|
رد: يوميات ببغائي الكاسكو (ويلي)
اقتباس:
اول شي اشكر لك مرورك ثاني شي احب اشكرك على هالمعلومات الطيبه وراح اجربها معه واشوف النتيجه |
رد: يوميات ببغائي الكاسكو (ويلي)
اقتباس:
ابشر بالجديد والمفيد ان شاء الله |
رد: يوميات ببغائي الكاسكو (ويلي)
بسم الله الرحمن الرحيم السلام عليكم ورحمة الله وبركاته طبعاً قبل ما ابتدي بهاليوم احب اني اعتذر عن الكتابه اليوميه لانه زي ما انتم عارفين انه باليوم مافي تطورات تذكر بس مع الوقت تبي تصير تطورات كثير زي ماراح تشوفون في هالرد :D اول شي كنت لاهي عن ويلي شوي بسبب مرض مرجان والحين مات مرجان وفضيت له طبعا اول شي قمت اخذت الشيخ ويلي وحطيته بالاستاند برا بالحوش ياخذ له حمام شمسي واخذت القفص وسويت له عمليه نظافه وجبت الصابون والديتول والمكنسه الصغيره وفرك بالقفص ومخلي ويلي بالحوش يصفر ومبسوط يوم خلصت من نظافة القفص خليته ينشف بالحوش وجيت للشيخ ويلي وجبت المرش وقمت اروشه طبعاً اول مره اروشه وهو برا القفص قلت بجرب وش شعوره وهل يبي يهرب ولا راح ينبسط طبعاً انا تفاجأت :eek: كان ايام القفص يدور ويلف بالقفص ويجاعر ويوم روشته على الاستاند كان هادي تقريباً الى درجه صرت اقرب المرش الى ظهره وجسمه وما يقول شي وهو مبسوط بس الى الآن مارفع لي جناحه عشان اغسل الي تحت الجناح :( بعد الدش والنظافه خليته بمكان دافي عشان ينشف ويرتب ريشه وبعدها طبعا طبق طعام عشان يتدفى وبعد الاكل عطيته المويه هذا ما حصل بيوم وراح اقولكم بالرد الثاني اليوم التالي |
رد: يوميات ببغائي الكاسكو (ويلي)
بسم الله الرحمن الر حيم اليوم الي بعده قمت الصباح بدري الي هو يوم الجمعه امس وجبته معي بعد الفجر بالاستاند بانتظار الشمس عشان يتشمس الشيخ ويلي وكنت شاري مجموعة من السمر الطيب غير مقصص استعداداً لصنع ستاند له وخليته جنبي وانا اشتغل على الستاند يتفرج علي كان شقي ويحب يكتشف كل شي يعني بالعربي ما جازله المكان الي هو فيه ويبي يروح للقفص بس انا معيي عليه :) قام يلف ويدور اخر شي جزم ونزل عن الستاند وانا كنت مشغول بتجهيز اغراض الاستاند واشوفه وهو يطب بالحوش عاد اناظره اقوله وين يابو الشباب وين تبي تروح تعال تعال وكانت المفاجأه :eek: لحقني وجاء وراي ودخل الممر :D صاير ولد مطيع قمت رفعته بغطى القفص وكافأته طبعا عشان لحقني ما خاف وابعد عني ورجعته مكاني وقمت اشتغل بالستاند وانا اسولف عليه واصفر له واطقطقله بس للأسف ما يرد علي الا بالتصفير فقط بعد اتمام الستاند قمت اخذته وحطيته على الستاند اول شي كان خايف منه بس بعد ما خليت الشبك على الستاند شوي تأقلم وعجبه الوضع وهذي صور له مع الستاند http://up.3ros.net/get-6-2009-5lgtd3w7.jpg http://up.3ros.net/get-6-2009-zfeamh2w.jpg بعدين كنت بادي معه تمرين احكله جسمه وراسه بالعصى واقرب ايدي منه يوم بعد يوم طبعاً قطعت معه شوط لا يستهان به تقريبا صرت اقرب يدي كثير الى درجه بعض الاوقات يقرب له يمديه يعض بس انا ابعدها بشكل هادي احتياطاً وهذي صوره حكت الراس بالعصا http://up.3ros.net/get-6-2009-bdvw7gf6.jpg وبما انه صار هادي وترك الجعير بنسبه 90% مابقى الا 10% الي هي لمى اقرب كثير منه واقرب يدي قلت خل بجلس معه جلسه واحجره بالزاويه ونشوف وش تصرفه وش براسه الرجال قمت شلته بالشبك وحطيته بالزاويه وصرت اسولف عليه واطقطق له واقوله بابا بابا ابيه يحفضها وهذي صورة ويلي وهو محجور بالزاويه http://up.3ros.net/get-6-2009-1swr7vhb.jpg وانا حاط القفص بطاوله بزاويه الغرفه وحاط له سلم بحيث انه لو قدر الله مسكت معه ينزل يقدر يرجع للقفص مره ثانيه وهذي صورته وهو بالقفص وصورة مكانه وطريقة الصعود http://up.3ros.net/get-6-2009-gz7o1zul.jpg طبعاً دربته على الصعود عليها من قبل اكثر من مره الى درجه انه ترك الاختباء تحت الطاوله وصار على طول يطلع على السلم :) لمى جلسته عندي كان يترقب ويدور طبعا الحجره بالزاويه المقابله للقفص وانا بينهم وبدأ يتمشى بالغرفه ويمر من جنبي :rolleyes: وراح للقفص وطلع فوق خليته يرتاح شوي وسويت معه نفس الشي بس خليته يمر من جنبي اقرب باستخدام بعض المساند ومر وراح لقفصه طبعاً عطيته من الاكل الي يحبه وانتهى التمرين اليوم هذا تقريبا كل الاشياء الي صارت بهاليومين وكالعاده انا بانتظار نصائح الخبراء وزيارات وتعليق الاعضاء شاكر لكم متابعتكم كلكم اخوكم PrEsIdEnT |
رد: يوميات ببغائي الكاسكو (ويلي)
ماشاء الله فيه تطور ..
والله يعوضك عن طيرك الثانى خير وننتظر جديدك مع ويلى |
رد: يوميات ببغائي الكاسكو (ويلي)
اقتباس:
|
رد: يوميات ببغائي الكاسكو (ويلي)
ما شاء الله عليك
ناقل أخباره أول بأول والحين أنا رايح أختبر آخر إختبار رياضيات دعواتكم |
رد: يوميات ببغائي الكاسكو (ويلي)
اقتباس:
والله يوفقك ياربي في اختباراتك وجميع الاعضاء ان شاء الله |
رد: يوميات ببغائي الكاسكو (ويلي)
بسم الله الرحمن الرحيم السلام عليكم ورحمة الله وبركاته اليوم الصباح بدري حصلت مفاجأه:eek: صحيت من النوم على طقطقه وغمغمه من الببغاء الصراحه قمت من النوم مبسوووووووط احس اني انبسطت اكثر من لو تكلم :) وهذا دليل طيب على بدايه الكلام والحمد لله ربي ترجم تعبي اليومين الي راحت انبح حلقي وانا اطقطق وبابا الجيران تأذوا مني :D طبعا اتوقع انه يبي يطلع برا تعود كل صبح اطلعه بس هالمره نمت عنه :( بعد ما جاء العصر عوضته وخليته يطلع ونزل عن الستاند بالارض وقام يتمشى شوي بعدين جاء عندي كانه يقولي طلعني :D واقوم واطلعه بعدين اخذنا الدش حق الشيخ ويلي وروشته وصار ينبسط ولا يجعر ولا شي بعدين دخلته داخل عشان ينشف نفسه وينظم ريشه بالليل قمت قلت بجيبه وجلس معه وعوده انه مايخاف مني قمت حطيته بالزاويه وسكرت عليه خليته لين ريح وبديت اعطيه بعض الكلمات شوي وطقطق له شوي بعدين فتحت له فتحه قريبه شوي من عندي عشان يمر من عندي ويروح لم القفص يوم راح جبته وخليت الفتحه اقرب مني بحيث انه يمر من عند رجلي اول شي خاف بعدين مر بحذر بعدين جبته مره ثالثه وخليته يمر من عندي عادي من غير خوف وصرت اناظره عادي راح للقفص وقلت يكفي طبعاً ما نسيت المكافأه عطيته سوداني اخذه ورماه كالعاده :( بعدين عطيته شوي حب شمسي لاني حارمه منه :rolleyes: هذا تقريبا الي صار معي اليوم والوعد بكرى ان شاء الله :) شكرا على المتاابعه |
رد: يوميات ببغائي الكاسكو (ويلي)
مشاء الله
بس انا زعلان عودتنا على الصور ودحين تحرمنا؟؟؟؟:D ههههههههههه يالله ترى كلنا متحمسين مع المسلسل ... كل يوم الساعه 10 بالليل اخش اشوف الجديد مسلسل برزدنت و ويلي (( لميس ويحيى ):p |
| جميع الأوقات بتوقيت GMT +3. الساعة الآن 03:25 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو