منتديات تو زوو - تدريب الكاسكو خلال اسبوع فقط

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - تدريب الكاسكو خلال اسبوع فقط (http://www.2zoo.com/vb/showthread.php?t=110761)

رد: تدريب الكاسكو خلال اسبوع فقط

سويت الخطوة الأولى أكلته من ايدي

رد: تدريب الكاسكو خلال اسبوع فقط

عدي مشكلة الكاسيكو ما يرضى المسه اذا المسه يعضني

مع اني أكلته من يدي

شنو تنصحني

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة سمساار (المشاركة 1034531)

حياك الله
مبروك عليك الشهر الفضيل
مبروك عليك الطير وان شاءالله تشوفه من اشهر الطيور الناطقه
ماشاءالله هذي اول مشاركه لك في المنتدى حياك الله في منتدى تو زوو منتدى الجميع
انت بين ربعك واخوانك واتمنى انك تفيد وتستفيد مع اسرة هواة البغبغاوات
مابي اطول عليك وتركك مع خطوات التدريب

حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكأنه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد

طريقة المسح على الطير
يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم

طريقة الصعود على اليد

يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم
وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه

يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه

وهكذا نكون قد انتهينى من مراحل التدريب الحركي ويتبقى تدريبه على الكلام
اتمنى لكم التوفيق والنجاح
في حال اي استفسار مستقبلا انا موجود وانا دائما بالخدمه

علينا وعليك يتبارك والله يجزاك الف خير عزالله ان هذه من عوايدكم الترحيب والكلمه الطيبه والنفس الوسيعه

اسف لاني لم اذكر ان مشاركاتي اول مشاركه وهذاء غلط كبير مني بسبب قلة وجود على الأنترنت لكن انشاءالله اكون في حسن ظنكم وما اقصر في هذا المنتدى الأكثر من رائع

عندي بضعة اسئله

كمية الطعام ؟ انا اذا لقيت حوض الطعام فاضي افوله بالحب لاني ما اعرف الكميه ولا الفتره والأكل الي ياكله شنو ؟

ايهما افضل الأستاند ولا القفص ولازم اشتري قفاز حق التدريب ؟

والقفص الي عندي فاضي ماعنده العاب ومدري شنهي العابه ؟

وهذه صورت (فرحان) بن فرحان والله مدري انه ذكر ولا انثى ههههههه

http://up2.up-images.com/up//uploads...1d50a030cd.jpg

ويعطيك الف عافيه وسامحنا اذا تعبناك

رد: تدريب الكاسكو خلال اسبوع فقط

9اشهر يطلع على اليد بس ماياكل من يدي وفيخ خوف اشوي مني
بعض الايام وده يعظني

رد: تدريب الكاسكو خلال اسبوع فقط

لا اله الا الله محمد رسول الله

رد: تدريب الكاسكو خلال اسبوع فقط

مشكور لاخلا ولاعدم ويعطيك العافية والله يجعله في ميزان حسناتك

رد: تدريب الكاسكو خلال اسبوع فقط

مشكور والله لايخلينا من امثالك والله يجعله في ميزان حسناتك

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة سياره بدون مكيف (المشاركة 1034637)

هلا والله كيف الحال للجميع وخاصتن لاخونا سمسار
هلا ومرحبا

اخوي سمسار انا جبت طيير بالبيت ويقول راعيه انو يتكلم وبصراحه سمعت منو كلمه وحده وهي باول يوم عندي واناتعبت معاه وانا ابيه يحس براحه بالبيت ومع الاسف انو راعي الببغاء يقول لا تفك القفص منو الاما بعد سبوع لكي يتعلم على اهل البيت ويبدى ينطق الجمل اللي هو فاهمها

>> وانا ابي منك يااخوي العزيز هل كلام صاحب الببغاء سليم

وبعدين الببغاء اللي عندي يطلع على اليد > باول يوم بعد > مع استلطافي معه لاكن بعد نص ساعه يرجع وده يعض > وعن راعي الطير مايعض تهقى انو خايف ومع مرور الايام يتزبط

وعمر الطير
سنتين
انثى
اسمه ياسمين

حياك الله
مبروك عليك الطير
بنسبه لكلام صاحب الطير السابق فاعتقد انه منطقي ويمكن انه معود الطير بهذا الاسلوب اتمنى انك تصبر لي المده الي قالك عنها عشان تأكد كلام صاحب الطير السابق
اتمنى لك التوفيق والنجاح

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة الذئب الاول (المشاركة 1034922)

السلام عليك اخوك بو محمد من الامارات اول شي يعطيك العافيه على رحابت الصدر والله انك مدرسه في التعليم ويشرفني ان اكون احد تلاميذك
عندي كاسكو لون العين اسود عمره على قلة راعي المحل اربع شهور واليف جدا يطلع على الايد جناحه مقصوص وعندي طولت بال وماخاف منه وعنده بدل الستاند اثنين ويشيله ولدي على كتفه ويتمشى معاه في البيت بس السوال في اي سن يبدا في الكلام

حياك الله اخوي بومحمد
مبروك عليك الطير والله يهنيك فيه
اتمنى انك تشوفه من مشاهير الطيور الناطقه
بنسبه للعمر الي يبدأ الطير عليه بالكلام
المتعارف عليه انه يبدأ بالكلام من 5 شهور
وفي بعض الطيور تبدأ بعمر اقل وبعض منها تتأخر
وكله بيعتمد على المدرب

اتمنى اني لبيت طلبك وقدرت اوصل لك المعلومه بوضوح اتمنى لك التوفيق والنجاح

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة أنـــــا وبـــــس (المشاركة 1034927)

يعطيك العافيه ع الموضوع الرئع

الله يكتب لك الاجر

جزاك الله خير الجزاء
مشكور على الدعاء