|
رد: اسوي العملية و الا لا؟
اقتباس:
شكرا عزيزتي لمرورك وكلامك .. اني اشوف آراء وتجارب ناس هذا شيء يطمن وخليني اميل اكثر للعملية ... شكرا مرة ثانيه و ربي يحفظ لك قططك :) |
رد: اسوي العملية و الا لا؟
ربنا يقدم اللي فيه الخير؟؟؟؟؟؟؟؟؟؟
|
رد: اسوي العملية و الا لا؟
اقتباس:
آمين الله يسمع منك |
رد: اسوي العملية و الا لا؟
شوفي حبيبتي من تجربتي ربيت ذكور وأقولك ريحة الرش لاتطاااااااااااااق تصررررررع خاصه على الأثاث مهما
غسلتي ونظفتي وعطرتي ماتروح جداً قويه والذكر طول السنه بيتزاوج ومابيكتفي لابأنثى ووحده ولا ثنتين وبيرش للتزاوج وللتحديد منطقته بتتعبين معه أذا كان ماكان غرضك التجاره هوايه فقط وتحبينه ولاتبين غيره توكلي على الله لكن روحي لبيطري شاطر |
رد: اسوي العملية و الا لا؟
اقتباس:
يعني خلاص اتوكل على الله ؟ شورتك وهداية الله ... شكرا عزيزتي طيب .... بعد ما اسوي الجراحه ... هل حيتألم ؟ يعني الجرح نفسه راح يآخذ وقت الى ما يشفى :rolleyes:؟ |
رد: اسوي العملية و الا لا؟
توكلي على الله وخذيها مني مادام شرعا مب حرام ومادامك تبينه معاك على طول ومالك نية انك تستغنين عنه توكلي على الله وسوي العملية يا انه بيصير دلووووووووووووووووووووووووووع وتبتوووووووب وبططططططة يهبل بس يمشي ويتمسح فيك يشوفك قاعدة على الكنبة يجي يقعد بحضنك بدون استئذان ولو شافت مادة يدك يجي يحط راسه تحت يدك يعني امسحي على راسي بتصيرين انتي ملكه وحده ومايخلي اي قط ثاني يقرب منك وصحته ماشاء الله بتصير احسن من قبل وشي ثاني انه نظيف ومايرجع يرش بول ولا يوسخ بغير حمامه لكن نصيحة نصيحة نصيحة من مجرب ومقهور اقطعي الدراي فود عنه تدريجيا بعد العملية لأن فتحة بول الذكر بتصير اضيق والدراي فود يرفع نسبة المغنيسيوم بالدم فيسبب بلورات وحصوات تسد مجرى البول فيحتبس البول داخل المثانة ويرجع للكلية والدم ويتسمم انا عانيت من هالشغلة مع دمدم لمدة شهرين آااااااه ماكنت انام الليل لا انا ولا هو كان مايقدر ينام لأنه حسران ويبي يتبول وانا قلبي يحترق عليه وماني قادرة انام ومن طبيب لطبيب وياكثر الابر والادوية اللي عطوها دمدم الين تحسن من عرفت ان الدراي فود هو السبب قطعته نهائيا اول يومين كان يعصب ويضرب عن الطعام لكن لما جاع اضطر ياكل الموجود واستسلم للامر الواقع والحين ماشالله عليه ماشالله عليه مافي احلى منه حسن ودلال ;) ميرسي . . . |
رد: اسوي العملية و الا لا؟
وبالنسبة للعملية طبعا تخدير كامل تودينه العملية وهو صايم على الاقل 8 ساعات لا اكل ولا ماء قبل العملية علشان البنج:o وبعد العملية راح يكون خدران والطبيب راح يمنع عنه الاكل والماء على الاقل اعتقد 4 ساعات الطبيب راح يوضحلك اكثر والعملية مالها لا جرح ولا اثر ولا دم !!! ثاني يوم بعد العملية وبعد ما يصحصح من البنج راح يرجع طبيعي وياكل ويلعب ولا كأن حصل شي الا اللهم ازعاج التزاوج والنونوه راح تستمر لمدة اسبوع تقريبا الى ان يتأقلم مع وضعه الجديد لكن طبعا بدون رش بول نهائيا;) ميرسي . . . |
رد: اسوي العملية و الا لا؟
عنـدي استفسار صغــير..
كم تكــلفه العمليــه تقــريباً؟؟ لـكم جزيل الشكـــر |
رد: اسوي العملية و الا لا؟
انا من الكويت سويتها بمستشفى الدهماء ب 18 دينار للذكر عند الدكتور جوزيف لكن لو عندك انثى راح يكون السعر من 30 -35 دينار لأن عملية الانثى اصعب . . . |
رد: اسوي العملية و الا لا؟
صراحه , انا قطتي بعد شهر رح اعمل السبرينك..مافي اي مشكله
وانا انصحك انك تعمليها.. جوي |
| جميع الأوقات بتوقيت GMT +3. الساعة الآن 05:14 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو