|
رد: تدريب الكاسكو خلال اسبوع فقط
السلام عليكم اخوي سمسار الطير الي عندي عمره 8اشهر او قريت السنه هو يصعد على الايد ولا يجعر وتمسح عليه عادي بس في بعض المشاكل مضايقتني فيه 1- اذا حطيته على القفص اي فوق القفص مايرضى احد يلمسه ولا يصعد على الايد واذا قرب منه يطق القفص بالمنقاره او ينحاش مني 2- الطير خواف ويخاف من كل شي 3- الطير قليل التصفير والتغريد والاكلام 4- شنو الطريقه الي اخلي الطير اذا ناديه يجي او اذا حطيته في مكان وانا في مكان يجيني 5- وشنوي احسن طريقه عشان يتعلم الكلام بسرعه وملاحظه الطير جناحه كامل مو مقروض وشكرا ......شنو الحل في هذه المشاكل .
|
رد: تدريب الكاسكو خلال اسبوع فقط
اقتباس:
حياك الله اخي بومحمد إذا ما عندك طولة بال لتدريب الطير وتخاف من العضه فنصيحتي لك انك تستبدله بطير جاهز وأليف وهذا أفضل لك ولطير اتمنى لك التوفيق والنجاح |
رد: تدريب الكاسكو خلال اسبوع فقط
اقتباس:
تعرف اخوي بامكانك انك تكسب ود طيرك مره ثانيه وتخليه يألف معاك بس هذا بيحتاج منك تبذل مجهود جبار يعني بالأول تعالج نفسيت الطير وتخليه يحس بالأمان معاك بدون تدريب والطريق انك ترجع الطير داخل القفص وتبدأ بتقليل اكله تدريجيا لغاية ماتبدأ بتأكيله من إيدك وهذي العمليه بتاخذ معاك وقت وتعتمد على نفسيته من الممكن تاخذ ايام معدوده أو انها تطول شوي إذا إجتزت هذي المرحله وقدرت تأكله بيدك وهو داخل القفص بدون خوف ولا جعير تبدي تطلعه من القفص وتطبق عليه خطوات التدريب مالتي وبإذن الله راح تشوف الفرق بعينك اتمنى لك التوفيق والنجاح |
رد: تدريب الكاسكو خلال اسبوع فقط
ادا نقطة ومن اول السطر ...... الرجوع الى نقطة البداية
شكرا اخى سمساار وانتظر منى الاخبار بعد اسبوع |
رد: تدريب الكاسكو خلال اسبوع فقط
حياك الله SIZE][/CENTER]اول شيئ تقليل الاكل لي نص الكميه اليوميه المعتاده رفع القفص عن الارض بارتفاع يناسب طول جسم المدرب اخراج الطير من القفص ووضعه فوق القفص ليتلقى مراحل التدريب تأكيل الطير من اليد مباشرتا بالبدايه ماراح يتقبل وبعدها بياخذ الاكل ولكن للاسف راح يرميه طولة البال ضروريه في هذي المرحله والمعامله الطيبه مهمه ايضا معاملة الطير وكأنه طفل صغير جدا مهمه التكلم مع الطير اثناء التدريب ايضا مهمه بعد كل هذي المعامله اكيد بخف منه الخوف وخف الجعير ويبدأ ياكل من ايد المدرب تكرار هذي المرحل ليتم التاكيد عليه انه ياكل من اليد طريقة المسح على الطير يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ ) تكرار التمرين ياكد حفظ الطير للحركه مهم طريقة الصعود على اليد يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له تكرار التمرين ياكد حفظ الطير للحركه مهم وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات التكلم معه والمسح عليه وهكذا نكون قد انتهينى من مراحل التدريب الحركي ويتبقى تدريبه على الكلام اتمنى لكم التوفيق والنجاح [/ |
رد: تدريب الكاسكو خلال اسبوع فقط
اقتباس:
اخوي الدخيل قلل اكل الطير الى نص الكميه اليوميه المعتاده وبلش توكله من ايدك وكثف اهتمامك فيه وكثر قعداتك وياه ودوم كلمه ولاعبه وكئنه ياهل صغير جدامك بهالحاله بتكسب ود طيرك وتنكسر عنده حالة الخوف واما احسن طريقه لتعليمه الكلام راح ارسلها لك برساله ثانيه |
رد: تدريب الكاسكو خلال اسبوع فقط
اقتباس:
حياك الله تعليم الكلام لطير يتطلب منك تجهيز مكان له قبل الدخول على تعليمه وهي 1- اعلم انه تدريب الطير على الكلام سوفه يكون على فترتين باليوم الواحد وهي (صباحيه-مسائيه) 2- مده الفتره الواحده لا تتجاوز النص ساعه فقط لاغير 3- يتم تجهيز مكان يمتاز بالهدوء وخالي من اي شيئ يلفت نظر الطير له مثل (الاكل والشرب-اصوات خارجيه-نوافذ يطل منها الطير الى الخارج-مرور اشخاص من قربه-وجود حيوان او طير آخر بالقرب منه-الخ الخ الخ من المؤثرات التي تشتت انتباه الطير عن التمرين) 4- ان يكون الطير في مكان مرتفع عن سطح الارض لايقل عن المتر الواحد او ان يكون واقفا على استاند 5- يجب على الملقن ان يختار لطير كلمه واحده فقط بصوت واضح وكلمه سلسه بالنطق في بدايه التعلم 6- يجب ترك الطير ينام ليلا في مكان مظلم وهادء من 8 الى10ساعات خطوات التمرين اليوم الاول هي الفتره الصباحيه وهي تفضل في اول الساعات الصباح المشرقه يذهب بالطير الى مكان التمرين ويبدأ بتلقينه اما بصوت الملقن مباشرتا او عبر جهاز تسجيليذاع له على ان تكون الكلمه المختاره له خفيفه مثل كلمة (هلا-ماما-بابا-كوكو-هلو-الخ الخ الخ) من الكلمات الخفيفه ان تكون مدة التمرين لاتتجاوز النص ساعه فقط لاغير ومن بعدها يتم ارجاعه الى مكانه لياكل ويشرب ويمارس حياته اليوميه حتى موعد الفتره الثانيه لتمرين وهي تبدأ من بعد صلاة العشاء مباشرتا وعلى نفس منهاج خطوات الفتره الصباحيه ولمدة نص ساعه فقط وبعدها يترك لياكل ويشرب وينام ليجهز ليوم جديد مقبل تكرر هذي الطريقه له حتى تسمعه ينطقها بوضوح ومن بعدها تنتقل لباقي الكلمات المختاره له اتمنى لك التوفيق والنجاح في حال اي استفسار مستقبلا تلقاني عندك و انا دائما بالخدمه اسئال الله القبول |
رد: تدريب الكاسكو خلال اسبوع فقط
اقتباس:
الى الامام يابطل بالتوفيق يارب |
رد: تدريب الكاسكو خلال اسبوع فقط
اقتباس:
أخوي شكــرا ماتقصر بس الطير ابدا مايخليني اطلعهـــــ من القفص يعني اجبرهــ انهــ يطلع |
رد: تدريب الكاسكو خلال اسبوع فقط
اقتباس:
ياخوي لاتجبره افتح غطاء القفص العلوي (السقف) ونزله داخل القفص راح تشوف انه الطير بيتعلق عليه بمنقاره ورجله بعدها ارفع السقف والطير واقف عليه وهكذا تكون قدرت تطلع الطير من القفص بدون ماتقصبه |
| جميع الأوقات بتوقيت GMT +3. الساعة الآن 01:22 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو