|
رد: وشو سبب كره الناس للسيامي؟
اقتباس:
ماتسبح قطوك و تقول ريحته شينة من ناحيتي اللي كان عندي اسبحه دايما و ماله ريحة ابدا و الشي الحلو بان القطو ما كان يقاوم ابدا وقت ما اسبحة |
رد: وشو سبب كره الناس للسيامي؟
اقتباس:
الا السيامي شكله له هيبة اذا كبر مو موجودة في أي قطو ثاني نحف جسم السيامي و رشاقته تحسسك انه فهد ماهو قطو كان السيامي حقي يطارد اي قطو يشوفه برا و في ثواني يكون شرح القطو الثاني تشريح ولا عاد يوطوط في شارعنا مره ثانية ههههههههههه |
رد: وشو سبب كره الناس للسيامي؟
اقتباس:
على عكس باقي القطاوة الثانية .. فيها غباء غير طبيعي حتى تلعبين ويا السيامي فرق كبير بينه و بين اي قطو ثاني السيامي يفرق بين اللعب و غيره السيامي اللي كان عندي ما كنت اسحب له خيط او ارميله كوره .. كنت استخدم صبعي و يعرف انه صبعي و يعرف ان اظافره و سنونه تعور .. ما كان يعضني بقوة ابدا ولا حتى يجرحني لما يستخدم اظافره بس القطاوة الثانية لما العبها بيدي هبله بشكل لا يوصف .. ما ينتهي اللعب الا و انا جالس امسح الجلد اللي نتفوه من يدي هالقط مختلف من كل النواحي عن باقي انواع القطط الغبية و خاصة الشيرازي اغباهم و اقذرهم و اكسلهم و عمره ما بيقدر يصيدله شي بنفسه مدري شلون هالقط ما انقرض اصلا |
رد: وشو سبب كره الناس للسيامي؟
اقتباس:
لان بصراحة وشو ابي بشكله؟ ما بتزوجه انا ولا جايبه حتى استعرض فيه قدام الناس بس من ناحيتي انا استعرض بالسيامي قدام الكل لانه في نظري من اجمل القطط كان يلفت انظار الكل و يجذب انتباهم له قط اجتماعي لأقصى حد حتى اذا بغى ينام او ينظف نفسه يحب يروح عند زحمة الناس و يجلس من بينهم من ناحية وناسة و لعب هو الافضل احلى شي اذا طلعتيه بالحديقة .. بس لا تطلعين معه تفرجي عليه من الدريشة كأنك تتفرجين على الاسود في قناة انيمال بلانت .. تشوفينه يمشي و يتلفت يدور طريدة لما يشوفله عصفور و الا حمامه بالارض يتختنها و يصيدها ردة فعله سريعة و يعرف يدبر نفسه اذا جاع |
رد: وشو سبب كره الناس للسيامي؟
على كل حال اشكركم كلكم على تفاعلكم بالموضوع
و بقول لكم كلمتين بالنهاية وين ما تبحثون في الانترنت سواء في مواقع عربية او اجنبيه .. متى ما ذُكر السيامي راح يُذكرون الذكاء و كلمة "ذكي" ما تنجمع مع "الشيرازي" في جملة وحده ابدا !! و الله يوفقكم :) |
رد: وشو سبب كره الناس للسيامي؟
بصراح انا واحد افضل الشيرازي و اكره السيامي كره شديد سبب الان السيامي هزيل و مافيه فرو
|
رد: وشو سبب كره الناس للسيامي؟
انا مااحبه احس شكله ابد موووووووووووحلو
والناس صارو يدورون على الاحلى مو على المناعه |
| جميع الأوقات بتوقيت GMT +3. الساعة الآن 10:08 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو