيدنا عشان اقدر ان شاءالله انا والاعضاء نسااعدك وسلامه قلب قطك
|
رد: لحقووووني لحقوووني
مشكووورين جميعا على المساعدة
و الحين راح اعطيكم مزيد من التفاصيل 1- انا لم اشربه حليب مطلقا 2 - و انا لم اضعه في مكان في نمل و حشرات 3- و انا اطعمة الطعام الي شكله مثل البسكوت من شركة كيتن و هذا ما نصحني به البائع 4- المكان الذي ينام فيه القط مكان دافئ |
رد: لحقووووني لحقوووني
افضل توديه للبيطري عشان يعطيه تطعيمات و خليه يكشف عن حالة قطك:)
|
رد: لحقووووني لحقوووني
دائما القطط الصغيره تمرض بسرعه من اتفه الاشياء
اخر وجبه للقطه ايش؟؟ ولاتعتمد على الدراي فود اعتماد كلي ..لا لابد انك تنوع بالاكل حتى ماتتلبك معده القطه الان اعطيها زبادي دافي مع عسل بالسرنجه كم مره باليوم على دفعات صغيره . والاسهال اللي معاها اما نزله معويه او برد جاها من تغير المكان عليها اشتري لها مضاد بيتاموكس من الصيدليه البيطريه واعطيها منه ربع القطاره مرتين في اليوم لمده خمس ايام. وانتبه تروشها اللحين الا بعد ماتطعم التطعيمه الاولى بعد اسبوع. واشتري محلول الجفاف بيبي لايت من الصيدليه البشريه واعطي القطه منه كل ساعتين بالسرنجه كامله ولاتطعمها الا لما تخف من الاسهال حتى مايزيد مرضها . وطمني عنها |
| جميع الأوقات بتوقيت GMT +3. الساعة الآن 08:46 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو