المشاركة الأصلية كتبت بواسطة روجيادا (المشاركة 3156221)

اعرفهن اخوي ربيت منهن فروخ وطيور بالغه
انا عن نفسي احب اذا باخذ طير مثلا يكون فرخ عشان يتعود علي وعلى روتيني ف البيت واتعود ع الفرخ وطبعه وتقدر تتحكم به عن طريق الاكل
الطير الكبير حتى لوكان اليف ومتكلم لما يجي ع مكان جديد لازم يكون فيه خوف وكل الاسباب اللي خلتك تتحمس للطير ف البدايه وتشتريه من حركات وكلام وولافه كلها راح تختفي ف البدايه لان كل شي تغير عليه ف يخاف الطير بس مع الوقت راح يتطمن ويرجل مثل اول وخوف الطير لما يجي ع مكان جديد وسكوته يخلي صاحب الطير يصيب بالإحباط وطبعا مش كل الطيور نفس الشي منها حتى لو تغير عليها كل شي مايجيها خوف تبقى ع نفس الحركات والكلام
السالفه انها طيور ذكيه وتفهم وكل شي جديدة عليها يخوفها
بس الفروخ يحتاجو اهتمام واااجد وصبر كلما كان اصغر كلما اعتمد عليك اكثر واحتاج عنايه ووقت اكثر اذا بتاخذ فرخ خذلك طير اقل من السنه واكبر من 6 شهور خاصه بالنسبه للكاسكو اما الدره ممكن حتى تاخذ طير عمره ايام اهم شي اهتم بالتدفئه والتغذيه

المشاركة الأصلية كتبت بواسطة فهوش (المشاركة 3156228)

والله ان في راسي أخذ فرخ لاكن قسم بالله اغراني مقاطعه وصاحبه يقول انه يتكلم لاكن ماشفت منه حاجه ... المهم من الاخر بعطيه اسبوع ماتكلم ابيعه بخسارة وأخذ فرخ هولندي .. والله يعيننا على تربيته .. واشكرك على ردك

المشاركة الأصلية كتبت بواسطة فهوش (المشاركة 3156261)

ههههههههههههههههههه هي تخيل اخليه عندي سنه ويقول ميو هههههههههههههههههه والله غبنه ... دام تربية الفروخ صعبه باخذ لي واحد بعمر 4 شهور احسن ... وياويله مايتكلم أو يصفر اذبحه خخخخخخخ

المشاركة الأصلية كتبت بواسطة روجيادا (المشاركة 3156315)

بتاخذ أي نوع اخوي؟ اذا كاسكو ابعد عن هالعمر خذلك فرخ عمره 8 او 9 او 10 شهور يكون بادي ياكل بروحه شوي ومناعته احسن شوي بس لسه يعتبر بعمر حساس واهم شي يكون اليف
واذا دره خذلك طير عمره شهر او شهرين او حتى اقل اهم شي تدفيه وتعطيه الاكل دافي وتهتم بمواقيت التغذيه ولو ان موسم انتاج الدره شهر 3 و4 مش الحين

المشاركة الأصلية كتبت بواسطة AVOCADO (المشاركة 3156336)

الدره الهولندي ما يفرق كثير عن الدره الهندي

اللهم الهولندي يجي الوانه مختلفه

ايضا بعض طيور الدره تكون عندها مهارات متنوعه لا ترتبط بنوعية او فصيله الطير زي ما تكون حاله فرديه شاذه

لذلك اذا كان غرضك ببغاء متكلم وله نسبة ذكاء ابعد عن طير الدره بجميع فصائله سوا كان هولندي نيبالي باكستاني هندي افريقي

المشاركة الأصلية كتبت بواسطة تاجر 2010 (المشاركة 3156360)

انصحك تاخذ فرخ وتربية وتعلمة الكلام بس يبيلة صبر عاد انت وحضك اذا
طلع انثى اتوقع ذكائها وحفظها اقل من الذكر كان عندي فرخ وربيتة لين صار عمرة 7 شهور وبدا يتكلم يقول حبيبي وميتو ويغني وي وي بابا جا ويبوس وكلام كثير بس للأسف كنت ما قاص جناحة وهرب من النافذة الغدار ):

المشاركة الأصلية كتبت بواسطة فهوش (المشاركة 3156358)

فيه مقاطع في اليوتيوب عن الهولندي انه يتكلم ويرقص ... ولا كذب الي نشوفها :(