|
رد: يوميات ببغائي الكاسكو (ويلي)
بالتوفيق اخوي ونتعلم منك يالغالي ^_^
|
ويلي وهدايا يوم الخميس :)
بسم الله الرحمن الرحيم السلام عليكم ورحمة الله و بركاته طبعاً يوم الخميس بعد العصر حركت من البيت ومريت كذا محل لبيع الحيوانات الأليفة ومستلزماتها كنت ابي اقضي لويلي كم غرض طبعاً لفيت كذا محل بالرياض قلت مابي اروح لسوق الحمام زحمة وبعيد عني قمت لفيت بالمحلات الي قريبه مني طبعاً اول شي اشتريته له هو سلم من النوع الكبير وبعدين رحت محلات ثانيه وشريت له قطعه تتعلق بالقفص تحتوي على عنصر الكالسيوم الي يحتاجها الببغاء بعدين شريت له حاجه ياكلها الطير تغذيه بالفيتامينات وتحتوي على الحبوب والعسل واشتريت له حطبتين من الحطب الكبير عشان ابي اسوي له ستاند على ذوقي وان شاء الله يبي يعجبه :) مافي احداث كثير اليوم لانه ويك اند وكان الملحق مليان وما جلست انا وياه جلسه اعتراف :D بالاخير اشكركم على المتابعه وانتظروا لجديد |
رد: يوميات ببغائي الكاسكو (ويلي)
اقتباس:
يعطيك العافيه على المرور والتعليق |
رد: يوميات ببغائي الكاسكو (ويلي)
ننتظرك ياعزيزي ^_^
شد حيلك ترى انا اشتريت كاسكو نفس حقك بس جامبو .. ميزته ما يجعر الا اذا خاف مره يعني بديت معاك من قبل امس ^_^ لكن نشوف كيف التقدم يكون معاك او معاي والله يوفق الجميع انا أحاول اعوده علي وعلى البيت واليوم حاولت المس راسه بالكفوف هذي بس كل مالبستها يخاف ..! اخاف ان الي صايدينه .. صايدينه بالكفوف عشان كذا يخاف اذا شافها .. يمكن والله او لانها شي جديد ..؟ ع العموم ماصار شي جديد والله يوفق الجميع يارب |
رد: يوميات ببغائي الكاسكو (ويلي)
اقتباس:
شف حبيبي اذا جامبو ومحجل اسهل بالتربيه بحكم انه مربى بين البشر وانسان غالباً الي مربيه ويسمى عنده بابا اما اذا مصيود تبي تصعب عليك الشغله مثلي بس صدقني الافريقي المصيود افضل وارخص على العموم انا ما انصحك انك تستخدم القفاز لانه تجار الطيور غالباً يستخدمونه وما يهمهم نفسية الطير لذلك انا تركت القفاز وبديت بيدي بس بحذر وما احركها بسرعه وبالتوفيق وننتظر جديدك |
رد: يوميات ببغائي الكاسكو (ويلي)
بسم الله الرحمن الرحيم السلام عليكم ورحمة الله وبركاته اليوم مافي تطورات كثيره طبعاً طلعت ويلي الصباح ياخذ حمام شمسي بعدها طبعاً قبل ما يدخل لازم الدش وحطيته في مكان دافي وجلست انظف مكانه والطاوله وفكرت اني انقله مكان ثاني ويكون داخل الغرفه في زاويه مافيها تكييف تقريبا قمت ونظفت الطاوله وحطيته في الزاويه ولمى نشف حطيته بالزاويه عشان يصير قدامي 24 ساعه وتقوى اواصل الثقه بيني وبينه وعشان اشوفه وهو ياكل :) تقريباً اهو مرتاح بالمكان الي هو فيه خاصه انه لمى الناس تدخل وتطلع ماحد يجي جنبه بعدين لمى ريح شوي ورتب الريش قمت وجلست جنبه شوي ومديت يدي اول الامر صار يجعر بعدين خليتها ثابته لين يتعود عليها ومع الوقت صرت المس ريشه زي ما كنت المسه بالقفاز والعصى وهذا تطور كبير طبعاً الحين جالس اعوده على يدي قريبه منه بدون تجعير هذي تقريبا التطورات الجديده بس لاحظت حركات على الببغاء تحس انه صدق ذكي لمى يصير جوعان يجي تشوف عيونه يالله يفتحها تحس انه يبي ينام بعدين لمى اقفل اللمبات وابيه ينام ما اسمع الا اكل :D يلعب علي عشان ياكل بالاخير اشكركم على المتابعه واذا فيه اي نصيحه ياريت تفيدوني |
رد: يوميات ببغائي الكاسكو (ويلي)
هههههههههههههههههههههههههههههههههههههه
نفس الي عندي بالضبط انا توقعتها صدفة .. اثاريها صدق مو بس عندي هههههههههه يعطيك العافية اخوي ننتظرك |
رد: يوميات ببغائي الكاسكو (ويلي)
اقتباس:
بس الحمد لله الحين بما انه صار قدامي 24 ساعه صار ياكل ويشرب قدامي وقدام الشباب عادي بس اصبر عليه شوي يبي يجي له يوم واتفضى له واوريه الشغل :) بس الحين مشغول مع المسكين مرجان الله يشفيه يارب :( |
رد: يوميات ببغائي الكاسكو (ويلي)
يوميات ممتازه واتمنا لك التوفيق انت وطيرك
تقبل مروري |
رد: يوميات ببغائي الكاسكو (ويلي)
مجهود حلو وانشاءالله من حلو الى احلا ومبروك
|
| جميع الأوقات بتوقيت GMT +3. الساعة الآن 06:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو