|
رد: مشكلة مضغ الهواء لدى الكاسكو الرمادي ( مزود بفيديو )
مرحبا يا أعضاء :) أمس ودينا الكاسكو لمحل طيور الزينه لأنو عندهم أدويه ولآنو ما لقينا عياده لحد الحين :( المهم صاحب المحل يقول خبرته في مجال الطيور 20 سنة (ما شاء الله تبارك الله ) ومن واقع خبرته يقول الكاسكو ولله الحمد والمنه ما فيه إلا العافية بس يقول عنده إسهال ( الله يكرمكم ) ونتف ريش + قلش بنفس الوقت :eek: طبعًا أنا خذت معاي الكام ووريته المقطع اللي حطيته هنا بالمنتدى وشافه يقول ما لاحظ أي مشكلة غير طبيعية :D وسألته وش علآمات الكنكر ( مرض التجبن ) ؟؟؟ قالي : 1. تكون الرغوه البيضاء لها ريحه خايسه :eek: 2. يصير في زي الأوساخ متجمعه حولين منقار الكاسكو :eek: 3. الكاسكو ما يقدر يسكر فمه :eek: 4. قالي الحويصلة ما ادري وش يصير فيها اعتقد تنتفخ :confused: والعلآمات الآخرى اللي تدل على المرض : 1. زياده سرعة تنفس الطائر مع وجود صوت مسموع 2. زيادة ضربات قلب الطائر 3. الريش نافش 4. الطير ما له خلق لشيء وما يأكل 5. هدوء الطائر 6. تغير قوام البراز ( الإسهال ) طبعًا هو عطاني 2 دواء واحد لعلاج الأسهال وبنفس الوقت الكنكر والثاني لعلاج الريش :( هذي أقراص لعلاج الإسهال هو عطاني خمس حبات وللأسف ما اعرف اسمها وصورتها لكم وقالي استخدمها لمدة خمسة أيام مع تغيير الماي بشكل يومي :rolleyes: وهذي البودرة لعلاج تساقط الريش واستخدمها بعد الإقراص اللي فوق لمدة 10 أيام وبعدها مرتين في الأسبوع :rolleyes: وهذي صورة للكاسكو ( اذكروا الله يا جماعة الخير ) بالله أحد يقولي حوالين عيونه اللون طبيعي والله قمت أوسوس وأي احد من أهلي يقولي شيء خفت :( حاليًا بديت معاه بأقراص الإسهال وبصراحة الكاسكو ما عنده إسهال إسهال بس انا اعطيته خيار يوم الأربعاء والمعروف أن الخيار فيه نسبة كبيره من الماي واعتقد بسببه صار البراز الله يكرمكم قوامه شبه مائي :( بإنتظار أرائكم يا أعضاء لإني بصراحة احترت واعصابي متوتره :( |
رد: مشكلة مضغ الهواء لدى الكاسكو الرمادي ( مزود بفيديو )
أهلين اختي ..~
الحبوب ماأعرف لشو ؟ بس الفتامين يحفز على نمو الريش .. وبخصووص الاسهال .. وقفي عن اعطائه الخضروات والفواكه .. واعطيه الحب الشمسي لفترة رجوع البراز طبيعي لأن يمكن يكون سبب الاسهال اكله للخضروات مب شرط يكون فيه مرض .. و إذا رجع البراز لحالته الطبيعية .. عطيه تفاح على فترآت يعني مرة او مرتين بالاسبوع .. وعطيه بيضة مسلوقة .. وحطي له عظم الحبار فالقفص .. كمثرى - عنب - نوعي له بالأكل .. و انتي سبق وذكرتي أنج تعطينه خيار و خس و يح ( البطيخ ) وهالأكل يسبب اسهال للطير .. فخففي منه وأن شاء الله خير .. ~. والله أعلم .~ |
رد: مشكلة مضغ الهواء لدى الكاسكو الرمادي ( مزود بفيديو )
الحبوب مزيونه وان شاء الله بتكون فعاله للطير هي مضاد فطري مع فيتامينات عامه مقويه للطير
موفق بكل خير |
رد: مشكلة مضغ الهواء لدى الكاسكو الرمادي ( مزود بفيديو )
اقتباس:
تسلم آخوي عـ النصايح وأنت نبهتني لنقطه راحت عن بالي اللي هي الخس والخيار تعتبر مصدر للإلياف وبالتالي فهي تزيد من الإسهال ( اكرمكم الله ) :D بالنسبة لعظمة الحبار اشتريتها له بس للآسف ما تقبلها هي تجي زي القطعه الطويلة واكسر له منها شوي واحطها مع الحب الشمسي وبمجرد ما يشوفها يأكل شوي والباقي يرميه :( الله يجزاك خير :D |
رد: مشكلة مضغ الهواء لدى الكاسكو الرمادي ( مزود بفيديو )
اقتباس:
كيف يعني الحبوب مزيونه :confused: وهل تقصد حقت الإسهال ( الله يكرمكم ) ؟؟ :confused: يعني اتطمن أن الكاسكو ما فيه مرض التجبن << على أعصابها :( وإياك يارب :rolleyes: |
رد: مشكلة مضغ الهواء لدى الكاسكو الرمادي ( مزود بفيديو )
السلام عليكم
انصحك بالتشميس في ساعات الصباح الاولى وخاصة ان الاجواء الايام هذي معتدله نسبيا الله الله بالتشميس لو عشر دقايق يوماً الامر الثاني لاحظت مكان الطير كأنه في مطبخ اذا ملاحظتي صحيحه لااااازم تغيري مكانه حطيه بالصاله او بغرفتك اذا كنتي مو ملاحظه وجود اسهال عند الطير انصحك تستخدمي الحبوب يومين بس وتبدأي بكورس الفيتامينات لانها جداً ضروريه في المرحله هذي |
رد: مشكلة مضغ الهواء لدى الكاسكو الرمادي ( مزود بفيديو )
السلام عليكم ورحمة الله ..
اختي صحيح قال هذا الرجال ابو محل الطيور ، الكاسكو عنده نتف ريش صحيح لكن بالنسبة لعلته الخفية .. لا توسوسين كثير ، ترا انا اشوف صحة الطير جيدة ومافيه عنده شيء خطير ، فقط لا توسوسين وان شاء الله صحته تتحسن ويصير مثل الحديد .. اقترح اقتراح بسيط يمكن راح يخفف عليج عناء كثير : مثل ما قال احد الاخوة تمنعين عنه الفواكه ، اضافة لذلك تمنعين عنه ايضا الفول السوداني ، وتعطيه فقط (حب الشمس) مدة ثلاث اسابيع .. يعني الطير ما ياكل شيء غير الحب الشمس فقط ، لا فول سوداني لا فاكهة لا فيتامين لا عظم الحبار ولا اي شيء آخر. العلاج اللي عطاجيا هالرجال ، تريدين تسمرين عليه او تتركيه (وانا افضل تركه) .. وتعملين بالعلاج اللي اقوله لج يا اختنا ، تقطعين العلاج وتعطين استراحة للطير اقل شيء يومين واكثر شيء 5 ايام ، وبعدها تبدأين بالعلاج اللي اقوله لج : تروحين لاقرب صديلية بشرية .. تشترين فلاجيل (للأطفال) يكون شراب وليس اقراص ، تضعين ملعقة كوب شاي في ربع لتر ماء وتمزجيه مزج جيد وتعطيه للطير 3 - 5 ايام ، كل 8 ساعات تغيرين الماء ، يعني تجدديه ، وان شاء الله طيرج يتحسن ، وتختفي هالاثار .. يمكن احيانا نستخف بادويتنا البشرية ، وخصوصا الفلاجيل ، تراه مطهر ومعقم للجهاز الهضمي ، واي برودة وفطريات وامراض وغيرها كلها يزيلها .. اتمنى لطيرج العافية ، مع انه من رأيي المتواضع ما فيه علة خطيرة سلامي |
رد: مشكلة مضغ الهواء لدى الكاسكو الرمادي ( مزود بفيديو )
اقتباس:
وعليكم السلآم ورحمة الله وبركاته بالنسبة للتشميس فأنا بصراحة اشمسه بعد ما اروشه :D يعني مو بشكل يومي :rolleyes: وبالنسبة للمكان الصورة تم إلتقاطها أثناء الترويش وهو بدورة المياه ( أعزكم الله ) مو المطبخ وأنا حاطته بزاوية بمدخل البيت يعني يسمعنا ونسمعه وعلى ارتفاع مناسب وجيد التهوية والإناره :rolleyes: وقباله اصدقائه عصافير الحب وشكلهم هم جننوه طول الوقت ما شاء الله تبارك الله عايشين بأجواء رومنسية :eek: نصحوني اشيل العصافير لان الكاسكو بطبعه غيور بس هو تعود عليهم وجربت شلتهم عنه فصار يسكت ومعد يطلع صوت واحسه يدور عليهم :( وإذا شاف أحد بيطلعهم للتهوية يقوم يعفس بالقفص ويصفر يعني طلعوني معاهم :( وبالنسبة للإسهال فـ إلى اليوم ما زال البراز ( أعزكم الله ) سائل :( أنا توقعت بس يوم الخميس ويرجع طبيعي بس القوام لا زال سائل :( فـ إن شاء الله راح اكمل معاه أقراص الأسهال لحد ما تخلص :( الله يجزاك خير عـ الإفاده :D |
رد: مشكلة مضغ الهواء لدى الكاسكو الرمادي ( مزود بفيديو )
اقتباس:
وعليكم السلآم ورحمة الله وبركاته طمنتني الله يجزاك خير يارب :D طيب آخوي يصير اكمل معاه أقراص الأسهال الخمس آيام زي ما قالي صاحب المحل وبعدها اعطيه رآحة لمدة اسبوع وما لآحظت أي تحسن ابتدي في الدواء اللي ذكرته لآنو آخاف آخربط الكاسكو بالادوية !!! وحتى إذا كان الأسهال متوقف عند الكاسكو ما يضره لو عطيته :confused: لآنو باقي الفيتامينات الضرورية للريش :( يعني آخليها لما تنحل مشكلة الإسهال :confused: وهذي صورة للدواء صح هذا اللي تقصده 40 ملجم/ملم :D http://img823.imageshack.us/img823/8494/flagylsusp.jpg وآخر سؤال هل الدواء له أعراض جانبيه ؟؟ :( والله يجزاك خير عـ الإفاده :D |
رد: مشكلة مضغ الهواء لدى الكاسكو الرمادي ( مزود بفيديو )
ما في مانع من اكمال ادوية ابو المحل :)
بس انا من رأيي في الاستبراد والاسهال الدواء البشري اقوى فعالية مع الطير وللعلم والفائدة مسألة لعله البعض يعلم بها ولكن يغفل عنها : لو جمع الفيتامين مع العلاج فما من فائدة فحتما احدهما سيكون اقوى من الآخر مما يضعف عمل الاخر او يلغيه وان لم يكن كذلك -يعني- متساوين في القوة والتركيز فيه احتمال يضر بالطير .. لو كان الفيتامين اقوى : فيه احتمال انه ينشط البكتريا اللي موجودة في الطير او المرض اللي فيه ، الى جنب فائدته للريش او غيره ، واذا كان العلاج اقوى : فاحتمال انه يلغي عمل الفيتامين او يضعفه .. انا دائما افصل ما بين العلاج وبين الفيتامين ، ومن المفضل ان يكون الفيتامين بعد العلاج ، ليعوض على الطير ما فقده ، هذه هي الطريقة الطبية الصحيحة (خبرتني فيها طبيبة بيطرية). بالنسبة للدواء هو نفسه ويمكن تلاقيه باسم ثاني هو metronidazole ، او flagyl ، الاثين نفس الدواء ونفس الفعالية ، وهذا الدواء كما يعرف الكثير انه مضاد للطفيليات والبكتريا. انا اقترح تقطعين الحبوب اللي الان تعطيها للطير ، وبعد يومين تبلشين تعطيه الفلاجيل .. اعيد لج الوصفة : ما تعطيه اكل غير حب الشمس ولمدة 3 اسابيع ، ممنوع اي طعام آخر. تضعين ملعقة كوب شاي في ربع لتر ماء من الدواء المذكور وتمزجيه مزج جيد وتعطيه للطير 3 - 5 ايام ، كل 8 ساعات تغيرين الماء ، يعني تجدديه. واهم شيء تركزين ان يكون الدواء اللي تستخدميه دواء اطفال مو كبار ، ويكون شراب وليس كبسول .. واحرصي على ان تكون النوعية جيدة. وخلال فترة استعمالي الدواء للطيور لم اشاهد اي اثار واعراض جانبية .. وانا انتظر اخبار الطير وشنو يصير معاه. وان شاء الله يتحسن سلامي |
| جميع الأوقات بتوقيت GMT +3. الساعة الآن 01:19 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو