|
رد: ~][ ساعدوني في مشروعي الصغير ][~
اقتباس:
وفي انتظارك اختي ^.^ ،، |
رد: ~][ ساعدوني في مشروعي الصغير ][~
اقتباس:
عشة 1 ------ عشة 2 ------ عشة 3 وكان عندي فقط نوعين من الطيور : كروان + درة ، وأعداد الكروان أكثر من الدرة .. أقوم بفتح السياج المتحرك مابين عشة 1 و عشة 2 .. فتتسع المساحة تلقائيا ً .. وتصبح العشة كاملة عبارة عن قسمين .. وبالإمكان فعل ذلك عبر استخدام ( الشتر ) المستخدم كـ (رول) لحجب الشمس عن النوافذ .. ولكنها مكلفهـ وأبحث عن غير هذه الطريقة .. لكنها ممكنهـ بأي حال .. شاكر لك مرورك يالغالي .. وأنرت موضوعي بتشريفك .. ،، |
رد: ~][ ساعدوني في مشروعي الصغير ][~
اقتباس:
وبالنسبة للتربية الفردية والجماعية .. عندي طبعا ً بلوفرونتد وكناري وكروان .. هذي طيوري المفضلة .. كلها أليفة والبلوفرونتد والكروان يتكلمون .. بيكونون طبعا ً داخل المنزل في أقفاص خاصة .. لأنه صعبة تطلعها برا .. طيور مدللة .. ومتعودة على أهل البيت .. وأهل البيت متعودين عليهم .. وتفقدني وأنا داخل البيت كيف لو أطلعها برا .. وماهي حقت تربية عشش .. أما عن المعلف الفردي .. أحيانا يكون فيه فروخ يتيمة .. أو جنحانها ضعيفة .. أو لما تجي تأكل مع المجموعة تنقرها وتنتف ريشها .. هذي يكون لها معلف فردي .. تروح تاكل فيه ومحد يقول لها شي :) تسلم اخوي lost love على هالمرور والمشاركة الفعالة .. أشكرك جزيل الشكر وماقصرت .. وملاحظاتك بعين الاعتبار .. ولك شكري وتقديري ،، |
رد: ~][ ساعدوني في مشروعي الصغير ][~
اقتباس:
واليوم تم أخذ صورة للموقع قبل البدء .. وبإذن اللهـ سيتم شرح كل الخطوات بالتفصيل وبالصور في بداية تنفيذ المشروع .. ،، |
رد: ~][ ساعدوني في مشروعي الصغير ][~
بسم الله الرحمن الرحيم
أتمنى لك التوفيق اخي الغالي 1/ ماهي الصعوبات التي تؤخذ بعين الاعتبار ؟ الحرارة والعج "الغبار" بما إنك في الرياض خصوصا الطيور الصغيرة ماراح تستحمل الا اذا كان فيه تبريد معتبر وبالنسبة للرش فكرة جميلة لكن كيف راح تكون الارضية رمل؟ نشارة خشب؟ خل بإعتبارك ان الموية راح تسبب مشكلة في الرائحة والتنظيف من الأفضل تولف لهم نافورة داخل صحن كبير وغير عميق والماء جاري فيه بكمية بسيطة ويوجد تصريف http://www.laspilitas.com/garden/how...birdbath_2.jpg أو مجاثم للإستحمام تحت ميزاب ينقط ماء او يرش باوقات الحر والطيور تتعلم توقف تحته وتستحم http://ecx.images-amazon.com/images/...500_AA280_.jpg 2/ أين مواضع الضعف والخلل فيما سبق ؟ ماشاء الله انت تقريبا درست الموضوع من كل الجوانب ليتك بحثت عن خبرات من سبقوك واستفدت من التجربة لأن المشكلة من الناحية الوراثية اذا الله وفقك وانتجت انه الجيل الثاني اي اللي توالد عن طريق اباء اخوة يكون اكبر عرضة للوفيات والامراض الوراثية لذلك يفضل تغيير الذكور بعد اول انتاج " تبادلهم مع اصدقاء او تشتري غيرهم " 3/ هل تؤيد التربية الجماعية أم الفردية ؟ ولماذا برأيك ؟ على حسب الطير ، مثلا البادجي مناسب للتربية الجماعية وكذلك طيور الحب أما الكوكتيل الله أعلم ماعمري شفت سلاكة جماعية له وحاول تفصل الأنواع المختلفة خصوصا طيور الحب لأنها تفترس حتى الكوكتيل 2/ هل هناك أي مقترحات أو إضافات ؟ أسلاك او شبك السلاكة يجب ان يكون من الاستاينلس ستيل ولايحتوي على الرصاص او الزينك يجب عليك تصميم حجر صحي او معزل تعزل فيه الطيور الجديدة لفترة اسبوعين قبل ضمها للمجموعة ، ويمكن خلال هذه الفترة تعطيها برنامج مضادات حيوية وفيتامينات كذلك تخصيص مكان لوضع الفاكهة او الخضراوات ، وحبذا لو يكون قطعة رخام مرفوعة عن الارض على منضدة او طوب او ماشابه تمنياتي لك بالتوفيق والنجاح |
رد: ~][ ساعدوني في مشروعي الصغير ][~
نوافير جميلة وافكارها بسيطة
http://skorch.co.nz/skorch/skorch%20...bowl-large.jpg http://www.hiddensprings.ca/ScenesFr.../bird_bath.jpg وهنا ايضا سلاكات فردية ممكن تختصر عليك المكان ويسهل عليك التحكم في التهجين ايضا بالنسبة لطيور الحب والكوكاتيل http://img383.imageshack.us/img383/865/87883401.jpg http://img379.imageshack.us/img379/6269/86380670.jpg http://img257.imageshack.us/img257/2460/62962020.jpg عسى افادك شي من هذه الأفكار؟؟ |
رد: ~][ ساعدوني في مشروعي الصغير ][~
ماشاء الله عليك يعجبني أنك درست الموضوع من جميع النواحي و قرأت و صممت تصميم رائع أتمنى لك التوفيق
بالنسبة لي لا أفقه شئ بالانتاج و اتمنى لو أقدر أفيدك بالنسبة للتبريد أتوقع و ضع مكيف صحراوي لأن الحرارة في الصيف والله لا تحتمل ويكون اتجاه الهواء بشكل غير مباشر للعشة. بالتوفيق |
رد: ~][ ساعدوني في مشروعي الصغير ][~
هذه كم مقطع فيديو يمكن تفيدك ايضا
ماعليكم من الفلبينيين يتهاوشون :D بالتوفيق اخي |
رد: ~][ ساعدوني في مشروعي الصغير ][~
،،
ياسلاااااام علييييييييييك اخوي 0030879 من أي كوكب أنت يا هذا ؟ <<< مسوي عصام الشوالي لووووووووووول بصراحه ياخي لساني وأصابعي الدبيّه .. تعجز عن شكرك وتقديرك !! قدمت لي فائدة كبيرهـ .. وعظيمهـ .. * بالنسبة للنوافير الثابتهـ هذي .. هي اللي كنت أقصدها ونتكلم عنها أنا وأخوي lost love .. وأنت عطيتني أفكار عنها ونماذج روووعة .. وبتريحني كثيييير واللهـ !! بتفكني من الريحة على الرمل والنشارة .. وكذلك تحمي الأكل من الماء .. واللي وده يتروش على راحتهـ مافيه شي بالغصب !! * بالنسبة لـ الاستفادة من خبرات من سبق .. انا راسلت بعض الأعضاء ودعوتهم للتواجد معي هنا بهالخصوص .. وكذلك أبحرت في المواقع الأجنبيهـ .. ولكن لما أشوف الأجهزة اللي عندهم والتقنيات في الإنتاج والتربية .. أجهزة من جد مكلفهـ .. جهاز يكشف تخصيب البيض .. وجهاز علشان مدري ايش .. و هالشي يبي له تفرغ تااااااااااام .. ويبي لها واحد مايدري وش يسوي بفلوسهـ !! ^.^ * بالنسبة لطيور الحب وافتراسها .. كان زوج عمتي يضع الكناري والبادجي في سلاكة واحدة كبيرة .. لكن كان البادجي يجي ويعض رجلين الكناري لين يقطعها ويتركهـ ينزف .. ويخليهـ لين يموت !! فالنقطة هذي ماغابت عن بالي ابد !!! * السلاكات الخشبية المخصصة للإنتاج هذي أبهرتني !! من جد أحسها مرتبة صح .. والأعشاش وكل شي .. خلاص هذي مسويها مسويها ان شاء اللهـ .. اللهـ لا يعوق بشر ..!! بخليها للكروان فقط .. شغل فن .. * مقاطع الفيديو أعجبتني مرهـ .. خصوصا ً المقطع الثاني .. حاجة حلوهـ .. لو مايجي منها إلا المنظر ^.^ بصراحه أنا ماني عارف كيف أشكرك أخوي 0030879 .. بصراحهـ ردود ولا أحلى ولا أروع .. ردود توسع الصدر وتشرح الخاطر .. عسى ربي لا يحرمك الأجر ان شاء الله .. ولا تحرمنا من أفكارك الحلوهـ .. أنت شيء خرافي ..!! ،، |
رد: ~][ ساعدوني في مشروعي الصغير ][~
ما شاء الله تبارك الله
فكرة جميلة والله يوفقك رايي المتواضع واعلم انك اجبت عليه قبل {نوع الطيور } لو تكون افريقي كبداية افضل من الانواع التي ذكرت وتستاهل التعب والجهد المبذول * قرأت كم مرة هنا للشباب اقتراح للتفريق بين الذكر والانثى للافريقي وضع عدد من الطيور في نفس العشة ومراقبتها وبعد ذلك تتبين الازواج ويمكن التعامل معها دمتم سالمين |
| جميع الأوقات بتوقيت GMT +3. الساعة الآن 09:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو