|
رد: مسلسل نتف الريش - الحلقه الثالثه (HELP)
اعتقد انك عند معالجته راح ترفض تبيعه
استمر على الترويش والتشميس مهم جدا الاكل ضع الاكل اللي يحبه له وان شاء الله خير |
رد: مسلسل نتف الريش - الحلقه الثالثه (HELP)
انا فقط مستعجله أبيعه بسبب مشاغلي وهو مايحب أتركه أكثر من 6 ساعات...لما يصير هالشي يقعد ينتف مهما اوفر له من اكل والعاب...وانا اليوم روشته قبل ما اطلع من البيت لكن غيابي هو سبب النتف (لكن الحمدلله ما نتف من مكان واحد ومافي اثر واضح)
هو يحتاج بيت مليان ناس والصاله تكون فيها حياه...بيتنا مب من هالنوع مع الاسف وهو مايحب الهدوء ): طبيعته كثير الحركه واللعب والتصفير ويحب احد يعطيه اهتمام طول الوقت لدرجه انه يصفر للرايح والجاي احس علاجه انه يروح لبيت فيه هالمواصفات بس مابي اخسر سعره...نفس السعر يكفيني عشان اشتري غيره عالاقل -__- حسب شخصيته عارفه الطوق بجننه وممكن ينتحر...رراقبت حالته عدل واستنتجت ان البيئه مب مناسبه...الدليل انه ما تروّض 100%..معاي 85% ومع الاهل 50% لأنه مايجوفهم |
رد: مسلسل نتف الريش - الحلقه الثالثه (HELP)
اختي انتي اجبتي علي سوألج بنفسج يعني الطير محتاج اهتمام ومكان فيه حركه لاكن انا يالنسبه لي ان بعض الحالات لايوجد لها علاج طبي والعلاج يكون تأهيلي وهذا شي مررره مهم لان نتف الريش له مراحل واسباب ومن ضمن الاسباب قد تكون مرض جلدي او مرض نفسي انا طيري مشكلته اكثر من طيرج والحمدلله قدرت بفضل الله اني اخفف من حده النتف الي درجه انو وقف ينتف لاكن صار عنده مشكله الريش غير مرتب وخصوصا الذيل والصدر لاكن احس انه فيه تحسن وصدقيني مهما رحتي عيادات الطيور ماراح يعطونج اي علاج مفيد لانه العلاج تأهيلي . والطريقه هي انج تغيري سلوك الطير ويفضل وضعه في حديقه المنزل ويفضل ايضا وضعه في مكان يكون مفتوح ومرتفع هذه الاشياء راح تغير من نفسيه الطير .والموضوع يحتاج صبر .
|
رد: مسلسل نتف الريش - الحلقه الثالثه (HELP)
^^^
صح انا عرفت مشكلته وجربت اعطيه اهتمام اكثر فصار طماع يصرخ لو هديته ثانيه وحده حتى لو الاهل قاعدين معاه يلاعبونه...الحين يشتكون من صراخه ماعرف شاسوي...الالعاب شريت له فوق العشره وصار يمل منهم ومايبي شي...لما أطلع لمشوار طويل وارجع احصله منتف زياده...يعني جنيت عليه لما لاعبته وقعدت وياه اكثر كل ما زدت اهتمام زادت حاجته اكثر حديقة المنزل...هو يخاف من الاصوات اللي تجي من الخارج مثل السيارات والطيور...خوفي يصير الوضع أسوأ...شلون عالجت طيرك؟ ممكن أجرّب طريقتك دام نجحت ^^ ومافهمت قصدك من تغيير سلوك الطير...يعني ما أعطيه اللي متعود عليه وانوع في تعاملي معاه؟ |
رد: مسلسل نتف الريش - الحلقه الثالثه (HELP)
تغير السلوك يعني غيري نضامك يعني النوم أكثر وقت اللعب غير الأكل نوعي أكثر أشياء تسوينها له دايما غيريها خليها بين كل فتره وفتره اذا كان مصيود وما نفعة كل هالاشياء ابدا جيبيله اشجار صناعيه وورد واشياء الي في الغابه وحطي مرايه وخليه يشوف نفسه يعني المرايه على الشجر تكون من وراها ورق شجر وخلي القفص قريب من هالاشياء بحيث انه ما يعضها ابداء عشانها صناعيه وفيها مواد ضاره وانشاءالله الطير يتغير بنسبة50% للافضل
اخوك عبدالعزيز |
رد: مسلسل نتف الريش - الحلقه الثالثه (HELP)
بعد قراءتي لردين اخوي فوزي واخوي أعز انسان (جزاكم الله خير ^^) قمت بالاتي: -غيرت النظام وخليته عشوائي...يعني كل يوم افاجأه بشي جديد...الحب كل يوم اعطيه لكن احيانا يحصل في صحنه فواكه او بسكوت او خبز -وقت النوم يتغير من 10-12 في الليل (أغطي القفص عشان ينام) والصبح يريّح كم ساعه...والعصر يبدأ وقت نومه ما بين 4-6 قريب المغرب...اروشه في هالفتره بعد او قبل ما ينام -الالعاب انوعها له كل يوم وانا بنفسي العب وياه دقايق + أحطه على يدي اداعبه او على كتفي مثل ما يحب (وقت اللعب والمداعبه مب ثابت احيانا اعطيه وقت قصير واحيانا اطوّل وياه حسب وقتي) -المرايا اجوفه مايهتم للمرايات...شوي يلحس المرايا ويتركها خلاص فما نفعت وياه -الاغصان والورود يدمرها واحيانا يمل منها فما أحطها له كل يوم عشان يشتاق لها (يقول صاحب المحل انه طير مزارع مش مصيود) -الفيتامينات أعطيه نوع مركز مرتين في الاسبوع فقط مع الماي النتف الحين خفيف جدا...اكثر شي اجوف الريش القطني...ولو في معاه ريش رمادي يكون جزء صغير من ريشه كامله او ريشتين صغار في اليوم...ظهر له ريش زياده الحمدلله ومنطقة الصدر تغطت بالكامل بالريش الخفيف وقليل من الريش الرمادي...هل هذا تقدم؟ لكن مشكله جديده ظهرت وهي كثرة الصراخ...لما يجوفني انزل او اطلع يقعد يصارخ بجنون ويسبب ازعاج لأهل البيت...هل تعلّق فيني من بعد ما غيّرت طريقتي معاه؟ وعندي شعور ان هالشي بخليه ينتف ريشه من جديد لو سافرت او شي..ايش رايكم؟ @_@ |
رد: مسلسل نتف الريش - الحلقه الثالثه (HELP)
نسيت اقول شي...النت يكون مع التنظيف...ينظف ريشه لكن لما يجي للجناح يبهدل الريش وينتف بعضه...مادري ليش كاره الجناح بالذات خاصة اسفل الجناح والطرف
|
| جميع الأوقات بتوقيت GMT +3. الساعة الآن 09:58 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو