|
رد: تحديد الموقف مع الكاسكو
لازم تضمن جوعه يعني بالليل وقت النوم لا تخلي قدامه اكل للساعه ٨ الصباح مثلا
والشرط الثاني يكون الاكل المفضل له الي تحطه عساس تغريه وينجن انا الكاسكو الي عندي طبقت الحركه هذي معه وصار يصعد وهو مغمض عيونه لانه خلاص انكسر حاجز الخوف من الايد وعرف انها تساعده ما تضره بعدين انصحك بكثرة الحك للطير وانت تحك راسه مده طويله غير الاماكن لين توصل رجله بعد فتره كم يوم حاول ترفع رجله كأنك تدلكها له بعدين حاول ترفعها لفوق فوق بتشوفه يضطر يرفع رجله الثانيه ويوقف عاليد وسيده انقله للستاند لانك لو طولت بيحذف نفسه نقطه مهمه اي سلوك سليم يبدر من الببغاء ويخدمك دايما حاول تستغله خله يكون مدخلك عليه مثلا صار يقبل يصعد على الشبك .. عوده واجد يصعد عليه بعد فتره شيل الشبك وخله ينتظرك تمده له بس كنسل ومد ذراعك وانت مخلي الستاند قريب حيل عساس يعرف النقل سريع |
رد: تحديد الموقف مع الكاسكو
اقتباس:
جزاك الله خير اخوي El merengue ماقصرت على الافكار ولو اني مستمر في قراءة المواضيع بالمنتدي وبرضوا المواقع الاجنبيه وعرفت ان اهم نقطتين وهي الخوف والصبر يعني تحاول ماتخوفه من جهتة ومن جهة المدرب الصبر وبالنسبة لافكارك شفت انها افضل شي وراح احاول واستمر عليها وان شاء الله اي تطورات راح يتم ابلاغك وابلاغ كل من ساعدني اسال الله التوفيق لكم :) |
رد: تحديد الموقف مع الكاسكو
السلام عليكم اخواني
كيفكم ؟ عساكم بخير حبيت افيدكم بالجديد هاليومين الكاسكو اوقات يسمح لي امسح على راسه و اوقات لا واليوم مسحت عليه كالعاده يوم سمح لي وبعدها رفض وعلى هالموال تركته وقعدت على النت ورجعت بعدين له ومسحت له وهو راضي وطولت وانا امسح بس لاحظت انه غمض عيونه كلها هل هذا شي طبيعي عموما قعدت تقريبا ربع ساعه .. وقبل دقيقة وبعد وجبه حطيتها له الساعه ٢ برتقال وحب دوار الشمس كان رافض البرتقال حتى يشيله من الصحن ويرميه بس متأكد راح يتعود عموما حسيت انه جائع ومعاي حب وبالهدوء قلت له رجلك والمسها بهدوء كان رافض بالبداية يهرب مني ومجرد المس خفيف على طول اقلد صوت الكليكر واعطيه حب الشمس وعلى هالموال لمدة ٥ دقائق واللحين عادي اقول المس رجلك والمسها واقعد امسح عليها وهو واقف مايقول شي .. ان شاء الله مع الوقت للأحسن إلى مايخليني ارفعها ومنها يطلع على اليد :) |
رد: تحديد الموقف مع الكاسكو
يغمض العين طبيعي لانه حس بالراحه والاسترخاء وكثر
اول علامات العلاقه القويه بين المربي والببغاء هو السماح له بالحك لغاية ما يغمض دلاله على انه مرتاح للمربي أستمر الطلوع على اليد مع الوقت بيطلع انا مثلك عندي أمزون رافض يصعد على اليد وعنيد جدا جدا ولكن عارف اني مع الوقت راح أهزمه وبيطلع |
رد: تحديد الموقف مع الكاسكو
اقتباس:
اللهم لك الحمد اشكرك ع التوضيح قبل دقايق كنت قاعد احاول انه يطلع على اليد وحاط عسل بيدي يعض ويتذوق والعضه ماهي قوية بس مو راضي يطلع لانه ينزل راسه كانه يقول انا رافض بس مع المحاوله وكل مااقرب يدي يعض علي خفيف الله يعطيك العافيه على المرور وشكرا لك :) |
رد: تحديد الموقف مع الكاسكو
جب لك استاند ارضي وخل الطير دايم جنبك بكل الاحوال تاكل تشرب تتفرج خله عندك
لاتجوعه ولا شي بس اعزمه اذا قاعد تاكل عطه والعب معه ومسح عليه يظبط ولاتستعجل شف هالطير جايبه غير اليف وحاطه على استاند ارضي وطبقت اللي قلت لك عليه وضبط خذيت اربع شهور معه وصار ممتاز http://2zoo.com/vb/showthread.php?t=306417 بخصوص الكلام دامه انطلق وعنده كم كلمه راح يتعلم ويتكلم كثير انا ملقن افريقي عمره 8 سنوات وماشاء الله حفظ مني كلمات وجمل |
رد: تحديد الموقف مع الكاسكو
اقتباس:
انا حاطه عندي بالغرفه طول الوقت حتى صرت ماعاد اطلع منها وماعاد شفت اهلي :) هو بالغرفة عندي حاطه على بعد اربعة الى خمسه امتار بزاوية الغرفه والماء والاكل انا اغيرها له والاكل من يدي واحاول اتكلم معه ومن هالاشياء، اذا احد دخل عندي بالغرفة يصفر عليه على طول ماادري ليه !!!! وبالنسبة للنوم انزله تحت في غرفة مظلمه ومروحه شغاله مااحطها عليه واسكر عليه ونور خفيف جدا الحمدلله امس اسمعه يقول يعقوب واليوم هلو الكلمات في ازدياد وحاليا عند الاكل اذا جيت اعطيه اكل اقوله (اكل) .. عاد فكرت هالاسبوع ماالمسه مره وحده بس اعطيه اكل من يدي وخلاص من غير لمس لمدة اسبوع .. الله يعطيك العافيه على الرد بالتوفيق |
| جميع الأوقات بتوقيت GMT +3. الساعة الآن 09:54 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو