|
رد: تدريب الكاسكو خلال اسبوع فقط
اقتباس:
حياك الله اختي العزيزه طائر الكاسكو من الطيور الذكيه والحساسه حاولي تتقربين من الطير بكل حنيه وصدقيني انا متأكد بانك ماراح تخافين منه وراح تحبينه وايد اختي العزيزه توكلي على الله واشتري واقري خطوات التدريب الي انا كتبتها بالسابق وطبقيها حرفيا وراح تشوفين الفرق بعينك واذا شفتي نفسك خاوافه وموقادره خلي اي شخص عدك في البيت يدربه واخذي النتيجه اتمنالك التوفيق والنجاح وفي حال اي استفسار مستقبلا تلقيني جمبك انا دائما بالخدمه |
رد: تدريب الكاسكو خلال اسبوع فقط
السلام عليكم ورحمه الله وبركاته
الى من يهمه الامر التدريب الحركي للكاسكو خلال اسبوع واحد فقط حياك الله اول شيئ تقليل الاكل لي نص الكميه اليوميه المعتاده رفع القفص عن الارض بارتفاع يناسب طول جسم المدرب اخراج الطير من القفص ووضعه فوق القفص ليتلقى مراحل التدريب تأكيل الطير من اليد مباشرتا بالبدايه ماراح يتقبل وبعدها بياخذ الاكل ولكن للاسف راح يرميه طولة البال ضروريه في هذي المرحله والمعامله الطيبه مهمه ايضا معاملة الطير وكأنه طفل صغير جدا مهمه التكلم مع الطير اثناء التدريب ايضا مهمه بعد كل هذي المعامله اكيد بخف منه الخوف وخف الجعير ويبدأ ياكل من ايد المدرب تكرار هذي المرحل ليتم التاكيد عليه انه ياكل من اليد طريقة المسح على الطير يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ ) تكرار التمرين ياكد حفظ الطير للحركه مهم طريقة الصعود على اليد يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له تكرار التمرين ياكد حفظ الطير للحركه مهم وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات التكلم معه والمسح عليه وهكذا نكون قد انتهينى من مراحل التدريب الحركي ويتبقى تدريبه على الكلام اتمنى لكم التوفيق والنجاح في حال اي استفسار مستقبلا انا موجود و انا دائما بالخدمه ____________________________________ |
رد: تدريب الكاسكو خلال اسبوع فقط
الله يعافيك اخوي سمسار ولا يحرمنا من نصائحك الطيبة ، ..
إن شاء الله ابطبقها وراح يكون لي عودة بإذن واحد احد ، وابجي ابشرك ان الطير توالف معي.. تحياتي العطره لك اخوي:rolleyes: |
رد: تدريب الكاسكو خلال اسبوع فقط
الكاسكو حقي بحمد الله مزبوط
|
رد: تدريب الكاسكو خلال اسبوع فقط
العفو أخوي
بس حبيت أسألك كيف أطلع الطير عالاستاند لأن مايرضى يروح لأي خشبه كانت واحس تدريبه في القفص صعب لأنه يستقوي فيه واذا ممكن اعذرني سافرت ثلاث ايام وصار يقطع ريشه وصار لي اربع أيام راجعه وللحين يقطعه هل ممكن تكون حاله نفسيه؟؟ لأنه متعود أجلس معه كل يوم خصوصا الصبح يمكن فقدني !!!! وهل ممكن يتخلص من هالعادة السيئة؟؟ |
رد: تدريب الكاسكو خلال اسبوع فقط
اقتباس:
حياك الله والحمدلله على سلامه الوصول وان شاء الله تكونين قد استمتعتي بالسفر اختي العزيزه طريقه تطليع الطير من القفص خطواتها كالآتي:- افتحي غطاء القفص العلوي وانزليه بداخل القفص راح تلاحظين الطير يتعلق على الغطاء ارفعي الغطاء وتوجهي به ناحية الاستاند مباشرة ابقي مستوى ارتفاع الغطاء تحت خشبة الاستاند بعدها راح تشوفين ان الطير تلقائيا ينتقل من الغطاء الى الاستاند واما نتف الريش عند الطائر اما ان تكون بسبب غيابك عنه أو نتيجه فايرس وكلا الحالتين عرضه على البيطري للاطمئنان افضل اتمنى لكي التوفيق والنجاح انا دائما بالخدمه |
رد: تدريب الكاسكو خلال اسبوع فقط
موجوده يا ابومحمد بس بالاول احتاج منك بعض الاجوبه اوكي
1-عمر الكاسكو (لون العيون)؟ رصاصي2-الكاسكو أليف ولا لاء؟ 3-جناح الكاسكو كامل ولا مقصوص؟ مقصوص 4-عندك طولة بال على الكاسكو؟ عندي ان شاء الله 5-انت اتخاف من الكاسكو يعضك؟ 6- حاط الكاسكو داخل قفص ولا على استاند؟ قفص |
رد: تدريب الكاسكو خلال اسبوع فقط
اقتباس:
السلام عليكم ورحمه الله وبركاته الى من يهمه الامر التدريب الحركي للكاسكو خلال اسبوع واحد فقط حياك الله اول شيئ تقليل الاكل لي نص الكميه اليوميه المعتاده رفع القفص عن الارض بارتفاع يناسب طول جسم المدرب اخراج الطير من القفص ووضعه فوق القفص ليتلقى مراحل التدريب تأكيل الطير من اليد مباشرتا بالبدايه ماراح يتقبل وبعدها بياخذ الاكل ولكن للاسف راح يرميه طولة البال ضروريه في هذي المرحله والمعامله الطيبه مهمه ايضا معاملة الطير وكأنه طفل صغير جدا مهمه التكلم مع الطير اثناء التدريب ايضا مهمه بعد كل هذي المعامله اكيد بخف منه الخوف وخف الجعير ويبدأ ياكل من ايد المدرب تكرار هذي المرحل ليتم التاكيد عليه انه ياكل من اليد طريقة المسح على الطير يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ ) تكرار التمرين ياكد حفظ الطير للحركه مهم طريقة الصعود على اليد يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له تكرار التمرين ياكد حفظ الطير للحركه مهم وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات التكلم معه والمسح عليه وهكذا نكون قد انتهينى من مراحل التدريب الحركي ويتبقى تدريبه على الكلام اتمنى لكم التوفيق والنجاح في حال اي استفسار مستقبلا انا موجود و انا دائما بالخدمه |
رد: تدريب الكاسكو خلال اسبوع فقط
يسلموا اخوى على المعلومة بس انشالله اشترى الحين انا ادور في قطر بس كلهم غاليه ادور اول يوم ابي اطلع وابي اتعلم اقص الاضافر والريش
|
رد: تدريب الكاسكو خلال اسبوع فقط
اقتباس:
حياك الله اختي اتمنى انك تتوفيقن بشراء الطير الي يدش مزاجك واما تقليم الاظافر فطريقته جدا سهله اذا كان الطير متوحش تاخذين منشفه وتلفينه فيها وتطلعين رجله وتمسكين صبع واحد وتجيبين مبرد الاظافر وتبدين تبردين رأس الاظفر المدبب (الدبوس) وبعدها تكملين على باقي الاظافر واما قص ريش الجنحان اذا كان الطير متوحش تأخذين منشفه وتلفينها فيه وتطلعين جناحه وتفردينه وتحسبين عشر ريشات من الريش الطويل وبعدها تطوفين ثلاث ريشات وقصين سبع انتبهي لاتبدين بالقص الى والجناح مفرود بالكامل وسبع ريشات المختاره تنقص لي حد ريش الجناح الصغير المتواجد على الكتفين اتمنى اني لبيت طلبك وقدرت اوصل لك المعلومه بوضوح اتمنالك التوفيق والنجاح وفي حال أي استفسار مستقبلا تلقيني جمبك انا دائما بالخدمه |
| جميع الأوقات بتوقيت GMT +3. الساعة الآن 12:08 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو