|
رد: تدريب الكاسكو خلال اسبوع فقط
اقتباس:
مافي فرق اذا تلاحظ انه مايشد انتباه وهو على اليد رجعه على الاستاند او القفص اهم شيء في هذي المرحله انتباه الطير انا دائما بالخدمه |
رد: تدريب الكاسكو خلال اسبوع فقط
اقتباس:
والله اكرم من عباده وانا دائما بالخدمه |
رد: تدريب الكاسكو خلال اسبوع فقط
اقتباس:
واحنه ليلحين ماسمعن رد بوفهد فارجوك لا تتكلم بلسانه وتقول ماعتقد انه زعل حط نفسك مكانه وحكم بالحق لا حول ولا قوة الى بالله العلى العضيم |
رد: تدريب الكاسكو خلال اسبوع فقط
اقتباس:
اخوي العزيز مدام الولده قررت اسمحلي ما اقدر اكسر قرارها طيرك خله بالقفص وانتقل للمرحله الثانيه وهي تعليم الطير الكلام اتمنى انك تزور مشاركاتي السابقه وتطبقها على طيرك وفي حالة اي استفسار مستقبلا تلقاني عندك انا دائما بالخدمه |
رد: تدريب الكاسكو خلال اسبوع فقط
اقتباس:
الله يعلم اشكثر معزة اخواني الاعضاء بقلبي وعمري ماشلت على احد ابد ولا زعلت من اخواني ودايمن روحي حلوه مع الكل صغير وكبير لا عمري قللت من قدر الناس ودايما احب اعامل الناس بمثل ما احبهم يعاملوني والشايب رباني على اني ما اظلم الناس عشان الناس لاتظلمني وقالي دوم اوقف مع الحق وعشان الحق مايفارقك وسامح وخلك كريم لان الله كريم على عباده وسامح وختم كلامي بالشكر لكل من شاف الحق بعينه ونصفه |
رد: تدريب الكاسكو خلال اسبوع فقط
اقتباس:
هذا الطير قيني وعمره فوق السنه وباين عليك شاد حيلك ومستعجل على تدريبه ماشاءالله عليك اول شيء ابيك ترفع القفص اذا مافي امكانيه للاستاند رفعة القفص تكون تقريبا اذا كان الطير فوق القفص يكون مستواه قريب من صدرك يعني على نفس مستوى ارتفاع الاستاند وبعدها تعمل بحث بصفحات موضوعي وراح تلقى طريقة التدريب اقراها وطبقها على طيرك وفي حال اي استفسار مستقبلا تلقاني جمبك انا دائما بالخدمه |
رد: تدريب الكاسكو خلال اسبوع فقط
اقتباس:
طيرك هذا ماشاءالله عليه حركي وتاقلم عالبيت بسرعه هذي مواصفات الطير الذكي اخوي ابيك تسوي بحث بصفحات موضوعي الي امشارك انا فيها وتقرأ طريقة التدريب وتطبقها على طيرك واذا في اي استفسار مستقبلا تلقاني جمبك انا دائما بالخدمه |
رد: تدريب الكاسكو خلال اسبوع فقط
بالله اخوي سمسار ياريت تساعدني دورت كل مواضيعك مالقت شي ريح بالي
1-عمر الكاسكو (لون العيون)؟ ابيض الكاسكو أليف ولا لاء؟ لا 3-جناح الكاسكو كامل ولا مقصوص؟ كامل واذا تبغاني اوديه اقصه مافي مانع 4-عندك طولة بال على الكاسكو؟ ايوا 5-انت اتخاف من الكاسكو يعضك؟ لا 6- حاط الكاسكو داخل قفص ولا على استاند؟ القفص ابغى اعرف كيف يطلع من القفص كيف اطلعو من القفص هل احطه بمنشفه واطلعو فوق الاستاند ولا افتح القفص واخليه يطلع |
رد: تدريب الكاسكو خلال اسبوع فقط
السلام عليكم ورحمة الله وبركاته : الأستاذ سمسار والأخ محترف أعتذر لأنني كنت سبباً في نشوء مشكلة بينكما والحق يقال : أن هذا الموضوع بمثابة صرح تعليمي قد تمتد جذوره إلى أكثر من تدريب الطيور ، ويجب متابعة ردود الأعضاء لكي نعلم مدى الفائدة التي حققها هذا الموضوع وبالنظر إلى بداية كتابة الموضوع فهو في 09-07-2009 وتاريخ اليوم 19-7-2009 خلال عشرة أيام يوجد بهذا الموضوع سبعة عشر صفحة و 168 رد فكثير من الأعضاء يشكر الأستاذ سمسار لأنه ساعد في التقريب بينه وبين طائره بأفكار علميّه راقية (أعتبرها جهنّمية) تنم عن شخص متعلم وفاهم لهذه الجوانب ، وانا بالتأكيد أقف بصف استاذي سمسار ليس لشيء ولكن لأنه قد أفادني وأفاد الكثير .. وبالنسبة لزيت الزيتون فأنا لم آتي بشيء من عندي فهذه مواضيع في هذا المنتدى والأخ محترف قد قصد المزح فلا حرج ولكن يجب مراعاة المكان والموضوع واحترام مواضيع الآخرين خاصة التعليمية المفيدة وكذلك بالنسبة لمن يجيبون على اسئلة الأعضاء ، فهناك معلّم متواجد جزاه الله خيراً وقد تكلف بالإجابة على الأسئلة . =-=-=-= الشكر الجزيل لك استاذي سمسااار ، وبالنسبة لطيري فقد ذهبت به اليوم لطبيب بيطري وقال ان معه (سامونيا) وأعطاه ابره وأعطاني علاجين على شكل بودره توضع بالماء واحد لدود البطن والثاني لتساقط الريش سوف أستمتع بردودك استاذي على الأعضاء ريثما يتماثل طيري للشفاء سأعود لكي أكمل معك طريقة التدريب وأعتذر عن ما تسببت به من إزعاج وعن الإطالة ، وشكراً لك ولسعة صدرك مع فائق التحية لمعلمي . |
رد: تدريب الكاسكو خلال اسبوع فقط
السلام عليكم
اخي وقرة عيني ابوفهد وقف العقل وانخرس اللسان ولا اجد شيء ارد به على كتابتك اعبر به عن مدى احراجي منك غير اني اقول لك مشكور وهذا يدل على حلمك وكرمك وسعة صدرك على اخوانك الاعضاء واما الطير فالله يشفيه وبنتظار رجوعة بالسلامه لنا بمركز تدريب الطيور الناطقة انا دائما بالخدمه |
رد: تدريب الكاسكو خلال اسبوع فقط
اقتباس:
اخي العزيز افتح غطاء القفص العلوي وبعدها الطير من نفسه بصعد فوق حطله الغطاء يصعد عليه وبعدين حطه على الاستاند اتمنالك التوفيق انا دائما بالخدمه |
رد: تدريب الكاسكو خلال اسبوع فقط
سلام عليكم اخي السمسار ويعطيك العافية على المجهود الكبير
تابعت المشاركات السابقة للاخوان عشان تكون عندي خلفية عن التدريب و حبيت اعرف تفضل التدريب يكون بقفاز او لا 1-عمر الكاسكو (لون العيون)؟ سنة ونص تقريبا حسب الاعضاء سبق وحطيت صورته وصار ليه تقريبا شهر عندي يعني تقريبا تاقلم على الوضع الجديد 2-الكاسكو أليف ولا لاء؟ لا كلش من قرب من القفص يجعر بس يسمح لي انظفه القفص بس غيري من يحط يده داخل القفص يهجم عليه 3-جناح الكاسكو كامل ولا مقصوص؟ مقصوص 4-عندك طولة بال على الكاسكو؟ نعم 5-انت اتخاف من الكاسكو يعضك؟ لا 6- حاط الكاسكو داخل قفص ولا على استاند؟ لا داخل القفص وطلعته قبل فتره بمشفه وكان يحاول يعضني باي طريقة ويعض المنشفه |
رد: تدريب الكاسكو خلال اسبوع فقط
اقتباس:
حياك الله بنسبه لسئالك عن القفاز القفاز بهيج الطير ويخوفه وتعب نفسيته وبزيد من جعرته اتمنى انك ماتستعم القفاز لتدريب نهائي والمنشفه كذالك لاتقربها عنه اذا حاب انك تطلع الطير من القفص تتبع هذي الخطوات افتح غطاء القفص العلوي وبعدها ادخل الغطاء داخل القفص راح تشوف انه الطير بيتعلق عليه ومن بعدها ترفع الغطاء وهذي افضل طريقه لخروج الطير من القفص نصيحه مني اذا كنت تحب الطير يتعلم حس فيه ولاتحاول تخوفه منك ودايمن عامله بلطف راح تشوف الفرق بعينك وتشعر بالتغيير الكلام معاه اثناء التدريب مهم جدا والمكافئه اثناء التدريب من اساسيات التدريب ايضا اتمنالك التوفيق انشاءالله وفي حال اي استفسار مستقبلا تلقاني عندك انا دائما بالخدمه |
رد: تدريب الكاسكو خلال اسبوع فقط
اخوي سمسار حاب اشكرك على توجيهك لي والله الطير من بعد ماقلتلي كلمه مرتين باليوم الصبح وبليل ولمدة نص ساعه الطير بدأ يحبني بفتره مدتها 3 أيام باعتبار ان اليوم اهو اليوم الثالث مع العلم ان ما صارله اسبوع عندي بالبيت الطير يا سمساار اذا كان بالقفص بس يشوفني يقعد يصفر ويتعلق بالقفص باتجاهي واول ما اطلعه على الاستاند اذا ما شلته على ايدي يطير ويني كنت بالدار كنت بالمطبخ لاتسألني شلون هالطريقه مو بس لتعليم الطير الكلام بس تزرع الالفه والموده والحب بينك وبين الطير ومثل ما اقولك اخوي سمسار الطير توني شاريه ماصارله اسبوع عندي
|
رد: تدريب الكاسكو خلال اسبوع فقط
ماشاء الله
والله الطريقه حلوه و يبغالي اسويها مع طيري بس مدري يا سمسار ممكن تزبط الطريقه مع طيري و هو مشتاق لراعيه الي قبلي؟؟؟ و عندي سؤال ثاني؟ الطير حقي ما يبغا احد يمسح عليه فقلت خليني احاول و انشاء الله بتزبط بس مدري تنجح الطريقه هاذي ولا لا الطريقه اني احط الطير على يدي و اقربه من صدري لين الصق وجهه بصدري و امسح عليه بيدي الثانيه قدرت امس عليه 3 مرات ورا بعض هههه هاذا اكثر شي وصلتلو فما ادري الطريقه كويسه ولا لا؟؟ |
رد: تدريب الكاسكو خلال اسبوع فقط
اقتباس:
والله فرحتني وايد شفت اشلون لما بتحس بالطير وتتقرب يمه الطير راح يبادلك الاحساس ويتقرب منك هذا الاحساس بالولفه الي قاعد اغرسه بقلوب الناس بطريقه غير مباشره وبالختام الف الف الف مبروك لك النجاح منها للاعلى انا دائما بالخدمه |
رد: تدريب الكاسكو خلال اسبوع فقط
اقتباس:
بنسبه لسئالك عن الطريقه الي مارسها اخونا لطيره بامكانك تطبيقها على طيرك مع مراعات الوقت ومكان التدريب واما طريقتك للمسح على طيرك اذا مشخايف الطير من هذي الطريقه فمافي مانع تستمر عليها اتمنالك التوفيق انا دائما بالخدمه |
رد: تدريب الكاسكو خلال اسبوع فقط
اقتباس:
اشكرك مره ثانيه اخوي سمسار بس عندي سؤال ابي اعرف العمر بالضبط للكاسكو جم شلون لان الحيل بس محطوط السنه 09 sst متى العمر الافتراضي للكلام لان اخاف ان صغير على تعليم الكلام من الحين مابي أضغط عليه فانت شرايك؟؟ |
رد: تدريب الكاسكو خلال اسبوع فقط
السلام عليكم اخوي أنا ابغى الببغاء ينسى العض كيف؟
|
رد: تدريب الكاسكو خلال اسبوع فقط
اقتباس:
اخوي العزيز المراحل العمريه لطير تنعرف من لون العين وهي كالآتي :- اللون الاسود من عمر يوم الى 5 شهور اللون الرصاصي من عمر 6 شهور الى سنه اللون الابيض من عمر سنتان الى الى 4 سنوات اللون الاصفر من عمر 5 سنوات فما فوق والله اعلم واما العمر الافتراضي لتدريب الطير على الكلام يفضل البدأ معاه من عمر 3 شهور وهو عمر المرح لطير واتكشاف ما حوله اتمنى اني لبيت طلبك وقدرت اوصل لك المعلومه بوضوح اتمنالك التوفيق انا دائما بالخدمه |
رد: تدريب الكاسكو خلال اسبوع فقط
اقتباس:
حياك الله بنسبه للعض هذا سلك يلجأ له الكثير من الطيور لدفاع عن انفسهم بسبب الخوف من المقبل له اذا ما توفر لهم الهرب اخي العزيز حاول انك تعامل طيرك باكثر لطافه وطول بالك عليه وامش معاه بالاكراميات راح تشوف الغيير بعينك وراح تحس بالفرق اتمنالك التوفيق انا دائما بالخدمه |
رد: تدريب الكاسكو خلال اسبوع فقط
اقتباس:
يعطيك العافيه اخوي سمسار وصلت المعلومة وماتقصر عيونه سوده بس بدت تفتح اتوقع بو 6 او 7 شهور تقريبا والله اعلم |
رد: تدريب الكاسكو خلال اسبوع فقط
السلام عليكم أنا بعد أبغا أصير متدرب عندك
1-لون العين؟ أصفر 2-حالة الطير(اليف-وحشي)؟ نوعاً ما أليف يعض على خفيف يمزح 3-جناح الطير كامل ولا مقصوص؟ مقصوص 4-الطير بالقفص ولا على استاند؟ في القفص وساعات أطلعه فوق القفص وإذا طلعته وأبغا أحطه فوق إدي مايرضى ويدخل القفص وإذا حملته وحطيته على أيدي ما يسوي شي وأنقلة من أيد لأيد عادي 5-هل لديك طولت بال للتدريب؟ نعم 6-هل لديك الشجاعه الكافيه للتدريب؟ موجود 7- كم العمر؟ سنه و كم شهر |
رد: تدريب الكاسكو خلال اسبوع فقط
اقتباس:
ماشاءالله الطير تقريبا جاهز اول شيء ارفع القفص عن الارض بارتفاع يناسب طول جسمك عشان الطير مايخاف منك ونت تدربه لانه يشوفك اعلى منه واجد فيخاف ثاني شيء اذا طلعت الطير من القفص سكر غطاء القفص العلوي عشان مايهرب منك ويرجع داخل القفص وبعدها ابدأ بمراحل التدريب ولاتنسى الاكراميه الطير يحب الاكراميه وايد خلك لطيف معاه ودايم كلمه راح تشوف التغيير بعينك اما مراحل التدريب فتلقاه موجوده برودي السابق لاخوانه الاعضاء اتمنالك التوفيق في حال اي استفسار مستقبلا تلقاني جنبك انا دائما بالخدمه |
رد: تدريب الكاسكو خلال اسبوع فقط
انا رافعه القفص فوق بس امر جنبة تخاف مني
واذا حطيت يدي قريب من راسها تبي تعضني ؟؟؟؟؟؟ شوو الحل ماترضى اني امسح على راسها |
رد: تدريب الكاسكو خلال اسبوع فقط
اقتباس:
حياك الله هذي تصرفات طبيعيه لطير لانه يجهل المستقبل ولكن التعامل معاه باكثر لطافه ومع كثرة الكلام معاه بروح منه الخوف والطير دائما يحتاج الاحساس بالاطمئنان عشان يعطي نتائج ايجابيه وعلى فكره الاكراميات تنفع مع طيرك كل ما عمل حركه حاوه عطي اكراميه جرب وراح تشوف الفرق بعينك اتمنالك التوفيق واذا في استفسار مستقبلا تلقاني جمبك انا دائما بالخدمه |
رد: تدريب الكاسكو خلال اسبوع فقط
بسم الله الرحمن الرحمن الرحيم
اخي و معلمي العزيز سمسار السلام عليكم ورحمة الله وبركااته وبعد ابشرك اشتريت استاند والببغاء طلع بنفسه على الإستاند بدون مساعده أنا قريت الموضوع كامل اليوم من أول صفحه إلى صفحه 18 وتلخصت الأسئله التاليه السؤال الأول نقلت الببغاء من غرفة الجلوس إلى غرفتي وعندي في الغرفه ثعبان (أصله صغيره ) هل يتأثر تدريب الببغاء بوجود الثعبان مع أنه في خارج مجال رؤية الببغاء ؟ السؤال الثاني لي يومين احاول أوكل الببغاء من يدي وياخذ من يدي ويرميه ويجعر بصوت مزعج وعال هل تنصحني أن استمر معه أكثر أو اتركه فترة راحه؟ السؤال الثالث أنا لما احاول اقرب يدي من الببغاء يخاف ويجعر بصوت عالي ما يخليني ألمسه ويحاول يعض فخطرتلي فكره ألا وهي أخذت عصايه صغيره واقربها منه بدا يجعر في البدايه وعضها عضه بسيطه ومسحت فيها ظهره وسكت وترك الجعير وهدي بس لما احاول اقرب يدي يبدا من اول وجديد هل طريقتي صحيحه؟ اذا كانت خاطئه فياريت تقولي على الطريقه الصحيحه. انتضر توجيهاتك معلمي العزيز لك مني خالص شكري وامتناني اخوك خالد |
رد: تدريب الكاسكو خلال اسبوع فقط
1-عمر الكاسكو (لون العيون)؟
اقل من سنه لون عيونه اصفر على رمادي 2-الكاسكو أليف ولا لاء؟ امسح عليه امسح على راسه بعض الاحيان على حسب مزاجه يطلع على يد بس مو بشكل المطلوب ويخاف مني مدرى ليه اخوى الصغير لو يصفقه مايقول له شي 3-جناح الكاسكو كامل ولا مقصوص؟ مقصوص 4-عندك طولة بال على الكاسكو؟ اكيد 5-انت اتخاف من الكاسكو يعضك؟ لا لاني تعودت 6- حاط الكاسكو داخل قفص ولا على استاند؟ قفصافتح له من فوق بس ناوي اشتري له ستاند |
رد: تدريب الكاسكو خلال اسبوع فقط
اقتباس:
اخي العزيز خالد الله يعطيك العافيه على متابعتك كتاباتي وردودي لاخواننا الاعضاء المشاركين بالمركز واما سئالك عن نقل الطير من غرفة الجلوس الى غرفتك مافي اي مشكله بس وجود الثعبان يأزم الطير ويعمل له حالة رعب وقلق مستمر واثر تأثير سيء جدا عليه ج2- قلل اكل الطير الى نص كمية اليوميه المعتاده وسواء كان الطير على الاستاند او بداخل القفص وبعدها تقدم له الاكل من ايدك بطبئ شديد وطريقة التقديم تكون من تحت مستوى الطير الى ان تصل للمنقار واذا اخذ الاكل قوله شاطر بصوت ناعم كانك تكلم طفل صغير واذا رماه قوله عيب ودائما خلك لطيف معاه وكلمه باستمرار ولاتكون حركتك سريعه ولا تكون ايدك فوق مستواه اثناء تدريبه بالمرحله اولى وبهذي الخطوات بتروح منه الجعره باذن الله ج3- اجابة السئال 3 نصها جاوبتها لك في ج2 واما العصه ما انصحك فيها لانك راح تستغني عنها باي وقت وترجع تعلمه على ايدك اتمنى اني لبيت طلبك وقدرت اوصل لك المعلومه بوضوح اتمنالك التوفيق انا دائما بالخدمه |
رد: تدريب الكاسكو خلال اسبوع فقط
اللي عنــــــــــــــــدي غيــــــني
1-عمر الكاسكو (لون العيون)؟ اسود فاتح (فرخ) 2-الكاسكو أليف ولا لاء؟ اليــــف بدرجة كبيرة 3-جناح الكاسكو كامل ولا مقصوص؟ مقصــــــــــوص 4-عندك طولة بال على الكاسكو؟ نــــــــــــعم 5-انت اتخاف من الكاسكو يعضك؟ لا 6- حاط الكاسكو داخل قفص ولا على استاند؟ داخل قفص وأحيان فوق القفص |
رد: تدريب الكاسكو خلال اسبوع فقط
اقتباس:
شو المطلوب |
رد: تدريب الكاسكو خلال اسبوع فقط
الله يحيك
المطلوب ابيه يتكلم وجزاك الله خير |
رد: تدريب الكاسكو خلال اسبوع فقط
تسلم اخوي السمسار وراح ابلغك بالجديد
|
رد: تدريب الكاسكو خلال اسبوع فقط
اقتباس:
اول شيء تخلي الطير ياخذ كفايته بالنو مو اقل من 8 ساعات بدون ازعاج وفي مكان مظلم وتختار له مكان مناسب وهادي مافي حركه ولا في شيء يلفت نظر الطير له اثناء التدريب وان تكون مدة التدريب على فترتين صباحا ومساءا ولا يزبد وقت التدريب عن النص ساعة فقط لاغير للفتره الواحده وان تختار له في بداية الامر كلمه واحده فقط وتكون سهلة النطق وبصوت واضح ومسموع اثناء التدريب يمنع منعا باتا وجود الاكل والشرب لطير وان يكون في مكان مرتفع عن الارض لايقل عن المتر الواحد ابدأ معاه خطوات التدريب كل يوم في اول ساعات الصباح ولمدة نص ساعة فقط وبعدها خله يرتاح ومارس حياته الطبيعيه لغاية بعد صلاة العشاء تبدأ معاه الفتره المسائيه لتدريب ولمده لاتتجاوز نص ساعة فقط لاغير وبعدها تخليه يرتاح ونام اتمنى اني لبيت طلبك وقدرت اوصل لك المعلومه بوضوح اتمنالك التوفيق انا دائما بالخدمه |
رد: تدريب الكاسكو خلال اسبوع فقط
آآآآآهـــ .. ليش كده أنا مالقيت خطوات !!!
انا ابغى كمان .. مو حرام عليك ... ليش ماتكتبت الخطوات بأول الموضوع !!!! .. ع العموم بقول .. اللي اعرفه عن بامبينو .. لون العيون .. اصفــــر .. العمـــر ... يقول .. يقول اللي باعه لي البنغالي انه سنه ونص .. بس ماأصدقه بسبب لون عيونه .. الولفــه .. مدري .. بس علي وليف لكن يخاف مني بعض الاحيان .. بس الحق مايحبني ويفضل اني اكون بعيده عنه .. بس ماشالله تبارك الله .. ولا مره عضنـــــي .. ودايماً ياكل من يدي .. وحتى لو شبعان ياخد الاكل من يدي ويرميه .. لاني عنيده شويا معاه احياناً :p .. مره وحده مسكته بالقفاز وركبته فوق يدي .. خاف من القفازه وهرب مشياً على دراعي .. وانا بطبيعة الحال ماقصرت من الخوف .. بس ماأخاف منه كثيـــــر .. ببغاني من النوع ادا قربت من رقبته وصدره ورجله يهاجم ويعضك على طول .. ماعندي طول بال ع الكاسكو .. وبكل صراحه خخخ .. الكاسكو .. نص اليوم عند التلفزيون من غير قفص .. والنص التاني بالقفص .. جناحه مقصوص .. بس يطير يقدر .. وبالنسبه للنوم .. ماينام الا برجـــــة اخواني الصغار وعند التلفزيون .. عنده غرفه خاصه تحت التلفزيون يحبها وفيها عصايه صغيره ( داخل دولاب ) .. ومافي طيور تانيه يلا اعطيني النصايح عشان يوقف على يدي ويصير يحبني .. |
رد: تدريب الكاسكو خلال اسبوع فقط
-عمر الكاسكو (لون العيون)؟
7 شهور ولون العيون رمادي 2-الكاسكو أليف ولا لاء؟ لا 3-جناح الكاسكو كامل ولا مقصوص؟ مقصوص 4-عندك طولة بال على الكاسكو؟ نعم 5-انت اتخاف من الكاسكو يعضك؟ نعم 6- حاط الكاسكو داخل قفص ولا على استاند؟ قفص المشكلة الوحيدة التجعير بصون عالي عند وضع اكل أو ماء له يعني كيف أستخدم طريقة معاه وهو له معي 5أيام ولك مني جزيل الشكر والتقدير |
رد: تدريب الكاسكو خلال اسبوع فقط
اقتباس:
الطير كبير بالعمر وعشان كذا عنيد ويمكن بيحتاج مده اطول لتدريب اكثر من باقي الطيور بالبدايه احتاج منك تغيرين طريقة تعاملك معاه والمكان الي موجود فيه غير مناسب له بسبب هروبه منك ومن القفص ولجوئه لمكتبة التلفزيون احتاج منك ترجعينه داخل القفص وكون القفص مرتفع عن الارض مواقل من المتر الواحد وتقللين الاكل ماله الى نص الكميه اليوميه المعتاده ومعدها تطلعينه الطير فوق القفص وتوكلينه من ايدك ولكن بلطف وحنيه وكانك توكلين طفل صغيرون وانتي توكلينه كلميه بستمرار وكانه آدمي امامك واذا لاحظتي ان بدأ عليه تغيير وقام يتقرب منك تبدين تمسحين عليه ولكن بتدريج وبدون ماتخوفينه منك يعني كيف تقربين ايدك جمبه ببطئ من تحت مستوى جسمه لين توصلين لرقبته ومن بعدها تنتقلين حق راسه كرريها عليه لين يحفض هذي الحركه وحس بالولفه والحب من ناحيتك واذا نجحتي تنتقلين للمرله الثانيه وهي انك تطلعينه على ايدك وكيف يعني اطلعه على ايدي ياسمساار تقربين ايدك له ببطئ شديد وبتدريج من تحت مستوى الطير لين توصلين تحت بطنه مباشره وترفعينه ببطئ وبتدريج لين يحط الطير رجله على ايدك واول مايصعد فوق ايدك تنزلينه مباشرتا وتعيدين المحاوله اكثر من مره لين يحفظ الحركه ومايحس بخوف من ناحيتها ابدا وبعدين تطلعين الطير على ايدك وتبعدين عن القفص تدريجيا مع المسح عليه والكلام معاه حتى مايحس بالخوف واذا بعدتي بمسافه كافيه تبدين تنقلينه من ايدك اليمين الى اليسار وبالعكس مع المسح عليه والكلام معه كرري هذا التمرين لين يحفظ هذي الحركه ومن بعدها تبدين تنقلينه من ايدك لي ايد شخص آخر وبالعكس من الشخص لي ايدك وهاكذا يكون الطير اجتاز مرحلة التدريب كاملة اتمنى اني لبيت طلبك وقدرت اوصل لك المعلومه بوضوح اتمنالك التوفيق انا دائما بالخدمه |
رد: تدريب الكاسكو خلال اسبوع فقط
اقتباس:
|
رد: تدريب الكاسكو خلال اسبوع فقط
هلا اخوى انا قبل جذيه سألتك وقلتلى حاولى تلمسينه .. بس هو عنيد ولما اجى المسه وهو على القفص من فوق يمد ايده اقصد رجله ( يعنى سلمى وخلاص )
وحاليا دربته على الصعود على العصا ... الف فيه لفه على البيت وارجعه وهو مبسوط بس مايخلينى امسح عليه .. واذا مسحت غصب يخاف ويرجف .. بس امسح على منقاره ورجوله شنو الحل شلون ابدل العصا بأيدى ؟؟؟؟ |
رد: تدريب الكاسكو خلال اسبوع فقط
اقتباس:
اذا قربت من صدره او بطنـــه اما انو يهاجم ويحاول يعض .. او انو يوطي راسه مره يعني حكيلي عشان ماأمسك رجله .. لأنو يدري انو قصدي امسك رجله خخ .. بالنسبه للمكان .. لووووو ايش ماأقدر اغيره له لأنه ماينام الا هناك .. هو بقفصــــه ماينام نهائياً مع انه مرفوع فوق متر وزياده .. انا مره سيبته لمدة ثلاث ايام بالقفص من غير ماأنزلـــه على المحل اللي ينام فيه .. وبعدها لمن رجعته صار يتوحش على اي احد .. اي احد يقرب منه يعضه .. وامــــي قالت لي انو هو يبغى مكانه فوق ومايبغى احد يقرب منه .. عشان كده رجعته لمكانه حق النوم .. هو عندي لــــه 2 شهـــر او شهــــر ونص يمكن .. بس انا احسو والف علي احياناً .. لأنو اذا هرب من احد يهرب ويجي عندي .. اذا كنت جالسه بنفس المكان .. واحس معاملتي له كويســـه .. لدرجــة انو اختي واخويا يقولوا انتي ماتعاملي عيالنا زي ببغانك .. أن شالله اطبق اليوم بعد مايصحى من نومته .. شكــــراً على ارشادتك اريقاتوو .. |
| جميع الأوقات بتوقيت GMT +3. الساعة الآن 01:09 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو